ᠠᠯᠲᠠᠩᠬᠠᠨ ᠵᠠᠢ ᠳᠤ ᠯᠠ – ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ Алтанхан зайд л - Ёндоны Билиг - Баатар
237ᠠᠯᠲᠠᠩᠬᠠᠨ ᠵᠠᠢ ᠳᠤ ᠯᠠ
ᠴᠠᠢ ᠰᠦᠨ ᠮᠡᠲᠦ ᠲᠤᠨᠤᠨ ᠬᠠᠢᠯᠬᠤ ᠪᠠᠷ
ᠡᠷᠳᠡᠨᠢᠲᠦ ᠠᠮᠢ ᠪᠡᠶᠡ ᠰᠦᠨᠡᠰᠦ ᠪᠦᠲᠦᠨᠡ
ᠬᠠᠪᠤᠷ ᠤ᠋ᠨ ᠬᠤᠷᠠ ᠪᠠᠷ ᠨᠠᠮᠤᠷ ᠤ᠋ᠨ ᠴᠡᠴᠡᠭ
ᠦᠷᠡ ᠶ᠋ᠢᠨ ᠪᠤᠶᠠᠨ ᠵᠠᠶᠠᠭᠠ ᠬᠤᠷᠤᠢᠯᠠᠨ
ᠬᠠᠨ ᠲᠡᠭᠷᠢ ᠬᠠᠲᠤᠨ ᠳᠡᠯᠡᠬᠡᠢ ᠶ᠋ᠢ ᠢᠪᠡᠭᠡᠬᠦᠢ
ᠠᠶᠠᠰ ᠤ᠋ᠨ ᠨᠠᠢᠷᠠᠮᠳᠠᠭᠤ ᠪᠦᠯᠢᠶᠡᠨ ᠰᠠᠯᠬᠢ ᠪᠠᠷ
ᠠᠭᠠᠷ ᠤ᠋ᠨ ᠨᠣᠢ ᠠᠮᠢᠰᠬᠤᠭᠠ ᠠᠢᠷᠠᠭᠰᠢᠨ
ᠠᠯᠳᠠᠩᠬᠠᠨ ᠵᠠᠢ ᠠ᠋ᠴᠠ ᠯᠠ ᠭᠤᠸᠠ ᠡᠭᠦᠰᠬᠦᠢ
ᠴᠡᠴᠡᠭᠡᠰ ᠦ᠋ᠨ ᠲᠣᠷᠭᠠᠨ ᠤᠷᠤᠭᠤᠯ ᠦᠨᠦᠰᠬᠦᠢ
ᠴᠡᠩᠬᠡᠷ ᠶᠠᠭᠠᠨ ᠡᠷᠪᠡᠬᠡᠢ ᠬᠦᠰᠡᠯ ᠲᠠᠴᠢᠶᠠᠩᠭᠤᠢ
ᠴᠡᠯᠮᠡᠭ ᠣᠭᠲᠠᠷᠭᠤᠢ ᠪᠦᠷ ᠴᠤ᠌ ᠠᠮᠤᠷᠯᠢᠩᠭᠤᠢ
ᠲᠡᠮᠡᠭᠡᠨ ᠵᠡᠷᠭᠡᠯᠭᠡᠨ ᠳ᠋ᠦ᠍ ᠬᠤᠯᠠᠨ ᠤᠷᠤᠰᠬᠤᠢ
ᠳᠠᠩᠰᠠᠨ ᠲᠠᠰᠢᠭᠤᠷᠳᠠᠨ ᠬᠣᠯᠠ ᠰᠤᠮᠤᠳᠠᠬᠤᠢ
ᠲᠡᠭᠦᠨ ᠦ᠌ ᠳᠤᠮᠳᠠᠭᠤᠷ ᠰᠣᠯᠣᠩᠭᠠ ᠨᠣᠮᠯᠠᠬᠤᠢ
ᠳᠠᠯᠠᠨ ᠬᠠᠷᠠ ᠶ᠋ᠢᠨ ᠬᠦᠷᠡᠩ ᠪᠦᠷᠭᠦᠳ
ᠳᠠᠯᠠᠢ ᠶ᠋ᠢᠨ ᠬᠠᠯᠢᠮᠤ ᠰᠢᠭ᠋ ᠳᠤᠭᠰᠢᠨ ᠰᠡᠯᠢᠭᠡᠳ
ᠳᠠᠶᠠᠩ ᠳᠠᠶᠠᠭᠠᠷ ᠢ᠋ᠶ᠋ᠠᠨ ᠮᠠᠰᠢᠳᠠ ᠱᠠᠭᠰᠢᠬᠤᠢ
ᠠᠶᠠ᠂ ᠠᠮᠢ ᠨᠠᠰᠤᠨ ᠶᠠᠭᠤᠲᠠᠢ ᠰᠠᠢᠬᠠᠨ
ᠠᠪᠤ ᠡᠵᠢ ᠬᠡᠮᠡᠬᠦᠢ ᠤᠬᠠᠭᠠᠨ ᠶᠠᠭᠤᠲᠠᠢ ᠭᠦᠨ
ᠮᠠᠭᠤ ᠬᠦᠦ ᠴᠢᠨᠢ ᠮᠢᠩᠭᠠ ᠮᠢᠩᠭᠠᠨ ᠵᠢᠯ
ᠮᠣᠩᠭᠣᠯ ᠤ᠋ᠨ ᠢ᠋ᠶ᠋ᠠᠨ ᠲᠥᠯᠥᠭᠡ ᠠᠮᠢᠳᠤᠷᠠᠨᠠᠮ
ᠮᠣᠩᠭᠣᠯ ᠤ᠋ᠨ ᠰᠣᠶᠣᠯ ᠰᠠᠶᠠ ᠵᠢᠸᠠ ᠵᠢᠯ
ᠮᠥᠩᠬᠡ ᠣᠷᠴᠢᠯᠠᠩ ᠢ᠋ᠶ᠋ᠠᠷ ᠯᠠ ᠰᠠᠴᠤᠷᠠᠨᠠᠮ
2024᠂ 4᠂ 27᠃ ᠦᠳᠡ ᠳ᠋ᠦ᠍᠃
ᠬᠥᠬᠡᠬᠣᠲᠠᠨᠠ ᠬᠢᠴᠢᠶᠡᠩᠭᠦᠢ ᠪᠦᠲᠦᠭᠡᠪᠡᠢ᠃