ᠬᠤᠯᠠᠨ ᠬᠠᠲᠤᠨ ᠤ ᠪᠦᠷᠢᠯᠸᠠ – ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ Хулан хатны бүрэлваа - Ёндоны Билиг - Баатар
230ᠬᠤᠯᠠᠨ ᠬᠠᠲᠤᠨ ᠤ ᠪᠦᠷᠢᠯᠸᠠ
ᠲᠡᠭᠷᠢ ᠶ᠋ᠢᠨ ᠳᠠᠭᠢᠨᠢ ᠠ᠋ᠴᠠ ᠴᠤ᠌ ᠲᠠᠰᠤᠷᠬᠠᠢ ᠭᠣᠢᠳᠠ ᠦᠵᠡᠰᠬᠦᠯᠡᠩ
ᠲᠡᠮᠦᠵᠢᠨ ᠴᠢᠩᠭᠢᠰ ᠦ᠋ᠨ ᠬᠤᠯᠠᠨ ᠬᠠᠲᠤᠨ ᠤ᠋ ᠪᠦᠷᠢᠯᠸᠠ ᠳ᠋ᠠᠷᠢᠮᠠ ᠬᠡᠦᠬᠡᠨ
ᠲᠡᠭᠷᠢ ᠠᠭᠤᠯᠠ ᠶ᠋ᠢᠨ ᠲᠣᠷᠭᠠᠨ ᠵᠥᠭᠡᠯᠡᠬᠡᠨ ᠬᠠᠨᠠᠭᠠᠷ ᠬᠣᠷᠮᠣᠢ ᠳ᠋ᠤ᠌
ᠲᠦᠮᠡᠨ ᠦ᠌ ᠡᠬᠢ ᠶ᠋ᠢᠨ ᠦᠦᠷᠰᠡᠭᠡᠨ ᠳᠤᠮᠳᠠᠭᠤᠷ ᠲᠥᠷᠥᠭᠰᠡᠨ ᠭᠡᠪᠡᠦ ᠳᠡ
ᠲᠡᠭᠦᠰ ᠲᠡᠭᠰᠢ ᠲᠦᠮᠡᠨ ᠳᠠᠷᠬᠠᠯᠠᠭᠠ ᠲᠠᠢ ᠰᠠᠢᠬᠠᠨ ᠠᠷᠠᠨᠰᠢᠨ
ᠳᠣᠷᠣᠨᠠ ᠶ᠋ᠢᠨ ᠰᠣᠩᠭᠣᠳᠠᠭ ᠲᠤᠶᠠᠬᠠᠨ ᠥᠬᠢᠨ ᠵᠠᠶᠠᠭᠠᠨ ᠤ᠋ ᠠᠶᠠᠯᠠᠭᠤ
ᠠᠩᠬᠢᠯᠤᠮᠠ ᠬᠠᠩᠬᠤᠯᠤᠮᠠ ᠠᠰᠬᠠᠷᠠᠮᠠ ᠲᠤᠶᠠᠭᠠᠷᠠᠮᠠ ᠦᠨᠦᠷ
ᠶᠠᠲᠤᠭᠠ ᠶ᠋ᠢᠨ ᠡᠭᠡᠰᠢᠭᠯᠡᠩ ᠮᠡᠲᠦ ᠰᠣᠨᠣᠰᠬᠤᠯᠠᠩᠲᠤ ᠦᠭᠡ ᠶᠠᠷᠢᠶᠠ
ᠦᠭᠡᠢ ᠶᠡᠷᠦᠨᠢ ᠡᠨᠡ ᠠᠯᠢᠪᠠ ᠲᠡᠭᠦᠯᠳᠡᠷ ᠬᠠᠢᠯᠤᠮᠠ ᠪᠦᠬᠦᠨ ᠴᠢᠨᠢ
