ᠡᠵᠢ ᠬᠠᠢᠷᠬᠠᠨ ᠠᠭᠤᠯᠠ ᠶᠢᠨ ᠳᠣᠮᠣᠭЭэж хайрхан уулын домог
650ᠡᠵᠢ ᠬᠠᠢᠷᠬᠠᠨ ᠠᠭᠤᠯᠠ ᠶ᠋ᠢᠨ ᠳᠣᠮᠣᠭ
ᠳᠣᠮᠣᠭ ᠦᠯᠢᠭᠡᠷ
ᠬᠠᠷᠠᠴᠠ ᠠᠷᠠᠳ ᠠ᠋ᠴᠠ ᠲᠥᠷᠥᠭᠰᠡᠨ ᠨᠢᠭᠡᠨ ᠥᠬᠢᠨ ᠥᠰᠴᠦ ᠲᠣᠮᠣᠷᠠᠭᠠᠳ ᠭᠤᠸᠠ ᠦᠵᠡᠰᠬᠦᠯᠡᠩ ᠢ᠋ᠶ᠋ᠡᠷ ᠬᠠᠪᠢ ᠣᠢᠷᠠ ᠳ᠋ᠤ᠌ ᠪᠠᠨ ᠱᠠᠭᠰᠢᠭᠳᠠᠬᠤ ᠪᠣᠯᠵᠠᠢ᠃ ᠪᠢᠷᠠ ᠴᠢᠳᠠᠯ ᠰᠠᠢᠨ ᠲᠠᠢ ᠬᠠᠭᠠᠳ ᠨᠣᠶᠠᠳ ᠶᠡᠬᠡᠰ ᠳᠡᠭᠡᠳᠦᠰ ᠰᠦᠢ ᠪᠡᠯᠡᠭ ᠲᠠᠯᠪᠢᠶᠠ ᠭᠡᠵᠦ ᠰᠡᠦᠬᠡ ᠲᠡᠷᠭᠡ ᠪᠡᠷ ᠭᠡᠷ ᠲᠦ᠍ ᠪᠡᠨ ᠠᠪᠴᠢᠷᠠᠵᠠᠢ᠃ ᠡᠬᠢᠨ ᠦ᠌ ᠨᠣᠶᠠᠨ ᠠᠵᠢᠶᠠ ᠪᠣᠭᠳᠠ ᠡᠩ ᠦᠭᠡᠢ ᠰᠠᠢᠬᠠᠨ ᠵᠠᠩ ᠭᠠᠷᠭᠠᠵᠤ ᠡᠭᠡᠯ ᠦᠭᠡᠢ ᠬᠦᠨᠳᠦᠳᠬᠡᠯ ᠦᠵᠡᠭᠦᠯᠦᠭᠰᠡᠨ ᠴᠦ᠍ ᠡᠷᠭᠢᠬᠦ ᠬᠣᠷᠸᠠ ᠶ᠋ᠢᠨ ᠵᠢᠮᠡ ᠪᠡᠷ ᠲᠣᠯᠣᠭᠠᠢ ᠳ᠋ᠤ᠌ ᠨᠢ ᠪᠤᠭᠤᠷᠤᠯ ᠣᠷᠣᠭᠰᠠᠨ ᠢ᠋ ᠪᠦᠰᠡᠭᠦᠢ ᠠᠵᠢᠶᠠᠷᠠᠭᠠᠳ ᠭᠣᠯᠣᠴᠢᠬᠠᠵᠠᠢ᠃ ᠳᠠᠷᠠᠭᠠ ᠨᠢ ᠨᠣᠶᠠᠨ ᠪᠤᠷᠬᠠᠨ ᠪᠤᠭᠤᠳᠠᠢ ᠪᠦᠰᠡᠭᠦᠢ ᠶ᠋ᠢ ᠭᠡᠷ ᠲᠦ᠍ ᠪᠡᠨ ᠵᠠᠯᠠᠬᠤ ᠳ᠋ᠤ᠌ ᠪᠠᠨ ᠨᠢᠭᠡᠨᠲᠡ ᠡᠪᠦᠭᠡᠨ ᠠᠵᠢᠶᠠ ᠶ᠋ᠢ ᠭᠣᠯᠣᠭᠰᠠᠨ ᠶᠤᠮ ᠴᠢᠨᠢ ᠨᠠᠳᠠ ᠲᠠᠢ ᠰᠠᠭᠤᠬᠤ ᠨᠢ ᠭᠠᠷᠴᠠᠭᠠ ᠦᠭᠡᠢ ᠭᠡᠳ ᠶᠡᠬᠡᠷᠬᠡᠦ ᠵᠠᠩ ᠭᠠᠷᠭᠠᠵᠤ ᠬᠠᠳᠠᠨ ᠬᠠᠢᠷᠬᠠᠨ ᠳ᠋ᠤ᠌ ᠠᠭᠤᠯᠵᠠᠶᠠ ᠬᠦᠯᠢᠶᠡᠵᠦ ᠪᠠᠢ ᠭᠡᠳ ᠢᠯᠴᠢ ᠢᠯᠡᠭᠡᠬᠦ ᠳ᠋ᠦ᠍ ᠪᠦᠰᠡᠭᠦᠢ ᠡᠨᠡ ᠶᠡᠬᠡᠰ ᠳᠡᠭᠡᠳᠦᠰ ᠢᠩᠭᠢᠭᠡᠳ ᠯᠡ ᠨᠢᠭᠡ ᠵᠢᠪᠡᠭᠦᠨ ᠰᠢᠦ ᠵᠠ ᠶᠠᠷᠰᠢᠭ ᠪᠤᠴᠠᠶᠠ ᠭᠡᠳ ᠵᠠᠮ ᠳᠠᠭᠠᠤ ᠠᠭᠤᠯᠠ ᠶ᠋ᠢᠨ ᠬᠣᠷᠮᠣᠢ ᠳ᠋ᠤ᠌ ᠬᠣᠶᠠᠷ ᠬᠥᠯ ᠢ᠋ᠶ᠋ᠡᠨ ᠨᠤᠭᠤᠯᠤᠨ ᠬᠡᠪᠲᠡᠲᠡᠯᠡ ᠵᠦᠭᠦᠷᠮᠡᠭᠯᠡᠴᠢᠬᠡᠵᠦ ᠭᠡᠨᠡ᠃ ᠡᠨᠡ ᠵᠠᠭᠤᠷᠠ ᠪᠤᠷᠬᠠᠨ ᠪᠤᠭᠤᠳᠠᠢ ᠶ᠋ᠢᠨ ᠢᠯᠴᠢ ᠨᠠᠷ ᠢᠷᠡᠭᠡᠳ ᠪᠦᠰᠡᠭᠦᠢ ᠶ᠋ᠢ ᠪᠦᠷᠢᠮᠦᠰᠦᠨ ᠠᠯᠳᠠᠴᠢᠬᠠᠵᠤ ᠮᠡᠳᠡᠨᠡ ᠭᠡᠳ ᠡᠯᠡᠰᠦ ᠪᠡᠷ ᠬᠣᠷᠮᠣᠢ ᠶ᠋ᠢ ᠨᠢ ᠳᠠᠷᠤᠵᠤ ᠣᠷᠬᠢᠵᠤ ᠭᠡᠨᠡ ᠢᠩᠭᠢᠭᠡᠳ ᠪᠦᠰᠡᠭᠦᠢ ᠡᠨᠳᠡ ᠪᠡᠨ ᠡᠭᠦᠷᠢᠳᠡ ᠦᠯᠡᠳᠡᠵᠦ ᠡᠵᠢ ᠬᠠᠢᠷᠬᠠᠨ ᠠᠭᠤᠯᠠ ᠡᠭᠦᠰᠦᠭᠰᠡᠨ ᠶᠦᠮ ᠭᠡᠳᠡᠭ᠃
ᠦᠰᠦᠭ ᠠᠮᠢᠯᠠᠭᠤᠯᠤᠨ ᠬᠠᠲᠠᠭᠴᠢ᠄ ᠯᠢᠩᠬᠤᠸᠠᠴᠡᠴᠡᠭ
ᠬᠢᠨᠠᠭᠴᠢ᠄ ᠤᠳᠬᠠᠨᠴᠡᠴᠡᠭ