ᠬᠠᠢᠷᠠᠨ ᠬᠠᠢᠷᠠᠨ᠂ ᠲᠣᠭᠠ ᠦᠭᠡᠢ ᠲᠣᠭᠠ ᠦᠭᠡᠢ - ᠳ· ᠨᠠᠴᠤᠭᠳᠣᠷᠵᠢХайран хайран, тоогүй тоогүй
379 ᠳ· ᠨᠠᠴᠤᠭᠳᠣᠷᠵᠢ
ᠵᠠᠯᠠᠭᠤ ᠬᠦᠦ ᠠᠷᠪᠠᠨ ᠨᠠᠰᠤᠲᠠᠢ
ᠳᠤᠮᠳᠠ ᠰᠤᠷᠭᠠᠭᠤᠯᠢ ᠶ᠋ᠢᠨ ᠡᠷᠳᠡᠮ ᠲᠡᠢ
ᠲᠤᠩ ᠴᠠᠭᠠᠨ ᠴᠢᠷᠠᠢ ᠲᠠᠢ
ᠳᠤᠷᠠᠨ ᠬᠠᠷᠠ ᠨᠢᠳᠦ ᠲᠡᠢ᠃
ᠡᠴᠢᠭᠡ ᠡᠬᠡ ᠨᠢ ᠬᠠᠢᠷᠠ ᠲᠠᠢ
ᠡᠩ ᠦ᠋ᠨ ᠬᠥᠮᠦᠰ ᠴᠦ᠍ ᠡᠷᠬᠢᠮᠯᠡᠨᠡ᠃
ᠭᠡᠷ ᠲᠡᠭᠡᠨ ᠲᠤᠰᠠ ᠲᠠᠢ ᠤᠯᠤᠰ ᠲᠠᠭᠠᠨ ᠬᠡᠷᠡᠭ ᠲᠡᠢ
ᠬᠥᠮᠦᠨ ᠪᠣᠯᠬᠤ ᠨᠢ ᠵᠠᠢᠯᠠᠰᠢ ᠦᠭᠡᠢ ᠪᠢᠯᠡ᠃
ᠬᠠᠮᠤᠭ ᠢ᠋ ᠵᠣᠪᠠᠭᠠᠭᠴᠢ ᠭᠠᠮᠰᠢᠭ
ᠬᠠᠮᠢᠶᠠ ᠦᠭᠡᠢ ᠬᠠᠯᠳᠠᠪᠤᠷᠢ
ᠭᠡᠳᠡᠰᠦᠨ ᠦ᠌ ᠬᠠᠯᠠᠭᠤᠨ ᠡᠪᠡᠳᠴᠢᠨ
ᠬᠠᠢᠷᠠᠨ ᠬᠦᠦ ᠶ᠋ᠢ ᠦᠬᠦᠭᠦᠯᠪᠡ᠃
ᠡᠴᠢᠭᠡ ᠡᠬᠡ ᠨᠢ ᠲᠣᠯᠣᠭᠠᠢ ᠲᠠᠲᠠᠬᠤ ᠦᠭᠡᠢ
ᠡᠮᠭᠡᠨᠢᠵᠦ ᠭᠠᠰᠠᠯᠬᠤ ᠨᠢ ᠪᠠᠷᠠᠰᠢ ᠦᠭᠡᠢ᠃
ᠡᠷᠲᠡᠨ ᠡᠴᠡ ᠰᠡᠷᠭᠡᠢᠯᠡᠭᠰᠡᠨ ᠪᠣᠯᠪᠠᠯ
ᠡᠢᠮᠦ ᠳ᠋ᠦ᠍ ᠬᠡᠷᠬᠢᠨ ᠬᠦᠷᠬᠦ ᠪᠢᠯᠡ᠃
1935 ᠣᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠭᠠᠷᠮᠠ
ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ᠂ ᠣᠳᠬᠠᠨᠰᠣᠠ