ᠬᠣᠷᠯᠣ ᠡᠷᠭᠢᠭᠦᠯᠦᠭᠴᠢ ᠡᠵᠢ ᠮᠢᠨᠢХорол эргүүлэгч ээж минь
337ᠬᠣᠷᠯᠣ ᠡᠷᠭᠢᠭᠦᠯᠦᠭᠴᠢ ᠡᠵᠢ ᠮᠢᠨᠢ
ᠬᠣᠯᠠ ᠣᠢᠷᠠ ᠳ᠋ᠤ᠌ ᠪᠠᠢᠭᠠ ᠬᠡᠦᠬᠡᠳ ᠦ᠋ᠳ ᠦ᠋ᠨ ᠢ᠋ᠶ᠋ᠡᠨ ᠲᠥᠯᠥᠭᠡ ᠭᠡᠵᠦ
ᠬᠣᠭᠣᠯᠠ ᠢᠳᠡᠭᠡᠨ ᠦ᠌ ᠳᠡᠭᠡᠵᠢ ᠪᠡᠨ ᠪᠤᠷᠬᠠᠨ ᠳ᠋ᠤ᠌ ᠡᠷᠭᠦᠨ ᠵᠠᠯᠪᠠᠷᠢᠵᠤ
ᠬᠣᠷᠸᠠ ᠶ᠋ᠢᠨ ᠰᠠᠢᠨ ᠰᠠᠢᠬᠠᠨ ᠢ᠋ ᠳᠠᠭᠠᠳᠬᠠᠵᠤ
ᠬᠣᠷᠯᠣ ᠡᠷᠭᠢᠭᠦᠯᠦᠨ ᠰᠢᠪᠰᠢᠵᠦ ᠪᠠᠢᠨᠠ
ᠬᠣᠨᠣᠭ ᠡᠳᠦᠷ ᠢ᠋ ᠲᠣᠭᠠᠯᠠᠨ᠂ ᠵᠤᠯᠠ ᠬᠦᠵᠢ ᠠᠰᠠᠭᠠᠨ
ᠬᠣᠶᠠᠷ ᠠᠯᠠᠭᠠ ᠪᠠᠨ ᠬᠠᠪᠰᠤᠷᠤᠨ ᠵᠤᠯᠠᠢ ᠪᠤᠭᠤᠷᠤᠯᠲᠤᠭᠤᠯᠤᠨ ᠵᠠᠯᠪᠠᠷᠢᠵᠤ ᠪᠠᠢᠨᠠ
ᠪᠤᠷᠬᠠᠨ ᠭᠦᠩᠭᠠᠷᠠᠸᠠ ᠶ᠋ᠢᠨ ᠢ᠋ᠶ᠋ᠡᠨ ᠡᠮᠦᠨᠡ ᠮᠠᠨᠢ ᠲᠣᠭᠠᠯᠠᠨ ᠪᠥᠭᠴᠥᠭᠡᠨᠡᠭᠰᠡᠭᠡᠷ
ᠮᠠᠰᠢᠳᠠ ᠭᠦᠨ ᠶᠣᠰᠣ ᠶ᠋ᠢ ᠪᠡᠶᠡ ᠪᠡᠷ ᠢ᠋ᠶ᠋ᠡᠨ ᠮᠡᠳᠡᠷᠡᠭᠰᠡᠭᠡᠷ ᠶᠠᠪᠤᠨᠠ ᠳᠠ᠂
ᠡᠭᠦᠯᠡ ᠰᠠᠭᠤᠭᠰᠠᠨ ᠨᠢᠳᠦ
ᠦᠷᠴᠢᠯᠡᠭᠡᠰᠦ ᠳᠦᠭᠦᠷᠦᠭᠰᠡᠨ ᠴᠢᠷᠠᠢ
ᠭᠠᠵᠠᠷ ᠲᠤᠯᠵᠤ ᠪᠣᠰᠬᠤ ᠭᠠᠷ ᠨᠢ ᠴᠤ᠌ ᠮᠣᠢᠭᠠ᠂ ᠬᠥᠯ ᠨᠢ ᠴᠦ᠍ ᠮᠠᠢᠭᠠ
