ᠹᠧᠣᠳᠠᠯ ᠤ᠋ᠨ ᠢᠨᠠᠭᠯᠠᠯ- ᠳ· ᠨᠠᠴᠤᠭᠳᠣᠷᠵᠢФеодлийн янаглал-Д.Нацагдорж
229ᠹᠧᠣᠳᠠᠯ ᠤ᠋ᠨ ᠢᠨᠠᠭᠯᠠᠯ
ᠳ· ᠨᠠᠴᠤᠭᠳᠣᠷᠵᠢ
ᠪᠠᠷᠠᠭᠠᠨ ᠨᠢᠭᠤᠷ ᠲᠠᠢ ᠪᠠᠶᠠᠷ ᠲᠤᠰᠠᠯᠠᠭᠴᠢ
ᠪᠠᠶᠠᠨ ᠪᠣᠯᠣᠳ ᠹᠧᠣᠳᠠᠯ ᠮᠥᠨ᠃
ᠪᠠᠯᠠᠢ ᠴᠠᠭ ᠤ᠋ᠨ ᠶᠣᠰᠣ ᠪᠠᠷ
ᠪᠠᠳᠮᠠ ᠬᠡᠦᠬᠡᠨ ᠢ᠋ ᠪᠣᠭᠲᠣᠯᠠᠨ ᠠᠪᠴᠠᠢ᠃
ᠪᠠᠷᠠᠭᠤᠨ ᠭᠡᠷ ᠦ᠋ᠨ ᠬᠣᠢᠮᠣᠷ ᠰᠠᠭᠤᠵᠤ
ᠪᠠᠭᠠᠴᠤᠳ ᠬᠡᠦᠬᠡᠳ ᠢ᠋ ᠵᠠᠩᠳᠤᠷᠤᠨᠠ᠃
ᠪᠠᠷᠯᠤᠭ ᠪᠣᠭᠣᠯᠴᠤᠳ ᠢ᠋ ᠵᠡᠷᠭᠡᠴᠡᠭᠦᠯᠵᠦ
ᠪᠡᠶᠡ ᠪᠠ ᠡᠬᠡᠨᠡᠷ ᠢ᠋ ᠬᠦᠨᠳᠦᠯᠡᠭᠦᠯᠦᠨᠡ᠃
ᠡᠳ᠋ ᠮᠥᠩᠭᠥ ᠪᠡᠷ ᠡᠯᠪᠡᠭ ᠲᠡᠢ
ᠡᠬᠡᠨᠡᠷ ᠬᠡᠦᠬᠡᠨ ᠳ᠋ᠦ᠍ ᠳᠤᠷᠠ ᠲᠠᠢ᠃
ᠠᠶᠠ ᠪᠠᠷ ᠡᠰᠡ ᠪᠣᠯᠪᠠᠯ
ᠡᠵᠡᠨ ᠦ᠌ ᠵᠠᠷᠯᠢᠭ ᠲᠤ ᠬᠦᠷᠭᠡᠨᠡ᠃
ᠡᠷᠡ ᠨᠥᠬᠥᠷ ᠪᠠᠢᠪᠠᠯ
ᠡᠷᠡᠭᠦᠦ ᠶᠠᠯᠠ ᠳ᠋ᠤ᠌ ᠤᠨᠠᠭᠠᠨᠠ᠃
ᠡᠭᠡᠴᠢ ᠳᠡᠭᠦᠦ ᠪᠠᠢᠪᠠᠯ
ᠡᠮᠡ ᠶ᠋ᠢᠨ ᠠᠳᠠᠯᠢ ᠬᠡᠷᠡᠭᠯᠡᠨᠡ᠃
ᠬᠠᠭᠤᠴᠢᠨ ᠡᠬᠡᠨᠡᠷ ᠬᠥᠭᠰᠢᠷᠡᠵᠦ
ᠬᠣᠶᠠᠳᠤᠭᠠᠷ ᠡᠬᠡᠨᠡᠷ ᠬᠦᠰᠡᠭᠳᠡᠪᠡ᠃
ᠬᠥᠭᠡᠷᠦᠬᠦᠨ ᠬᠡᠦᠬᠡᠨ ᠢ᠋ ᠡᠷᠢᠪᠡᠴᠦ
ᠬᠥᠳᠡᠭᠡ ᠡᠴᠡ ᠡᠰᠡ ᠣᠯᠪᠠ᠃
