ᠠᠯᠲᠠᠨ ᠬᠠᠭᠠᠨ ᠤ ᠠᠳᠤᠭᠤᠨ ᠪᠡᠯᠴᠢᠭᠡᠷ – ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ Алтан хааны адуун билчээр - Ёндоны Билиг - Баатар
264ᠠᠯᠲᠠᠨ ᠬᠠᠭᠠᠨ ᠤ ᠠᠳᠤᠭᠤᠨ ᠪᠡᠯᠴᠢᠭᠡᠷ
( ᠳᠠᠭᠤᠨ ᠤ ᠰᠢᠯᠦᠭ )
1
ᠠᠪᠳᠠᠷᠷᠠᠨᠲᠤ ᠶ᠋ᠢᠨ ᠬᠦᠷᠡᠩ ᠬᠥᠬᠡ ᠠᠭᠤᠯᠠᠰ ᠨᠢ
ᠠᠷᠬᠢᠷᠩᠬᠠᠨ ᠰᠤᠨᠢᠶᠠᠨᠬᠠᠭᠠᠳ ᠰᠦᠷᠲᠡᠢᠬᠡᠨ ᠪᠠᠢᠭᠠ
ᠠᠷᠢᠭᠤᠨ ᠲᠤᠩᠭᠠᠯᠠᠭ ᠠᠳᠤᠭᠤᠨ ᠭᠣᠣᠯ ᠨᠢ
ᠠᠷᠲᠠᠢᠬᠠᠨ ᠮᠢᠷᠠᠯᠵᠠᠭᠠᠳ ᠲᠦᠯᠬᠢᠨ ᠪᠠᠢᠭᠠ
ᠠᠯᠲᠠᠨ ᠬᠠᠭᠠᠨ ᠤ᠋ ᠮᠢᠨᠢ ᠤᠤᠭᠠᠨ ᠨᠡᠢᠰᠯᠡᠯ ᠨᠢ
ᠠᠯᠤᠰ ᠠ᠋ᠴᠠ ᠴᠡᠩᠬᠡᠷᠯᠡᠭᠡᠳ ᠬᠥᠭᠵᠢᠯᠲᠡᠢᠬᠡᠨ ᠪᠠᠢᠭᠠ
ᠠᠷᠭᠤᠮᠠᠭ ᠣᠩᠭᠣᠨ ᠠᠳᠤᠭᠤᠨ ᠰᠦᠷᠦᠭ ᠦ᠋ᠨ ᠬᠢᠨᠢ
ᠠᠭᠤᠳᠠᠮ ᠪᠡᠯᠴᠢᠭᠡᠷ ᠠᠯᠠᠭᠯᠠᠭᠠᠳ ᠠᠮᠤᠭᠤᠯᠤᠩᠬᠠᠨ ᠪᠠᠢᠭᠠ
( ᠳᠠᠬᠢᠯᠲᠠ)
ᠢᠵᠠᠭᠤᠷᠲᠠᠨ ᠤ᠋ ᠡᠷᠲᠡᠨ ᠦ᠌ ᠬᠡᠭᠡᠷᠡ ᠲᠠᠯᠠ
ᠠᠢ ᠳᠠ ᠶᠠᠭᠤᠲᠠᠢ ᠰᠠᠢᠬᠠᠨ
ᠶᠢᠷᠲᠢᠨᠴᠦ ᠶ᠋ᠢᠨ ᠮᠢᠩᠭᠠ ᠮᠢᠩᠭᠠᠨ ᠠᠶᠠᠯᠠᠭᠤ