ᠭᠠᠳᠠᠨᠠ ᠨᠢᠭᠡ ᠭᠠᠷᠬᠤ ᠰᠠᠨ ᠭᠡᠵᠦ
ᠭᠠᠩᠳᠠᠭᠰᠠᠨ ᠳᠡᠪᠡᠯ ᠦ᠋ᠨ ᠬᠣᠷᠮᠣᠢ ᠳ᠋ᠤ᠌ ᠪᠦᠳᠦᠴᠢᠨ ᠠᠯᠬᠤᠬᠤ ᠳ᠋ᠤᠷ
ᠭᠠᠯᠪᠠ ᠳ᠋ᠤ᠌ ᠭᠠᠭᠴᠠᠬᠠᠨ ᠡᠵᠢ ᠶ᠋ᠢᠨ ᠮᠢᠨᠢ ᠬᠥᠭᠰᠢᠷᠡᠵᠦ ᠪᠠᠢᠭᠠ ᠶ᠋ᠢᠨ ᠵᠢᠷᠤᠭ ᠴᠤ᠌ ᠶᠤᠮ ᠤᠤ ᠳᠠ
ᠪᠤᠭᠤᠷᠤᠯ ᠭᠡᠵᠢᠭᠡ ᠨᠢ ᠰᠠᠯᠬᠢᠨ ᠳ᠋ᠤ᠌ ᠬᠡᠢᠰᠬᠦᠯᠡᠷ
ᠪᠣᠳᠣᠯ ᠳᠣᠲᠣᠷᠠ ᠡᠮᠵᠡᠭᠯᠡᠵᠦ ᠢᠷᠡᠬᠦ ᠶᠦᠮ
ᠪᠣᠯᠳᠠᠭ ᠰᠠᠨ ᠪᠣᠯ ᠪᠢ ᠨᠢᠯᠬᠠᠷᠠᠵᠤ᠂
ᠪᠤᠭᠤᠷᠤᠯ ᠡᠵᠢ ᠮᠢᠨᠢ ᠵᠠᠯᠠᠭᠤᠵᠢᠭᠰᠠᠨ ᠪᠠᠢᠬᠤ ᠶᠤᠮ ᠰᠠᠨ
ᠬᠣᠷᠸᠠ ᠳ᠋ᠤ᠌ ᠪᠢᠳᠡ ᠡᠵᠢ ᠳ᠋ᠡᠭᠡᠨ ᠢᠷᠡᠭᠰᠡᠨ ᠶᠦᠮ
ᠬᠣᠷᠯᠣ ᠡᠷᠭᠢᠭᠦᠯᠦᠨ ᠡᠵᠢ ᠮᠢᠨᠢ
ᠬᠣᠷᠸᠠ ᠳ᠋ᠤ᠌ ᠪᠢᠳᠡᠨ ᠢ᠋ ᠪᠡᠨ ᠰᠠᠨᠠᠬᠤ ᠶᠤᠮ
ᠬᠣᠶᠠᠷᠬᠠᠨ ᠠᠷᠭᠠᠮᠵᠢᠶᠠ ᠭᠠᠵᠠᠷ ᠠ᠋ᠴᠠ ᠴᠤ᠌ ᠡᠵᠢ ᠳ᠋ᠡᠭᠡᠨ ᠢᠷᠡᠵᠦ ᠪᠠᠢᠭᠠᠷᠠᠢ
ᠬᠣᠨᠣᠭ ᠡᠳᠦᠷ ᠦ᠋ᠨ ᠤᠷᠲᠤ ᠳ᠋ᠤ᠌ ᠡᠵᠢ ᠶ᠋ᠢ ᠪᠡᠨ ᠰᠠᠭᠠᠲᠠᠭᠤᠯᠵᠤ ᠪᠠᠢᠭᠠᠷᠠᠢ
ᠬᠣᠷᠸᠠ ᠭᠡᠳᠡᠭ ᠠᠭᠤᠵᠢᠭᠤ ᠴᠤ᠌
ᠬᠣᠷᠯᠣ ᠡᠷᠭᠢᠭᠦᠯᠦᠭᠴᠢ ᠡᠵᠢ ᠶ᠋ᠢᠨ ᠰᠡᠳᠬᠢᠯ ᠨᠠᠷᠠᠨ ᠤ᠋ ᠭᠡᠷᠡᠯ ᠮᠡᠲᠦ ᠬᠤᠷᠴᠠ ᠶᠤᠮ
