ᠲᠡᠩᠵᠢᠨ ᠪᠠᠨᠳᠢ- ᠳ· ᠨᠠᠴᠤᠭᠳᠣᠷᠵᠢДэнжин банди-Д.Нацагдорж
281 ᠳ· ᠨᠠᠴᠤᠭᠳᠣᠷᠵᠢ
ᠰᠢᠷᠠ ᠥᠩᠭᠡ ᠶ᠋ᠢᠨ ᠲᠣᠷᠭᠠᠨ ᠳᠡᠪᠡᠯ ᠳᠡᠭᠡᠷᠡ
ᠬᠦᠷᠡᠩ ᠥᠩᠭᠡ ᠶ᠋ᠢᠨ ᠳᠤᠷᠳᠤᠮ ᠣᠷᠢᠶᠠᠵᠤ
ᠱᠠᠪ ᠬᠡᠭᠰᠡᠨ ᠵᠠᠯᠠᠭᠤ ᠡᠷᠡ
ᠱᠠᠵᠢᠨ ᠤ᠋ ᠡᠮᠦᠰᠬᠡᠯ ᠢ᠋ ᠡᠮᠦᠰᠴᠡᠢ᠃
ᠬᠥᠭᠰᠢᠨ ᠡᠮᠡᠭᠡᠳ ᠨᠠᠰᠤᠲᠠᠢ ᠡᠪᠦᠭᠡᠳ ᠬᠤᠸᠠᠷᠠᠭ ᠭᠡᠭᠳᠡᠵᠦ
ᠬᠡᠦᠬᠡᠳ ᠨᠢᠯᠬᠠᠰ ᠵᠠᠯᠠᠭᠤ ᠢᠳᠡᠷᠴᠦᠳ ᠲᠦ᠍ ᠪᠠᠨᠲᠠᠢ ᠭᠡᠭᠳᠡᠵᠦ
ᠬᠥᠮᠦᠨ ᠦ᠌ ᠶᠣᠰᠣ ᠰᠤᠷᠲᠠᠯ ᠢ᠋ ᠮᠡᠳᠡᠬᠦ ᠶ᠋ᠢᠨ ᠡᠷᠬᠡ ᠦᠭᠡᠢ ᠨᠣᠮᠯᠠᠵᠤ
ᠬᠥᠨᠳᠡᠯᠡᠨ ᠰᠠᠭᠤᠵᠤ ᠮᠣᠷᠢ ᠭᠤᠶᠠᠳᠠᠨ ᠵᠠᠬᠠ ᠳᠡᠭᠡᠷᠡ ᠵᠣᠭᠣᠭᠳᠠᠨᠠ᠃
ᠰᠠᠢᠨ ᠳᠤᠷᠠ ᠪᠠᠨ ᠬᠦᠷᠪᠡᠯ ᠪᠤᠶᠠᠨ ᠨᠣᠮ ᠪᠤᠷᠬᠠᠨ ᠢ᠋ ᠶᠠᠷᠢᠨᠠ
ᠰᠠᠢᠨ ᠡᠳᠦᠷ ᠢ᠋ᠶ᠋ᠡᠨ ᠲᠣᠬᠢᠶᠠᠯᠳᠤᠪᠠᠯ
ᠰᠠᠷᠬᠤᠳ ᠨᠠᠩᠴᠢᠳ ᠵᠣᠭᠣᠭᠯᠠᠨᠠ᠃
ᠰᠠᠢᠬᠠᠨ ᠪᠦᠰᠡᠭᠦᠢ ᠦᠵᠡᠪᠡᠯ ᠪᠦᠬᠦᠨ ᠢ᠋ ᠮᠠᠷᠲᠠᠨ ᠳᠠᠪᠬᠢᠵᠤ
ᠰᠠᠢᠪᠤᠷ ᠮᠣᠷᠢ ᠵᠢᠷᠣᠭᠠ ᠮᠣᠷᠢ ᠶ᠋ᠢ ᠬᠣᠣᠰᠯᠠᠭᠤᠯᠤᠨ ᠡᠳ᠋ᠯᠡᠨᠡ᠃
ᠱᠠᠵᠢᠨ ᠤ᠋ ᠶᠣᠰᠣ ᠶ᠋ᠢ ᠪᠠᠷᠢᠮᠲᠠᠯᠠᠨ ᠨᠥᠬᠥᠴᠡᠭᠰᠡᠨ ᠬᠠᠨᠢ ᠦᠭᠡᠢ
ᠭᠡᠪᠡᠴᠦ ᠰᠠᠨᠠᠭᠠ ᠬᠦᠰᠡᠯ ᠢ᠋ᠶ᠋ᠡᠨ ᠵᠢᠷᠤᠮᠯᠠᠨ
ᠰᠠᠮᠠᠭᠤᠨ ᠰᠡᠳᠬᠢᠯ ᠳ᠋ᠦ᠍ ᠠᠪᠲᠠᠭᠳᠠᠨᠠ᠃
ᠰᠠᠨᠸᠠᠷ ᠰᠠᠬᠢᠯ ᠭᠡᠵᠦ ᠬᠣᠭᠣᠰᠣᠨ ᠳᠦᠷᠢ ᠦᠵᠡᠭᠦᠯᠪᠡᠴᠦ
ᠰᠠᠮᠠᠭᠤᠨ ᠤ᠋ ᠦᠷᠡ ᠡᠪᠡᠳᠴᠢᠨ ᠦ᠌ ᠥᠷᠲᠡᠭᠡ ᠦᠨᠡᠨ ᠳ᠋ᠡᠭᠡᠨ ᠪᠣᠯᠵᠠᠢ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠭᠠᠲᠤᠷ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