ᠬᠤᠷᠳᠤᠨ ᠮᠣᠷᠢХурдан морь
425ᠬᠤᠷᠳᠤᠨ ᠮᠣᠷᠢ
ᠨᠡᠭᠦᠳᠡᠯᠴᠢᠨ ᠮᠣᠩᠭᠣᠯᠴᠤᠳ ᠤ᠋ᠨ ᠬᠤᠪᠢ ᠳ᠋ᠤ᠌ ᠬᠦᠯᠦᠭ ᠮᠣᠷᠢ ᠣᠨᠴᠠᠭᠠᠢ ᠦᠢᠯᠡᠳᠦᠯ ᠲᠡᠢ ᠃ ᠬᠣᠶᠠᠷ ᠮᠢᠩᠭᠠ ᠭᠠᠷᠤᠢ ᠵᠢᠯ ᠦ᠋ᠨ ᠲᠡᠷᠲᠡᠭᠡ ᠡᠴᠡ ᠮᠣᠷᠢᠨ ᠤᠷᠤᠯᠳᠤᠭᠠᠨ ᠨᠢ ᠮᠣᠩᠭᠣᠯᠴᠤᠳ ᠤ᠋ᠨ ᠦᠨᠳᠦᠰᠦᠲᠡᠨ ᠦ᠌ ᠶᠡᠬᠡ ᠪᠠᠶᠠᠷ ᠴᠡᠩᠭᠡᠯ ᠪᠠᠢᠭᠰᠠᠭᠠᠷ ᠢᠷᠡᠭᠰᠡᠨ ᠃ ᠬᠤᠷᠳᠤᠨ ᠮᠣᠷᠢ ᠶ᠋ᠢ ᠰᠢᠨᠵᠢᠬᠦ ᠂ ᠤᠷᠤᠯᠳᠤᠭᠤᠯᠬᠤ ᠂ ᠴᠣᠯᠠᠯᠠᠬᠤ᠂ ᠭᠤᠶᠤᠬᠤ ᠨᠢ ᠪᠡᠶᠡ ᠳᠠᠭᠠᠭᠠᠭᠰᠠᠨ ᠤᠷᠠᠯᠢᠭ ᠂ ᠰᠣᠶᠣᠯ ᠢᠷᠭᠡᠨᠰᠢᠯ ᠦ᠋ᠨ ᠥᠪᠡᠷᠮᠢᠴᠡ ᠮᠡᠳᠡᠯᠭᠡ ᠤᠬᠠᠭᠠᠨ ᠶᠤᠮ ᠃ ᠬᠠᠮᠤᠭ ᠤ᠋ᠨ ᠬᠤᠷᠳᠤᠨ ᠮᠣᠷᠢᠳ ᠢ᠋ ᠬᠣᠶᠠᠷ ᠨᠠᠰᠤᠨ ᠠ᠋ᠴᠠ ᠨᠢ ᠡᠬᠢᠯᠡᠨ ᠰᠣᠩᠭᠣᠨᠠ᠃ ᠳᠠᠭᠠ᠂ ᠰᠢᠳᠦᠯᠡᠩ᠂ ᠬᠢᠵᠠᠭᠠᠯᠠᠩ᠂ ᠰᠣᠶᠣᠭᠠᠯᠠᠩ᠂ ᠶᠡᠬᠡ ᠨᠠᠰᠤ ᠪᠠ ᠠᠵᠢᠷᠭᠠ ᠭᠡᠰᠡᠨ ᠵᠢᠷᠭᠤᠭᠠᠨ ᠨᠠᠰᠤᠨ ᠤ᠋ ᠠᠩᠭᠢᠯᠠᠯ ᠳ᠋ᠤ᠌ ᠣᠷᠣᠯᠳᠣᠭᠤᠯᠳᠠᠭ᠃ ᠶᠠᠭ ᠯᠠ ᠲᠠᠮᠢᠷᠴᠢᠨ ᠢ᠋ ᠲᠡᠮᠡᠴᠡᠭᠡᠨ ᠳ᠋ᠦ᠍ ᠪᠡᠯᠡᠳᠴᠦ ᠪᠣᠢ ᠮᠡᠲᠦ ᠣᠷᠣᠯᠳᠣᠬᠤ ᠮᠣᠷᠢᠳ ᠢ᠋ ᠭᠤᠴᠢ ᠬᠣᠨᠣᠭ ᠤ᠋ᠨ ᠡᠮᠦᠨᠡ ᠡᠴᠡ ᠬᠣᠭᠣᠯᠠ ᠤᠮᠳᠠ ᠶ᠋ᠢ ᠨᠢ ᠲᠣᠬᠢᠷᠠᠭᠤᠯᠤᠨ ᠡᠳᠦᠷ ᠳᠣᠳᠣᠮ ᠳᠠᠪᠬᠢᠭᠤᠯᠤᠨ ᠰᠣᠷᠢᠵᠤ ᠪᠡᠯᠡᠳᠬᠡᠬᠦ ᠶ᠋ᠢ ᠮᠣᠷᠢ ᠤᠶᠠᠬᠤ ᠭᠡᠵᠦ ᠶᠠᠷᠢᠳᠠᠭ᠃
ᠮᠣᠷᠢ ᠤᠷᠤᠯᠳᠤᠭᠤᠯᠬᠤ ᠶ᠋ᠢᠨ ᠡᠮᠦᠨᠡ ᠭᠠᠷᠤᠭᠠᠨ ᠳ᠋ᠤ᠌ ᠪᠡᠯᠡᠳᠬᠦ ᠦᠶᠡ ᠳ᠋ᠦ᠍ ᠬᠡᠦᠬᠡᠳ ᠪᠠᠭᠠᠴᠤᠳ ᠭᠢᠩᠭᠤ ᠠᠶᠠᠯᠳᠠᠭ ᠃ ᠭᠢᠩᠭᠤ ᠭᠡᠵᠦ ᠨᠠᠷᠠᠨ ᠤ᠋ ᠪᠤᠷᠬᠠᠨ ᠬᠥᠷᠥᠰᠥᠲᠦ ᠳᠡᠯᠡᠬᠡᠢ ᠳ᠋ᠦ᠍ ᠬᠤᠷᠳᠤᠨ ᠮᠣᠷᠢ ᠪᠠᠨ ᠬᠥᠯᠭᠡᠯᠡᠨ ᠢᠷᠡᠵᠦ᠂ ᠮᠣᠷᠢ ᠬᠡᠦᠬᠡᠳ ᠬᠣᠶᠠᠷ ᠢ᠋ ᠠᠮᠤᠭᠤᠯᠠᠩ ᠥᠯᠵᠡᠢᠲᠡᠢ ᠪᠠᠢᠬᠤ ᠶ᠋ᠢ ᠪᠡᠯᠭᠡᠳᠡᠭᠰᠡᠨ ᠤᠷᠠᠢ ᠶᠤᠮ᠃
ᠭᠢᠩᠭᠤ ᠶ᠋ᠢᠨ ᠤᠶᠠᠩᠭᠠᠯᠢᠭ ᠠᠶᠠᠨ ᠳ᠋ᠤ᠌ ᠬᠤᠷᠳᠤᠨ ᠮᠣᠷᠢᠳ ᠤᠶᠠᠷᠠᠵᠤ ᠭᠠᠷᠤᠭᠠ ᠪᠠᠨ ᠵᠥᠪ ᠣᠯᠳᠠᠭ ᠭᠡᠵᠦ ᠦᠵᠡᠳᠡᠭ ᠶᠦᠮ ᠃ ᠤᠷᠤᠯᠳᠤᠭᠠᠨ ᠳ᠋ᠤ᠌ ᠲᠦᠷᠦᠭᠦᠯᠡᠭᠰᠡᠨ ᠮᠣᠷᠢ ᠶ᠋ᠢ ᠲᠦᠮᠡᠨ ᠦ᠌ ᠡᠬᠢ ᠭᠡᠰᠡᠨ ᠴᠣᠯᠠ ᠥᠭᠴᠦ ᠮᠠᠭᠲᠠᠨ ᠰᠢᠯᠦᠭᠯᠡᠵᠦ ᠠᠶᠠᠯᠭᠤᠯᠠᠨ ᠬᠡᠯᠡᠬᠦ ᠶ᠋ᠢ ᠮᠣᠷᠢᠨ ᠤ᠋ ᠴᠣᠯᠠ ᠳᠠᠭᠤᠳᠠᠬᠤ ᠭᠡᠨᠡ᠃ ᠬᠠᠮᠤᠭ ᠤ᠋ᠨ ᠲᠦᠷᠦᠭᠦᠨ ᠳ᠋ᠦ᠍ ᠢᠷᠡᠭᠰᠡᠨ ᠮᠣᠷᠢ ᠶ᠋ᠢ ᠲᠦᠷᠦᠭᠦᠦ᠂ ᠬᠣᠶᠠᠷ ᠲᠤ᠌ ᠢᠷᠡᠭᠰᠡᠨ ᠮᠣᠷᠢ ᠶ᠋ᠢ ᠠᠮᠠᠨ ᠬᠦᠵᠦᠭᠦᠦ ᠂ ᠭᠤᠷᠪᠠ ᠳ᠋ᠤ᠌ ᠢᠷᠡᠭᠰᠡᠨ ᠢ᠋ ᠠᠢᠷᠠᠭ ᠤ᠋ᠨ ᠭᠤᠷᠪᠠ ᠂ ᠳᠥᠷᠪᠡ ᠳ᠋ᠦ᠍ ᠢᠷᠡᠭᠰᠡᠨ ᠢ᠋ ᠠᠢᠷᠠᠭ ᠤ᠋ᠨ ᠳᠥᠷᠪᠡ ᠂ ᠲᠠᠪᠤ ᠳ᠋ᠤ᠌ ᠢᠷᠡᠭᠰᠡᠨ ᠢ᠋ ᠨᠢ ᠠᠢᠷᠠᠭ ᠤ᠋ᠨ ᠲᠠᠪᠤ ᠭᠡᠵᠦ ᠨᠡᠷᠡᠯᠡᠳᠡᠭ ᠃ ᠳᠠᠭᠠᠨ ᠤ᠋ ᠤᠷᠤᠯᠳᠤᠭᠠᠨ ᠳ᠋ᠤ᠌ ᠬᠠᠮᠤᠭ ᠤ᠋ᠨ ᠰᠡᠭᠦᠯ ᠢᠷᠡᠭᠰᠡᠨ ᠳᠠᠭᠠ ᠶ᠋ᠢ ᠪᠠᠷᠢᠵᠤ ᠪᠠᠶᠠᠨ ᠬᠣᠳᠣᠭᠠᠳᠣ ᠭᠡᠮᠡᠨ ᠥᠬᠥᠭᠡᠷᠳᠡᠨ ᠴᠣᠯᠠᠯᠠᠵᠤ ᠲᠦᠷᠦᠭᠦᠯᠡᠭᠰᠡᠨ ᠳᠠᠭᠠ ᠲᠠᠢ ᠢᠵᠢᠯ ᠱᠠᠩᠨᠠᠯ ᠣᠯᠭᠣᠳᠠᠭ ᠶᠤᠮ ᠪᠠᠢᠨᠠ ᠃
ᠮᠣᠩᠭᠣᠯᠴᠤᠳ ᠡᠷᠲᠡᠨ ᠡᠴᠡ ᠮᠣᠷᠢᠨ ᠤ᠋ ᠲᠣᠨᠣᠭ ᠬᠡᠷᠡᠭᠰᠡᠯ ᠪᠦᠬᠦᠯᠢ ᠪᠦᠲᠦᠨ ᠰᠣᠶᠣᠯ ᠲᠠᠢ ᠪᠠᠢᠵᠤ ᠡᠮᠡᠭᠡᠯ ᠂ ᠬᠠᠵᠠᠭᠠᠷ ᠂ ᠳᠥᠷᠥᠭᠡ᠂ ᠬᠤᠳᠠᠷᠭᠠ᠂ ᠬᠥᠮᠥᠯᠳᠥᠷᠭᠡ ᠭᠡᠳ ᠮᠣᠷᠢᠨ ᠤ᠋ ᠭᠣᠶᠣᠯᠠᠯ ᠢ᠋ ᠣᠯᠠᠨ ᠯᠠᠩ ᠮᠥᠩᠭᠥ ᠪᠡᠷ ᠮᠠᠰᠢ ᠨᠠᠷᠢᠨ ᠬᠢᠴᠡᠲᠡᠢ ᠤᠷᠠᠯᠠᠳᠠᠭ ᠪᠠᠢᠭᠰᠠᠨ ᠶᠤᠮ ᠭᠡᠨᠡ ᠰᠢᠦ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠰ᠂ ᠳᠣᠷᠣᠨᠠ
ᠬᠢᠨᠠᠭᠴᠢ᠄ ᠢᠷᠡᠭᠡᠳᠦᠢ