ᠣᠳᠣ - ᠳ· ᠨᠠᠴᠤᠭᠳᠣᠷᠵᠢОд-Д.Нацагдорж
280ᠣᠳᠣ
ᠳ· ᠨᠠᠴᠤᠭᠳᠣᠷᠵᠢ
ᠬᠣᠯᠠᠬᠢ ᠭᠠᠵᠠᠷ ᠤ᠋ᠨ ᠭᠢᠯᠠᠯᠵᠠᠨ ᠬᠠᠷᠠᠭᠳᠠᠬᠤ ᠥᠩᠭᠡᠲᠦ ᠣᠳᠣ ᠠ᠋!
ᠬᠢᠵᠠᠭᠠᠷ ᠦᠭᠡᠢ ᠣᠭᠲᠠᠷᠭᠤᠢ ᠶ᠋ᠢᠨ ᠳᠤᠮᠳᠠ ᠵᠤᠭᠠᠯᠠᠬᠤ ᠤᠯᠠᠭᠠᠨ ᠣᠴᠢ ᠠ᠋!
ᠨᠡᠷᠡᠲᠦ ᠶᠢᠷᠲᠢᠨᠴᠦ ᠶ᠋ᠢ ᠲᠣᠯᠢᠳᠠᠨ ᠪᠠᠢᠭᠠ ᠠᠩᠭᠠᠷᠠᠭ ᠭᠠᠷᠠᠭ ᠠ᠋!
ᠪᠢᠳᠡ ᠴᠢᠮᠠ ᠲᠠᠢ ᠲᠠᠨᠢᠯᠴᠠᠬᠤ ᠶ᠋ᠢ ᠬᠡᠳᠦᠢᠨ ᠡᠴᠡ ᠬᠦᠰᠡᠯᠡ᠃
ᠠᠯᠲᠠᠨ ᠰᠠᠢᠬᠠᠨ ᠪᠡᠶᠡ ᠳᠡᠭᠡᠷᠡ ᠴᠢᠨᠢ ᠴᠣᠬᠣᠮ ᠶᠠᠭᠤ ᠣᠷᠣᠰᠢᠨᠠ ᠪᠣᠢ?
ᠠᠯᠠᠭ ᠴᠡᠴᠡᠭ ᠣᠢ ᠮᠣᠳᠣ ᠴᠢᠮᠠ ᠳᠡᠭᠡᠷᠡ ᠪᠠᠢᠨᠠ ᠤᠤ ᠦᠭᠡᠢ ᠤᠤ?
ᠥᠷᠭᠡᠨ ᠶᠡᠬᠡ ᠬᠡᠪᠡᠯᠢ ᠳ᠋ᠦ᠍ ᠴᠢᠨᠢ ᠶᠠᠮᠠᠷ ᠡᠷᠳᠡᠨᠢ ᠨᠢᠭᠤᠭᠳᠠᠨᠠ ᠪᠣᠢ?
ᠥᠯᠮᠡᠢ ᠳᠡᠭᠡᠷᠡ ᠪᠡᠨ ᠵᠣᠭᠰᠣᠭᠰᠠᠨ ᠬᠥᠮᠦᠨ ᠲᠡᠨᠳᠡ ᠴᠢᠨᠢ ᠪᠠᠢᠨᠠ ᠤᠤ᠂ ᠦᠭᠡᠢ ᠤᠤ?
ᠣᠳᠣ ᠴᠢᠨᠦ ᠲᠡᠨᠳᠡ ᠡᠴᠡ ᠡᠨᠡ ᠳᠡᠯᠡᠬᠡᠢ ᠶᠠᠮᠠᠷ ᠥᠩᠭᠡ ᠲᠡᠢ ᠦᠵᠡᠭᠳᠡᠨᠡ ᠪᠣᠢ?
ᠣᠷᠴᠢᠯᠠᠩ ᠳᠡᠯᠡᠬᠡᠢ ᠶ᠋ᠢᠨ ᠶᠠᠪᠤᠳᠠᠯ ᠢ᠋ ᠴᠢ ᠶᠠᠭᠤ ᠭᠡᠵᠦ ᠰᠣᠶᠣᠷᠬᠠᠨᠠ ᠪᠣᠢ?
ᠢᠨᠠᠭᠯᠠᠯ ᠠᠮᠠᠷᠠᠭᠯᠠᠯ ᠤ᠋ᠨ ᠳᠥᠯᠥ ᠠᠯᠢ ᠵᠡᠷᠭᠡ ᠬᠤᠷᠴᠠ ᠪᠣᠢ?
ᠶᠠᠭᠠᠬᠢᠭᠠᠳ ᠴᠢ ᠪᠢᠳᠡᠨ ᠳ᠋ᠦ᠍ ᠵᠠᠬᠢᠶᠠ ᠦᠯᠦ ᠢᠯᠡᠭᠡᠨᠡ ᠪᠣᠢ?
ᠡᠨᠡ ᠳᠡᠯᠡᠬᠡᠢ ᠳᠡᠭᠡᠷᠡ ᠨᠠᠮᠢᠷᠠᠬᠤ ᠤᠯᠠᠭᠠᠨ ᠲᠤᠭ ᠤ᠋ᠳ ᠬᠠᠷᠠᠭᠳᠠᠨᠠ ᠤᠤ?
ᠡᠷᠬᠡ ᠴᠢᠯᠥᠭᠡᠲᠦ ᠳᠠᠭᠤᠨ ᠤ᠋ ᠦᠭᠡ ᠲᠠᠨ ᠤ᠋ ᠲᠡᠨᠳᠡ ᠴᠤᠤᠷᠢᠶᠠᠲᠤᠨᠠ ᠤᠤ?
ᠡᠪ ᠬᠠᠮᠲᠤ ᠶᠣᠰᠣ ᠶ᠋ᠢ ᠬᠠᠮᠢᠭᠠ ᠬᠠᠮᠢᠭᠠ ᠪᠠᠨ ᠪᠠᠢᠭᠤᠯᠤᠭᠠᠳ
ᠡᠯᠢᠭᠡᠨ ᠰᠠᠳᠤᠨ ᠪᠣᠯᠵᠤ ᠲᠦᠮᠡᠨ ᠵᠢᠯ ᠳ᠋ᠡᠭᠡᠨ ᠵᠢᠷᠭᠠᠶᠠ᠃
1931 ᠣᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠭᠠᠷᠮ ᠠ᠋
ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ᠂ ᠣᠳᠬᠠᠨᠰᠣᠠ