ᠬᠣᠲᠠ ᠭᠠᠵᠠᠷ ᠢᠷᠡᠪᠡ᠂
ᠬᠣᠭᠰᠢᠯ ᠭᠡᠷ ᠢ᠋ ᠳᠦᠭᠦᠷᠭᠡᠪᠡ᠃
ᠬᠣᠶᠠᠳᠤᠭᠠᠷ ᠡᠬᠡᠨᠡᠷ ᠠᠪᠤᠭᠠᠳ
ᠬᠣᠯᠠᠬᠢ ᠭᠡᠷᠭᠡᠢ ᠶ᠋ᠢ ᠤᠮᠠᠷᠲᠠᠪᠠ᠃
ᠵᠠᠯᠠᠭᠤ ᠡᠬᠡᠨᠡᠷ ᠡᠷᠬᠡ
ᠵᠠᠩ ᠠᠪᠤᠷᠢ ᠳᠡᠭᠡᠷᠡᠩᠭᠦᠢ᠂
ᠵᠢᠷᠭᠠᠬᠤ ᠵᠣᠪᠠᠬᠤ ᠶ᠋ᠢᠨ ᠵᠠᠪᠰᠠᠷ
ᠵᠢᠷᠠᠨ ᠨᠠᠰᠤ ᠰᠢᠬᠠᠪᠠ᠃
ᠵᠢᠷᠠ ᠬᠦᠷᠴᠦ ᠪᠠᠢᠭᠠ ᠪᠣᠯᠪᠠᠴᠤ
ᠵᠠᠪᠬᠠᠢ ᠰᠡᠳᠬᠢᠯ ᠬᠡᠪ ᠢ᠋ᠶ᠋ᠡᠷ ᠂
ᠵᠠᠬᠠ ᠵᠡᠭᠡᠯᠢ ᠪᠡᠷ ᠶᠠᠪᠤᠵᠤ
ᠮᠠᠷᠵᠠᠩᠨᠠᠵᠤ ᠶᠠᠪᠤᠳᠠᠭ ᠬᠠᠭᠤᠴᠢᠨ ᠢ᠋ᠶ᠋ᠠᠷ᠃
ᠪᠠᠯᠠᠭᠲᠤ ᠬᠡᠷᠡᠭ ᠦ᠋ᠨ ᠡᠵᠡᠨ ᠭᠡᠵᠦ
ᠪᠠᠭᠠᠴᠤᠳ ᠬᠡᠦᠬᠡᠳ ᠦ᠋ᠨ ᠳᠣᠭᠣᠭᠢ ᠪᠣᠯᠪᠠ᠃
ᠪᠠᠢᠨ ᠪᠠᠢᠨ ᠬᠡᠰᠦᠭᠦᠴᠢᠯᠡᠵᠦ
ᠪᠠᠢᠳᠠᠭ ᠬᠦᠨᠳᠦ ᠪᠡᠨ ᠠᠯᠳᠠᠪᠠ᠃
ᠪᠠᠷᠠᠭᠠᠨ ᠦᠰᠦ ᠨᠢ ᠴᠠᠢᠵᠤ
ᠪᠠᠷᠵᠠᠭᠠᠷ ᠨᠢᠭᠤᠷ ᠨᠢ ᠦᠷᠴᠢᠢᠪᠡᠴᠦ
ᠪᠠᠭᠠ ᠡᠬᠡᠨᠡᠷ ᠠᠪᠴᠤ
ᠪᠠᠰᠠ ᠭᠡᠷᠯᠡᠬᠦ ᠪᠡᠷ ᠰᠢᠢᠳᠪᠡ᠃
ᠣᠳᠬᠣᠨ ᠡᠬᠡᠨᠡᠷ ᠣᠮᠣᠭ ᠲᠠᠢ
ᠣᠯᠠᠨ ᠬᠥᠮᠦᠨ ᠦ᠌ ᠳᠤᠮᠳᠠ ᠵᠠᠩᠨᠠᠨᠠ᠃
ᠣᠷᠣᠢ ᠪᠣᠯᠲᠠᠯᠠ ᠤᠨᠲᠠᠵᠤ
ᠣᠷᠣ ᠳᠡᠷᠡ ᠶ᠋ᠢ ᠦᠯᠦ ᠬᠤᠷᠢᠶᠠᠨᠠ᠃
ᠣᠶᠣᠬᠤ ᠡᠰᠬᠡᠬᠦ ᠶ᠋ᠢ ᠮᠡᠳᠡᠬᠦ ᠦᠭᠡᠢ
ᠣᠷᠣᠵᠤ ᠭᠠᠷᠤᠨ ᠶᠠᠪᠤᠨᠠ᠃