ᠦᠨᠡᠨ ᠦ᠌ ᠬᠣᠷᠸᠠ ᠶ᠋ᠢᠨ ᠬᠠᠷᠠᠩᠭᠤᠢ ᠪᠤᠯᠤᠩ ᠢ᠋ ᠭᠡᠢᠭᠦᠯᠦᠭᠡᠳ ᠪᠠᠢᠨᠠᠤ ᠳᠠ
ᠠᠮᠢᠨ ᠰᠦᠨᠡᠰᠦᠨ ᠦ᠌ ᠴᠢᠩ ᠵᠥᠪ ᠲᠥᠪ ᠰᠤᠤ ᠤᠬᠠᠭᠠᠨᠲᠠᠢ
ᠠᠲᠠᠭᠠᠷᠬᠠᠬᠤ ᠦᠭᠡᠢ ᠪᠠᠢᠬᠤ ᠶ᠋ᠢᠨ ᠠᠷᠭᠠ ᠦᠭᠡᠢ ᠴᠢᠮᠠᠲᠤ
ᠠᠢᠯ ᠤ᠋ᠨ ᠮᠢᠩᠭᠠ ᠮᠢᠩᠭᠠᠨ ᠵᠢᠪᠬᠤᠭᠠᠯᠢᠭ ᠬᠡᠢᠮᠣᠷᠢᠯᠢᠭ ᠵᠠᠯᠠᠭᠤᠰ
ᠳᠤᠷᠠᠯᠠᠬᠤ ᠦᠭᠡᠢ ᠪᠠᠢᠬᠤ ᠶ᠋ᠢᠨ ᠶᠠᠮᠠᠷᠴᠤ ᠠᠷᠭᠠ ᠦᠭᠡᠢ
ᠳᠤᠷᠠᠯᠠᠭᠰᠠᠨ ᠤ᠋ ᠪᠠᠨ ᠦᠢᠯᠡ ᠶ᠋ᠢᠨ ᠦᠷᠡ ᠶ᠋ᠢ
ᠳᠠᠬᠢᠨ ᠳᠠᠪᠲᠠᠨ ᠠᠮᠰᠠᠬᠤ ᠦᠭᠡᠢ ᠪᠠᠢᠬᠤ ᠶ᠋ᠢᠨ ᠪᠠᠰᠠ ᠠᠷᠭᠠ ᠦᠭᠡᠢ
ᠳᠤᠷᠠᠯᠠᠭᠤᠯᠬᠤ ᠶ᠋ᠢᠨ ᠰᠢᠳᠢᠲᠦ ᠲᠤᠤᠯᠢᠰᠯᠢᠭ ᠵᠢᠰᠦ ᠭᠠᠯᠪᠢᠷ ᠴᠢᠨᠢ
ᠲᠤᠤᠯᠢᠮᠠ ᠬᠣᠷᠸᠠ ᠳ᠋ᠤ᠌ ᠬᠣᠣᠰ ᠦᠭᠡᠢ ᠰᠠᠶᠠ ᠵᠢᠸᠠ ᠭᠡᠷᠡᠯ ᠤᠴᠢᠷ
ᠳᠡᠩᠳᠡᠭᠦᠦ ᠳᠡᠩᠳᠡᠭᠦᠦ ᠳᠡᠩᠳᠡᠭᠦᠦ ᠯᠤᠲᠤ ᠭᠠᠢᠬᠠᠮᠰᠢᠭ ᠲᠠᠢ
ᠳᠤᠷᠠᠯᠠᠭᠤᠯᠤᠭᠰᠠᠨ ᠤ᠋ ᠪᠠᠨ ᠭᠠᠯ ᠬᠠᠯᠠ ᠶ᠋ᠢ ᠳᠠᠭᠠᠭᠠᠬᠤ ᠤᠤ ᠳ᠋ᠠᠷᠢᠮᠠ ᠠ᠋
ᠳᠡᠷᠡ ᠶ᠋ᠢᠨ ᠰᠠᠯᠬᠢᠨ ᠤ᠋ ᠲᠡᠰᠪᠦᠷᠢᠯᠡᠰᠢ ᠦᠭᠡᠢ ᠠᠮᠲᠠ ᠶ᠋ᠢ
ᠳᠡᠷᠭᠡᠳᠡᠬᠢ ᠠᠯᠢ ᠬᠡᠨ ᠬᠠᠨ ᠬᠥᠪᠡᠭᠦᠨ ᠴᠢᠮᠠᠲᠠᠢ ᠴᠣᠭ ᠠᠮᠰᠠᠭᠰᠠᠨ ᠶᠤᠮ ᠪᠣᠢ
