ᠬᠤᠯᠤᠰᠤᠯᠢᠭ ᠬᠠᠪᠲᠠᠭᠠᠢ ᠴᠠᠭᠠᠨ Хулслаг хавтгай цагаан
254
ᠬᠤᠯᠤᠰᠤᠯᠢᠭ ᠬᠠᠪᠲᠠᠭᠠᠢ ᠴᠠᠭᠠᠨ
ᠦᠶᠡᠲᠦ ᠤᠷᠭᠤᠮᠠᠯ ᠤ᠋ᠨ ᠢᠵᠠᠭᠤᠷ
ᠰᠦᠷᠡᠯ ᠨᠢ 40—100cm ᠥᠨᠳᠥᠷ ᠰᠢᠯᠤᠭᠤᠨ ᠤᠷᠭᠤᠨᠠ᠂ ᠳ᠋ᠢᠶᠠᠮᠧᠲ᠋ᠷ 1.5—3.5mm᠃ ᠨᠠᠪᠴᠢᠨ ᠤ᠋ ᠲᠣᠭᠳᠣᠢ ᠨᠢ ᠦᠰᠦ ᠦᠭᠡᠢ᠂ ᠭᠢᠯᠦᠭᠡᠷ ᠪᠤᠶᠤ ᠪᠠᠬᠠᠨ ᠠᠷᠵᠠᠭᠠᠷ ; ᠨᠠᠪᠴᠢᠨ ᠤ᠋ ᠬᠡᠯᠡ ᠨᠢ ᠲᠣᠷᠭᠠᠨ
ᠬᠠᠯᠢᠰᠤᠯᠢᠭ᠂ ᠭᠢᠯᠦᠭᠡᠷ ᠰᠡᠲᠡᠷᠡᠳᠡᠭ ᠮᠤᠬᠤᠷ ᠦᠵᠦᠭᠦᠷ ᠲᠡᠢ ; ᠨᠠᠪᠴᠢ ᠨᠢ ᠪᠦᠰᠡ ᠬᠡᠯᠪᠡᠷᠢ ᠲᠡᠢ᠂ 10—28cm ᠤᠷᠲᠤ᠂1.5—5mm ᠥᠷᠭᠡᠨ᠂ ᠲᠡᠭᠰᠢᠬᠡᠨ ᠬᠠᠪᠲᠠᠭᠠᠢ ᠪᠤᠶᠤ ᠳᠣᠲᠣᠭᠰᠢ ᠬᠤᠮᠢᠷᠠᠨᠠ᠂ ᠳᠡᠭᠡᠳᠦ ᠲᠠᠯᠠ ᠪᠣᠯᠤᠨ ᠬᠥᠪᠡᠭᠡ ᠨᠢ ᠰᠢᠷᠦᠭᠦᠨ᠂ ᠠᠷᠤ ᠨᠢ ᠨᠡᠯᠢᠶᠡᠳ ᠭᠢᠯᠦᠭᠡᠷ ᠱᠣᠷᠣᠯᠵᠢᠨ ᠬᠡᠯᠪᠡᠷᠢᠲᠦ ᠪᠠᠭ ᠴᠡᠴᠡᠭ ᠨᠢ ᠪᠠᠬᠠᠨ ᠰᠠᠷᠪᠠᠢᠨᠠ᠂ 12—20mm ᠤᠷᠲᠤ᠂ ᠪᠣᠯᠪᠠᠰᠤᠷᠠᠪᠠᠯ ᠬᠥᠬᠡᠪᠲᠦᠷ ᠰᠢᠷᠠ ᠪᠤᠶᠤ ᠪᠣᠷᠣᠪᠲᠤᠷ ᠪᠣᠯᠤᠨᠠ᠂ ᠰᠠᠯᠠᠭᠠ ᠨᠤᠭᠤᠳ ᠨᠢ ᠪᠠᠭᠯᠠᠷᠠᠨ ᠤᠷᠭᠤᠨᠠ᠂ ᠨᠠᠷᠢᠨ ᠪᠥᠭᠡᠳ ᠰᠢᠯᠤᠭᠤᠨ ; ᠵᠢᠵᠢᠭ ᠲᠦᠷᠦᠭᠦᠦ ᠨᠢ 5—7mm ᠤᠷᠲᠤ ; ᠬᠣᠶᠠᠷ ᠬᠠᠯᠢᠰᠤ ᠨᠢ ᠢᠵᠢᠯ ᠪᠤᠰᠤ ᠤᠷᠲᠤ᠂ ᠪᠦᠰᠡ ᠰᠢᠭ ᠬᠠᠪᠲᠠᠭᠠᠢ ᠲᠡᠪᠡᠨᠡ ᠬᠡᠯᠪᠡᠷᠢ ᠲᠡᠢ᠂ ᠱᠤᠪᠲᠤᠭᠠᠷ ᠦᠵᠦᠭᠦᠷ ᠲᠡᠢ ; ᠭᠠᠳᠠᠷ ᠬᠡᠪᠡᠭ ᠨᠢ ᠲᠤᠩᠭᠠᠯᠠᠭ ᠲᠣᠷᠭᠠᠨ ᠬᠠᠯᠢᠰᠤᠯᠢᠭ᠂ 2—4mm ᠤᠷᠲᠤ᠂ ᠦᠵᠦᠭᠦᠷ ᠲᠦ᠋ᠨᠢ ᠣᠨᠢ ᠦᠭᠡᠢ᠂ ᠰᠠᠭᠤᠷᠢ ᠲᠠᠪᠠᠭ ᠤ᠋ᠨ ᠤᠷᠲᠤ ᠦᠰᠦ ᠨᠢ ᠵᠢᠵᠢᠭ ᠲᠦᠷᠦᠭᠦᠦ ᠲᠡᠢ ᠢᠵᠢᠯᠬᠡᠨ ᠤᠷᠲᠤ ᠪᠤᠶᠤ ᠪᠠᠬᠠᠨ ᠣᠬᠣᠷ ; ᠰᠤᠷ ᠨᠢ ᠭᠠᠳᠠᠷ ᠬᠡᠪᠡᠭ ᠦ᠋ᠨ ᠦᠵᠦᠭᠦᠷ ᠡᠴᠡ ᠭᠠᠷᠤᠨᠠ᠂ ᠨᠠᠷᠢᠨ᠂ 1—3mm ᠤᠷᠲᠤ ; ᠳᠣᠲᠣᠷ ᠬᠡᠪᠡᠭ ᠨᠢ ᠭᠠᠳᠠᠷ ᠬᠡᠪᠡᠭ ᠦ᠋ᠨ ᠭᠤᠷᠪᠠᠨ ᠤ᠋ ᠨᠢᠭᠡ ᠡᠴᠡ ᠭᠤᠷᠪᠠᠨ ᠤ᠋ ᠬᠣᠶᠠᠷ ᠤ᠋ᠨ ᠴᠢᠨᠡᠭᠡ ᠤᠷᠲᠤ ; ᠡᠷᠡ ᠲᠣᠭᠣᠷᠴᠣᠭ ᠨᠢ ᠭᠤᠷᠪᠠ᠂ 1—2mm ᠤᠷᠲᠤ ᠰᠢᠷᠠ ᠲᠣᠭᠣᠰᠣᠪᠴᠢ ᠲᠠᠢ᠃
ᠭᠣᠣᠯ ᠮᠥᠷᠡᠨ ᠦ᠌ ᠬᠥᠪᠡᠭᠡ᠂ ᠠᠭᠤᠯᠠ ᠶ᠋ᠢᠨ ᠬᠠᠵᠠᠭᠤ᠂ ᠡᠯᠡᠰᠦᠷᠬᠡᠭ ᠭᠠᠵᠠᠷ᠂ ᠳᠣᠪᠣᠴᠠᠭ᠂ ᠠᠭᠤᠯᠠ ᠶ᠋ᠢᠨ ᠵᠡᠪᠡ ᠵᠢᠯᠠᠭᠠ ᠵᠡᠷᠭᠡ ᠶ᠋ᠢᠨ ᠴᠢᠭᠢᠭᠲᠡᠢ ᠭᠠᠵᠠᠷ ᠲᠤ ᠤᠷᠭᠤᠨᠠ᠃
ᠮᠠᠨ ᠤ᠋ ᠤᠯᠤᠰ ᠤ᠋ᠨ ᠥᠪᠥᠷ ᠮᠣᠩᠭᠣᠯ᠂ ᠾᠧᠪᠧᠢ᠂ ᠱᠠᠨ ᠰᠢ᠂ ᠰᠧᠴᠤᠸᠠᠨ᠂ ᠶᠦᠨᠨᠠᠨ ᠬᠢᠭᠡᠳ ᠵᠡᠭᠦᠨ ᠬᠣᠢᠲᠤ ᠣᠷᠣᠨ᠂ ᠪᠠᠷᠠᠭᠤᠨ ᠬᠣᠢᠲᠤ ᠣᠷᠣᠨ ᠤ᠋ ᠡᠯᠡ ᠮᠣᠵᠢ ᠣᠷᠣᠨ ᠳ᠋ᠤ᠌ ᠤᠷᠭᠤᠳᠠᠭ᠃
ᠪᠣᠷᠳᠣᠭᠠ ᠡᠪᠡᠰᠦ᠃ ᠤᠷᠭᠤᠯᠲᠠ ᠨᠢ ᠰᠠᠢᠨ ᠪᠥᠭᠡᠳ ᠪᠦᠯᠦᠭᠯᠡᠨ ᠤᠷᠭᠤᠬᠤ ᠲᠤᠯᠠ ᠡᠯᠡᠰᠦ ᠲᠣᠭᠲᠠᠭᠠᠬᠤ᠂ ᠡᠷᠭᠢ ᠬᠠᠮᠠᠭᠠᠯᠠᠬᠤ ᠤᠷᠭᠤᠮᠠᠯ ᠪᠣᠯᠭᠠᠳᠠᠭ᠃
ᠬᠢᠲᠠᠳ ᠨᠡᠷᠡ᠄假苇佛子茅
ᠠᠩᠭ᠌ᠯᠢ ᠨᠡᠷᠡ᠄ Calamagrostis pseudophragmites (Hall. f.) Koel.
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠳ·᠂ ᠡᠷᠬᠢᠮᠪᠠᠭᠠᠲᠤᠷ
ᠬᠢᠨᠠᠭᠴᠢ᠄ ᠫᠣ· ᠴᠠᠭᠠᠨ