ᠶᠡᠷᠦ ᠡᠴᠡ ᠪᠠᠨ ᠯᠠ ᠮᠣᠩᠭᠣᠯ ᠰᠣᠨᠣᠰᠬᠤᠯᠠᠩ ᠲᠠᠢ ᠶᠤᠮ ᠠ᠋ ᠬᠦ
2
ᠭᠠᠯᠠᠭᠤᠳ ᠤ᠋ᠨ ᠭᠠᠩᠭᠠᠩ ᠮᠥᠩᠭᠥᠨ ᠴᠤᠪᠤᠭᠠ ᠨᠢ
ᠭᠠᠵᠠᠷ ᠤ᠋ᠨ ᠬᠣᠯᠠ ᠠ᠋ᠴᠠ ᠨᠠᠮᠢᠯᠵᠠᠭᠠᠳ ᠴᠤᠤᠷᠢᠶᠠ ᠲᠠᠢ ᠪᠠᠢᠭᠠ
ᠭᠠᠷᠠᠬᠠᠨ ᠰᠠᠴᠤᠷᠠᠩᠭᠤᠢ ᠥᠨᠳᠥᠷ ᠨᠠᠷᠠᠨ ᠨᠢ
ᠭᠠᠯᠬᠠᠨ ᠠᠮᠢᠰᠬᠤᠭᠠ ᠪᠠᠷ ᠰᠣᠯᠣᠩᠭᠠᠷᠠᠭᠠᠳ ᠪᠠᠶᠠᠰᠬᠤᠯᠠᠩ ᠲᠠᠢ ᠪᠠᠢᠭᠠ
ᠲᠡᠭᠷᠢ ᠶ᠋ᠢᠨ ᠬᠠᠶᠠᠭᠠᠨ ᠤ᠋ ᠭᠠᠳᠢᠷᠰᠤᠨ ᠬᠣᠲᠠ ᠨᠢ
ᠲᠡᠮᠡᠭᠡᠨ ᠵᠡᠷᠭᠡᠯᠭᠡᠨ ᠳ᠋ᠦ᠍ ᠲᠤᠤᠯᠢᠰᠯᠠᠭᠠᠳ ᠳᠠᠭᠤᠷᠢᠰᠬᠤᠯᠠᠩ ᠲᠠᠢ ᠪᠠᠢᠭᠠ
ᠲᠦᠮᠡᠳ ᠶᠥᠩᠰᠢᠶᠠᠩᠪᠤᠤ ᠠᠭᠤᠤ ᠣᠪᠣᠭᠲᠠᠨ ᠨᠢ
ᠲᠠᠩᠰᠤᠭ ᠨᠤᠲᠤᠭ ᠢ᠋ᠶ᠋ᠠᠨ ᠥᠮᠥᠭᠡᠷᠡᠭᠡᠳ ᠣᠮᠣᠭᠯᠠᠩ ᠪᠠᠢᠭᠠ
( ᠳᠠᠬᠢᠯᠲᠠ)
ᠬᠥᠨᠳᠡᠯᠡᠨ ᠭᠤᠯᠳᠤ ᠳᠠᠪᠬᠢᠯᠳᠤᠭᠰᠠᠨ ᠬᠦᠯᠦᠭ ᠮᠣᠷᠢᠳ
ᠠᠢ ᠳᠠ ᠬᠥᠭᠡᠷᠦᠬᠦᠢ ᠶᠠᠭᠤᠲᠠᠢ ᠵᠢᠪᠬᠤᠯᠠᠩ
ᠳᠠᠢᠴᠢᠳ ᠤ᠋ᠨ ᠮᠢᠬᠠᠷ ᠰᠡᠯᠡᠮᠡ ᠤᠭ ᠠ᠋ᠴᠠ ᠪᠠᠨ ᠯᠠ
ᠳᠠᠶᠠᠩ ᠳᠡᠯᠡᠬᠡᠢ ᠶ᠋ᠢᠨ ᠡᠩᠬᠡ ᠤᠷᠢᠶᠠ ᠲᠠᠢ ᠶᠤᠮ ᠠ᠋ ᠬᠦ
3
ᠪᠢᠯᠢᠭ ᠪᠠᠭᠠᠲᠤᠷ ᠤ᠋ᠨ ᠷᠣᠮᠠᠨ ᠵᠥᠪ ᠷᠢᠳᠢ ᠨᠢ
