ᠲᠦᠮᠡᠳ ᠬᠣᠰᠢᠭᠤᠨ ᠨᠠᠭᠠᠳᠤᠮ – ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ Түмэт хошуун наадам - Ёндоны Билиг - Баатар
291ᠲᠦᠮᠡᠳ ᠬᠣᠰᠢᠭᠤᠨ ᠨᠠᠭᠠᠳᠤᠮ
ᠠᠯᠲᠠᠨ ᠬᠠᠭᠠᠨ ᠤ᠋ ᠤᠤᠭᠠᠨ ᠨᠡᠢᠰᠯᠡᠯ ᠠᠨᠤ
ᠡᠳᠦᠭᠡ ᠥᠪᠥᠷ ᠮᠣᠩᠭᠣᠯ ᠤ᠋ᠨ ᠬᠥᠬᠡᠬᠣᠲᠠ
ᠳᠡᠯᠡᠬᠡᠢ ᠶ᠋ᠢᠨ ᠰᠤᠤ ᠲᠠᠪᠤᠨ ᠱᠠᠰᠢᠨ ᠤ᠋ ᠰᠤᠷ
ᠱᠠᠭᠵᠠᠮᠤᠨᠢ ᠪᠤᠷᠬᠠᠨ ᠤ᠋ ᠱᠠᠰᠢᠨ ᠳ᠋ᠤᠷ ᠮᠥᠷᠭᠥᠮᠦ
ᠲᠡᠭᠷᠢ ᠶ᠋ᠢ ᠤᠶᠠᠰᠬᠠᠨ ᠲᠦᠮᠡᠳ ᠢ᠋ ᠲᠡᠳᠬᠦᠨ
ᠠᠤᠭᠠ ᠬᠠᠭᠠᠨ ᠠᠯᠲᠠᠨ ᠢ᠋ ᠱᠠᠯ ᠪᠠᠶᠠᠰᠬᠠᠨ
ᠲᠦᠮᠡᠳ ᠦ᠋ᠨ ᠴᠡᠯᠡᠭᠡᠷ ᠲᠠᠯᠠ ᠳᠡᠨᠵᠢᠨᠡ
ᠲᠡᠷᠢᠭᠦᠯᠡᠭᠴᠢ ᠤᠯᠠᠭᠠᠨᠬᠦᠦ ᠶ᠋ᠢᠨ ᠭᠠᠯ ᠨᠤᠲᠤᠭ ᠲᠤ᠌
ᠴᠢᠩᠭᠢᠰ ᠬᠠᠭᠠᠨ ᠲᠠᠯᠠᠪᠠᠢ ᠶ᠋ᠢᠨ ᠬᠠᠶᠠᠭᠠᠨ ᠳ᠋ᠤ᠌
ᠳᠡᠯᠡᠬᠡᠢ ᠶ᠋ᠢᠨ ᠬᠥᠳᠡᠯᠮᠦᠷᠢᠴᠢᠨ ᠦ᠌ ᠪᠠᠶᠠᠷ ᠢ᠋ᠶ᠋ᠠᠷ
ᠢᠳᠡᠷ ᠵᠠᠯᠠᠭᠤ ᠱᠠᠯ ᠮᠣᠩᠭᠣᠯ ᠪᠥᠬᠡᠴᠦᠦᠯ ᠮᠢᠨᠢ
ᠢᠳᠡ ᠰᠢᠳᠢ ᠶ᠋ᠢ ᠳᠡᠩᠳᠡᠭᠦᠦ ᠭᠠᠢᠬᠠᠭᠤᠯᠤᠭᠠᠳ
ᠢᠯᠭᠤᠭᠰᠠᠨ 256 ᠣᠳᠣᠳ ᠵᠠᠢ ᠮᠠᠭᠰᠢᠯᠠ
