ᠪᠤᠯᠠᠭᠠᠨБулган
303
ᠪᠤᠯᠠᠭᠠᠨ
ᠦᠶᠡᠲᠦ ᠤᠷᠭᠤᠮᠠᠯ ᠤ᠋ᠨ ᠢᠵᠠᠭᠤᠷ
ᠨᠢᠭᠡ ᠨᠠᠰᠤᠲᠤ ᠡᠪᠡᠰᠦᠯᠢᠭ ᠤᠷᠭᠤᠮᠠᠯ᠃ ᠰᠦᠷᠡᠯ ᠨᠢ ᠰᠢᠯᠤᠭᠤᠨ ᠪᠤᠶᠤ ᠡᠪᠦᠳᠦᠭ ᠮᠡᠲᠦ ᠮᠤᠷᠤᠢᠵᠤ ᠤᠷᠭᠤᠨᠠ᠂ ᠪᠤᠲᠠᠯᠠᠨᠠ᠂ ᠦᠰᠦ ᠦᠭᠡᠢ᠂ 20 —60cm ᠥᠨᠳᠥᠷ ᠂ᠨᠠᠪᠴᠢᠨ ᠤ᠋ ᠲᠣᠭᠳᠣᠢ ᠨᠢ ᠦᠰᠦ ᠦᠭᠡᠢ᠂ ᠰᠤᠯᠠᠬᠠᠨ᠂ ᠬᠦᠷᠡᠢᠭᠰᠡᠨ ᠨᠢᠷᠤᠭᠤ ᠲᠠᠢ᠂ ᠬᠠᠮᠤᠭ ᠤ᠋ᠨ ᠳᠡᠭᠡᠷᠡᠬᠢ ᠨᠢᠭᠡ ᠨᠠᠪᠴᠢᠨ ᠤ᠋ ᠲᠣᠭᠳᠣᠢ ᠨᠢ ᠶᠡᠷᠦ ᠳ᠋ᠡᠭᠡᠨ ᠲᠣᠮᠣᠷᠠᠵᠤ ᠪᠠᠭ ᠴᠡᠴᠡᠭ ᠢ᠋ᠶ᠋ᠡᠨ ᠪᠠᠭᠯᠠᠳᠠᠭ; ᠨᠠᠪᠴᠢ ᠨᠢ ᠲᠡᠭᠰᠢᠬᠡᠨ ᠬᠠᠪᠲᠠᠭᠠᠢ ᠪᠤᠶᠤ ᠬᠤᠮᠢᠷᠠᠨᠠ᠂ 5—25cm ᠤᠷᠲᠤ᠂ 3—6mm ᠥᠷᠭᠡᠨ᠃ ᠲᠦᠷᠦᠭᠦᠦ ᠬᠡᠯᠪᠡᠷᠢᠲᠦ ᠪᠠᠭ ᠴᠡᠴᠡᠭ ᠨᠢ 3—5cm ᠤᠷᠲᠤ᠂ ᠡᠰᠢᠨ ᠦ᠌ ᠣᠷᠣᠢ ᠳ᠋ᠤ᠌ 4—10 ᠪᠠᠷ ᠪᠠᠭᠯᠠᠷᠠᠨ ᠤᠷᠭᠤᠵᠤ ᠬᠤᠷᠤᠭᠤ ᠰᠢᠭ᠋ ᠰᠡᠷᠪᠡᠢᠨ ᠪᠠᠢᠷᠢᠯᠠᠨᠠ᠂ ᠵᠢᠵᠢᠭ ᠲᠦᠷᠦᠭᠦᠦ ᠨᠢ 3—4mm ᠤᠷᠲᠤ᠂ ᠲᠤᠰ ᠪᠦᠷᠢ 2—3 ᠴᠡᠴᠡᠭ ᠲᠡᠢ᠂ ᠲᠦᠷᠦᠭᠦᠦ ᠶ᠋ᠢᠨ ᠲᠡᠩᠭᠡᠯᠢᠭ ᠦ᠋ᠨ ᠨᠢᠭᠡ ᠲᠠᠯᠠ ᠳ᠋ᠤ᠌ ᠸᠠᠭᠠᠷᠯᠠᠭᠰᠠᠨ ᠮᠡᠲᠦ ᠢᠬᠴᠤ ᠪᠠᠢᠷᠢᠯᠠᠨᠠ᠂ ᠡᠬᠢᠨ ᠳ᠋ᠡᠭᠡᠨ ᠨᠣᠭᠣᠪᠲᠤᠷ᠂ ᠪᠣᠯᠪᠠᠰᠤᠷᠠᠪᠠᠯ ᠪᠣᠷᠣ ᠪᠣᠯᠤᠨᠠ; ᠨᠢᠭᠡᠳᠦᠭᠡᠷ ᠬᠠᠯᠢᠰᠤ ᠨᠢ 1.5—2mm ᠤᠷᠲᠤ᠂ ᠬᠣᠶᠠᠳᠤᠭᠠᠷ ᠬᠠᠯᠢᠰᠤ ᠨᠢ 3mm ᠣᠷᠴᠢᠮ ᠤᠷᠲᠤ᠂ ᠣᠷᠣᠢ ᠳ᠋ᠤᠨᠢ 