ᠪᠠᠶᠠᠰᠤᠩᠭᠤᠢ ᠶᠢᠨ ᠴᠢᠩ ᠴᠢᠨᠠᠷ – ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ Баясангуйн чин чанар - Ёндоны Билиг - Баатар
229ᠪᠠᠶᠠᠰᠤᠩᠭᠤᠢ ᠶᠢᠨ ᠴᠢᠩ ᠴᠢᠨᠠᠷ
ᠠᠯᠢ ᠦᠵᠡᠯ ᠢ᠋ ᠪᠠᠷᠢᠮᠲᠠᠯᠠᠬᠤ ᠨᠢ ᠴᠢᠬᠤᠯᠠ
ᠰᠠᠴᠤᠷᠠᠩᠭᠤᠢ ᠪᠠᠶᠠᠰᠤᠩᠭᠤᠢ ᠦᠵᠡᠯᠲᠡᠳ ᠠᠨᠤ
ᠰᠠᠭᠠᠳ ᠪᠡᠷᠬᠡ ᠡᠴᠡ ᠰᠦᠨ ᠭᠡᠷᠡᠯ ᠢ᠋ ᠯᠡ
ᠰᠥᠨᠢ ᠶ᠋ᠢᠨ ᠫᠠᠳ ᠬᠠᠷᠠᠩᠭᠤᠢ ᠳ᠋ᠤ᠌ ᠬᠠᠷᠠᠨᠠᠮ
ᠭᠤᠲᠤᠷᠠᠩᠭᠤᠢ ᠳᠤᠯᠢᠮᠠᠭ ᠦᠵᠡᠯᠲᠡᠳ ᠬᠠᠷᠢᠨ
ᠬᠠᠲᠠᠭᠤ ᠬᠦᠴᠢᠷᠳᠡᠯ ᠡᠴᠡ ᠱᠤᠯᠤᠮ ᠢ᠋ ᠯᠡ
ᠭᠡᠭᠡᠨ ᠴᠠᠭᠠᠨ ᠡᠳᠦᠷ ᠢ᠋ᠶ᠋ᠡᠷ ᠦᠵᠡᠨᠡᠮ ᠠᠵᠤᠭᠤ
ᠰᠦᠨᠡᠰᠦ ᠬᠠᠭᠠ ᠴᠠᠷᠴᠠᠮᠠ ᠪᠣᠳᠠᠲᠤ ᠠᠬᠤᠢ
ᠰᠡᠭᠦᠳᠡᠷ ᠰᠢᠲᠠᠭᠠᠮᠠ ᠬᠠᠷᠭᠢᠰ ᠡᠷᠢᠨ ᠳ᠋ᠦ᠍ ᠯᠡ
ᠲᠤᠶᠠᠭᠠ ᠳᠤᠸᠠᠯᠠᠮᠠ ᠪᠠᠶᠠᠰᠤᠩᠭᠤᠢ ᠪᠣᠳᠣᠯ
ᠲᠦᠮᠡᠨ ᠪᠡᠷᠬᠡᠰᠢᠶᠡᠯ ᠢ᠋ ᠠᠵᠢᠭ ᠦᠭᠡᠢ ᠳᠠᠪᠠᠨ
ᠲᠡᠭᠷᠢ ᠶ᠋ᠢᠨ ᠬᠠᠶᠠᠭᠠᠨ ᠤ᠋ ᠲᠡᠮᠡᠭᠡᠨ ᠵᠢᠩ ᠢ᠋
ᠲᠡᠪᠡᠨᠡ ᠶ᠋ᠢᠨ ᠨᠦᠬᠡ ᠪᠡᠷ ᠨᠡᠪᠲᠡ ᠬᠠᠷᠠᠨᠠᠮ
ᠤᠷᠲᠤ ᠨᠠᠰᠤᠯᠠᠬᠤ ᠶ᠋ᠢᠨ ᠨᠢᠭᠤᠴᠠ ᠵᠣᠷ ᠠᠨᠤ
ᠦᠷᠬᠦᠢ ᠳ᠋ᠡᠭᠡᠨ ᠪᠠᠶᠠᠰᠤᠩᠭᠤᠢ ᠪᠠᠢᠬᠤ ᠪᠤᠶᠤ
ᠬᠢᠴᠢᠶᠡᠩᠭᠦᠢ ᠪᠠᠳᠠᠷᠠᠩᠭᠤᠢ ᠪᠠᠶᠠᠰᠤᠩᠭᠤᠢ ᠠ᠋ᠴᠠ
ᠬᠡᠮᠵᠢᠶᠡᠯᠡᠰᠢ ᠦᠭᠡᠢ ᠵᠢᠷᠭᠠᠯᠠᠩ ᠡᠭᠦᠰᠦᠮᠦᠢ᠃
ᠨᠠᠰᠤᠨ ᠲᠤᠷᠰᠢᠲᠠ ᠠᠮᠤᠭᠤᠯᠠᠩ ᠢ᠋ ᠣᠯᠪᠠᠰᠤ
ᠨᠠᠨᠳᠢᠨ ᠪᠠᠲᠤ ᠵᠢᠩᠬᠢᠨᠢ ᠭᠡᠭᠡᠷᠡᠯ ᠳ᠋ᠦ᠍ ᠬᠦᠷᠦᠮᠦᠢ᠃
2024᠂ 5᠂ 3᠃ ᠦᠳᠡ ᠬᠣᠢᠨᠠ᠃
ᠬᠥᠬᠡᠬᠣᠲᠠᠨᠠ ᠪᠦᠲᠦᠭᠡᠪᠡᠢ᠃