ᠰᠢᠨᠡ ᠬᠠᠪᠤᠷ ᠤ᠋ᠨ ᠬᠠᠰ ᠴᠠᠰᠤᠨ ᠤ᠋ ᠳᠣᠣᠷᠠ ᠠ᠋ᠴᠠ
ᠡᠭᠡᠯᠢᠲᠦ ᠨᠠᠷᠠᠨ ᠤ᠋ ᠨᠣᠶᠠᠨ ᠳᠤᠯᠠᠭᠠᠨ ᠭᠡᠷᠡᠯ ᠢᠯᠴᠢᠨ ᠳ᠋ᠦ᠍
ᠢᠨᠢᠶᠡᠵᠦ ᠪᠠᠢᠭᠠ ᠶᠤᠮᠰᠢᠭ ᠳᠡᠯᠭᠡᠷᠡᠬᠦ ᠠᠭᠱᠠᠨ ᠬᠣᠷᠣᠮᠬᠠᠨ ᠤ᠋
ᠢᠷᠭᠤᠢ ᠶ᠋ᠢᠨ ᠴᠠᠪ ᠴᠡᠩᠬᠡᠷ ᠳᠡᠯᠪᠢᠭᠡᠨ ᠠᠳᠠᠯᠢ
ᠲᠡᠭᠡᠲᠡᠯᠡ ᠪᠡᠨ ᠭᠠᠢᠬᠠᠮᠰᠢᠭ ᠭᠣᠴᠣ ᠰᠠᠢᠬᠠᠨ ᠲᠥᠷᠥᠭᠡᠳ
ᠲᠦᠮᠡᠨ ᠦ᠌ ᠮᠡᠯᠮᠡᠢ ᠳ᠋ᠦ᠍ ᠨᠠᠷᠠ ᠰᠠᠷᠠ ᠣᠳᠣᠨ ᠰᠢᠭ᠋ ᠰᠠᠴᠤᠷᠠᠭᠠᠳ
ᠴᠣᠬᠣᠮ ᠶᠠᠭᠠᠬᠢᠬᠤ ᠭᠡᠰᠡᠨ ᠶᠦᠮ ᠪᠣᠢ ᠳ᠋ᠠᠷᠢᠮᠠ ᠬᠡᠦᠬᠡᠨ ᠠ᠋
ᠴᠣᠯ ᠠᠷᠢᠭᠤᠨ ᠤ᠋ ᠳᠡᠭᠡᠵᠢ ᠪᠣᠯᠤᠭᠠᠳ ᠶᠠᠭᠠᠬᠢᠬᠤ ᠭᠡᠰᠡᠨ ᠶᠦᠮ ᠪᠣᠢ
ᠠᠶᠠ᠂ ᠲᠦᠮᠡᠨ ᠭᠠᠯᠪᠠ ᠳ᠋ᠤ᠌ ᠲᠠᠬᠢᠵᠤ ᠳᠡᠯᠡᠬᠡᠢ ᠳ᠋ᠦ᠍ ᠲᠥᠷᠥᠬᠦ ᠦᠭᠡᠢ
ᠠᠯᠲᠠᠢ ᠶ᠋ᠢᠨ ᠬᠣᠣᠰ ᠭᠠᠩᠭᠠᠩ ᠥᠬᠢᠨ ᠵᠠᠶᠠᠭᠠᠨ ᠤ᠋ ᠴᠢᠮᠠᠲᠤ
ᠢᠷᠠᠭᠤ ᠨᠠᠢᠷᠠᠭ ᠪᠢᠴᠢᠬᠦ ᠦᠭᠡᠢ ᠪᠠᠢᠬᠤ ᠶ᠋ᠢᠨ ᠠᠷᠭᠠ ᠦᠭᠡᠢ
ᠶᠢᠷᠲᠢᠨᠴᠦ ᠶ᠋ᠢᠨ ᠬᠠᠮᠤᠭ ᠡᠷᠡᠴᠦᠳ ᠦ᠋ᠨ ᠬᠣᠷᠣᠬᠠᠢ ᠶ᠋ᠢ ᠰᠣᠭᠲᠣᠭᠣᠬᠣᠢ
