ᠮᠢᠨᠦ ᠡᠵᠢ ᠰᠡᠬᠡᠭᠡᠲᠡᠨ ᠭᠠᠢᠬᠠᠯᠲᠠᠢ ᠰᠣᠷᠢᠨᠵᠢᠨ - ᠳ· ᠨᠠᠴᠤᠭᠳᠣᠷᠵᠢ ᠣᠬᠣᠷ ᠰᠢᠯᠦᠭ Д.Нацагдорж
348ᠮᠢᠨᠦ ᠡᠵᠢ ᠰᠡᠬᠡᠭᠡᠲᠡᠨ ᠭᠠᠢᠬᠠᠯᠲᠠᠢ ᠰᠣᠷᠢᠨᠵᠢᠨ
ᠮᠢᠨᠦ ᠡᠵᠢ
ᠮᠣᠩᠭᠣᠯ ᠤ᠋ᠨ ᠦᠵᠡᠰᠬᠦᠯᠡᠩᠲᠦ ᠰᠠᠷᠠᠨ ᠭᠤᠸᠠ ᠨᠠᠮᠠᠶ᠋ᠢ ᠲᠥᠷᠥᠭᠦᠯᠦᠭᠰᠡᠨ ᠡᠵᠢ
ᠢᠷᠠᠭᠤ ᠰᠠᠢᠬᠠᠨ ᠡᠭᠡᠰᠢᠭ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠥᠩ ᠪᠦᠩ ᠪᠦᠪᠡᠢᠯᠡᠭᠰᠡᠨ ᠡᠵᠢ
ᠵᠥᠭᠡᠯᠡᠨ ᠴᠠᠭᠠᠨ ᠭᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠬᠥᠳᠡᠯᠭᠡᠨ ᠥᠰᠬᠡᠭᠰᠡᠨ ᠡᠵᠢ
ᠵᠦᠢᠲᠡᠢ ᠤᠷᠠᠨ ᠦᠭᠡᠰ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠰᠤᠷᠭᠠᠨ ᠬᠥᠮᠦᠵᠢᠭᠦᠯᠦᠭᠰᠡᠨ ᠡᠵᠢ᠃
ᠰᠡᠬᠡᠭᠡᠲᠡᠨ
ᠵᠣᠷᠢᠭᠲᠤ ᠮᠣᠩᠭᠣᠯ ᠤ᠋ᠨ ᠠᠴᠢ ᠨᠠᠷ ᠲᠦᠮᠡᠨ ᠲᠦᠮᠡᠨ ᠦᠷᠡᠰ
ᠵᠣᠯᠪᠣᠭᠠᠲᠤ ᠬᠥᠪᠡᠭᠦᠳ ᠥᠬᠢᠳ ᠴᠣᠭ ᠵᠠᠯᠢ ᠲᠡᠭᠦᠰ
ᠬᠦᠨᠳᠦᠲᠦ ᠨᠡᠷᠡ ᠪᠡᠨ ᠳᠠᠭᠤᠳᠠᠭᠤᠯᠤᠭᠰᠠᠭᠠᠷ ᠬᠣᠢᠴᠢ ᠶ᠋ᠢ ᠵᠠᠯᠭᠠᠮᠵᠢᠯᠠᠬᠤ ᠵᠠᠯᠠᠭᠤᠰ
ᠬᠥᠳᠡᠭᠡ ᠶ᠋ᠢᠨ ᠠᠭᠤᠯᠠ ᠲᠠᠯᠠ ᠪᠠᠷ ᠰᠣᠶᠣᠯ ᠢ᠋ ᠲᠠᠷᠢᠬᠤ ᠬᠥᠮᠦᠰ᠃
ᠭᠠᠢᠬᠠᠯᠲᠠᠢ
ᠬᠠᠷᠠ ᠮᠠᠯᠠᠭᠠ ᠲᠠᠢ ᠵᠠᠯᠠᠭᠤ ᠡᠬᠡᠨᠡᠷ ᠦ᠋ᠨ
ᠦᠵᠡᠰᠬᠦᠯᠡᠩ ᠢ᠋ ᠪᠢ ᠶᠡᠬᠡᠳᠡ ᠮᠠᠭᠲᠠᠨᠠ᠃
ᠬᠠᠯᠵᠠᠨ ᠲᠣᠯᠣᠭᠠᠢ ᠲᠠᠢ ᠲᠡᠭᠦᠨ ᠦ᠌ ᠨᠥᠬᠥᠷ ᠦ᠋ᠨ
ᠠᠷᠭᠠ ᠶ᠋ᠢ ᠪᠢ ᠪᠠᠰᠠ ᠭᠠᠢᠬᠠᠨᠠ᠃
ᠰᠣᠷᠢᠨᠵᠢᠨ
ᠴᠠᠭᠠᠨ ᠲᠤᠭᠤᠷᠭᠠᠨ ᠤ᠋ ᠬᠠᠵᠠᠭᠤ ᠳ᠋ᠤ᠌
ᠤᠯᠠᠭᠠᠨ ᠮᠠᠯᠠᠭᠠᠢ ᠲᠤᠶᠠᠭᠠᠷᠠᠬᠤ ᠪᠥᠭᠡᠳ
ᠤᠯᠠᠭᠠᠨ ᠮᠠᠯᠠᠭᠠᠢ ᠶ᠋ᠢᠨ ᠳᠣᠭᠤᠤᠷ
ᠬᠠᠰ ᠤ᠋ᠨ ᠴᠢᠷᠠᠢ ᠶ᠋ᠢ ᠭᠡᠷᠡᠯᠲᠦᠭᠦᠯᠦᠭᠴᠢ
ᠴᠡᠪᠡᠷᠬᠡᠨ ᠲᠥᠷᠥᠭᠰᠡᠨ ᠵᠠᠯᠠᠭᠤ ᠥᠬᠢᠨ
ᠮᠢᠨᠦ ᠰᠡᠳᠬᠢᠯ ᠢ᠋ ᠪᠤᠯᠢᠶᠠᠨᠠ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠰᠤᠳᠤᠯᠲᠤ
ᠬᠢᠨᠠᠭᠴᠢ᠄ ᠭᠠᠷᠮᠠ᠂ ᠣᠳᠬᠠᠨᠰᠣᠠ