ᠲᠤᠭᠤᠷᠭᠠᠨ ᠤ᠋ ᠵᠢᠷᠤᠭ ᠢ᠋ ᠦᠵᠡᠪᠡᠯ- ᠳ· ᠨᠠᠴᠤᠭᠳᠣᠷᠵᠢТуурганы жиргийг үзвэл-Д.Нацагдорж
210ᠲᠤᠭᠤᠷᠭᠠᠨ ᠤ᠋ ᠵᠢᠷᠤᠭ ᠢ᠋ ᠦᠵᠡᠪᠡᠯ
ᠳ· ᠨᠠᠴᠤᠭᠳᠣᠷᠵᠢ
ᠶᠢᠷᠲᠢᠨᠴᠦ ᠶ᠋ᠢᠨ ᠳᠥᠴᠢᠳᠦᠭᠡᠷ ᠪᠦᠰᠡᠯᠡᠭᠦᠷ ᠳᠡᠭᠡᠷᠡ ᠣᠷᠣᠰᠢᠭᠴᠢ
ᠢᠲ᠋ᠠᠯᠢ ᠣᠷᠣᠨ ᠶᠠᠭᠤ ᠲᠠᠢ ᠰᠠᠢᠬᠠᠨ ᠤᠯᠠᠷᠢᠯ ᠲᠠᠢ ᠪᠣᠢ?
ᠵᠤᠨ ᠤ᠋ ᠰᠠᠢᠬᠠᠨ ᠨᠠᠷᠠ ᠭᠧᠨᠥ᠋ᠶᠠ ᠬᠣᠲᠠ ᠶ᠋ᠢ ᠭᠡᠷᠡᠯᠲᠦᠭᠦᠯᠵᠦ
ᠲᠣᠨᠣᠭᠰᠠᠨ ᠬᠥᠬᠡ ᠳᠠᠯᠠᠢ ᠦᠵᠡᠰᠬᠦᠯᠡᠩᠲᠦ ᠬᠠᠷᠰᠢ ᠳ᠋ᠤ᠌ ᠲᠤᠯᠵᠠᠢ᠃
ᠭᠤᠸᠠ ᠵᠠᠯᠠᠭᠤ ᠥᠬᠢᠨ ᠮᠢᠨᠳᠠᠰᠤᠨ ᠰᠢᠭᠦᠷ ᠦ᠋ᠨ ᠰᠡᠭᠦᠳᠡᠷ ᠲᠦ᠍
ᠢᠨᠠᠭ ᠰᠡᠳᠬᠢᠯ ᠦ᠋ᠨ ᠢ᠋ᠶ᠋ᠡᠨ ᠢᠷᠠᠭᠤ ᠳᠠᠭᠤᠤ ᠶ᠋ᠢ ᠤᠶᠠᠷᠠᠨ ᠳᠠᠭᠤᠯᠠᠵᠤ ᠰᠠᠭᠤᠨᠠ᠃
ᠵᠢᠪᠬᠤᠯᠠᠩᠲᠤ ᠢᠳᠡᠷ ᠡᠷᠡ ᠳᠠᠯᠪᠠᠭᠠᠲᠤ ᠣᠩᠭᠣᠴᠠᠨ ᠳ᠋ᠤ᠌ ᠰᠠᠭᠤᠵᠤ
ᠵᠢᠷᠭᠠᠯ ᠢ᠋ᠶ᠋ᠠᠨ ᠮᠥᠷᠥᠭᠡᠳᠦᠨ ᠰᠠᠭᠤᠭᠠ ᠲᠡᠷᠡ ᠥᠬᠢᠨ ᠳᠠᠰᠢ ᠶᠠᠭᠠᠷᠠᠨᠠ᠃
ᠤᠳᠠᠬᠤ ᠦᠭᠡᠢ ᠤᠴᠠᠷᠠᠯᠳᠤᠵᠤ ᠭᠠᠷ ᠪᠠᠷᠢᠯᠴᠠᠨ ᠣᠩᠭᠣᠴᠠᠨ ᠳ᠋ᠠᠭᠠᠨ ᠰᠠᠭᠤᠨ
ᠰᠠᠯᠬᠢᠨ ᠤ᠋ ᠡᠰᠡᠷᠭᠦ ᠲᠡᠷᠡ ᠬᠣᠶᠠᠷ ᠴᠢᠨᠠᠭᠰᠢᠯᠠᠨ ᠣᠳᠤᠨᠠ᠃
ᠭᠦᠨ ᠳᠠᠯᠠᠢ ᠶ᠋ᠢᠨ ᠡᠵᠡᠭᠦᠢ ᠠᠷᠠᠯ ᠳᠡᠭᠡᠷᠡ ᠯᠠᠪ ᠣᠴᠢᠨᠠ᠃
ᠮᠢᠩᠭᠠᠨᠲᠠ ᠲᠡᠪᠡᠷᠢᠯᠳᠦᠨ ᠲᠦᠮᠡᠨᠲᠡ ᠦᠨᠦᠰᠦᠯᠳᠦᠵᠦ ᠬᠠᠢᠷᠠ ᠪᠠᠨ ᠢᠯᠡᠴᠢᠯᠡᠨᠡ᠃
1930 ᠣᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠲᠣᠭᠳᠠᠭᠤᠨᠪᠠᠶᠠᠷ
ᠬᠢᠨᠠᠭᠴᠢ᠄ ᠭᠠᠷᠮᠠ᠂ ᠤᠳᠬᠠᠨᠰᠣᠠ