ᠶᠡᠷᠦ ᠪᠤᠰᠤ ᠶ᠋ᠢᠨ ᠣᠶᠤᠨᠲᠤ ᠥᠬᠢᠨ ᠴᠢᠮᠠ ᠲᠠᠢ ᠪᠤᠮᠠᠨ ᠵᠠᠯᠠᠭᠤᠰ
ᠹᠷᠠᠨᠼᠢ ᠶ᠋ᠢᠨ ᠫᠠᠷᠢᠰ ᠤ᠋ᠨ ᠢᠯᠠᠭᠤᠭᠰᠠᠨ ᠡᠭᠦᠳᠡᠨ ᠦ᠌ ᠳᠣᠣᠷᠠ
ᠪᠣᠯᠵᠣᠬᠤ ᠦᠭᠡᠢ ᠪᠠᠢᠬᠤ ᠶ᠋ᠢᠨ ᠶᠠᠭ ᠠᠷᠭᠠ ᠦᠭᠡᠢ ᠶ᠋ᠢ
ᠴᠣᠬᠣᠮ ᠪᠦᠷ ᠶᠠᠭᠠᠬᠢᠶᠠ ᠭᠡᠮ ᠠ᠋
ᠮᠥᠩᠬᠡ ᠲᠡᠭᠷᠢ ᠶ᠋ᠢᠨ ᠬᠡᠰᠢᠭ ᠮᠢᠨᠢ ᠠ᠋
ᠳᠠᠷᠢ ᠶ᠋ᠢᠨ ᠪᠢᠰᠢ ᠳᠠᠢᠴᠢᠨ ᠦᠨᠦᠷ ᠮᠥᠰᠥ ᠪᠡᠷ ᠢ᠋ᠶ᠋ᠡᠨ
ᠲᠡᠢᠨ ᠬᠤᠳᠠᠯᠳᠤᠭᠠᠨ ᠤ᠋ ᠲᠠᠯᠠᠪᠤᠷ ᠲᠤ᠌ ᠮᠠᠩᠯᠠᠢᠯᠠᠬᠤ ᠳ᠋ᠠᠭᠠᠨ
ᠳᠠᠢᠯᠠᠨ ᠪᠠᠢᠯᠳᠤᠨ ᠳᠠᠭᠠᠭᠤᠯᠤᠭᠴᠢ ᠶ᠋ᠢᠨ ᠷᠢᠳᠢᠲᠦ ᠬᠦᠴᠦᠨ ᠢ᠋ᠶ᠋ᠡᠨ
ᠲᠠᠪᠰᠢᠬᠤ ᠥᠷᠢᠰᠦᠬᠦ ᠶ᠋ᠢᠨ ᠶᠠᠮᠠᠷ ᠮᠤᠨᠳᠠᠭ ᠰᠢᠳᠤᠷᠭᠤ ᠠᠪᠢᠶᠠᠰ ᠢ᠋ᠶ᠋ᠠᠨ
ᠠᠯᠲᠠᠨ ᠰᠥᠮᠪᠥᠷᠯᠢᠭ ᠥᠨᠳᠥᠷᠯᠢᠭ ᠦ᠋ᠨ ᠭᠡᠭᠡᠨ ᠰᠠᠨᠰᠠᠷᠯᠢᠭ ᠣᠷᠭᠢᠯ
ᠠᠯᠲᠠᠢ ᠶ᠋ᠢᠨ ᠠᠤᠭᠠ ᠠᠭᠤᠯᠠᠰ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠠᠳᠢᠰᠯᠠᠭᠤᠯᠵᠤ ᠣᠯᠤᠭᠠ ᠤᠤ
ᠠᠪᠤ ᠯᠠ ᠡᠵᠢ ᠶ᠋ᠢᠨ ᠢ᠋ᠶ᠋ᠡᠨ ᠴᠢᠰᠤᠨ ᠰᠦᠨ ᠤᠳᠤᠮ ᠠ᠋ᠴᠠ ᠬᠦᠷᠲᠡᠭᠡ ᠤᠤ
ᠠᠯᠢ ᠡᠰᠡᠪᠡᠯ ᠠᠭᠤᠤ ᠮᠡᠷᠭᠡᠨ ᠠᠰᠢᠳᠠ ᠶ᠋ᠢᠨ ᠮᠥᠩᠬᠡ ᠲᠡᠭᠷᠢ
