ᠡᠬᠡ ᠬᠡᠯᠡ ᠪᠡᠨ ᠬᠦᠨᠳᠦᠳᠬᠡᠪᠡᠯ ᠪᠤᠰᠤᠳ ᠦᠨᠳᠦᠰᠦᠲᠡᠨ ᠦ᠌ ᠬᠦᠨᠳᠦᠳᠬᠡᠯ ᠢ᠋ ᠣᠯᠤᠨᠠ
1066ᠡᠬᠡ ᠬᠡᠯᠡ ᠪᠡᠨ ᠬᠦᠨᠳᠦᠳᠬᠡᠪᠡᠯ ᠪᠤᠰᠤᠳ ᠦᠨᠳᠦᠰᠦᠲᠡᠨ ᠦ᠌ ᠬᠦᠨᠳᠦᠳᠬᠡᠯ ᠢ᠋ ᠣᠯᠤᠨᠠ
ᠵᠠ᠂ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠰᠠᠢᠨ ᠪᠠᠢᠨᠠ ᠤᠤ? ᠰᠠᠢᠬᠠᠨ ᠨᠠᠮᠤᠷᠵᠢᠵᠤ ᠪᠠᠢᠨᠠ ᠤᠤ?
ᠢᠩᠭᠢᠭᠡᠳ ᠳᠤᠯᠠᠭᠠᠨ ᠤ᠋《ᠠᠶᠠᠯᠠᠯ ᠤ᠋ᠨ ᠳᠤᠷᠠᠰᠤᠮᠵᠢ》 ᠬᠦᠪᠦᠷᠡᠵᠦ ᠪᠠᠢᠨᠠ᠃ ᠢᠩᠭᠢᠭᠡᠳ ᠡᠬᠡ ᠪᠣᠯᠤᠭᠰᠠᠨ ᠮᠣᠩᠭᠣᠯ ᠬᠡᠯᠡ ᠪᠡᠷ ᠢ᠋ᠶ᠋ᠡᠨ ᠬᠣᠯᠢᠴᠠ ᠦᠭᠡᠢ ᠶᠠᠷᠢᠵᠤ ᠶᠠᠪᠤᠬᠤ ᠳ᠋ᠤ᠌ ᠪᠠᠰᠠ ᠪᠤᠰᠤᠳ ᠣᠯᠠᠨ ᠦᠨᠳᠦᠰᠦᠲᠡᠨ ᠦ᠌ ᠬᠥᠮᠦᠰ ᠦ᠋ᠨ ᠬᠦᠨᠳᠦᠳᠬᠡᠯ ᠢ᠋ ᠣᠯᠳᠠᠭ ᠶᠤᠮ ᠠ᠋!
ᠪᠢ ᠭᠤᠸᠠᠩᠵᠸᠦ ᠳ᠋ᠦ᠍ ᠠᠶᠠᠯᠠᠵᠤ ᠪᠠᠢᠬᠤ ᠳ᠋ᠤ᠌ ᠪᠠᠨ ᠬᠥᠯ ᠪᠥᠮᠪᠥᠭᠡ ᠲᠣᠭᠯᠠᠳᠠᠭ ᠨᠢᠭᠡ ᠠᠬᠠ ᠲᠠᠢ ᠠᠭᠤᠯᠵᠠᠭᠠᠳ《ᠪᠢ ᠮᠣᠩᠭᠣᠯ ᠬᠥᠮᠦᠨ》 ᠭᠡᠳᠡᠭ ᠡᠢᠮᠦ ᠲᠠᠮᠢᠷ ᠤ᠋ᠨ ᠬᠤᠪᠴᠠᠰᠤ᠂ ᠮᠠᠨ ᠤ᠋ ᠪᠠᠭ ᠤ᠋ᠨ ᠬᠤᠪᠴᠠᠰᠤ ᠡᠮᠦᠰᠦᠭᠡᠳ ᠶᠠᠪᠤᠵᠤ ᠪᠠᠢᠭᠰᠠᠨ ᠴᠢᠨᠢ᠄《ᠬᠥᠶᠢ᠂ ᠴᠢ ᠮᠣᠩᠭᠣᠯ ᠬᠥᠮᠦᠨ ᠤᠤ?》 ᠶᠡᠬᠡ ᠭᠠᠢᠬᠠᠳᠠᠭ ᠶᠤᠮ᠃《ᠲᠡᠢᠮᠦ ᠠ᠋!》 ᠭᠡᠰᠡᠨ ᠳ᠋ᠦ᠍《ᠠ᠋᠁ ᠴᠢ ᠮᠣᠩᠭᠣᠯ ᠢ᠋ᠶ᠋ᠠᠷ ᠶᠠᠷᠢᠵᠤ ᠴᠢᠳᠠᠨᠠ ᠤᠤ?》 ᠲᠡᠭᠡᠭᠡᠳ ᠪᠢ᠄《ᠴᠢᠳᠠᠨᠠ!》᠃ ᠠ᠋᠁ ᠶᠠᠷᠢᠭᠰᠠᠨ ᠴᠢᠨᠢ᠄《ᠥ᠂ ᠲᠡᠢᠮᠦ ᠪᠠᠢᠨᠠ᠂ ᠲᠡᠭᠡᠪᠡᠯ ᠶᠠᠭᠤ ᠪᠠᠢᠨᠠ᠂ ᠠ᠁ ᠴᠢ ᠬᠢᠲᠠᠳ ᠬᠡᠯᠡ ᠪᠡᠷ ᠪᠠᠰᠠ ᠶᠠᠷᠢᠨᠠ᠂ ᠠᠩᠭ᠌ᠯᠢ ᠬᠡᠯᠡ ᠪᠡᠷ ᠪᠠᠰᠠ ᠶᠠᠷᠢᠨᠠ᠂ ᠴᠢ ᠴᠢᠨᠢ ᠭᠤᠷᠪᠠᠨ ᠬᠡᠯᠡ ᠲᠡᠢ᠂ ᠠ᠂ ᠲᠡᠭᠡᠭᠡᠳ ᠮᠣᠩᠭᠣᠯ ᠬᠥᠮᠦᠨ ᠣᠳᠣ ᠶᠠᠭᠠᠬᠢᠵᠤ ᠪᠠᠢᠨᠠ?》