ᠬᠣᠯᠠ ᠬᠣᠯᠠ ᠶ᠋ᠢᠨ ᠭᠠᠵᠠᠷ ᠠ᠋ᠴᠠ ᠡᠵᠢ ᠳ᠋ᠦ᠍ ᠪᠡᠨ ᠪᠠᠢᠩᠭᠤ ᠢᠷᠡᠭᠡᠷᠡᠢ
ᠪᠠᠢᠭᠠᠯᠢ ᠳᠡᠯᠡᠬᠡᠢ ᠳ᠋ᠦ᠍ ᠮᠥᠩᠬᠡ ᠶ᠋ᠢᠨ ᠤᠰᠤ ᠭᠡᠵᠦ ᠪᠠᠢᠬᠤ ᠦᠭᠡᠢ
ᠪᠠᠢᠬᠤ ᠶ᠋ᠢᠨ ᠴᠠᠭ ᠲᠤ ᠡᠵᠢ ᠶ᠋ᠢ ᠪᠡᠨ ᠪᠠᠶᠠᠷᠯᠠᠭᠤᠯᠬᠤ ᠶ᠋ᠢ ᠪᠣᠳᠣᠭᠠᠷᠠᠢ
ᠪᠠᠶᠠᠷᠯᠠᠪᠠᠯ ᠡᠵᠢ ᠮᠢᠨᠢ ᠪᠠᠷᠢᠭᠰᠠᠨ᠂ ᠲᠠᠯᠪᠢᠭᠰᠠᠨ ᠢ᠋ᠶ᠋ᠠᠨ ᠠᠯᠳᠠᠵᠤ
ᠪᠠᠷᠠᠭᠤᠨ ᠵᠡᠭᠦᠨ ᠬᠠᠴᠠᠷ ᠢ᠋ ᠴᠢᠨᠢ ᠦᠨᠦᠰᠴᠦ ᠯᠡ ᠥᠭᠭᠦᠨᠡ ᠳᠡ ᠬᠥᠭᠡᠷᠦᠬᠦᠢ
ᠬᠦᠰᠡᠬᠦ ᠶ᠋ᠢᠨ ᠳᠡᠭᠡᠳᠦ ᠬᠡᠦᠬᠡᠳ ᠨᠢ ᠡᠷᠡᠭᠦᠯ ᠪᠠᠢᠬᠤ
ᠬᠦᠷᠦᠭᠡᠳ ᠢᠷᠡᠬᠦ ᠴᠤ᠌ ᠪᠢᠯᠢᠤ ᠭᠡᠵᠦ ᠬᠥᠮᠦᠨ ᠦ᠌ ᠯᠡ ᠬᠠᠷᠠᠭᠰᠠᠨ ᠰᠡᠳᠬᠢᠯ
ᠬᠥᠭᠡᠷᠦᠬᠦᠢ ᠪᠤᠭᠤᠷᠤᠯ ᠡᠵᠢ ᠮᠢᠨᠢ ᠬᠡᠦᠬᠡᠳ ᠦ᠋ᠳ ᠡᠴᠡ ᠪᠡᠨ ᠶᠠᠭᠤ ᠯᠠ ᠬᠦᠰᠡᠬᠦ ᠪᠢᠯᠡ
ᠬᠦᠷᠴᠦ ᠣᠴᠢᠭᠠᠳ ᠵᠣᠯᠭᠠᠬᠤ ᠶ᠋ᠢᠨ ᠰᠠᠨᠠᠭᠠ ᠪᠠᠢᠯᠭᠦᠢ ᠡᠪᠡᠢ᠂
ᠠᠯᠳᠠᠭᠤᠷᠠᠵᠤ ᠭᠠᠷᠤᠭᠰᠠᠨ ᠬᠦᠯᠦᠭ ᠴᠤ᠌ ᠢᠵᠢᠯᠢ ᠳ᠋ᠦ᠍ ᠪᠡᠨ ᠢᠷᠡᠳᠡᠭ ᠦ᠋ᠨ ᠶᠣᠰᠣ ᠪᠣᠢ
ᠠᠯᠤᠰ ᠲᠤ ᠪᠠᠢᠭᠠ ᠦᠷᠡᠰ ᠨᠢ ᠡᠵᠢ ᠳ᠋ᠡᠭᠡᠨ ᠣᠴᠢᠬᠤ ᠶ᠋ᠢᠨ ᠵᠢᠷᠤᠮ ᠪᠣᠢ
