ᠴᠢᠰᠤᠲᠤ ᠪᠠᠢᠯᠳᠤᠭᠠᠨ- ᠳ· ᠨᠠᠴᠤᠭᠳᠣᠷᠵᠢЦуст байлдаан-Д.Нацагдорж
278 ᠳ·ᠨᠠᠴᠤᠭᠳᠣᠷᠵᠢ
ᠤᠯᠠᠭᠠᠨ ᠴᠡᠷᠢᠭ ᠦ᠋ᠨ ᠬᠦᠴᠦᠨ ᠪᠠᠭᠠᠲᠤᠷᠯᠢᠭ
ᠥᠩᠭᠡᠯᠵᠡᠭᠴᠢ ᠳᠠᠢᠰᠤᠨ ᠢ᠋ ᠲᠤᠯᠤᠨ ᠳᠠᠷᠤᠨᠠ᠃
ᠤᠯᠠᠭᠠᠨ ᠴᠢᠰᠤᠨ ᠤ᠋ ᠲᠥᠭᠥᠷᠢᠭ ᠪᠥᠭᠡᠮ
ᠳᠠᠭᠠᠷᠢᠭᠴᠢ ᠨᠢᠶᠠᠨ ᠢ᠋ ᠡᠰᠡᠷᠭᠦᠴᠡᠨ ᠰᠥᠨᠥᠭᠡᠨᠡ᠃
ᠲᠥᠷᠥ ᠤᠯᠤᠰ ᠢ᠋ ᠬᠠᠮᠠᠭᠠᠯᠠᠬᠤ ᠶ᠋ᠢᠨ ᠲᠤᠯᠠ
ᠠᠷᠠᠳ ᠤ᠋ᠨ ᠴᠡᠷᠢᠭ ᠪᠠᠢᠳᠠᠭ᠃
ᠲᠥᠷᠥᠭᠰᠡᠨ ᠪᠡᠶᠡ ᠶ᠋ᠢ ᠬᠠᠮᠠᠭᠠᠯᠠᠬᠤ ᠶ᠋ᠢᠨ ᠲᠥᠯᠥᠭᠡ
ᠴᠢᠰᠤᠨ ᠤ᠋ ᠴᠡᠷᠢᠭ ᠪᠠᠰᠠ ᠪᠠᠢᠨᠠ᠃
ᠤᠯᠤᠰ ᠤ᠋ᠨ ᠴᠡᠷᠢᠭ ᠭᠡᠭᠴᠢ
ᠠᠷᠠᠳ ᠤ᠋ᠨ ᠬᠡᠦᠬᠡᠳ ᠢ᠋ ᠬᠡᠯᠡᠵᠡᠢ᠃
ᠴᠢᠰᠤᠨ ᠤ᠋ ᠴᠡᠷᠢᠭ ᠭᠡᠭᠴᠢ
ᠥᠴᠦᠬᠡᠨ ᠪᠥᠭᠡᠮ ᠢ᠋ ᠥᠭᠦᠯᠡᠵᠢ᠃
ᠡᠷᠳᠡᠨᠢᠲᠦ ᠬᠥᠮᠦᠨ ᠦ᠌ ᠪᠡᠶᠡ ᠣᠯᠳᠠᠰᠢ ᠦᠭᠡᠢ
ᠡᠨᠡ ᠮᠠᠬᠠᠪᠣᠳ ᠪᠦᠲᠦᠭᠰᠡᠨ ᠨᠢ ᠭᠠᠢᠬᠠᠮᠰᠢᠭ᠂
ᠡᠪᠡᠳᠴᠢᠨ ᠲᠠᠬᠤᠯ ᠭᠠᠳᠠᠨᠠ ᠠ᠋ᠴᠠ ᠬᠠᠯᠳᠠᠬᠤ ᠳ᠋ᠤ᠌
ᠡᠰᠡᠷᠭᠦᠴᠡᠬᠦ ᠮᠠᠬᠠᠪᠣᠳ ᠳᠣᠲᠣᠷᠠ ᠠ᠋ᠴᠠ ᠪᠠᠢᠯᠳᠤᠨᠠ᠃
ᠠᠷᠠᠳ ᠤ᠋ᠨ ᠴᠡᠷᠢᠭ ᠬᠢᠯᠢ ᠬᠢᠵᠠᠭᠠᠷ ᠢ᠋ ᠬᠠᠷᠠᠵᠤ
ᠡᠳᠦᠷ ᠰᠥᠨᠢ ᠦᠭᠡᠢ ᠮᠡᠨᠡᠨᠡ᠃
ᠴᠢᠰᠤᠨ ᠤ᠋ ᠴᠡᠷᠢᠭ ᠰᠤᠳᠠᠰᠤ ᠪᠦᠬᠦᠨ ᠢ᠋ ᠰᠠᠬᠢᠵᠤ
ᠭᠱᠠᠨ ᠬᠣᠷᠣᠮ ᠦᠭᠡᠢ ᠰᠡᠷᠭᠡᠢᠯᠡᠨᠡ᠃
ᠬᠥᠮᠦᠨ ᠦ᠌ ᠵᠢᠷᠦᠬᠡ ᠴᠢᠯᠥᠭᠡ ᠵᠠᠪ ᠦᠭᠡᠢ ᠴᠣᠬᠢᠨᠠ᠂
ᠪᠡᠶᠡ ᠶ᠋ᠢᠨ ᠴᠢᠰᠤ ᠲᠡᠭᠦᠨ ᠢ᠋ ᠳᠠᠭᠠᠯᠳᠤᠨ ᠭᠦᠶᠦᠨᠡ᠃
ᠨᠢᠭᠡ ᠥᠴᠦᠬᠡᠨ ᠨᠢᠶᠠᠨ ᠢᠷᠡᠪᠡᠯ
ᠮᠢᠩᠭᠠᠨ ᠨᠥᠬᠥᠳ ᠢ᠋ ᠳᠠᠭᠤᠳᠠᠨ ᠲᠡᠮᠡᠴᠡᠨᠡ᠃
ᠬᠡᠨ ᠭᠡᠳᠡᠭ ᠢ᠋ᠶ᠋ᠡᠨ ᠥᠪᠡᠷ ᠢ᠋ᠶ᠋ᠡᠨ ᠮᠡᠳᠡᠬᠦ ᠦᠭᠡᠢ ᠲᠡᠷᠡ
ᠴᠢᠨᠦ ᠪᠡᠶᠡ ᠶ᠋ᠢ ᠬᠠᠮᠠᠭᠠᠯᠠᠵᠤ ᠪᠠᠢᠬᠤ ᠳ᠋ᠤ᠌
ᠬᠥᠮᠦᠨ ᠴᠢ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠪᠡᠶᠡ ᠪᠡᠨ
ᠡᠪᠡᠳᠴᠢᠨ ᠡᠴᠡ ᠶᠠᠭᠤᠨ ᠳ᠋ᠤ᠌ ᠰᠡᠷᠭᠡᠢᠯᠡᠬᠦ ᠦᠭᠡᠢ ᠪᠠᠢᠨᠠ?
2935 ᠣᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠷᠳᠡᠨᠢᠭᠣᠤᠠ
ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ᠂ ᠣᠳᠬᠠᠨᠰᠣᠠ