ᠤᠷᠤᠭ ᠪᠣᠯᠤᠭᠰᠠᠨ ᠲᠤᠰᠠᠯᠠᠭᠴᠢ ᠶ᠋ᠢᠨ
ᠣᠷᠣᠢ ᠳᠡᠭᠡᠷᠡ ᠨᠢ ᠰᠠᠭᠤᠨᠠ᠃
ᠬᠣᠶᠠᠷ ᠡᠬᠡᠨᠡᠷ ᠡᠪ ᠦᠭᠡᠢ
ᠬᠣᠭᠣᠷᠣᠨᠳᠣ ᠪᠠᠨ ᠦᠷᠭᠦᠯᠵᠢ ᠭᠡᠷᠡᠯᠲᠦᠨᠡ᠃
ᠬᠣᠵᠢᠭᠢᠷ ᠪᠣᠯᠤᠭᠰᠠᠨ ᠲᠤᠰᠠᠯᠠᠭᠴᠢ ᠶ᠋ᠢ
ᠬᠣᠶᠠᠭᠤᠯᠠ ᠡᠭᠡᠯᠵᠢᠯᠡᠨ ᠵᠠᠩᠨᠠᠨᠠ᠃
ᠬᠣᠭᠣᠯᠠ ᠪᠠᠨ ᠡᠪᠦᠭᠡᠨ ᠭᠡᠵᠦ
ᠬᠣᠢᠮᠣᠷ ᠰᠠᠭᠤᠬᠤ ᠪᠠᠨ ᠪᠠᠢᠪᠠ᠃
ᠬᠣᠷᠢᠨ ᠨᠠᠰᠤᠨ ᠳ᠋ᠤ᠌ ᠦᠵᠡᠭᠡ ᠦᠭᠡᠢ ᠶ᠋ᠢ
ᠬᠣᠵᠢᠮ ᠢᠩᠭᠢᠵᠦ ᠦᠵᠡᠪᠡ᠃
ᠬᠥᠷᠥᠩᠭᠡ ᠮᠠᠯ ᠨᠢ ᠳᠠᠭᠤᠰᠴᠤ
ᠬᠥᠳᠡᠭᠡᠨ ᠦ᠌ ᠡᠬᠡᠨᠡᠷ ᠢᠷᠡᠪᠡ᠃
ᠬᠥᠭᠰᠢᠨ ᠲᠣᠯᠣᠭᠠᠢ᠂ ᠭᠤᠷᠪᠠᠨ ᠡᠬᠡᠨᠡᠷ ᠦ᠋ᠨ
ᠬᠥᠯ ᠭᠠᠷ ᠤ᠋ᠨ ᠪᠣᠭᠣᠯ ᠪᠣᠯᠪᠠ᠃
ᠬᠦᠰᠡᠯ ᠳ᠋ᠡᠭᠡᠨ ᠢᠩᠭᠢᠵᠦ ᠬᠦᠯᠢᠭᠳᠡᠭᠡᠳ
ᠬᠦᠯᠢᠶᠡᠰᠦᠨ ᠳ᠋ᠡᠭᠡᠨ ᠲᠡᠭᠡᠭᠯᠡᠵᠦ ᠪᠠᠢᠭᠠ
ᠬᠥᠭᠰᠢᠨ ᠲᠣᠯᠣᠭᠠᠢ ᠶ᠋ᠢ ᠦᠵᠡᠪᠡᠦ?
ᠬᠥᠮᠦᠨ ᠪᠦᠭᠦᠳᠡ ᠶ᠋ᠢᠨ ᠢᠨᠢᠶᠡᠳᠦ ᠬᠦᠷᠦᠨᠡ
19 31 ᠣᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠷᠳᠡᠨᠢᠭᠣᠤᠠ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