ᠮᠣᠩᠭᠣᠯ ᠤ᠋ᠨ ᠦᠷᠡᠰ ᠮᠠᠰᠢ ᠣᠯᠠᠨ ᠪᠣᠯᠲᠤᠭᠠᠢ! - ᠳ· ᠨᠠᠴᠤᠭᠳᠣᠷᠵᠢМонголын үрс маш олон болтугай!-Д.Нацагдорж
294 ᠳ· ᠨᠠᠴᠤᠭᠳᠣᠷᠵᠢ
ᠡᠬᠡ ᠶ᠋ᠢᠨ ᠤᠮᠠᠢ ᠠ᠋ᠴᠠ ᠲᠦᠷᠦᠮᠡᠭᠴᠡ
ᠮᠣᠩᠭᠣᠯ ᠤᠭᠰᠠᠭᠠᠨ ᠤ᠋ ᠲᠡᠮᠳᠡᠭ ᠲᠡᠢ
ᠵᠥᠭᠡᠯᠡᠨ ᠬᠠᠷᠠᠯᠢᠭ ᠦᠰᠦ ᠲᠡᠢ
ᠲᠣᠷᠮᠣᠭᠣᠷ ᠬᠠᠷᠠ ᠨᠢᠳᠦ ᠲᠡᠢ᠃
ᠡᠴᠢᠭᠡ ᠡᠬᠡ ᠬᠣᠶᠠᠷ ᠨᠢ
ᠨᠢᠷᠠᠢ ᠬᠡᠦᠬᠡᠳ ᠢ᠋ᠶ᠋ᠡᠨ ᠬᠠᠢᠷᠠᠯᠠᠨᠠ᠃
ᠡᠨᠡ ᠵᠠᠰᠠᠭ ᠤ᠋ᠨ ᠵᠣᠷᠢᠯᠭᠠ
ᠨᠢᠯᠬᠠᠰ ᠪᠦᠬᠦᠨ ᠢ᠋ ᠠᠰᠠᠷᠠᠨᠠ᠃
ᠨᠢᠯᠬᠠᠰ ᠬᠡᠦᠬᠡᠳ ᠪᠣᠢᠵᠢᠪᠠᠯ
ᠤᠯᠤᠰ ᠥᠷᠨᠢᠬᠦ ᠶ᠋ᠢᠨ ᠲᠡᠮᠳᠡᠭ᠃
ᠨᠢᠯᠬᠠᠰ ᠤ᠋ᠨ ᠡᠪᠡᠳᠴᠢᠨ ᠭᠡᠭᠴᠢ
ᠭᠠᠭᠴᠠ ᠬᠦ᠌ ᠲᠡᠭᠦᠨ ᠦ᠌ ᠳᠠᠢᠰᠤᠨ᠃
ᠬᠠᠭᠤᠴᠢᠨ ᠤ᠋ ᠪᠦᠳᠦᠭᠦᠯᠢᠭ ᠪᠠᠢᠳᠠᠯ ᠢ᠋ᠶ᠋ᠠᠷ
ᠬᠡᠦᠬᠡᠳ ᠢ᠋ ᠰᠤᠪᠢᠯᠠᠵᠤ ᠪᠣᠯᠳᠠᠭ ᠦᠭᠡᠢ᠃
ᠬᠡᠴᠢᠨᠡᠨ ᠲᠦᠮᠡᠨ ᠨᠢᠯᠬᠠᠰ ᠢ᠋
ᠲᠡᠭᠦᠨ ᠦ᠌ ᠬᠠᠷᠠᠭᠠ ᠪᠠᠷ ᠠᠯᠳᠠᠳᠠᠭ ᠰᠢᠦ᠃
ᠦᠷᠡ ᠬᠡᠦᠬᠡᠳ ᠢ᠋ᠶ᠋ᠡᠨ ᠦᠬᠦᠭᠦᠯᠪᠡᠯ
ᠡᠴᠢᠭᠡ ᠡᠬᠡ ᠨᠢ ᠨᠢᠯᠪᠤᠰᠤ ᠲᠠᠢ᠃
ᠡᠭᠦᠪᠡᠷ ᠦᠯᠦ ᠪᠠᠷᠠᠮ
ᠤᠯᠤᠰ ᠲᠥᠷᠥ ᠳ᠋ᠡᠭᠡᠨ ᠭᠠᠷᠤᠵᠠ ᠲᠠᠢ᠃
ᠲᠦᠮᠡᠨ ᠣᠯᠠᠨ ᠠᠷᠠᠳ ᠤ᠋ᠳ ᠠ᠋
ᠲᠡᠭᠦᠨ ᠢ᠋ ᠰᠠᠢᠬᠠᠨ ᠮᠡᠳᠡᠭᠡᠷᠡᠢ᠃
ᠨᠢᠯᠬᠠᠰ ᠢ᠋ ᠬᠠᠮᠠᠭᠠᠯᠠᠬᠤ ᠭᠠᠵᠠᠷ
ᠬᠡᠦᠬᠡᠳ ᠪᠦᠬᠦᠨ ᠢ᠋ ᠰᠤᠪᠢᠯᠠᠨᠠ
ᠨᠢᠷᠠᠢ ᠬᠡᠦᠬᠡᠳ ᠡᠷᠡᠭᠦᠯ ᠪᠣᠯ
ᠪᠣᠢᠵᠢᠬᠤ ᠬᠥᠮᠦᠵᠢᠬᠦ ᠳ᠋ᠡᠭᠡᠨ ᠬᠤᠷᠳᠤᠨ᠂
ᠢᠨᠢᠶᠡᠮᠰᠦᠭᠯᠡᠬᠦ ᠬᠥᠭᠡᠷᠦᠬᠦᠨ ᠴᠢᠷᠠᠢ ᠪᠠᠷ
ᠡᠴᠢᠭᠡ ᠡᠬᠡ ᠪᠡᠨ ᠪᠠᠶᠠᠷᠯᠠᠭᠤᠯᠤᠨᠠ᠃
ᠤᠯᠤᠰ ᠲᠥᠷᠥ ᠪᠡᠨ ᠪᠣᠳᠣᠪᠠᠯ
ᠨᠢᠯᠬᠠᠰ ᠬᠡᠦᠬᠡᠳ ᠢ᠋ ᠠᠰᠠᠷᠠ᠃
ᠪᠢᠳᠡᠨ ᠦ᠌ ᠦᠷᠡᠰ ᠦᠷᠡᠵᠢᠪᠡᠯ
ᠴᠤᠭᠭᠠᠷ ᠢ᠋ᠶ᠋ᠠᠨ ᠴᠤᠭᠭᠠᠷ ᠢ᠋ᠶ᠋ᠠᠨ ᠪᠠᠶᠠᠰᠬᠤᠯᠠᠩᠲᠠᠢ᠃
1934 ᠣᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠲᠣᠭᠳᠠᠭᠤᠨᠪᠠᠶᠠᠷ
ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ᠂ ᠣᠳᠬᠠᠨᠰᠣᠠ