᠃ ᠪᠢ᠄《ᠴᠠᠭ ᠤ᠋ᠨ ᠢ᠋ᠶ᠋ᠠᠨ ᠥᠩᠭᠡᠨ ᠳ᠋ᠦ᠍ ᠣᠳᠣ ᠤᠷᠤᠭᠰᠢᠯᠠᠵᠤ ᠪᠠᠢᠨᠠ!》 ᠭᠡᠰᠡᠨ ᠴᠢᠨᠢ᠄《ᠠ᠁ ᠨᠢᠭᠡ ᠰᠢᠯᠢᠳᠡᠭ ᠦᠨᠳᠦᠰᠦᠲᠡᠨ ᠦ᠌ ᠡᠷᠬᠢᠮ ᠴᠢᠨᠠᠷ ᠤ᠋ᠨ ᠬᠢᠨᠢ ᠡᠷᠡᠨ ᠵᠠᠭᠤᠨ ᠪᠣᠯᠭᠠᠨ ᠳ᠋ᠠᠬᠢ ᠢᠯᠡᠷᠬᠡᠢᠯᠡᠯ ᠪᠦᠷ ᠠᠳᠠᠯᠢ ᠦᠭᠡᠢ ᠰᠢᠦ᠂ ᠮᠣᠩᠭᠣᠯ ᠬᠥᠮᠦᠨ ᠪᠣᠯ ᠰᠢᠯᠢᠳᠡᠭ ᠰᠢᠦ! ᠴᠢ ᠦᠵᠡ ᠳᠡ᠂ ᠥᠨᠥᠳᠥᠷ ᠪᠦᠬᠦ ᠤᠯᠤᠰ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠣᠳᠣ〈 ᠮᠣᠩᠭᠣᠯ ᠮᠣᠷᠢᠨ ᠤ᠋ ᠵᠣᠷᠢᠭ ᠰᠠᠨᠠᠭᠠ〉 ᠶ᠋ᠢ ᠰᠤᠷᠤᠯᠴᠠᠵᠤ ᠪᠠᠢᠨᠠ᠂ ᠬᠡᠳᠦᠢ ᠰᠠᠢᠨ ᠤᠴᠢᠷ ᠤᠤ⁈》᠃
ᠲᠡᠭᠡᠭᠡᠳ ᠪᠢ ᠪᠣᠳᠣᠯᠠ᠄ ᠠ᠁ ᠥᠪᠡᠷ ᠦ᠋ᠨ ᠡᠬᠡ ᠬᠡᠯᠡ ᠪᠡᠨ ᠬᠣᠯᠢᠴᠠ ᠦᠭᠡᠢ ᠶᠠᠷᠢᠵᠤ᠂ ᠡᠬᠡ ᠬᠡᠯᠡ ᠪᠡᠨ ᠥᠪᠡᠷ ᠢ᠋ᠶ᠋ᠡᠨ ᠬᠦᠨᠳᠦᠳᠬᠡᠵᠦ ᠶᠠᠪᠤᠪᠠᠯ ᠬᠥᠮᠦᠨ ᠴᠢᠮᠠ ᠶ᠋ᠢ ᠬᠦᠨᠳᠦᠳᠬᠡᠨᠡ᠃ ᠠ᠂ ᠲᠡᠭᠡᠭᠡᠳ ᠪᠤᠰᠤᠳ ᠦᠨᠳᠦᠰᠦᠲᠡᠨ ᠦ᠌ ᠬᠡᠯᠡ ᠶ᠋ᠢ ᠪᠠᠰᠠ ᠣᠳᠣ ᠰᠠᠢᠨ ᠰᠤᠷᠤᠯᠴᠠᠭᠠᠳ ᠶᠠᠪᠤᠬᠤ ᠶᠤᠮ ᠪᠣᠯ ᠥᠪᠡᠷ ᠦ᠋ᠨ ᠬᠡᠯᠡ ᠰᠣᠶᠣᠯ ᠢ᠋ᠶ᠋ᠠᠨ ᠪᠠᠰᠠ ᠪᠤᠰᠤᠳ ᠲᠤ ᠲᠠᠨᠢᠯᠴᠠᠭᠤᠯᠵᠤ ᠴᠢᠳᠠᠨᠠ᠂ ᠡᠨᠡ ᠵᠠᠮ ᠣᠳᠣ ᠢᠩᠭᠢᠵᠦ ᠵᠣᠷᠢᠭᠲᠠᠢ ᠭᠠᠷᠤᠭᠰᠠᠨ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠮᠥᠩᠬᠡ ᠭᠠᠯ
ᠦᠰᠦᠭ ᠬᠠᠲᠠᠭᠴᠢ᠄ ᠮᠥᠩᠬᠡ ᠭᠠᠯ
ᠬᠢᠨᠠᠭᠴᠢ᠄ ᠳᠠᠪᠰᠢᠯᠳᠤ᠂ ᠠᠯᠲᠠᠨᠴᠢᠮᠡᠭ