ᠢᠨᠵᠠᠭᠠᠨ ᠵᠦᠰᠡ1(ᠰᠣᠯᠣᠩᠭᠠᠨ ᠨᠠᠢᠷᠠᠭᠯᠠᠯ※) – ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ - Янзган зүс 1(солонгон найраглал※)Ёндоны Билиг - Баатар
286ᠨᠢᠭᠡ ᠬᠥᠬᠡ
— ᠪᠤᠤᠴᠠᠩ ᠪᠠᠯᠭᠠᠰᠤᠨ ᠳ᠋ᠤᠷ
ᠪᠤᠳᠠᠩ ᠮᠠᠨᠠᠨ ᠪᠤᠲᠠᠷᠠᠬᠤᠶᠠ
ᠪᠣᠳᠣᠯᠭᠠᠨ ᠤ᠋ ᠮᠢᠨᠢ ᠳᠣᠲᠣᠷᠠ
ᠪᠤᠯᠠᠭᠠᠲᠤᠬᠤᠢ ᠨᠤᠲᠤᠭ ᠰᠠᠨᠠᠭᠳᠠᠮᠤᠢ
(※ ᠮᠢᠨᠦ ᠶᠡᠬᠡ ᠠᠬᠠ ᠶᠣᠨᠳᠣᠨ ᠤ᠋ ᠪᠠᠲᠤ— ᠰᠦᠬᠡ
1974 ᠣᠨ ᠳ᠋ᠤ᠌ ᠪᠢᠴᠢᠵᠦ ᠪᠠᠢᠭᠰᠠᠨ ᠰᠢᠯᠦᠭ ᠪᠥᠯᠥᠭᠡ)
ᠨᠢᠭᠡ ᠬᠥᠬᠡ
ᠨᠠᠷᠠᠨ ᠤ᠋ ᠠᠯᠲᠠᠨ ᠠᠮᠢᠰᠬᠤᠭᠠᠨ ᠰᠠᠴᠤᠷᠠᠭ ᠰᠢᠭ᠋
ᠨᠠᠷᠢᠨ ᠵᠥᠭᠡᠯᠡᠬᠡᠨ ᠢᠨᠵᠠᠭᠠᠨ ᠵᠦᠰᠡ ᠲᠠ
ᠰᠠᠢᠬᠠᠨ ᠰᠣᠷᠮᠤᠤᠰᠤ ᠶ᠋ᠢ ᠮᠢᠨᠢ ᠦᠨᠦᠷᠯᠡᠩᠬᠡᠨ
ᠰᠠᠨᠠᠭᠠᠨ ᠤ᠋ ᠶᠢᠷᠲᠢᠨᠴᠦ ᠳ᠋ᠦ᠍ ᠨᠠᠮᠢᠷᠠᠭᠠ ᠤᠤ?
ᠥᠬᠢᠨ ᠴᠠᠭᠠᠨ ᠪᠤᠯᠪᠠᠷᠠᠢ ᠴᠣᠭᠴᠢᠰ ᠲᠤ ᠮᠢᠨᠢ
ᠠᠯᠢᠶᠠᠬᠠᠨ ᠬᠣᠩᠭᠣᠷᠬᠠᠨ ᠨᠢᠭᠡᠨ ᠯᠤᠭᠰᠢᠯᠲᠠ
ᠠᠯᠢ ᠵᠠᠪ ᠦᠭᠡᠢ ᠯᠡ
ᠳᠡᠩᠳᠡᠭᠦᠦ ᠬᠡᠢᠷᠬᠡᠨ ᠣᠭᠰᠢᠨ
ᠠᠯᠠᠭᠬᠠᠨ ᠵᠢᠭᠠᠬᠠᠨ ᠵᠢᠷᠦᠬᠡ ᠮᠢᠨᠢ
ᠳᠡᠩᠳᠡᠷᠡᠭᠡ ᠤᠤ ᠳᠠ
ᠤᠷᠢᠳᠤ ᠰᠥᠨᠢ ᠶ᠋ᠢᠨ
ᠰᠣᠨᠢᠬᠠᠨ ᠵᠡᠭᠦᠳᠦᠨ ᠳ᠋ᠡᠭᠡᠨ