ᠠᠳᠠᠯᠢᠳᠬᠠᠭᠳᠠᠰᠢ ᠦᠭᠡᠢ ᠡᠪᠦᠭᠡ ᠳᠡᠭᠡᠳᠦᠰ ᠡᠴᠡ ᠪᠡᠨ ᠠᠪᠤᠭᠠ ᠤᠤ
ᠳᠡᠯᠡᠬᠡᠢ ᠨᠡᠢᠭᠡᠮ ᠳᠠᠶᠠᠩ ᠳ᠋ᠤ᠌ ᠥᠬᠢᠨ ᠵᠠᠶᠠᠭᠠᠨ ᠳ᠋ᠤ᠌ ᠲᠥᠷᠥᠪᠡᠯ
ᠲᠠᠨ ᠰᠢᠭ᠋ ᠲᠤᠢᠯᠪᠤᠷᠢᠲᠠᠢ ᠭᠣᠶᠣ ᠲᠥᠷᠥᠬᠦ ᠶ᠋ᠢ ᠬᠡᠨ ᠬᠦᠰᠡᠬᠦ ᠦᠭᠡᠢ ᠪᠣᠢ
ᠳᠡᠷᠭᠡᠳᠡ ᠴᠢᠨᠢ ᠵᠡᠷᠭᠡᠴᠡᠨ ᠠᠯᠬᠤᠯᠠᠬᠤ ᠳ᠋ᠠᠭᠠᠨ ᠬᠥᠭᠡᠷᠦᠬᠦᠢ ᠡᠷᠡᠴᠦᠳ
ᠳᠡᠯᠪᠡᠷᠡᠲᠡᠯᠡ ᠪᠡᠨ ᠪᠠᠶᠠᠰᠤᠭᠠᠳ ᠥᠪᠡᠷ ᠦ᠋ᠨ ᠡᠷᠬᠡ ᠦᠭᠡᠢ ᠳᠡᠭᠳᠡᠬᠦ ᠶᠦᠮ
ᠲᠡᠰᠴᠦ ᠶᠠᠳᠠᠭᠠᠳ ᠨᠢᠭᠦᠯᠡᠰᠦᠩᠭᠦᠢ ᠨᠢᠭᠡᠮᠦᠰᠦᠨ ᠪᠠᠰᠠ ᠳᠡᠯᠭᠡᠷᠡᠬᠦ ᠶᠦᠮ
ᠳᠡᠩᠳᠡᠭᠦᠦ ᠳᠡᠩᠳᠡᠭᠦᠦ ᠬᠠᠢᠷᠠ ᠶ᠋ᠢᠨ ᠳ᠋ᠠᠷᠢᠮᠠ ᠭᠡᠵᠦ ᠳᠠᠭᠤᠯᠠᠬᠤ ᠶᠤᠮ ᠳᠠ
ᠳᠡᠷᠡ ᠪᠡᠨ ᠱᠠᠯ ᠬᠠᠯ ᠳᠡᠪᠲᠦᠲᠡᠯᠡ ᠪᠡᠨ ᠵᠠᠷᠢᠮ ᠨᠢ ᠪᠠᠰᠠ ᠤᠬᠢᠯᠠᠬᠤ ᠶᠤᠮ
ᠳᠡᠷᠭᠡᠳᠡ ᠴᠢᠨᠢ ᠡᠭᠦᠷᠢᠳᠡ ᠪᠠᠢᠵᠤ ᠴᠢᠳᠠᠬᠤ ᠦᠭᠡᠢ ᠶ᠋ᠢᠨ ᠬᠠᠷᠠᠭᠠ ᠪᠠᠢᠯᠭᠦᠢ
᠁ ᠁ ᠁
ᠠᠶᠠ! ᠥᠬᠢᠨ ᠵᠠᠶᠠᠭᠠᠨ ᠤ᠋ ᠠᠮᠢᠳᠤ ᠬᠥᠭᠡᠷᠦᠬᠦᠨ ᠠᠯᠮᠠᠰ ᠡᠷᠳᠡᠨᠢᠰ
ᠠᠢᠬᠤᠪᠲᠤᠷ ᠭᠣᠢᠳᠠ ᠳ᠋ᠠᠷᠢᠮᠠ ᠬᠡᠦᠬᠡᠨ ᠰᠢᠭ ᠲᠥᠷᠥᠴᠢᠬᠦᠯᠡᠷ
