ᠳᠠᠷᠤᠤ ᠳᠤᠭᠤᠢ ᠯᠠ ᠠᠮᠢᠳᠤᠷᠠᠬᠤ ᠡᠴᠡ ᠳᠠ – ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ Даруу дугуй л амьдрахаас та - Ёндоны Билиг - Баатар
271ᠳᠠᠷᠤᠤ ᠳᠤᠭᠤᠢ ᠯᠠ ᠠᠮᠢᠳᠤᠷᠠᠬᠤ ᠡᠴᠡ ᠳᠠ
ᠵᠠᠳᠠᠭᠠᠢ ᠴᠠᠭᠠᠨ ᠰᠠᠯᠬᠢ ᠰᠢᠭ᠋ ᠯᠡ ᠱᠤᠤᠭᠢᠯᠠ
ᠵᠠᠯᠠᠭᠤ ᠭᠠᠩᠭᠠᠩ ᠨᠠᠰᠤᠨ ᠠ᠋ᠴᠠ ᠠᠪᠤᠭᠠᠳ
ᠵᠡᠯᠢᠭᠦᠳ ᠭᠣᠪᠢ ᠶ᠋ᠢᠨ ᠬᠤᠯᠠᠨ ᠳᠠᠭᠢ ᠰᠢᠭ᠋ ᠯᠡ
ᠵᠡᠷᠯᠢᠭ ᠣᠮᠣᠭᠯᠠᠩ ᠳᠡᠩᠳᠡᠭᠦᠦ ᠳᠠᠢᠴᠢᠨ ᠯᠠ
ᠵᠡᠷᠭᠡᠯᠭᠡᠨ ᠠᠶᠤᠩᠭᠠ ᠶ᠋ᠢ ᠵᠠᠢᠳᠠᠯᠠᠯᠠ ᠳᠠ
ᠠᠷᠢᠶᠠᠪᠠᠯᠤ ᠪᠤᠷᠬᠠᠨ ᠠᠪᠤ ᠡᠵᠢ ᠮᠢᠨᠢ ᠠ᠋
ᠠᠨᠳᠠᠰ ᠨᠥᠬᠥᠳ ᠠᠬᠠᠨ ᠳᠡᠭᠦᠦᠰ ᠮᠢᠨᠢ ᠳᠧ
ᠬᠠᠯᠠᠭᠤᠨ ᠴᠠᠭᠠ ᠰᠢᠭ᠋ ᠯᠡ ᠬᠥᠭᠡᠰᠦᠷᠡᠯᠡ
ᠬᠠᠨᠠᠨ ᠬᠠᠯᠢᠯ ᠬᠠᠳᠠᠨ ᠳ᠋ᠤ᠌ ᠴᠤ᠌ ᠬᠥᠯᠪᠥᠷᠢᠯᠡ
ᠬᠠᠭᠠᠳ ᠪᠠᠶᠠᠳ ᠤ᠋ᠨ ᠤᠷᠢᠳᠠᠭᠤᠷ ᠴᠢᠨᠢ ᠴᠤ᠌
ᠬᠠᠵᠠᠭᠠᠷ ᠢ᠋ᠶ᠋ᠠᠨ ᠰᠤᠯᠠ ᠲᠠᠯᠪᠢᠨ ᠳᠠᠪᠬᠢᠯᠠ
ᠠᠯᠲᠠᠢ ᠶ᠋ᠢᠨ ᠳᠡᠯᠲᠦ ᠬᠥᠬᠡ ᠴᠢᠨᠣᠠ ᠰᠢᠭ᠋
ᠠᠷᠠᠨᠵᠢᠯ ᠨᠠᠷᠠᠨ ᠳᠣᠣᠷᠠ ᠭᠠᠯ ᠱᠣᠭᠰᠢᠯᠠ
ᠠᠶᠤᠵᠤ ᠳᠠᠭᠵᠢᠬᠤ ᠶ᠋ᠢ ᠴᠢᠨᠢ ᠲᠠᠰᠤ ᠴᠡᠭᠡᠷᠯᠡᠨ
ᠠᠳᠤᠭᠤᠨ ᠲᠦᠪᠡᠷᠭᠡᠨ ᠢ᠋ ᠴᠤ᠌ ᠬᠣᠢᠪᠢᠲᠠᠯᠠ
ᠤᠷᠪᠠᠬᠤ ᠰᠢᠷᠪᠠᠯᠵᠠᠬᠤ ᠶ᠋ᠢ ᠦᠵᠡᠨ ᠶᠠᠳᠠᠭᠠᠳ
