ᠲᠥᠪᠡᠳ ᠡᠮᠨᠡᠯᠭᠡ - ᠳ· ᠨᠠᠴᠤᠭᠳᠣᠷᠵᠢТөвд эмнэлэг-Д.Нацагдорж
290 ᠳ· ᠨᠠᠴᠤᠭᠳᠣᠷᠵᠢ
ᠲᠦᠮᠡᠨ ᠵᠢᠯ ᠤᠯᠠᠷᠢᠨ ᠥᠩᠭᠡᠷᠡᠪᠡᠴᠦ ᠲᠡᠭᠦᠨ ᠢ᠋ ᠮᠡᠳᠡᠭᠰᠡᠨ ᠦᠭᠡᠢ᠃
ᠮᠢᠩᠭᠠᠨ ᠵᠢᠯ ᠰᠢᠨᠡ ᠤᠬᠠᠭᠠᠨ ᠳᠡᠯᠭᠡᠷᠡᠪᠡᠴᠦ ᠲᠡᠭᠦᠨ ᠢ᠋ ᠰᠤᠳᠤᠯᠤᠭᠰᠠᠨ ᠦᠭᠡᠢ᠃
ᠲᠥᠪᠡᠳ ᠣᠷᠣᠨ ᠤ᠋ ᠠᠭᠯᠠᠭ ᠥᠨᠳᠥᠷ ᠠᠭᠤᠯᠠ ᠶ᠋ᠢᠨ ᠳᠤᠮᠳᠠ
ᠰᠢᠷᠠ ᠶ᠋ᠢᠨ ᠱᠠᠰᠢᠨ ᠴᠢᠪ ᠴᠢᠮᠡᠭᠡ ᠦᠭᠡᠢ ᠳᠡᠯᠭᠡᠷᠡᠵᠡᠢ᠃
ᠰᠢᠷᠠ ᠳᠡᠪᠡᠯ ᠲᠡᠢ ᠯᠠᠮᠠ ᠵᠠᠬᠠ ᠲᠠᠢ ᠬᠥᠮᠦᠨ ᠪᠦᠷᠢ ᠡᠮ ᠪᠠᠷᠢᠨᠠ᠃
ᠰᠠᠢᠨ ᠮᠠᠭᠤ ᠰᠢᠨᠡ ᠬᠠᠭᠤᠴᠢᠨ ᠶᠠᠮᠠᠷ ᠴᠤ ᠢᠯᠭᠠᠯ ᠦᠭᠡᠢ᠃
ᠲᠠᠪᠤᠨ ᠥᠷᠲᠡᠭᠡᠨ ᠦ᠌ ᠴᠢᠨᠠᠳᠤᠬᠢ ᠡᠪᠡᠳᠴᠢᠲᠡᠢ ᠬᠥᠮᠦᠨ ᠦ᠌ ᠶᠠᠮᠠᠷ ᠢ᠋ ᠴᠤ ᠮᠡᠳᠡᠭᠡ ᠦᠭᠡᠢ ᠪᠠᠢᠲᠠᠯᠠ
ᠳᠠᠩ ᠡᠮ ᠰᠣᠯᠢᠭᠠᠳ ᠥᠭᠴᠦ ᠲᠠᠢᠳᠬᠤᠷᠠᠭᠤᠯᠬᠤ ᠶ᠋ᠢ ᠬᠦᠰᠡᠨᠡ᠃
ᠪᠠᠶᠠᠨ ᠮᠠᠬᠠᠪᠣᠳ ᠡᠷᠬᠡᠲᠡᠨ ᠮᠡᠳᠡᠷᠡᠯ ᠶᠠᠮᠠᠷ ᠢ᠋ ᠨᠢ ᠴᠤ ᠦᠵᠡᠭᠡ ᠦᠭᠡᠢ ᠪᠠᠢᠲᠠᠯᠠ
ᠪᠠᠷᠢᠴᠠ ᠲᠠᠯᠪᠢᠴᠠ ᠭᠦᠷᠢᠮ ᠨᠣᠮ ᠰᠠᠨᠠᠭᠠᠨ ᠳ᠋ᠤ᠌ ᠣᠷᠣᠭᠰᠠᠨ ᠢ᠋ ᠶᠠᠷᠢᠨᠠ᠃
ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠳᠡᠯᠭᠡᠷᠡᠵᠦ ᠬᠥᠮᠦᠨ ᠦ᠌ ᠣᠶᠤᠨ ᠨᠡᠭᠡᠭᠡᠭᠳᠡᠭᠡ ᠦᠭᠡᠢ ᠭᠠᠵᠠᠷ ᠲᠤ
ᠱᠠᠰᠢᠨ ᠤ᠋ ᠰᠡᠭᠦᠳᠡᠷ ᠬᠠᠷᠠᠩᠭᠤᠢ ᠶ᠋ᠢᠨ ᠲᠦᠭᠴᠢᠯ ᠬᠡᠵᠢᠶᠡᠳᠡ ᠬᠣᠢᠰᠢ ᠲᠠᠲᠠᠨᠠ᠃
ᠲᠦᠮᠡᠨ ᠪᠣᠳᠠᠰ ᠤ᠋ᠨ ᠤᠯᠠᠷᠢᠬᠤ ᠬᠤᠪᠢᠰᠬᠤ ᠶ᠋ᠢ ᠦᠨᠡᠨ ᠢ᠋ᠶ᠋ᠡᠷ ᠰᠤᠳᠤᠯᠤᠭᠠᠳᠤᠢ ᠴᠠᠭ ᠲᠤ
ᠲᠥᠪᠡᠳ ᠡᠮᠨᠡᠯᠭᠡ ᠬᠠᠭᠤᠴᠢᠨ ᠠᠷᠭᠠ ᠬᠡᠵᠢᠶᠡ ᠴᠦ᠍ ᠦᠯᠦ ᠰᠠᠢᠵᠢᠷᠠᠨᠠ᠃
1930 ᠣᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣᠶᠤᠨᠪᠠᠲᠤ
ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ᠂ ᠣᠳᠬᠠᠨᠰᠣᠠ