ᠠᠯᠠᠭ ᠲᠠᠢ ᠪᠤᠯᠠᠭ ᠲᠠᠢ ᠶᠢᠷᠲᠢᠨᠴᠦ ᠶ᠋ᠢᠨ ᠡᠷᠡᠴᠦᠳ ᠦ᠋ᠨ ᠭᠠᠢ ᠴᠤ᠌ ᠶᠤᠮ ᠤᠤ
ᠠᠯᠢ ᠡᠰᠡᠪᠡᠯ ᠨᠠᠰᠤᠨ ᠤ᠋ ᠠᠮᠠᠷᠠᠭ ᠭᠠᠭᠴᠠᠬᠠᠨ ᠪᠠᠢᠳᠠᠭ ᠤ᠋ᠨ ᠦᠢᠯᠡ ᠤᠤ
ᠶᠡᠬᠡ ᠢᠳᠡᠷ ᠦ᠋ᠨ ᠥᠨᠳᠥᠷ ᠪᠤᠭᠤᠷᠤᠯ ᠳᠠᠪᠠᠭᠠᠨ ᠳ᠋ᠤ᠌ ᠠᠪᠠᠷᠢᠭ᠌ᠰᠠᠨ
ᠡᠳᠦᠭᠡ ᠶ᠋ᠢᠨ ᠪᠢᠳᠡᠨ ᠮᠡᠲᠦᠰ ᠨᠢ ᠡᠭᠦᠨ ᠦ᠌ ᠤᠬᠠᠭᠠᠨ ᠢ᠋ ᠦᠯᠦ ᠣᠯᠤᠮᠤᠢ
ᠳᠡᠩᠳᠡᠭᠦᠦ ᠳᠡᠩᠳᠡᠭᠦᠦ ᠳᠡᠩᠳᠡᠭᠦᠦ ᠬᠠᠢᠷᠠ ᠶ᠋ᠢᠨ ᠳ᠋ᠠᠷᠢᠮᠠ ᠬᠡᠦᠬᠡᠨ ᠯᠡ
ᠲᠠᠷᠢᠬᠢ ᠵᠢᠷᠦᠬᠡ ᠬᠠᠢᠯᠲᠠᠯᠠ ᠰᠠᠨᠠᠭᠳᠠᠭᠠᠳ ᠰᠠᠨᠠᠭᠳᠠᠭᠠᠳ ᠯᠠ ᠭᠡᠵᠦ
ᠲᠡᠭᠷᠢ ᠭᠠᠵᠠᠷ ᠤ᠋ᠨ ᠠᠢ ᠴᠢᠯᠥᠭᠡᠨ ᠳ᠋ᠦ᠍ ᠶᠠᠭᠠᠬᠢᠬᠤ ᠪᠠᠨ ᠮᠠᠲᠠᠯ ᠦᠭᠡᠢ
ᠲᠦᠮᠡᠨ ᠲᠦᠮᠡᠨ ᠭᠣᠷᠢᠳᠠᠯ ᠵᠠᠯᠭᠢᠯᠠᠭᠰᠠᠨ ᠵᠠᠯᠠᠭᠤᠰ ᠳᠡᠩᠰᠡᠯᠡᠨᠡ ᠭᠡᠵᠢ ᠠ᠋
᠁ ᠬᠠᠤᠯᠢ ᠴᠠᠭᠠᠵᠠ ᠴᠤ᠌ ᠦᠭᠡᠢ ᠪᠠᠢᠭᠠᠰᠠᠢ ᠳᠠ ᠁
᠁ ᠬᠤᠯᠤᠰᠤᠨ ᠶᠤ᠌ ᠲᠠᠰᠢᠭᠤᠷ ᠢ᠋ᠶ᠋ᠠᠨ ᠡᠷᠭᠢᠭᠦᠯᠬᠦ ᠦᠭᠡᠢ ᠤᠤ ᠳᠠ ᠁
᠁ ᠁
2024᠂ 1᠂ 31᠃ ᠦᠳᠡ ᠶ᠋ᠢᠨ ᠬᠣᠢᠨᠠ᠃
ᠬᠥᠬᠡᠬᠣᠲᠠᠨᠠ ᠣᠩᠭᠣᠳ ᠠᠰᠬᠠᠷᠠᠮᠠ ᠪᠦᠲᠦᠭᠡᠪᠡᠢ᠃