ᠪᠢᠴᠢᠭ ᠦᠰᠦᠭ ᠢ᠋ᠶ᠋ᠡᠨ ᠣᠨᠢᠰᠤᠭᠯᠠᠭᠠᠳ ᠰᠡᠷᠭᠦᠯᠡᠩ ᠪᠠᠢᠭᠠ
ᠤᠰᠤᠨ ᠪᠥᠮᠪᠥᠷᠴᠡᠭ ᠦ᠋ᠨ ᠬᠥᠮᠦᠨ ᠠᠷᠠᠳ ᠨᠢ
ᠦᠢᠯᠡ ᠬᠡᠷᠡᠭ ᠢ᠋ᠶ᠋ᠡᠨ ᠭᠢᠯᠠᠯᠵᠠᠭᠤᠯᠤᠭᠠᠳ ᠡᠯᠢᠭᠡ ᠪᠦᠲᠦᠨ ᠪᠠᠢᠭᠠ
ᠬᠠᠯᠠᠭᠤᠨ ᠵᠤᠨ ᠤ᠋ ᠪᠠᠨ ᠵᠢᠷᠭᠤᠭᠠᠨ ᠰᠠᠷᠠ ᠳ᠋ᠤ᠌ ᠨᠢ
ᠬᠠᠯᠢᠭᠤᠨ ᠬᠥᠬᠥᠭᠡ ᠳᠣᠩᠭᠣᠳᠤᠭᠠᠳ ᠬᠠᠮᠤᠭ ᠵᠢᠷᠭᠠᠯ ᠲᠠᠢ ᠪᠠᠢᠭᠠ
ᠬᠠᠮᠢᠭᠠᠭᠤᠷ ᠵᠣᠷᠴᠢᠭ᠌ᠰᠠᠨ ᠴᠦ᠍ ᠲᠣᠭᠲᠠᠭᠤᠨ ᠬᠥᠳᠡᠭᠡ ᠮᠢᠨᠢ
ᠮᠡᠯᠮᠡᠢ ᠪᠠᠶᠠᠰᠬᠠᠭᠠᠳ ᠱᠠᠭᠠᠵᠠᠭᠠᠢ ᠢᠷᠦᠭᠡᠯ ᠲᠡᠢ ᠪᠠᠢᠭᠠ
( ᠳᠠᠬᠢᠯᠲᠠ)
ᠠᠯᠲᠠᠨ ᠬᠠᠭᠠᠨ ᠤ᠋ ᠠᠳᠤᠭᠤᠨ ᠤ᠋ ᠪᠡᠯᠴᠢᠭᠡᠷ
ᠠᠢ ᠳᠠ ᠬᠥᠭᠡᠷᠦᠬᠦᠢ ᠶᠠᠭᠤᠲᠠᠢ ᠨᠠᠮᠤᠭᠤᠬᠠᠨ
ᠠᠯᠳᠠᠷᠲᠤ ᠵᠢᠩᠭᠠᠷ ᠤ᠋ᠨ ᠠᠷᠤ ᠪᠤᠮᠪᠠ ᠶ᠋ᠢᠨ ᠣᠷᠣᠨ
ᠠᠯᠢᠨ ᠭᠠᠯᠪᠠ ᠠ᠋ᠴᠠ ᠪᠠᠨ ᠯᠠ ᠢᠷᠠᠭᠤ ᠡᠭᠡᠰᠢᠭᠯᠡᠩ ᠲᠡᠢ ᠶᠦᠮ ᠠ᠋ ᠬᠦ
2024᠂ 6᠂ 4᠂ 04᠄ 49 ᠦᠦᠷ ᠢ᠋ᠶ᠋ᠡᠷ ᠃
ᠪᠢᠴᠢᠭ ᠦ᠋ᠨ ᠥᠷᠥᠭᠡᠨ ᠳ᠋ᠡᠭᠡᠨ ᠪᠡᠶᠡᠰᠦᠨ ᠪᠠᠢᠵᠤ
ᠣᠩᠭᠣᠳ ᠢ᠋ᠶ᠋ᠠᠨ ᠠᠷᠭᠠᠳᠠᠩᠬᠠᠨ ᠪᠠᠢᠵᠤ
ᠬᠥᠬᠡᠬᠣᠲᠠᠨᠠ ᠬᠢᠴᠢᠶᠡᠩᠭᠦᠢᠯᠡᠩᠭᠡᠨ ᠪᠠᠢᠵᠤ ᠪᠦᠲᠦᠭᠡᠪᠡᠢ᠃