ᠦᠬᠡᠷ ᠫᠤᠤ ᠪᠠᠷ ᠢ᠋ᠶ᠋ᠠᠨ ᠳᠡᠯᠪᠡ ᠬᠠᠷᠪᠤᠯᠠ
ᠣᠳᠣ ᠪᠣᠯᠤᠭᠰᠠᠨ ᠠ᠋ ᠵᠢᠯᠣᠭᠣ ᠲᠠᠲᠠᠶᠠ ⁈
ᠣᠷᠴᠢᠯᠠᠩ ᠨᠠᠳᠠᠳᠤ ᠳᠣᠬᠢᠶᠠ ᠥᠭᠭᠦᠭᠰᠡᠨ
ᠬᠣᠷᠸᠠ ᠪᠤᠵᠠᠷ ᠬᠣᠭᠣᠰᠣᠨ ᠴᠤ᠌ ᠨᠠᠷᠠ ᠲᠠᠢ
ᠬᠣᠵᠢᠮ ᠤ᠋ᠨ ᠲᠥᠯᠥᠭᠡ ᠳᠠᠷᠤᠤᠬᠠᠨ ᠪᠠᠢᠶᠠ
ᠣᠭᠲᠣᠷ ᠨᠣᠬᠠᠳ ᠲᠤ᠌ ᠰᠢᠨᠵᠢ ᠦᠭᠡᠢ ᠭᠡᠪᠡᠦ
ᠣᠩᠭᠣᠳ ᠤ᠋ᠨ ᠰᠡᠷᠡᠮᠵᠢ ᠪᠡᠨ ᠯᠡ ᠴᠢᠩᠨᠠᠶᠠ
ᠳᠠᠪᠤᠰᠤ ᠤᠰᠤ ᠦᠭᠡᠢ ᠪᠦᠳᠦᠭᠦᠯᠢᠭ ᠠᠬᠤᠢ
ᠲᠡᠢᠨ ᠦ᠌ ᠳᠠᠷᠢ ᠬᠡᠦᠷᠰᠢᠭᠰᠡᠨ ᠡᠨᠡ ᠮᠥᠴᠡ
ᠳᠠᠯᠠᠪᠴᠢ ᠦᠭᠡᠢ ᠰᠢᠪᠠᠭᠤᠳ ᠲᠠᠢ ᠴᠠᠭ ᠲᠤ᠌
ᠳᠠᠷᠤᠤ ᠳᠤᠭᠤᠢ ᠯᠠ ᠠᠮᠢᠳᠤᠷᠠᠬᠤ ᠠ᠋ᠴᠠ ᠳᠠ
ᠭᠡᠷᠡᠯ ᠦ᠋ᠨ ᠶᠣᠨᠳᠣᠨ ᠤ᠋ ᠪᠢᠯᠢᠭ ᠪᠠᠭᠠᠲᠤᠷ ᠠ᠋
ᠭᠡᠭᠡᠷᠡᠯ ᠦ᠋ᠨ ᠳᠠᠷᠳᠠᠩ ᠵᠠᠮ ᠢ᠋ᠶ᠋ᠠᠷ ᠢ᠋ᠶ᠋ᠠᠨ 9 ᠮᠠᠷᠱ
ᠲᠡᠷᠰᠡᠭᠦᠳ ᠨᠣᠮᠲᠠᠳ ᠤ᠋ᠨ ᠬᠠᠶᠠᠭᠠᠨ ᠠ᠋ᠴᠠ
ᠲᠡᠭᠷᠢ ᠶ᠋ᠢᠨ ᠭᠢᠯᠪᠡᠬᠡᠨ ᠰᠢᠭ ᠭᠢᠯᠠᠰ ᠵᠠᠢᠳᠠ
ᠲᠡᠭᠷᠢᠯᠢᠭ ᠵᠠᠶᠠᠭᠠᠨ ᠳ᠋ᠤ᠌ ᠴᠢᠨᠢ ᠬᠠᠷᠰᠢ ᠲᠠᠢ
ᠲᠡᠮᠦᠵᠢᠨ ᠡᠪᠦᠭᠡ ᠲᠠᠨᠢ ᠵᠠᠩᠳᠤᠷᠴᠤ ᠪᠣᠢ ᠳᠠ
ᠲᠠᠨ ᠤ᠋ ᠲᠤᠶᠠᠭᠠᠲᠤ ᠣᠷᠭᠢᠯ ᠤ᠋ᠨ ᠳᠡᠷᠭᠡᠳᠡ
ᠲᠡᠳᠡᠨᠦᠰ ᠦ᠋ᠨ ᠲᠠᠪᠢᠯᠠᠩ ᠴᠠᠪᠠᠲᠠᠢ ᠱᠠᠭᠠᠵᠠᠩ᠃
ᠠᠷᠢᠬᠢ ᠭᠡᠳᠡᠭ ᠠᠨᠤ ᠠᠮᠠ ᠪᠠᠷ ᠣᠷᠣᠭᠠᠳ
ᠠᠮᠢ ᠪᠠᠷ ᠭᠠᠷᠳᠠᠭ ᠱᠤᠯᠤᠮ ᠶᠤᠮ ᠰᠢᠦ ᠭᠡᠰᠡᠨ
