ᠰᠠᠭᠯᠠᠭᠠᠷ ᠬᠠᠵᠠᠭᠠᠷ ᠡᠪᠡᠰᠦСаглагар хазаар өвс
324
ᠰᠠᠭᠯᠠᠭᠠᠷ ᠬᠠᠵᠠᠭᠠᠷ ᠡᠪᠡᠰᠦ
ᠦᠶᠡᠲᠦ ᠤᠷᠭᠤᠮᠠᠯ ᠦ᠋ᠨ ᠢᠵᠠᠭᠤᠷ
ᠣᠯᠠᠨ ᠨᠠᠰᠤᠲᠤ ᠡᠪᠡᠰᠦᠯᠢᠭ ᠤᠷᠭᠤᠮᠠᠯ᠃ ᠰᠦᠷᠡᠯ ᠨᠢ ᠪᠤᠲᠠᠯᠠᠵᠤ ᠰᠢᠯᠤᠭᠤᠨ ᠤᠷᠭᠤᠨᠠ᠂ 15—35cm ᠥᠨᠳᠥᠷ᠂ ᠭᠢᠯᠦᠭᠡᠷ᠂ ᠣᠯᠠᠨ ᠦᠶᠡ ᠲᠡᠢ᠃ ᠨᠠᠪᠴᠢᠨ ᠤ ᠳᠤᠭᠲᠤᠢ ᠨᠢ ᠦ᠋ ᠰᠢᠭ᠌ ᠦᠰᠦ ᠲᠡᠢ᠂ ᠪᠠᠭ ᠴᠡᠴᠡᠭ ᠬᠦᠷᠲᠡᠯᠡ ᠪᠡᠨ ᠳᠠᠪᠬᠤᠷ ᠳᠠᠪᠬᠤᠷ ᠪᠠᠭᠯᠠᠵᠤ ᠪᠤᠢ ; ᠨᠠᠪᠴᠢ ᠨᠢ ᠬᠠᠪᠲᠠᠭᠠᠢ ᠲᠡᠪᠡᠨᠡ ᠰᠢᠭ᠌ ᠪᠤᠶᠤ ᠪᠦᠰᠡᠯᠢᠭ ᠬᠠᠪᠲᠠᠭᠠᠢ ᠲᠡᠪᠡᠨᠡ ᠬᠡᠯᠪᠡᠷᠢ ᠲᠡᠢ᠂ 2—6.5cm ᠤᠷᠲᠤ᠂ 2—4mm ᠥᠷᠭᠡᠨ᠂ ᠶᠡᠷᠦ ᠳ᠋ᠡᠭᠡᠨ ᠲᠠᠰᠢᠭᠤᠯᠠᠵᠤ ᠳᠡᠭᠡᠭᠰᠢ ᠪᠡᠨ ᠤᠷᠭᠤᠨᠠ᠂ ᠬᠣᠶᠠᠷ ᠲᠠᠯᠠ ᠪᠣᠯᠤᠨ ᠬᠥᠪᠡᠭᠡ ᠨᠢ ᠪᠦᠷ ᠠᠷᠵᠠᠭᠠᠷ᠂ ᠶᠡᠷᠦ ᠳ᠋ᠡᠭᠡᠨ ᠲᠡᠭᠰᠢᠬᠡᠨ ᠬᠠᠪᠲᠠᠭᠠᠢ ᠪᠠᠶ᠋ᠢᠵᠤ᠂ ᠬᠠᠶᠠ ᠳᠣᠲᠣᠭᠰᠢ ᠪᠠᠨ ᠬᠤᠮᠢᠷᠠᠨᠠ᠃ ᠱᠣᠷᠤᠯᠵᠢᠨ ᠬᠡᠯᠪᠡᠷᠢᠲᠦ ᠪᠠᠭ ᠴᠡᠴᠡᠭ ᠨᠢ ᠨᠡᠯᠢᠶᠡᠳ ᠢᠬᠴᠤ4.5—6.5cm ᠤᠷᠲᠤ᠂ 4—10mm ᠥᠷᠭᠡᠨ᠂ ᠶᠡᠷᠦ ᠳ᠋ᠡᠭᠡᠨ ᠤᠭ ᠦ᠋ᠨ ᠬᠡᠰᠡᠭ ᠨᠢ ᠨᠠᠪᠴᠢᠨ ᠤ ᠳᠤᠭᠲᠤᠢ ᠳᠣᠲᠣᠷᠠ ᠪᠠᠶ᠋ᠢᠳᠠᠭ ; ᠪᠠᠭ ᠴᠡᠴᠡᠭ ᠦ᠋ᠨ ᠰᠠᠯᠠᠭᠠ ᠨᠢ ᠭᠠᠭᠴᠠᠭᠠᠷ ᠤᠷᠭᠤᠨᠠ᠂ ᠭᠤᠷᠪᠠᠨ ᠢᠷᠮᠡᠭ ᠲᠡᠢ᠂ ᠵᠠᠷᠢᠮ ᠳ᠋ᠠᠭᠠᠨ ᠤᠭ ᠲᠤᠨᠢ ᠲᠣᠰᠬᠤᠭᠤᠷ ᠢᠯᠳᠠᠰᠤ ᠲᠠᠢ ; ᠵᠢᠵᠢᠭ ᠲᠦᠷᠦᠭᠦᠦ ᠨᠢ ᠨᠣᠭᠣᠪᠲᠤᠷ ᠪᠤᠶᠤ ᠪᠣᠷᠣᠪᠲᠤᠷ᠂ 8—13mm ᠤᠷᠲᠤ᠂ 3—7 ᠴᠡᠴᠡᠭ ᠲᠡᠢ ; ᠬᠠᠯᠢᠰᠤ ᠨᠢ ᠨᠢᠮᠭᠡᠨ᠂ ᠬᠠᠪᠲᠠᠭᠠᠢ ᠲᠡᠪᠡᠨᠡ ᠰᠢᠭ᠌ ᠪᠤᠶᠤ ᠤᠷᠲᠤᠯᠵᠢᠨ ᠳᠤᠭᠤᠷᠢᠭ᠂ 1—5 ᠰᠤᠳᠠᠯ ᠲᠠᠢ᠂ ᠦᠵᠦᠭᠦᠷ ᠨᠢ ᠵᠢᠵᠢᠭ᠂ ᠤᠨᠢ ᠲᠠᠢ ᠪᠠ ᠤᠨᠢ ᠠ᠋ᠴᠠ ᠨᠢ 0.5—1.5mm ᠤᠷᠲᠤ ᠰᠤᠷ ᠤᠷᠭᠤᠨᠠ᠂ ᠭᠠᠳᠠᠷ ᠬᠡᠪᠡᠭ ᠦ᠋ᠨ ᠬᠥᠪᠡᠭᠡ ᠣᠷᠴᠢᠮ ᠪᠣᠯᠤᠨ ᠰᠠᠭᠤᠷᠢ ᠲᠠᠪᠠᠭ ᠨᠢ ᠪᠦᠷ ᠦᠰᠦ ᠲᠡᠢ ; ᠳᠣᠲᠣᠷ ᠬᠡᠪᠡᠭ ᠨᠢ ᠭᠠᠳᠠᠷ ᠬᠡᠪᠡᠭ ᠲᠡᠢ ᠪᠡᠨ ᠢᠵᠢᠯ ᠤᠷᠲᠤ᠂ ᠦᠵᠦᠭᠦᠷ ᠲᠤᠨᠢ ᠵᠢᠵᠢᠭ ᠤᠨᠢ ᠲᠠᠢ ; ᠲᠣᠭᠤᠰᠤᠪᠴᠢ ᠨᠢ2mm ᠣᠷᠴᠢᠮ ᠤᠷᠲᠤ᠃
ᠭᠠᠩ ᠬᠠᠭᠤᠷᠠᠢ ᠠᠭᠤᠯᠠ ᠶ᠋ᠢᠨ ᠬᠠᠵᠠᠭᠤ᠂ ᠬᠡᠭᠡᠷᠡ ᠲᠠᠯᠠ ᠳ᠋ᠤ ᠤᠷᠭᠤᠨᠠ᠃
ᠮᠠᠨ ᠤ ᠤᠯᠤᠰ ᠦ᠋ᠨ ᠥᠪᠥᠷ ᠮᠣᠩᠭᠣᠯ᠂ ᠾᠧᠪᠧᠢ᠂ ᠱᠠᠨᠰᠢ ᠬᠢᠭᠡᠳ ᠵᠡᠭᠦᠨ ᠬᠣᠶ᠋ᠢᠲᠤ ᠣᠷᠣᠨ ᠳ᠋ᠤ ᠤᠷᠭᠤᠳᠠᠭ᠃
ᠪᠡᠯᠴᠢᠭᠡᠷ ᠡᠪᠡᠰᠦ ᠮᠥᠨ᠃
ᠬᠢᠲᠠᠳ ᠨᠡᠷᠡ᠄多叶隐子草
ᠠᠩᠭ᠌ᠯᠢ ᠨᠡᠷᠡ᠄ Cleistogenes polyphylla Keng ex Keng f. et L. Liou
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠳ᠂ ᠡᠷᠬᠢᠮᠪᠠᠭᠠᠲᠤᠷ
ᠬᠢᠨᠠᠭᠴᠢ᠄ ᠲᠤᠶᠠᠭᠠ