ᠮᠥᠷᠥᠭᠡᠳᠦᠯ- ᠳ· ᠨᠠᠴᠤᠭᠳᠣᠷᠵᠢМөрөөдөл-Д.Нацагдорж
275ᠮᠥᠷᠥᠭᠡᠳᠦᠯ
ᠳ· ᠨᠠᠴᠤᠭᠳᠣᠷᠵᠢ
ᠬᠠᠪᠤᠷ ᠤ᠋ᠨ ᠨᠠᠢᠷ ᠲᠠᠢ ᠤᠯᠠᠷᠢᠯ ᠪᠠᠰᠠ ᠳᠠᠬᠢᠨ ᠢᠷᠡᠵᠦ
ᠴᠡᠴᠡᠭ ᠨᠠᠪᠴᠢ ᠳᠡᠯᠭᠡᠵᠦ ᠡᠨᠡ ᠳᠡᠯᠡᠬᠡᠢ ᠶ᠋ᠢ ᠴᠡᠴᠡᠭᠯᠡᠭᠦᠯᠦᠯᠡ᠃
ᠬᠠᠢᠷᠠᠲᠤ ᠢᠨᠠᠭ ᠴᠢ ᠮᠢᠨᠢ ᠬᠡᠵᠢᠶᠡ ᠨᠢᠭᠡ ᠢᠷᠡᠵᠦ
ᠮᠢᠨᠦ ᠵᠢᠷᠦᠬᠡ ᠶ᠋ᠢ ᠪᠠᠶᠠᠰᠤᠭᠤᠯᠤᠨ ᠴᠡᠩᠭᠡᠭᠦᠯᠬᠦ ᠪᠣᠯ?
ᠥᠨᠳᠥᠷ ᠠᠭᠤᠯᠠ ᠶ᠋ᠢᠨ ᠣᠷᠣᠢ ᠳᠡᠭᠡᠷᠡ ᠭᠠᠷᠤᠭᠠᠳ ᠬᠠᠷᠠᠬᠤ ᠳ᠋ᠤ᠌
ᠬᠣᠯᠠ ᠶ᠋ᠢᠨ ᠪᠠᠷᠠ ᠡᠮᠦᠨᠡ ᠮᠢᠨᠢ ᠴᠠᠪ ᠴᠡᠯᠡᠢᠨ ᠦᠵᠡᠭᠳᠡᠨᠡ᠃
ᠤᠭ ᠪᠡᠶᠡ ᠮᠢᠨᠢ ᠵᠢᠭᠦᠷ ᠲᠡᠢ ᠴᠦ᠍ ᠪᠣᠯᠤᠭᠠᠰᠠᠢ ᠳᠠ
ᠤᠭᠲᠤᠨ ᠨᠢᠰᠴᠦ ᠴᠢᠮᠠ ᠳᠡᠭᠡᠷᠡ ᠪᠡᠨ ᠣᠴᠢᠬᠤ ᠶᠤᠮᠰᠠᠨ᠃
ᠭᠡᠭᠡᠨ ᠨᠠᠷᠠᠨ ᠭᠡᠨᠡᠳᠲᠡ ᠣᠢᠷᠠᠲᠤᠨ ᠢᠷᠡᠵᠦ
ᠭᠡᠷᠡᠯᠲᠦ ᠰᠠᠢᠬᠠᠨ ᠵᠤᠨ ᠤ᠋ ᠤᠯᠠᠷᠢᠯ ᠴᠤ ᠪᠣᠯᠤᠯᠠ᠃
ᠦᠨᠡᠨᠴᠢ ᠠᠮᠠᠷᠠᠭ ᠴᠢ ᠮᠢᠨᠢ ᠣᠳᠣ ᠨᠢᠭᠡ ᠤᠴᠠᠷᠠᠵᠤ
ᠮᠢᠨᠦ ᠬᠡᠩᠬᠦᠳᠡᠭ ᠲᠦ᠍ ᠵᠤᠯᠠ ᠪᠠᠷᠢᠬᠤ ᠴᠠᠭ ᠴᠤ ᠪᠣᠯᠤᠯᠠ᠃
ᠠᠭᠠᠷ ᠲᠩᠷᠢ ᠳ᠋ᠦ᠍ ᠵᠢᠷᠭᠢᠭᠴᠢ ᠰᠢᠪᠠᠭᠤᠨ ᠤ᠋ ᠳᠠᠭᠤ
ᠮᠠᠯᠴᠢᠨ ᠬᠥᠮᠦᠨ ᠳ᠋ᠦ᠍ ᠬᠥᠭᠵᠢᠮ ᠵᠤᠭᠠ ᠪᠣᠯᠵᠤ ᠪᠠᠢᠨᠠ᠃
ᠠᠯᠤᠰ ᠭᠠᠵᠠᠷ ᠠ᠋ᠴᠠ ᠳᠤᠷᠠᠰᠤᠨ ᠰᠠᠭᠤᠭᠴᠢ ᠴᠢ ᠮᠢᠨᠢ
ᠮᠢᠨᠦ ᠰᠡᠳᠬᠢᠯ ᠳ᠋ᠦ᠍ ᠶᠣᠰᠣᠲᠠᠢ ᠨᠢᠭᠡ ᠮᠥᠷᠥᠭᠡᠳᠦᠯ ᠪᠣᠯᠵᠤ ᠪᠠᠢᠨᠠ᠃
1931 ᠣᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠷᠳᠡᠨᠢᠭᠣᠤᠠ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