ᠨᠢᠭᠡ ᠳᠤᠰᠤᠯ ᠴᠢᠰᠤᠨ ᠳ᠋ᠤ᠌ ᠲᠠᠪᠤᠨ ᠰᠠᠶᠠ- ᠳ· ᠨᠠᠴᠤᠭᠳᠣᠷᠵᠢНэг досол цусанд таван сая-Д.Нацагдорж
383ᠨᠢᠭᠡ ᠳᠤᠰᠤᠯ ᠴᠢᠰᠤᠨ ᠳ᠋ᠤ᠌ ᠲᠠᠪᠤᠨ ᠰᠠᠶᠠ
ᠳ· ᠨᠠᠴᠤᠭᠳᠣᠷᠵᠢ
ᠥᠨᠳᠥᠷ ᠬᠠᠩᠭᠠᠢ ᠬᠠᠯᠵᠠᠨ ᠠᠭᠤᠯᠠ ᠶ᠋ᠢᠨ ᠪᠠᠯ ᠳᠡᠭᠡᠷᠡ
ᠡᠪᠦᠭᠡᠨ ᠲᠠᠷᠪᠠᠭᠠ ᠱᠣᠭᠰᠢᠷᠠᠨ ᠬᠣᠰᠬᠢᠷᠤᠨ ᠰᠠᠭᠤᠨᠠ᠃
ᠠᠩᠴᠢᠨ ᠵᠠᠮᠰᠡᠷᠡᠩ ᠠᠮᠢᠰᠬᠤᠯ ᠳᠠᠷᠤᠨ ᠭᠡᠲᠡᠵᠦ ᠬᠦᠷᠦᠭᠡᠳ
ᠠᠮᠢᠨ ᠵᠢᠷᠦᠬᠡᠨ ᠳ᠋ᠦ᠍ᠨᠢ ᠠᠯᠲᠠᠨ ᠲᠣᠪᠴᠢ ᠶ᠋ᠢ ᠲᠤᠰᠢᠶᠠᠨᠠ᠃
ᠣᠯᠤᠭᠰᠠᠨ ᠣᠯᠵᠠ ᠥᠪᠴᠢᠭᠰᠡᠨ ᠠᠷᠠᠰᠤ ᠨᠤᠭᠤᠳ ᠢ᠋ᠶ᠋ᠠᠨ
ᠬᠣᠷᠰᠢᠶᠠᠨ ᠳ᠋ᠤ᠌ ᠥᠭᠴᠦ ᠬᠣᠨᠵᠢᠵᠤ ᠪᠡᠶᠡᠰᠦᠨᠡ᠃
ᠬᠣᠶᠠᠷ ᠭᠤᠷᠪᠠ ᠳᠥᠷᠪᠡ ᠲᠠᠪᠤ ᠶ᠋ᠢ ᠡᠳᠦᠷ ᠲᠦ᠍ ᠠᠯᠳᠠᠬᠤ ᠦᠭᠡᠢ
ᠬᠣᠨᠵᠢᠪᠤᠷᠢ ᠬᠥᠯᠥᠰᠥ᠂ ᠬᠣᠭᠣᠯᠠ ᠤᠮᠳᠠ ᠳ᠋ᠤ᠌ ᠪᠠᠷᠠᠬᠤ ᠥᠬᠡᠢ᠂
ᠠᠮᠤᠷ ᠠᠮᠤᠭᠤᠯᠠᠩ ᠰᠠᠭᠤᠵᠤ ᠪᠠᠢᠲᠠᠯᠠ
ᠠᠶᠤᠯᠲᠤ ᠡᠪᠡᠳᠴᠢᠨ ᠠᠶᠤᠯᠲᠤ ᠡᠪᠡᠳᠴᠢᠨ
ᠠᠷᠠᠳ ᠲᠦᠮᠡᠨ ᠳ᠋ᠦ᠍ ᠤᠬᠠᠭᠤᠯᠭᠠ ᠵᠠᠷᠯᠠᠯ
ᠠᠷᠠᠴᠢᠯᠠᠵᠤ ᠬᠠᠮᠠᠭᠠᠯᠠᠬᠤ ᠶᠣᠰᠣ ᠵᠢᠷᠤᠮ
ᠠᠯᠢ ᠤᠴᠢᠷ ᠨᠢ ᠮᠡᠳᠡᠭᠳᠡᠬᠦ ᠦᠭᠡᠢ ᠶᠠᠳᠠᠵᠤ ᠪᠠᠢᠲᠠᠯᠠ
ᠠᠶᠤᠯᠲᠤ ᠲᠠᠬᠤᠯ ᠤ᠋ᠨ ᠨᠢᠶᠠᠨ ᠥᠴᠦᠬᠡᠨ ᠠᠮᠢᠲᠠᠨ ᠤ᠋ ᠲᠤᠬᠠᠢ
ᠳ᠋ᠣᠺᠲ᠋ᠣᠷ ᠠ᠋ᠴᠠ ᠲᠠᠨᠢᠭᠤᠯᠤᠭᠰᠠᠨ ᠨᠢ
ᠨᠢᠭᠡ ᠳᠤᠰᠤᠯ ᠴᠢᠰᠤᠨ ᠳ᠋ᠤ᠌ ᠲᠠᠪᠤᠨ ᠰᠠᠶᠠ ᠭᠡᠨᠡ᠃
1935 ᠣᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣᠶᠤᠨᠪᠠᠲᠤ
ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ᠂ ᠭᠠᠷᠮᠠ᠂ ᠣᠳᠬᠠᠨᠰᠤᠠ