ᠬᠤᠪᠢᠰᠬᠠᠯ ᠤ᠋ᠨ ᠳᠠᠢᠰᠤᠨ ᠰᠢᠷᠠ ᠬᠠᠷᠠ ᠬᠠᠷᠭᠢᠰ ᠬᠥᠮᠦᠨ ᠦ᠌ ᠳᠠᠢᠰᠤᠨ ᠳᠣᠲᠣᠭᠤᠷ ᠭᠠᠳᠠᠭᠤᠷ ᠡᠪᠡᠳᠴᠢᠨ- ᠳ· ᠨᠠᠴᠤᠭᠳᠣᠷᠵᠢД.Нацагдорж
311 ᠳ· ᠨᠠᠴᠤᠭᠳᠣᠷᠵᠢ
ᠡᠬᠡ ᠪᠣᠯᠤᠭᠰᠠᠨ ᠵᠢᠷᠭᠤᠭᠠᠨ ᠵᠦᠢᠯ ᠬᠠᠮᠤᠭ ᠠᠮᠢᠲᠠᠨ ᠭᠡᠵᠦ ᠥᠭᠦᠯᠡᠭᠡᠳ
ᠡᠪᠡᠳᠴᠢᠨ ᠡᠮᠭᠡᠭ ᠢ᠋ ᠬᠡᠩᠭᠡᠷᠭᠡ ᠴᠠᠩ ᠢ᠋ᠶ᠋ᠠᠷ ᠬᠠᠭᠤᠷᠤᠭᠴᠢ ᠬᠡᠨ ᠪᠣᠢ?
ᠡᠵᠡᠨ ᠪᠣᠭᠳᠠ ᠭᠡᠵᠦ ᠣᠯᠠᠨ ᠲᠦᠮᠡᠨ ᠢ᠋ ᠮᠡᠬᠡᠯᠡᠨ ᠳᠠᠷᠤᠯᠠᠭᠠᠳ
ᠡᠩᠬᠡ ᠠᠮᠤᠷ ᠢ᠋ᠶ᠋ᠠᠷ ᠦᠯᠦ ᠪᠠᠶ᠋ᠢᠯᠭᠠᠭᠴᠢ ᠬᠡᠨ ᠪᠣᠢ?
ᠡᠨᠡ ᠬᠣᠶᠠᠷ ᠪᠣᠯ ᠰᠢᠷᠠ ᠬᠠᠷᠠ ᠬᠠᠷᠭᠢᠰ ᠮᠥᠨ᠃
ᠡᠰᠡᠨ ᠠᠮᠤᠭᠤᠯᠠᠩ ᠪᠡᠶᠡ ᠶ᠋ᠢ ᠪᠠᠢᠨ ᠪᠠᠢᠭᠰᠠᠭᠠᠷ ᠬᠣᠣᠷᠯᠠᠭᠠᠳ
ᠡᠷᠡᠯᠡᠬᠦ ᠭᠠᠰᠠᠯᠬᠤ ᠳᠠᠭᠤ ᠶ᠋ᠢ ᠣᠭᠲᠠᠷᠭᠤᠢ ᠲᠤᠯᠲᠠᠯᠠ ᠳᠠᠭᠤᠷᠢᠰᠬᠠᠭᠴᠢ ᠬᠡᠨ ᠪᠣᠢ?
ᠡᠨᠡ ᠡᠳᠦᠷ ᠶᠠᠪᠤᠭᠰᠠᠭᠠᠷ ᠪᠠᠢᠲᠠᠯᠠ ᠮᠠᠷᠭᠠᠰᠢ ᠡᠳᠦᠷ ᠦᠬᠦᠭᠦᠯᠦᠭᠡᠳ᠃
ᠡᠷᠦᠬᠡ ᠭᠡᠷ ᠢ᠋ ᠡᠮᠭᠡᠨᠢᠯ ᠵᠣᠪᠠᠯᠠᠩ ᠳ᠋ᠤ᠌ ᠤᠴᠠᠷᠠᠭᠤᠯᠤᠭᠴᠢ ᠬᠡᠨ ᠪᠣᠢ?
