ᠢᠨᠠᠭ - ᠳ· ᠨᠠᠴᠤᠭᠳᠣᠷᠵᠢЯнаг-Д.Нацагдорж
374ᠢᠨᠠᠭ
ᠳ· ᠨᠠᠴᠤᠭᠳᠣᠷᠵᠢ
ᠠᠭᠤᠯᠠ ᠤᠰᠤ ᠨᠢ ᠲᠡᠭᠰᠢ ᠪᠣᠯ
ᠵᠢᠭᠦᠷᠲᠡᠨ ᠳᠣᠩᠭᠣᠳᠬᠤ ᠨᠢ ᠢᠷᠠᠭᠤ᠂
ᠤᠭ ᠰᠡᠳᠬᠢᠯ ᠨᠢᠭᠡ ᠪᠣᠯ
ᠦᠭᠡ ᠬᠡᠯᠡ ᠨᠠᠢᠷᠠᠮᠳᠠᠭᠤ᠃
ᠰᠡᠳᠬᠢᠯ ᠦ᠋ᠨ ᠠᠮᠠᠷᠠᠭ ᠭᠡᠭᠴᠢ ᠨᠢ
ᠰᠢᠵᠢᠷ ᠠᠯᠲᠠᠨ ᠠ᠋ᠴᠠ ᠦᠨᠡ ᠲᠡᠢ ᠶᠦᠮ᠃
ᠰᠢᠯᠢᠵᠦ ᠲᠡᠭᠦᠨ ᠢ᠋ ᠠᠪᠬᠤ ᠨᠢ
ᠬᠢᠮᠳᠠ ᠦᠭᠡᠢ ᠬᠡᠷᠡᠭ ᠳᠡ᠃
ᠦᠨᠡᠨ ᠰᠡᠳᠬᠢᠯ ᠭᠡᠭᠴᠢ
ᠡᠨᠡ ᠶᠢᠷᠲᠢᠨᠴᠦ ᠳ᠋ᠦ᠍ ᠬᠣᠪᠣᠷ ᠶᠤᠮ᠃
ᠤᠴᠠᠷᠠᠵᠤ ᠲᠡᠭᠦᠨ ᠢ᠋ ᠣᠯᠬᠤ ᠨᠢ
ᠣᠷᠴᠢᠯᠠᠩ ᠳᠡᠭᠡᠷᠡ ᠴᠤᠬᠠᠭ ᠶᠤᠮ᠃
ᠨᠡᠢᠯᠡᠭᠰᠡᠨ ᠬᠣᠶᠠᠷ ᠰᠡᠳᠬᠢᠯ ᠨᠢ
ᠮᠢᠩᠭᠠᠨ ᠯᠠᠩ ᠤ᠋ᠨ ᠠᠯᠲᠠ ᠰᠢᠭ᠋᠂
ᠵᠠᠢ ᠦᠭᠡᠢ ᠬᠠᠲᠠᠭᠤ ᠨᠢᠭᠲᠠ ᠳ᠋ᠤᠨᠢ
ᠵᠡᠭᠦᠦ ᠶ᠋ᠢᠨ ᠦᠵᠦᠭᠦᠷ ᠣᠷᠣᠬᠤ ᠦᠭᠡᠢ᠂
ᠢᠨᠠᠭ ᠠᠮᠠᠷᠠᠭ ᠭᠡᠭᠴᠢ ᠨᠢ
ᠡᠮᠵᠡᠭ ᠭᠡᠳᠡᠭ ᠨᠢ ᠶᠠᠭᠠᠬᠢᠬᠤ ᠠᠷᠭᠠ ᠦᠭᠡᠢ᠃
ᠶᠠᠯᠢ ᠦᠭᠡᠢ ᠪᠢᠴᠢᠬᠠᠨ ᠭᠦᠨᠳᠡᠪᠡᠯ
ᠡᠮᠲᠡᠷᠡᠵᠦ ᠡᠪᠳᠡᠷᠡᠬᠦ ᠨᠢ ᠬᠢᠯᠪᠠᠷᠬᠠᠨ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠴᠠᠬᠠᠷ ᠪᠠᠲᠤ
ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ᠂ ᠣᠳᠬᠠᠨᠰᠣᠠ