ᠬᠠᠭᠤᠴᠢᠨ ᠮᠣᠩᠭᠣᠯ - ᠳ· ᠨᠠᠴᠤᠭᠳᠣᠷᠵᠢХуучин монгол-Д.Нацагдорж
253ᠬᠠᠭᠤᠴᠢᠨ ᠮᠣᠩᠭᠣᠯ
ᠳ· ᠨᠠᠴᠤᠭᠳᠣᠷᠵᠢ
ᠬᠠᠭᠤᠴᠢᠨ ᠮᠣᠩᠭᠣᠯ ᠤ᠋ᠨ ᠬᠠᠷᠠᠩᠭᠤᠢ ᠴᠠᠭ ᠲᠤ᠌
ᠠᠷᠠᠳ ᠪᠦᠬᠦᠨ ᠵᠣᠪᠠᠯᠠᠩ ᠤ᠋ᠨ ᠳᠠᠯᠠᠢ ᠶ᠋ᠢ ᠭᠠᠲᠤᠯᠵᠠᠢ
ᠬᠠᠭᠤᠴᠢᠨ ᠮᠣᠩᠭᠣᠯ ᠤ᠋ᠨ ᠬᠠᠷᠭᠢᠰ ᠦᠶᠡ ᠳ᠋ᠦ᠍
ᠬᠥᠮᠦᠨ ᠪᠦᠬᠦᠨ ᠭᠠᠰᠠᠯᠠᠩ ᠤ᠋ᠨ ᠣᠷᠣᠨ ᠳ᠋ᠤ᠌ ᠲᠥᠷᠥᠵᠡᠢ᠃
ᠬᠠᠭᠤᠴᠢᠨ ᠮᠣᠩᠭᠣᠯ ᠤ᠋ᠨ ᠪᠦᠳᠦᠭᠦᠯᠢᠭ ᠮᠤᠩᠬᠠᠭ ᠦᠶᠡ ᠳ᠋ᠦ᠍
ᠮᠣᠩᠭᠣᠯᠴᠤᠳ ᠳᠠᠶᠠᠭᠠᠷ ᠬᠠᠷᠠᠩᠭᠤᠢ ᠶ᠋ᠢ ᠲᠠᠮᠲᠠᠷᠢᠵᠠᠢ᠃
ᠬᠠᠤᠯᠢ ᠶᠣᠰᠣᠨ ᠤ᠋ ᠳᠦᠷᠢᠮ ᠵᠢᠷᠤᠮ ᠦᠭᠡᠢ
ᠬᠡᠭᠡᠯᠢ ᠬᠠᠬᠤᠤᠯᠢ ᠳ᠋ᠤ᠌ ᠬᠡᠮᠵᠢᠶᠡ ᠬᠢᠵᠠᠭᠠᠷ ᠦᠭᠡᠢ
ᠶᠠᠳᠠᠷᠠᠭᠰᠠᠨ ᠠᠷᠠᠳ ᠤ᠋ᠨ ᠬᠣᠩᠭᠣᠨ ᠤ᠋ ᠮᠢᠬᠠ ᠰᠢᠯᠪᠤᠷᠠᠵᠤ
ᠵᠦᠳᠡᠷᠡᠭᠰᠡᠨ ᠲᠦᠮᠡᠨ ᠦ᠌ ᠬᠠᠴᠠᠷ ᠤ᠋ᠨ ᠶᠠᠰᠤ ᠬᠡᠮᠬᠡᠷᠡᠵᠦ
ᠠᠯᠪᠠᠨ ᠲᠠᠲᠠᠪᠤᠷᠢ ᠠᠷᠠᠳ ᠪᠦᠬᠦᠨ ᠦ᠌ ᠮᠢᠬᠠ ᠶ᠋ᠢ ᠱᠤᠯᠤᠭᠰᠠᠨ
ᠠᠪᠯᠢᠭᠠᠴᠢ ᠨᠣᠶᠠᠳ ᠬᠤᠲᠤᠭᠲᠤ ᠬᠤᠪᠢᠯᠭᠠᠳ ᠴᠡᠩᠭᠡᠭᠰᠡᠨ
ᠠᠵᠤ ᠠᠬᠤᠢ ᠳᠣᠷᠣᠢᠲᠠᠵᠤ ᠪᠠᠭᠤᠷᠠᠭᠰᠠᠨ
ᠠᠮᠢᠳᠤᠷᠠᠯ ᠬᠥᠮᠦᠵᠢᠯ ᠪᠠᠯᠠᠷᠠᠵᠤ ᠮᠠᠭᠤᠳᠠᠭᠰᠠᠨ
ᠭᠡᠭᠡᠨ ᠰᠣᠶᠣᠯ ᠲᠤᠩᠭᠠᠯᠠᠭ ᠵᠠᠮ ᠦᠭᠡᠢ
ᠡᠷᠳᠡᠮ ᠪᠢᠴᠢᠭ ᠡᠯᠳᠡᠪ ᠤᠬᠠᠭᠠᠨ ᠦᠭᠡᠢ
ᠲᠦᠷᠢᠮᠡᠬᠡᠢ ᠶᠣᠰᠣ ᠲᠦᠮᠡᠨ ᠵᠦᠢᠯ ᠢ᠋ᠶ᠋ᠡᠷ ᠳᠦᠭᠦᠷᠦᠭᠰᠡᠨ
ᠵᠣᠪᠠᠯᠠᠩ ᠵᠦᠳᠡᠭᠦᠷᠢ ᠭᠠᠰᠠᠯᠠᠩ ᠭᠠᠮᠰᠢᠭ ᠢ᠋ᠶ᠋ᠠᠷ
ᠶᠢᠷᠲᠢᠨᠴᠦ ᠶ᠋ᠢᠨ ᠨᠢᠳᠦᠨ ᠳ᠋ᠦ᠍ ᠰᠢᠪᠰᠢᠭ ᠪᠣᠯᠤᠭᠰᠠᠨ
ᠬᠠᠭᠤᠴᠢᠨ ᠮᠣᠩᠭᠣᠯ ᠹᠧᠣᠳᠠᠯ ᠤ᠋ᠨ ᠮᠣᠩᠭᠣᠯ
ᠪᠣᠳᠢᠰᠠᠳ᠋ᠸᠠ ᠶ᠋ᠢᠨ ᠱᠠᠰᠢᠨ ᠳ᠋ᠤ᠌ ᠬᠡᠲᠦᠷᠬᠡᠢ ᠠᠪᠲᠠᠭᠳᠠᠵᠤ
ᠪᠦᠳᠦᠭᠦᠯᠢᠭ ᠶᠣᠰᠣᠨ ᠳ᠋ᠤ᠌ ᠨᠡᠪᠲᠡᠷᠬᠡᠢ ᠳᠠᠷᠤᠭᠳᠠᠵᠤ ᠪᠠᠢᠯᠠ᠃
1935 ᠣᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣᠶᠤᠨᠪᠠᠲᠤ
ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ᠂ ᠣᠳᠬᠠᠨᠰᠣᠠ