ᠠᠯᠢᠪᠠ ᠦᠵᠡᠯ ᠪᠣᠯ ᠰᠣᠯᠣᠩᠭᠠ – ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ Аливаа үзэл бол солонго - Ёндоны Билиг - Баатар
216ᠠᠯᠢᠪᠠ ᠦᠵᠡᠯ ᠪᠣᠯ ᠰᠣᠯᠣᠩᠭᠠ
ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠦ᠌ ᠲᠡᠦᠬᠡᠨ ᠳ᠋ᠦ᠍ ᠶᠡᠷᠦ
ᠬᠥᠮᠦᠰ ᠪᠦᠭᠦᠳᠡ ᠦᠵᠡᠯ ᠳ᠋ᠦ᠍ ᠠᠪᠲᠠᠭᠳᠠᠳᠠᠭ
ᠰᠢᠨᠤᠯ ᠳᠡᠩᠳᠡᠭᠦᠦ ᠬᠥᠭᠡᠰᠦᠷᠡᠨ ᠬᠡᠲᠦᠷᠡᠪᠡᠰᠦ
ᠱᠣᠷᠣᠩ ᠤ᠋ᠨ ᠡᠭᠦᠳᠡ ᠶ᠋ᠢ ᠡᠷᠬᠡᠪᠰᠢ ᠲᠠᠲᠠᠮᠤ
ᠬᠠᠮᠢᠭᠠ ᠬᠥᠮᠦᠰ ᠪᠠᠢᠪᠠᠯ ᠲᠡᠨᠳᠡ ᠲᠡᠢᠨ ᠪᠠᠢᠨᠠ
ᠬᠠᠮᠢᠭᠠ ᠲᠡᠢᠨ ᠪᠠᠢᠪᠠᠯ ᠲᠡᠨᠳᠡ ᠥᠰᠢᠶᠡ
ᠬᠥᠮᠦᠰ ᠣᠷᠣᠩᠨᠠᠭᠰᠠᠨ ᠭᠠᠵᠠᠷ ᠦᠵᠡᠯ ᠪᠣᠢ ᠳᠠ
ᠦᠵᠡᠯ ᠯᠡ ᠣᠷᠣᠰᠢᠪᠠᠯ ᠵᠥᠷᠢᠶᠡ ᠭᠠᠷᠳᠠᠭ
ᠡᠯᠳᠡᠪ ᠬᠡᠯᠪᠡᠷᠢ ᠶ᠋ᠢᠨ ᠦᠵᠡᠯ ᠬᠤᠳᠬᠤᠯᠠᠭᠳᠠᠪᠠᠯ
ᠶᠠᠩᠵᠤ ᠶ᠋ᠢᠨ ᠪᠤᠳᠤᠯᠢᠶᠠᠨ ᠵᠠᠪᠠᠯ ᠡᠭᠦᠰᠳᠡᠭ
ᠡᠭᠡᠳᠡᠷᠡᠭᠡᠨ ᠦ᠌ ᠮᠠᠨᠠᠨ ᠳᠤᠮᠳᠠᠭᠤᠷ ᠪᠤᠳᠤᠯᠢᠪᠠᠯ
ᠡᠭᠳᠡᠭᠦᠲᠡᠢ ᠵᠢᠭᠰᠢᠯ ᠬᠣᠷᠣᠰᠤᠯ ᠬᠣᠣᠰᠯᠠᠮᠤᠢ
ᠥᠪᠡᠷ ᠥᠪᠡᠷᠰᠡᠳ ᠦ᠋ᠨ ᠦᠵᠡᠯ ᠢ᠋ ᠰᠠᠬᠢᠪᠠᠯ
ᠦᠨᠡᠨ ᠬᠤᠳᠠᠯ ᠤ᠋ᠨ ᠮᠥᠷᠭᠥᠯᠳᠦᠭᠡᠨ ᠰᠢᠲᠠᠳᠠᠭ
ᠠᠮᠢᠳᠤᠷᠠᠯ ᠦᠬᠦᠯ ᠭᠠᠯ ᠤᠰᠤ ᠰᠢᠭ᠋ ᠬᠠᠷᠰᠢᠵᠤ
ᠠᠯᠢ ᠪᠠᠢᠭᠰᠠᠨ ᠭᠤᠨᠢᠭᠲᠤ ᠲᠡᠦᠬᠡ ᠡᠬᠢᠯᠡᠳᠡᠭ
ᠵᠥᠪᠬᠡᠨ ᠪᠤᠷᠬᠠᠨ ᠤ᠋ ᠵᠥᠪ ᠲᠥᠪ ᠦᠨᠡᠨ
ᠵᠦᠢᠷᠯᠡᠰᠢ ᠦᠭᠡᠢ ᠠᠭᠤᠰᠤᠯᠴᠠᠪᠠᠰᠤ ᠪᠦᠲᠦᠨ
ᠦᠨᠳᠦᠰᠦ ᠰᠣᠶᠣᠯ ᠢ᠋ᠶ᠋ᠠᠨ ᠬᠠᠢᠷᠠᠯᠠᠬᠤ ᠰᠢᠢᠳᠦᠯ
ᠦᠨᠡᠨᠳᠡᠭᠡᠨ ᠰᠠᠶᠢ ᠠᠤᠭᠠ ᠲᠠᠩᠭᠠᠷᠢᠭ ᠶᠤᠮ
ᠡᠪ ᠵᠣᠬᠢᠴᠠᠯ ᠢᠪᠡᠭᠡᠯ ᠢ᠋ ᠳᠡᠭᠡᠳᠦᠯᠡᠪᠡᠰᠦ ᠯᠡ
ᠡᠨᠡᠬᠡᠨ ᠶᠢᠷᠲᠢᠨᠴᠦ ᠰᠠᠶᠢ ᠵᠢᠩᠬᠢᠨᠢ ᠲᠣᠭᠲᠠᠳᠠᠭ
ᠡᠭᠦᠨᠴᠡ ᠪᠤᠰᠤᠳ ᠠᠯᠢᠪᠠ ᠶᠠᠭᠤᠮᠠᠰ ᠪᠦᠷ ᠴᠤ᠌
ᠡᠴᠦᠰ ᠦ᠋ᠨ ᠡᠴᠦᠰ ᠡᠪᠳᠡᠷᠡᠨ ᠰᠥᠨᠥᠳᠡᠭ ᠠ᠋
ᠰᠡᠳᠬᠢᠯ ᠰᠢᠳᠢᠲᠦ ᠲᠡᠩᠭᠡᠯᠢᠭ ᠪᠦᠲᠦᠭᠡᠪᠡᠰᠦ
ᠰᠠᠨᠰᠠᠷᠯᠢᠭ ᠣᠶᠣᠯᠢᠭ ᠦᠢᠯᠡᠰ ᠰᠠᠶᠢ ᠪᠦᠲᠦᠮᠦᠢ
2024᠂ 5᠂ 4᠃ ᠵᠠᠯᠠᠭᠤᠰ ᠤ᠋ᠨ ᠪᠠᠶᠠᠷ᠃
ᠦᠦᠷ ᠦ᠋ᠨ ᠮᠥᠴᠡ ᠳ᠋ᠦ᠍ ᠪᠦᠲᠦᠭᠡᠪᠡᠢ᠃
ᠬᠥᠬᠡᠬᠣᠲᠠᠨᠠ ᠃