ᠣᠴᠢᠨᠠ ᠳᠠ ᠡᠵᠢ ᠮᠢᠨᠢ
ᠣᠳᠣ ᠪᠠᠷ ᠢ᠋ᠶ᠋ᠠᠨ ᠪᠢ ᠭᠠᠷᠤᠯᠠ
ᠰᠠᠨᠠᠭᠠ ᠵᠣᠪᠠᠯᠭᠠᠨ ᠦᠭᠡᠢ ᠰᠠᠢᠬᠠᠨ ᠶᠠᠪᠤᠭᠠᠳ ᠣᠴᠢᠨᠠ
ᠡᠷᠢᠭᠡ ᠮᠠᠨᠢ ᠪᠠᠨ ᠲᠣᠭᠠᠯᠠᠵᠤ᠂ ᠬᠣᠷᠯᠣ ᠬᠦᠷᠳᠦ ᠪᠡᠨ ᠡᠷᠭᠢᠭᠦᠯᠦᠨ
ᠡᠷᠬᠡᠯᠡᠵᠦ ᠰᠠᠨᠠᠬᠤ ᠶ᠋ᠢᠨ ᠳᠡᠭᠡᠳᠦ ᠡᠵᠢ ᠮᠢᠨᠢ ᠠᠮᠤᠭᠤᠯᠠᠩ ᠰᠠᠭᠤᠵᠤ ᠪᠠᠢᠭᠠᠷᠠᠢ
ᠬᠣᠷᠯᠣ ᠡᠷᠭᠢᠭᠦᠯᠦᠭᠴᠢ ᠡᠵᠢ ᠮᠢᠨᠢ
ᠬᠣᠷᠸᠠ ᠡᠷᠭᠢᠭᠰᠡᠭᠡᠷ
ᠬᠣᠯᠠ ᠣᠢᠷᠠ ᠶ᠋ᠢᠨ ᠵᠠᠢ ᠳ᠋ᠤ᠌ ᠬᠡᠦᠬᠡᠳ ᠦ᠋ᠳ ᠨᠢ ᠲᠠᠨ ᠢ᠋ ᠰᠠᠨᠠᠭᠰᠠᠭᠠᠷ ᠪᠠᠢᠨᠠ
ᠶᠠᠪᠤᠭᠠᠳ ᠣᠴᠢᠯᠠ ᠶᠠᠭ ᠣᠳᠣ ᠲᠠ ᠶᠠᠭᠠᠷᠠᠵᠤ ᠪᠠᠶᠠᠷᠯᠠᠵᠤ ᠪᠠᠢᠬᠤ ᠶ᠋ᠢ ᠨᠢ ᠮᠡᠳᠡᠵᠦ ᠪᠠᠢᠨᠠ
ᠶᠠᠩᠵᠢᠩᠰᠠᠨ ᠪᠤᠷᠬᠠᠨ ᠰᠢᠭ᠋ ᠡᠵᠢ ᠮᠢᠨᠢ ᠠ᠋
ᠡᠩᠭᠡᠷ ᠡᠩᠭᠡᠷ ᠦ᠋ᠨ ᠡᠩᠬᠦᠷᠡᠢᠯᠡᠯ
ᠡᠨᠡ ᠽᠠᠮᠪᠤᠲᠢᠢᠪ ᠤ᠋ᠨ ᠬᠥᠮᠦᠰ
ᠡᠵᠢ ᠶ᠋ᠢᠨ ᠢ᠋ᠶ᠋ᠡᠨ ᠳᠡᠷᠭᠡᠳᠡ ᠦᠷᠭᠦᠯᠵᠢ ᠶ᠋ᠢᠨ ᠠᠮᠤᠭᠤᠯᠠᠩ
ᠠᠮᠢᠯᠠᠭᠤᠯᠤᠭᠴᠢ᠄ ᠬᠠᠰᠴᠢᠮᠡᠭ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠸᠠ ᠠᠯᠲᠠᠨ᠌ᠠ᠋ᠭᠤᠯᠠ