ᠠᠵᠢᠯᠴᠢᠨ ᠤ᠋ ᠪᠡᠶᠡ- ᠳ· ᠨᠠᠴᠤᠭᠳᠣᠷᠵᠢАжилчны бие-Д.Нацагдорж
270 ᠳ· ᠨᠠᠴᠤᠭᠳᠣᠷᠵᠢ
ᠠᠵᠤ ᠦᠢᠯᠡᠳᠪᠦᠷᠢ ᠭᠡᠭᠴᠢ
ᠤᠯᠤᠰ ᠤ᠋ᠨ ᠲᠤᠯᠭᠠᠭᠤᠷᠢ ᠪᠠᠢᠨᠠ᠃
ᠠᠵᠢᠯᠴᠢᠨ ᠠᠷᠠᠳ ᠭᠡᠭᠴᠢ
ᠲᠡᠭᠦᠨ ᠢ᠋ ᠪᠦᠲᠦᠭᠡᠬᠦ ᠬᠦᠴᠦ ᠠ᠋᠃
ᠴᠢᠭᠢᠷᠠᠭ ᠡᠷᠡᠭᠦᠯ ᠪᠡᠶᠡ ᠲᠡᠢ
ᠴᠢᠳᠠᠯ ᠲᠠᠢ ᠢᠳᠡᠪᠬᠢᠲᠡᠢ ᠠᠵᠢᠯᠴᠢᠨ
ᠲᠦᠷᠭᠡᠨ ᠲᠦᠷᠭᠡᠨ ᠦᠢᠯᠡᠳᠪᠦᠷᠢᠯᠡᠵᠦ
ᠲᠦᠮᠡᠨ ᠵᠦᠢᠯ ᠢ᠋ ᠪᠦᠲᠦᠭᠡᠨᠡ᠃
ᠡᠮᠭᠡᠭ ᠡᠪᠡᠳᠴᠢᠨ ᠲᠡᠢ ᠪᠣᠯᠤᠭᠠᠳ
ᠡᠷᠡ ᠴᠢᠳᠠᠯ ᠦᠭᠡᠢ ᠠᠵᠢᠯᠴᠢᠨ
ᠥᠪᠡᠷ ᠢ᠋ ᠪᠡᠨ ᠲᠡᠵᠢᠭᠡᠵᠦ ᠴᠢᠳᠠᠬᠤ ᠦᠭᠡᠢ᠂
ᠤᠯᠤᠰ ᠲᠠᠭᠠᠨ ᠲᠤᠰᠠᠯᠠᠵᠤ ᠴᠢᠳᠠᠬᠤ ᠦᠭᠡᠢ᠃
ᠡᠨᠡ ᠲᠥᠷᠥ ᠳ᠋ᠦ᠍ ᠪᠣᠯ
ᠠᠵᠢᠯᠴᠢᠨ ᠭᠡᠭᠴᠢ ᠬᠡᠷᠡᠭ ᠲᠡᠢ᠃
ᠠᠵᠢᠯᠴᠢᠨ ᠬᠥᠮᠦᠨ ᠳ᠋ᠦ᠍ ᠪᠣᠯᠪᠠᠯ
ᠡᠷᠡᠭᠦᠯ ᠭᠡᠭᠴᠢ ᠬᠡᠷᠡᠭ ᠲᠡᠢ᠃
ᠨᠢᠭᠡ ᠡᠪᠡᠳᠴᠢᠨ ᠬᠠᠯᠳᠠᠪᠠᠯ
ᠢᠳᠡᠷᠰᠢᠭ ᠪᠡᠶᠡ ᠨᠢ ᠭᠡᠮᠲᠦᠭᠡᠳ
ᠲᠦᠮᠡᠨ ᠲᠥᠭᠥᠷᠢᠭ ᠦ᠋ᠨ ᠬᠦᠴᠦ ᠨᠢ
ᠲᠡᠭᠦᠪᠡᠷ ᠨᠢᠭᠡᠮᠦᠰᠦᠨ ᠮᠥᠬᠥᠨᠡ᠃
ᠡᠷᠡᠭᠦᠯ ᠡᠩᠬᠡ ᠪᠣᠯᠪᠠᠯ
ᠡᠳᠦᠷ ᠪᠦᠷᠢ ᠴᠢᠭᠢᠷᠠᠭ᠃
ᠭᠠᠷ ᠬᠥᠳᠡᠯᠬᠦ ᠳᠣᠳᠣᠮ
ᠣᠯᠵᠠ ᠠᠰᠢᠭ ᠢ᠋ ᠬᠤᠷᠢᠶᠠᠨᠠ᠃
ᠪᠡᠶᠡ ᠶ᠋ᠢᠨ ᠬᠦᠴᠦ ᠶ᠋ᠢ ᠦᠨᠡᠯᠡᠬᠦ ᠭᠡᠭᠴᠢ
ᠠᠵᠢᠯᠴᠢᠨ ᠠᠷᠠᠳ ᠤ᠋ᠨ ᠬᠡᠷᠡᠭ᠃
ᠡᠮᠭᠡᠭ ᠡᠪᠡᠳᠴᠢᠲᠡᠢ ᠪᠣᠯ
ᠶᠠᠭᠠᠬᠢᠵᠤ ᠠᠵᠢᠯ ᠬᠢᠬᠦ ᠪᠣᠢ᠃
ᠡᠯᠳᠡᠪ ᠡᠪᠡᠳᠴᠢᠨ ᠡᠴᠡ ᠰᠡᠷᠭᠡᠢᠯᠡᠵᠦ
ᠢᠳᠡᠷ ᠪᠡᠶᠡ ᠪᠡᠨ ᠬᠠᠮᠠᠭᠠᠯᠠᠨ
ᠪᠣᠯᠪᠠᠰᠤᠨ ᠡᠮᠨᠡᠯᠭᠡ ᠶ᠋ᠢ ᠰᠢᠲᠦᠵᠦ
ᠡᠭᠦᠷᠢᠳᠡ ᠡᠷᠡᠭᠦᠯ ᠶᠠᠪᠤ᠃
1930 ᠣᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠰᠤᠳᠤᠯᠲᠤ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