ᠪᠢᠮᠪᠠ ᠶ᠋ᠢᠨ ᠷᠢᠨᠴᠢᠨ ᠦ᠌ ᠠᠯᠲᠠᠨ ᠰᠤᠷᠭᠠᠯ ᠢ᠋
ᠪᠢᠯᠢᠭᠦᠨ ᠤᠬᠠᠭᠠᠨ ᠳ᠋ᠠᠭᠠᠨ ᠮᠥᠩᠬᠡ ᠰᠠᠨᠠ
ᠪᠢᠴᠢᠭ ᠰᠢᠯᠦᠭ ᠬᠦᠯᠦᠭ ᠲᠠᠢ ᠪᠠᠨ ᠯᠠ
ᠪᠢᠷ ᠦᠰᠦᠭ ᠦᠵᠦᠭ ᠲᠠᠢ ᠪᠠᠨ ᠯᠠ
ᠪᠢᠨᠳᠡᠷᠢᠶᠠᠨ ᠣᠭᠲᠠᠷᠭᠤᠢ ᠳᠣᠣᠷᠠ ᠵᠠᠭᠤᠷᠠ
ᠪᠢᠲᠡᠭᠡᠢ ᠮᠠᠭᠤᠰᠠᠢᠨ ᠵᠦᠢᠯᠡᠰ ᠲᠡᠢ ᠣᠢᠷᠠᠳᠠ
ᠪᠡᠶᠡ ᠪᠠᠭᠠᠲᠤᠷ ᠶᠡᠷᠦᠨᠢ ᠪᠢᠰᠢ ᠰᠢᠦ ᠲᠠ
ᠪᠢᠯᠢᠭ ᠪᠠᠭᠠᠲᠤᠷ ᠭᠡᠳᠡᠭ ᠢ᠋ᠶ᠋ᠡᠨ ᠯᠡ ᠪᠣᠳᠣ᠃
ᠥᠷᠥᠭᠡᠯ ᠢ᠋ ᠥᠭᠡᠷᠡᠴᠢᠯᠡᠬᠦ ᠭᠡᠵᠦ ᠪᠤᠤ ᠭᠣᠷᠢᠳᠠ
ᠥᠪᠡᠷ ᠪᠢ ᠵᠦᠭ ᠢ᠋ᠶ᠋ᠡᠨ ᠯᠡ ᠰᠠᠢᠨ ᠬᠠᠷᠠ
ᠮᠠᠨ ᠤ᠋ ᠡᠷᠢᠨ ᠳ᠋ᠦ᠍ ᠭᠠᠭᠴᠠ ᠦᠨᠡᠨ ᠨᠢ ᠪᠣᠯ
ᠮᠠᠭᠠᠳ ᠮᠡᠬᠡᠯᠡᠯ ᠯᠡ ᠶᠦᠮ ᠭᠡᠳᠡᠭ ᠢ᠋ ᠰᠡᠳᠬᠢ
ᠦᠨᠳᠦᠰᠦ ᠦᠷᠡᠰ ᠠᠴᠢᠨᠠᠷ ᠢ᠋ᠶ᠋ᠠᠨ ᠯᠠ ᠡᠨᠡᠷᠢ
ᠦᠨᠡᠨᠳᠡᠭᠡᠨ ᠪᠤᠰᠤᠳ ᠶᠠᠭᠤᠮᠠᠰ ᠪᠠᠳ ᠦᠭᠡᠢ
ᠡᠴᠦᠨᠡᠨ ᠣᠨ ᠨᠠᠢᠷᠠᠭᠴᠢ ᠶᠠᠪᠤᠲᠠᠯᠠ ᠪᠠᠨ
ᠡᠨᠡᠬᠡᠨ ᠵᠢᠩᠬᠢᠨᠢ ᠵᠢᠮᠡ ᠶ᠋ᠢ ᠰᠠᠶᠢ ᠮᠠᠲᠠᠪᠠᠤ
ᠭᠡᠭᠡᠨ ᠬᠠᠭᠠᠨ ᠲᠣᠭᠣᠭᠠᠨ ᠲᠡᠮᠦᠷ ᠦ᠋ᠨ ᠢ᠋ᠶ᠋ᠡᠨ
ᠭᠡᠮᠰᠢᠯ ᠰᠢᠯᠦᠭ ᠢ᠋ ᠡᠳᠦᠷ ᠡᠳᠦᠷ ᠤᠩᠰᠢ ⁈
2024᠂ 4᠂ 24᠃ 4 ᠴᠠᠭ46 ᠮᠢᠨᠦ᠋ᠲ᠃
ᠬᠥᠳᠡᠭᠡ ᠴᠡᠴᠡᠷᠯᠢᠭ ᠦ᠋ᠨ ᠰᠢᠯᠦᠭ ᠪᠢᠴᠢᠳᠡᠭ
ᠰᠢᠷᠭᠠᠯ ᠬᠠᠳᠠᠨ ᠳᠡᠭᠡᠷᠡ ᠪᠡᠨ
ᠬᠥᠬᠡᠬᠣᠲᠠᠨᠠ ᠪᠢᠰᠢᠯᠭᠠᠨ ᠪᠦᠲᠦᠭᠡᠪᠡᠢ᠃