ᠵᠢᠷᠦᠬᠡᠨ ᠦ ᠠᠮᠠᠷᠠᠭ ᠲᠠᠢ ᠪᠠᠨ ᠵᠣᠯᠭᠠᠨᠠ ᠡ ᠭᠡᠵᠦ ᠁ – ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ Зүрхний амрагтайгаа золгоно оо гэж ᠁ - Ёндоны Билиг - Баатар
357ᠵᠢᠷᠦᠬᠡᠨ ᠦ ᠠᠮᠠᠷᠠᠭ ᠲᠠᠢ ᠪᠠᠨ ᠵᠣᠯᠭᠠᠨᠠ ᠡ ᠭᠡᠵᠦ ᠁
ᠠᠯᠤᠰ ᠠᠯᠤᠰ ᠤ᠋ᠨ ᠳᠠᠯᠳᠠ ᠠᠯᠤᠰ ᠠ᠋ᠴᠠ
ᠠᠯᠠᠭ ᠴᠡᠴᠡᠭᠡᠰ ᠦ᠋ᠨ ᠵᠤᠨ ᠤ᠋ ᠤᠯᠠᠷᠢᠯ ᠳ᠋ᠠᠭᠠᠨ
ᠵᠢᠰᠦ ᠵᠢᠰᠦᠨ ᠦ᠌ ᠬᠠᠮᠤᠭ ᠦᠵᠡᠰᠬᠦᠯᠡᠩ ᠢ᠋
ᠵᠢᠩᠭᠠᠷ ᠬᠠᠲᠤᠨ ᠰᠢᠭ᠋ ᠣᠯᠵᠤ ᠲᠥᠷᠥᠭᠰᠡᠨ
ᠵᠢᠷᠦᠬᠡᠨ ᠦ᠌ ᠠᠮᠠᠷᠠᠭ ᠲᠠᠢ ᠪᠠᠨ
ᠵᠣᠯᠭᠠᠨᠠ ᠭᠡᠳᠡᠭ ᠴᠢᠨᠢ ᠬᠥᠭᠡᠷᠦᠬᠦᠢ
ᠠᠯᠲᠠᠨ ᠨᠠᠷᠠᠨ ᠲᠠᠢ ᠥᠷᠯᠥᠭᠡ ᠥᠷᠯᠥᠭᠡ
ᠠᠷᠢᠭᠤᠨ ᠰᠠᠴᠤᠯᠢ ᠲᠠᠢ ᠵᠣᠯᠭᠠᠬᠤ ᠠ᠋ᠴᠠ ᠴᠤ᠌
ᠮᠢᠩᠭᠠᠨ ᠳᠠᠬᠢᠨ ᠰᠠᠢᠬᠠᠨ ᠶᠤᠮ ᠳᠠ
ᠦᠨᠡᠨᠳᠡᠭᠡᠨ ᠲᠡᠭᠦᠨ ᠡᠴᠡ ᠴᠤ᠌ ᠭᠣᠶᠣᠬᠠᠨ
᠁ ᠁ ᠠᠮᠢᠳᠤᠷᠠᠯ ᠤ᠋ᠨ ᠰᠠᠢᠬᠠᠨ ᠡᠨᠡ
᠁ ᠁ ᠠᠮᠢᠳᠤᠷᠠᠬᠤ ᠤᠳᠬᠠ ᠶᠠᠭ ᠡᠨᠡ
ᠪᠤᠬᠠ ᠲᠡᠷᠭᠡ ᠳᠡᠭᠦᠯᠢᠬᠦ ᠮᠡᠲᠦ ᠬᠤᠷᠳᠤᠨ
ᠸᠠᠭᠣᠨ ᠢ᠋ᠶ᠋ᠠᠨ ᠴᠢᠷᠦᠭᠡᠳ ᠮᠠᠰᠢᠳᠠ ᠶᠠᠭᠠᠷᠠᠤ
᠁ ᠣᠷᠴᠢᠯᠠᠩ ᠳᠡᠯᠡᠬᠡᠢ ᠲᠡᠭᠷᠢ ᠭᠠᠵᠠᠷ ᠤ᠋ᠨ
᠁ ᠠᠤᠭᠠ ᠥᠷᠯᠥᠭ ᠳᠡᠭᠡᠳᠦᠰ ᠦ᠋ᠨ
᠁ ᠴᠡᠯ ᠪᠤᠭᠤᠷᠤᠯ ᠠᠪᠤ ᠡᠵᠢ ᠶ᠋ᠢᠨ ᠢ᠋ᠶ᠋ᠡᠨ
᠁ ᠡᠳᠡᠨᠥᠰ ᠦ᠋ᠨ ᠢ᠋ᠶ᠋ᠡᠨ ᠪᠤᠶᠠᠨ ᠢ᠋ᠶ᠋ᠠᠷ ᠯᠠ
ᠡᠳᠦᠢ ᠳ᠋ᠦ᠍ ᠪᠢ ᠡᠢᠮᠦ ᠭᠣᠶᠣ ᠵᠢᠷᠭᠠᠯᠠᠩ ᠲᠠᠢ
ᠡᠷᠡ ᠶ᠋ᠢᠨ ᠳᠡᠭᠡᠳᠦ ᠬᠡᠢᠮᠣᠷᠢ ᠲᠠᠢ ᠶᠠᠪᠤᠨᠠᠮ