ᠡᠨᠡ ᠬᠣᠶᠠᠷ ᠪᠣᠯ ᠡᠮᠭᠡᠭ ᠲᠠᠬᠤᠯ ᠭᠡᠭᠴᠢ ᠮᠥᠨ᠃
ᠲᠥᠷᠥ ᠤᠯᠤᠰ ᠢ᠋ ᠳᠦᠢᠪᠡᠭᠡᠭᠴᠢ᠂ ᠬᠠᠷᠭᠢᠰ ᠡᠵᠡᠷᠬᠡᠭ ᠣᠯᠠᠨ
ᠲᠡᠭᠦᠨ ᠢ᠋ ᠵᠠᠨᠤᠵᠤ ᠬᠡᠵᠢᠶᠡ ᠴᠦ᠍ ᠶᠡᠷᠦ ᠪᠠᠷᠠᠰᠢ ᠦᠭᠡᠢ᠃
ᠲᠦᠮᠡᠨ ᠢ᠋ ᠡᠨᠡᠯᠭᠡᠭᠴᠢ ᠡᠪᠡᠳᠴᠢᠨ ᠲᠠᠬᠤᠯ ᠦᠯᠡᠮᠵᠢ
ᠲᠡᠭᠦᠨ ᠢ᠋ ᠪᠠᠰᠤᠵᠤ ᠣᠷᠬᠢᠵᠤ ᠣᠭᠲᠣ ᠪᠣᠯᠣᠰᠢ ᠦᠭᠡᠢ᠃
ᠡᠨᠡ ᠬᠣᠶᠠᠷ ᠦᠭᠡ ᠶ᠋ᠢ ᠡᠭᠦᠷᠢᠳᠡ ᠦᠯᠦ ᠮᠡᠳᠡᠨᠡ ᠤᠤ᠃
ᠬᠠᠷᠭᠢᠰ ᠡᠵᠡᠷᠬᠡᠭ ᠢ᠋ ᠠᠷᠠᠳ ᠲᠦᠮᠡᠨ ᠨᠢᠭᠡᠨᠲᠡ ᠲᠠᠨᠢᠨᠠ᠃
ᠬᠤᠲᠠᠭᠠᠨ ᠵᠠᠰᠠᠭᠯᠠᠬᠤ ᠶ᠋ᠢ ᠬᠤᠪᠢᠰᠬᠠᠯᠲᠤ ᠬᠠᠤᠯᠢ ᠡᠷᠬᠢᠯᠡᠨᠡ᠂
ᠡᠪᠡᠳᠴᠢᠨ ᠲᠠᠬᠤᠯ ᠢ᠋ ᠡᠷᠡᠭᠦᠯ ᠢ᠋ ᠬᠠᠮᠠᠭᠠᠯᠠᠬᠤ ᠠᠨᠠᠭᠠᠨᠠ᠂
ᠡᠭᠦᠨ ᠢ᠋ ᠰᠢᠲᠦᠪᠡᠯ ᠦᠶᠡ ᠶ᠋ᠢᠨ ᠦᠶᠡ ᠳ᠋ᠦ᠍ ᠴᠥᠮ ᠪᠠᠶᠠᠷᠲᠠᠢ᠂
ᠡᠨᠡ ᠬᠣᠶᠠᠷ ᠦᠭᠡ ᠶ᠋ᠢ ᠰᠠᠨᠠᠭᠠᠨ ᠳ᠋ᠠᠭᠠᠨ ᠬᠠᠳᠠᠭᠠᠯᠠᠨᠠ ᠤᠤ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣᠶᠤᠨᠪᠠᠲᠤ
ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ᠂ ᠣᠳᠬᠠᠨᠰᠣᠠ