0.5—1.5mm ᠤᠷᠲᠤ ᠰᠤᠷ ᠲᠠᠢ; ᠭᠠᠳᠠᠷ ᠬᠡᠪᠡᠭ ᠨᠢ 3—4mm ᠤᠷᠲᠤ᠂ ᠭᠤᠷᠪᠠᠨ ᠰᠤᠳᠠᠯ ᠲᠠᠢ ᠪᠠ ᠬᠣᠶᠠᠷ ᠬᠠᠵᠠᠭᠤ ᠶ᠋ᠢᠨ ᠰᠤᠳᠠᠯ ᠨᠢ ᠤᠷᠲᠤ ᠦᠰᠦ ᠲᠡᠢ᠂ ᠳᠤᠮᠳᠠ ᠠ᠋ᠴᠠ ᠳᠡᠭᠡᠭᠰᠢ ᠬᠡᠰᠡᠭ ᠦᠰᠦ ᠨᠢ ᠪᠠᠷᠤᠭ ᠬᠡᠪᠡᠭ ᠲᠡᠢ ᠪᠡᠨ ᠲᠡᠩᠴᠡᠭᠦᠦ ᠤᠷᠲᠤ; ᠰᠤᠷ ᠨᠢ ᠭᠠᠳᠠᠷ ᠬᠡᠪᠡᠭ ᠦ᠋ᠨ ᠦᠵᠦᠭᠦᠷ ᠦ᠋ᠨ ᠪᠠᠬᠠᠨ ᠳᠣᠣᠷᠠᠲᠤ ᠬᠡᠰᠡᠭ ᠡᠴᠡ ᠤᠷᠭᠤᠨᠠ᠂ 5—15mm ᠤᠷᠲᠤ; ᠳᠣᠲᠣᠷ ᠬᠡᠪᠡᠭ ᠨᠢ ᠭᠠᠳᠠᠷ ᠬᠡᠪᠡᠭ ᠡᠴᠡ ᠪᠠᠬᠠᠨ ᠣᠬᠣᠷ; ᠦᠷᠡᠯᠡᠬᠦ ᠦᠭᠡᠢ ᠴᠡᠴᠡᠭ ᠦ᠋ᠨ ᠭᠠᠳᠠᠷ ᠬᠡᠪᠡᠭ ᠨᠢ ᠲᠡᠭᠰᠢᠬᠡᠨ ᠣᠷᠣᠢ ᠲᠠᠢ᠂ 2mm ᠤᠷᠲᠤ᠂ 4—8mm ᠤᠷᠲᠤ ᠰᠤᠷ ᠲᠠᠢ᠃ ᠠᠮᠤ ᠵᠢᠮᠢᠰ ᠨᠢ 2mm ᠬᠢᠷᠢ ᠤᠷᠲᠤ ᠶᠤᠮ᠃
ᠵᠠᠮ ᠤ᠋ᠨ ᠬᠠᠵᠠᠭᠤ᠂ ᠠᠲᠠᠷ ᠬᠡᠭᠡᠷᠡ᠂ ᠲᠠᠷᠢᠶᠠᠨ ᠤ᠋ ᠵᠠᠭᠠᠭ᠂ ᠡᠯᠡᠰᠦᠷᠬᠡᠭ ᠭᠠᠵᠠᠷ ᠲᠤ ᠪᠦᠷ ᠤᠷᠭᠤᠨᠠ᠃
ᠮᠠᠨ ᠤ ᠤᠯᠤᠰ ᠤᠨ ᠡᠯᠡ ᠮᠤᠵᠢ ᠣᠷᠣᠨ ᠳᠤ ᠪᠦᠷ ᠤᠷᠭᠤᠳᠠᠭ᠃
ᠬᠤᠵᠢᠷ ᠳᠤ ᠲᠡᠰᠪᠦᠷᠢᠲᠡᠢ ᠤᠷᠭᠤᠮᠠᠯ᠃ ᠮᠠᠯ ᠤᠨᠤᠭᠠ᠂ ᠬᠣᠨᠢ᠂ ᠢᠮᠠᠭᠠ ᠪᠦᠷ ᠢᠳᠡᠳᠡᠭ ᠡᠩ ᠦ᠋ᠨ ᠪᠡᠯᠴᠢᠭᠡᠷ ᠡᠪᠡᠰᠦ ᠮᠥᠨ᠃
ᠬᠢᠲᠠᠳ ᠨᠡᠷᠡ᠄虎尾草
ᠠᠩᠭ᠌ᠯᠢ ᠨᠡᠷᠡ᠄ChIoris virgata Sw .
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠷᠳᠡᠨᠢᠭᠣᠸ᠋ᠠ
ᠬᠢᠨᠠᠭᠴᠢ᠄ ᠲᠤᠶᠠᠭᠠ