ᠬᠡᠭᠡᠷᠡ ᠶ᠋ᠢᠨ ᠴᠠᠢ- ᠳ· ᠫᠦᠷᠪᠦᠳᠣᠷᠵᠢХээрийн цай-Д.Пүрэвдорж
528 ᠳ· ᠫᠦᠷᠪᠦᠳᠣᠷᠵᠢ
ᠬᠣᠯᠠ ᠵᠠᠮ ᠤ᠋ᠨ ᠲᠣᠭᠣᠰᠣᠨ ᠠ᠋ᠴᠠ ᠰᠤᠭᠤᠷᠠᠨ
ᠬᠣᠷᠣᠮᠬᠠᠨ ᠵᠠᠭᠤᠷᠠ ᠦᠳᠡᠯᠡᠨ ᠰᠠᠭᠠᠳᠠᠬᠤᠢ
ᠬᠥᠬᠡ ᠲᠩᠷᠢ ᠳ᠋ᠦ᠍ ᠪᠠᠭᠤᠭᠰᠠᠨ ᠶᠤᠮ ᠰᠢᠭ᠋
ᠬᠥᠳᠡᠭᠡ ᠭᠠᠵᠠᠷ ᠰᠡᠳᠬᠢᠯ ᠲᠠᠯᠪᠢᠭᠤᠷᠠᠨᠠ
ᠭᠣᠯᠣᠮᠲᠠ ᠪᠠᠳᠠᠷᠠᠭᠠᠬᠤ ᠭᠤᠷᠪᠠᠨ ᠴᠢᠯᠠᠭᠤ
ᠭᠣᠣᠯ ᠤ᠋ᠨ ᠵᠠᠬᠠ ᠳ᠋ᠤ᠌ ᠴᠢᠨᠳᠠᠮᠤᠨᠢᠯᠠᠨ ᠲᠤᠯᠬᠤᠢ ᠦᠳᠡ ᠶ᠋ᠢᠨ
ᠭᠠᠯ ᠤᠲᠤᠭᠠ ᠦᠭᠡᠢ ᠨᠣᠴᠣᠵᠤ
ᠡᠭᠦᠯᠡ ᠬᠥᠪᠦᠭᠰᠡᠨ ᠴᠠᠢ ᠳᠡᠷᠬᠢᠨᠡ᠃
ᠰᠡᠩᠭᠢᠨᠡᠮᠡ ᠬᠦᠢᠲᠡᠨ ᠠᠢᠷᠠᠭ ᠭᠡᠮᠡᠷ
ᠰᠡᠷᠢᠭᠦᠬᠡᠨ ᠠᠭᠠᠷ ᠠᠮᠢᠰᠬᠤᠭᠠ ᠲᠡᠯᠡᠬᠦᠢ
ᠢᠰᠬᠡᠷᠬᠦ ᠲᠡᠳᠦᠢ ᠭᠠᠯ ᠬᠥᠭᠵᠢᠨ
ᠢᠳᠡᠭᠡᠰᠢᠬᠦ ᠴᠠᠢ ᠬᠠᠮᠠᠷ ᠴᠣᠷᠭᠢᠨᠠ᠃
ᠬᠡᠭᠡᠷᠡ ᠶ᠋ᠢᠨ ᠴᠠᠢ ᠠ᠋ᠴᠠ ᠨᠠᠪᠴᠢ ᠦᠨᠦᠷᠲᠦᠨᠡ
ᠬᠡᠨᠵᠡ ᠨᠣᠭᠣᠭᠠᠨ ᠠᠭᠢ ᠦᠨᠦᠷᠲᠦᠨᠡ
ᠰᠠᠢᠬᠠᠨ ᠴᠡᠴᠡᠭ ᠦ᠋ᠨ ᠪᠠᠯ ᠦᠨᠦᠷᠲᠦᠨᠡ
ᠰᠠᠮᠤᠷᠤᠭᠠ ᠦᠭᠡᠢ ᠠᠲᠠᠯᠠ ᠪᠠᠨ ᠰᠢᠷᠠ ᠲᠣᠰᠣ ᠦᠨᠦᠷᠲᠦᠨᠡ᠃
ᠠᠶᠠᠨ ᠤ᠋ ᠲᠣᠭᠣᠭᠠᠨ ᠳ᠋ᠤ᠌ ᠳᠡᠪᠡᠷᠡᠬᠦ ᠤᠮᠳᠠᠭᠠᠨ ᠠ᠋ᠴᠠ
ᠠᠶᠠᠭᠠ ᠳᠦᠭᠦᠷᠡᠩ ᠳᠡᠭᠡᠵᠢᠯᠡᠵᠦ ᠰᠠᠭᠤᠬᠤᠢ
ᠠᠮᠢᠳᠤ ᠶᠠᠪᠤᠭᠠ ᠳ᠋ᠤ᠌ ᠪᠠᠨ ᠤᠤᠭᠤᠵᠤ ᠦᠵᠡᠭᠡ ᠦᠭᠡᠢ
ᠠᠮᠲᠠᠲᠤ ᠴᠠᠢ ᠭᠡᠵᠦ ᠤᠤᠯᠭᠠ ᠠᠯᠳᠠᠨᠠ᠂
ᠡᠨᠡ ᠴᠠᠢ ᠠ᠋ᠴᠠ ᠠᠭᠠᠷ ᠠᠮᠲᠠᠭᠳᠠᠨᠠ
ᠡᠵᠢ ᠶ᠋ᠢᠨ ᠴᠠᠢ ᠶ᠋ᠢᠨ ᠠᠭᠠᠭ ᠠᠮᠲᠠᠭᠳᠠᠨᠠ
ᠡᠬᠡ ᠭᠠᠵᠠᠷ ᠤ᠋ᠨ ᠰᠢᠮᠡ ᠠᠮᠲᠠᠭᠳᠠᠨᠠ
ᠡᠰᠡ ᠰᠦᠯᠡᠪᠡᠴᠦ ᠰᠦ ᠠᠮᠲᠠᠭᠳᠠᠨᠠ
ᠭᠠᠨᠵᠤᠭᠠ ᠨᠡᠢᠯᠡᠬᠦ ᠠᠶᠠᠨ ᠤ᠋ ᠨᠥᠬᠥᠷ ᠲᠡᠢ
ᠭᠠᠷ ᠤ᠋ᠨ ᠴᠠᠢ ᠤᠤᠭᠤᠭᠠᠳ ᠮᠣᠷᠳᠠᠬᠤᠢ
ᠭᠠᠯ ᠤ᠋ᠨ ᠵᠠᠬᠠ ᠳ᠋ᠤ᠌ ᠠᠯᠵᠢᠶᠠᠯ ᠬᠣᠴᠣᠷᠤᠨ
ᠭᠠᠵᠠᠷ ᠤ᠋ᠨ ᠬᠣᠯᠠ ᠣᠢᠷᠠᠬᠠᠨ ᠪᠣᠯᠤᠨᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠳ·ᠢᠳᠰᠢᠩᠬᠣᠷᠯᠣ
ᠬᠢᠨᠠᠭᠴᠢ᠄ ᠭᠡᠭᠡᠷᠡᠯ᠂ ᠭᠠᠷᠮᠠ᠂ ᠣᠳᠬᠠᠨᠰᠣᠠ