ᠬᠥᠭᠰᠢᠨ ᠡᠨᠡ ᠮᠠᠭᠤ ᠪᠡᠶᠡ
ᠬᠡᠦᠬᠡᠨ ᠬᠤᠪᠢᠯᠤᠭᠰᠠᠨ ᠪᠠᠢᠬᠤ ᠨᠢ ᠰᠢᠦ
ᠡᠷᠡ ᠬᠦᠢᠰᠦ ᠪᠡᠨ
ᠭᠣᠯᠣᠭᠰᠠᠨ ᠤ᠋ ᠤᠤ
ᠠᠯᠢᠪ ᠶᠡᠷᠦᠨᠢ ᠰᠦᠨᠡᠰᠦ
ᠬᠤᠪᠢᠯᠤᠭᠰᠠᠨ ᠤ᠋ ᠤᠤ
ᠡᠷᠡ ᠶ᠋ᠢᠨ ᠳᠣᠲᠣᠷᠠ ᠠᠨᠤ
ᠡᠮᠡ ᠠᠮᠢ ᠣᠷᠣᠰᠢᠳᠠᠭ ᠭᠡᠪᠡᠦ
ᠡᠮᠡ ᠶ᠋ᠢᠨ ᠰᠤᠭᠤᠨ ᠳ᠋ᠤ᠌ ᠢᠨᠤ
ᠡᠷᠡ ᠰᠦᠭ ᠬᠣᠨᠣᠳᠠᠭ ᠭᠡᠪᠡᠦ ᠁
ᠠᠷᠪᠠᠨ ᠭᠤᠷᠪᠠ ᠰᠢᠷᠬᠠᠳᠤᠭᠰᠠᠨ
ᠠᠵᠢᠷᠭᠠᠨ ᠬᠥᠬᠡ ᠴᠢᠨᠣᠠ ᠪᠢ
ᠠᠭᠰᠢᠷᠠᠭᠠᠳ ᠢᠷᠡᠬᠦ ᠪᠡᠷ ᠢ᠋ᠶ᠋ᠡᠨ
ᠥᠯᠥᠭᠴᠢᠨ ᠴᠢᠨᠣᠠ ᠪᠠᠢᠬᠤ ᠭᠡᠵᠦ ᠤᠤ
ᠠᠷᠠᠢ ᠴᠤ᠌ ᠳᠠ ᠬᠥᠭᠡᠷᠦᠬᠦᠢ
ᠠᠷᠠᠭᠠᠨ ᠳ᠋ᠠᠭᠠᠨ ᠵᠠᠭᠤᠳᠠᠯ ᠲᠠᠢ ᠡᠷᠡ
ᠠᠷᠭᠠ ᠪᠠᠷᠠᠭᠳᠠᠬᠤ ᠪᠠᠷ ᠢ᠋ᠶ᠋ᠠᠨ
ᠠᠳᠤᠭᠤᠨ ᠰᠠᠯᠬᠢ ᠪᠠᠨ ᠭᠡᠭᠡᠬᠦ ᠭᠡᠵᠦ ᠤᠤ
᠁ ᠦᠭᠡᠢ ᠰᠢᠦ᠂ ᠬᠠᠷᠢᠨ᠂ ᠦᠭᠡᠢ ᠠ᠋
᠁ ᠦᠬᠡᠷ ᠵᠢᠯ ᠲᠡᠢ ᠰᠢᠦ ᠳᠡ᠂ ᠪᠢ ᠴᠢᠨᠢ
᠁ ᠦᠨᠡᠨ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠶᠠᠪᠤᠬᠤ ᠠ᠋ᠴᠠ
᠁ ᠦᠨᠡᠭᠡᠨ ᠦ᠌ ᠤᠯᠠᠭᠠᠨ ᠨᠢ ᠰᠠᠢᠬᠠᠨ
ᠵᠠᠯᠭᠠᠮᠵᠢ ᠪᠣᠢ! ᠤᠩᠰᠢᠭᠴᠢ ᠮᠢᠨᠢ
2024᠂ 6᠂ 4 – 6᠂ 5 01᠄ 09᠃ ᠦᠦᠷ᠃
ᠬᠥᠬᠡᠬᠣᠲᠠᠨᠠ ᠲᠤᠩᠭᠠᠯᠠᠭ ᠪᠦᠲᠦᠭᠡᠪᠡᠢ᠃