ᠡᠭᠦᠷᠢ ᠶ᠋ᠢᠨ ᠡᠭᠦᠷᠢᠳᠡ ᠲᠠᠯᠠᠷᠬᠠᠵᠤ ᠮᠥᠷᠭᠥᠨᠡᠮ
ᠦᠬᠦᠲᠡᠯᠡ ᠪᠡᠨ ᠠᠴᠢ ᠶ᠋ᠢ ᠨᠢ ᠰᠠᠨᠠᠨᠠᠮ ᠠ᠋
ᠰᠠᠢᠨ ᠵᠠᠶᠠᠭᠠ ᠲᠠᠢ ᠲᠡᠮᠡᠴᠡᠵᠦ ᠶᠠᠪᠤᠭᠠ
ᠰᠠᠢᠬᠠᠨ ᠭᠡᠷᠭᠡᠢ ᠲᠡᠢ ᠬᠠᠨᠢᠯᠠᠵᠤ ᠪᠠᠢᠭᠠ
ᠰᠠᠯᠬᠢ ᠰᠢᠭ᠋ ᠴᠢᠯᠥᠭᠡᠲᠡᠢ ᠠᠮᠢᠳᠤᠷᠠᠭᠠ
ᠰᠦᠨ ᠮᠡᠲᠦ ᠴᠠᠯᠭᠢᠯᠠᠵᠤ ᠪᠤᠴᠠᠯᠠᠭᠠ ᠳ᠋ᠠᠭᠠᠨ
ᠶᠠᠭᠠᠬᠢᠬᠤ ᠠᠷᠭᠠ ᠦᠭᠡᠢ ᠪᠠᠶᠠᠷᠯᠠᠵᠤ ᠪᠠᠢᠨᠠᠮ
ᠶᠠᠭᠠᠬᠢᠬᠤ ᠳ᠋ᠠᠭᠠᠨ ᠪᠢ ᠡᠢᠮᠦ ᠠᠵᠠ ᠲᠠᠢ ᠪᠣᠢ
ᠪᠦᠭᠦᠳᠡ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠳ᠋ᠦ᠍ ᠪᠡᠨ
ᠪᠥᠮᠪᠥᠷᠴᠡᠭ ᠦ᠋ᠨ ᠪᠦᠬᠦ ᠠᠮᠢᠲᠠᠨ ᠪᠣᠳᠠᠰ ᠲᠤ᠌
ᠪᠥᠭᠡᠷᠡᠩᠬᠡᠢ ᠲᠣᠯᠣᠭᠠᠢ ᠪᠠᠷ ᠢ᠋ᠶ᠋ᠠᠨ ᠮᠥᠷᠭᠥᠨᠡᠮ
ᠪᠦᠷ ᠴᠤ᠌ ᠴᠠᠭ ᠢᠮᠠᠭᠲᠠ ᠮᠥᠩᠬᠡ ᠲᠠᠯᠠᠷᠬᠠᠨᠠᠮ
ᠠᠮᠠᠷᠠᠭ ᠬᠣᠩᠭᠣᠷ ᠲᠠᠢ ᠪᠠᠨ ᠯᠠ
ᠠᠯᠠᠭ ᠬᠣᠷᠸᠠ ᠶ᠋ᠢ ᠡᠯᠡᠭᠡᠨᠡ ᠭᠡᠳᠡᠭ
ᠠᠮᠢᠳᠤ ᠶ᠋ᠢᠨ ᠲᠡᠭᠦᠯᠳᠡᠷ ᠠᠮᠲᠠ ᠶ᠋ᠢ
ᠠᠰᠢᠳᠠ ᠲᠠᠮᠰᠢᠶᠠᠯᠠᠬᠤ ᠤᠷᠠᠨ ᠦᠢᠯᠡ ᠠ᠋
ᠵᠤᠯᠠᠢ ᠳᠡᠭᠡᠷᠡ ᠲᠣᠭᠠᠯᠠᠰᠢ ᠦᠭᠡᠢ ᠣᠳᠣᠳ
ᠵᠣᠷᠴᠢᠬᠤ ᠭᠠᠵᠠᠷ ᠤᠯᠠᠭᠠᠨᠴᠠᠪ ᠲᠥᠪ ᠬᠣᠲᠠ
᠁
᠁ ᠵᠤᠨ ᠤ᠋ ᠰᠥᠨᠢ ᠶᠠᠭᠤᠲᠠᠢ ᠢᠰᠬᠦᠯᠡᠩ
᠁ ᠬᠥᠮᠦᠨ ᠵᠤᠨ ᠶᠠᠭᠤᠲᠠᠢ ᠠᠮᠤᠭᠤᠯᠠᠩ
ᠡᠬᠡ ᠨᠤᠲᠤᠭ ᠡᠬᠡ ᠣᠷᠣᠨ ᠲᠠᠢᠪᠤᠩ
ᠡᠷᠭᠢᠬᠦ ᠲᠥᠷᠥᠯ ᠳ᠋ᠡᠭᠡᠨ ᠡᠨᠳᠡ ᠯᠡ ᠁
2024᠂ 5᠂ 26 – 27᠃ ᠦᠦᠷ ᠢ᠋ᠶ᠋ᠡᠷ᠃
ᠰᠢᠯᠢ ᠶ᠋ᠢᠨ ᠬᠣᠲᠠ ᠠ᠋ᠴᠠ ᠤᠯᠠᠭᠠᠨᠴᠠᠪ ᠬᠦᠷᠬᠦ ᠭᠠᠯᠲᠤ ᠲᠡᠷᠭᠡᠨ ᠳᠡᠭᠡᠷᠡ᠃
ᠬᠢᠴᠢᠶᠡᠩᠭᠦᠢ ᠲᠤᠩᠭᠠᠨ ᠪᠦᠲᠦᠭᠡᠪᠡᠢ᠃