ᠢᠯᠡᠭᠦᠦ ᠳᠤᠲᠠᠭᠤ ᠡᠷᠡᠭᠦᠯ ᠮᠠᠷᠭᠤᠭᠠᠨ ᠲᠠᠢ ᠴᠤ᠌
ᠡᠵᠡᠨ ᠦ᠌ ᠪᠡᠨ ᠢᠪᠡᠭᠡᠯ ᠬᠡᠰᠢᠭ ᠢ᠋ ᠰᠢᠲᠦᠵᠦ
ᠮᠥᠩᠬᠡ ᠲᠡᠭᠷᠢ ᠲᠡᠢ ᠪᠡᠨ ᠴᠠᠯᠭᠢᠭᠤᠯᠤᠨ ᠡᠷᠭᠦᠵᠦ
ᠮᠤᠩ ᠬᠡᠢᠮᠣᠷᠢ ᠶ᠋ᠢ ᠪᠠᠳᠠᠷᠠᠩᠭᠤᠢ ᠪᠦᠲᠦᠭᠡᠵᠦ
ᠣᠭᠲᠠᠷᠭᠤᠢ ᠶ᠋ᠢ ᠬᠠᠯᠢᠮᠤ ᠰᠢᠭ᠋ ᠰᠡᠯᠢᠭᠦᠷᠳᠡᠩᠬᠡᠨ
ᠣᠷᠴᠢᠯᠠᠩ ᠤ᠋ᠨ ᠬᠦᠴᠦ ᠡᠷᠴᠢᠰ ᠬᠤᠷᠤᠢᠯᠠᠩᠬᠠᠨ
ᠠᠷᠢᠭᠤᠨ ᠭᠣᠶᠣ ᠮᠠᠨᠳᠠᠯᠲᠤ ᠬᠥᠬᠡᠬᠣᠲᠠ ᠶ᠋ᠢᠨ
ᠲᠦᠮᠡᠳ ᠵᠡᠭᠦᠨ ᠬᠤᠰᠢᠭᠤᠨ ᠤ᠋ ᠪᠠᠨ
ᠬᠠᠷᠠ ᠣᠰᠤᠨᠠ ᠶᠣᠰᠣᠲᠠᠢ ᠲᠠᠴᠢᠭᠢᠨᠠᠯᠠ
ᠨᠠᠭᠠᠳᠤᠮᠴᠢᠳ ᠤ᠋ᠨ ᠠᠭᠠᠭ ᠲᠠᠢ ᠨᠠᠢᠷ ᠤ᠋ᠨ
ᠠᠯᠲᠠᠨ ᠲᠣᠭᠣᠰᠣ ᠪᠠᠷ ᠷᠠᠰᠢᠶᠠᠯᠠᠨ ᠮᠢᠯᠢᠶᠠᠵᠤ
ᠥᠨᠳᠥᠷ ᠦ᠋ᠨ ᠥᠨᠳᠥᠷ ᠦ᠋ᠨ
ᠮᠠᠰᠢᠳᠠ ᠥᠨᠳᠥᠷ ᠮᠠᠩᠯᠠᠢ ᠵᠤᠯᠠᠢ
ᠳᠠᠯᠠᠨ ᠬᠠᠷᠠ ᠶ᠋ᠢᠨ ᠢ᠋ᠶ᠋ᠡᠨ ᠬᠣᠷᠮᠣᠢ ᠳ᠋ᠤ᠌
ᠰᠠᠨᠰᠠᠷᠯᠢᠭ ᠠᠬᠤᠢ ᠶ᠋ᠢ ᠭᠣᠢᠳᠠ ᠪᠦᠲᠦᠭᠡᠪᠡᠢ
ᠯᠤᠤᠲᠤ ᠵᠢᠯ ᠦ᠋ᠨ ᠯᠤᠤᠰ ᠪᠠᠶᠠᠰᠤᠭᠠᠳ ᠯᠠ
ᠯᠤᠲᠤ ᠬᠦᠴᠦᠷᠬᠡᠭ ᠪᠣᠯᠪᠠᠰᠤᠨ ᠳᠡᠯᠭᠡᠷᠡᠭᠡᠳ
ᠯᠣᠨᠳᠣᠨ ᠬᠣᠲᠠ ᠬᠦᠷᠲᠡᠯᠡ ᠴᠤᠤᠷᠢᠶᠠᠯᠠᠭᠰᠠᠨ
ᠯᠣᠣᠽᠢ ᠶ᠋ᠢᠨ ᠰᠦᠨᠡᠰᠦ ᠶ᠋ᠢ ᠴᠤ᠌ ᠠᠢᠷᠠᠭᠯᠠᠭᠰᠠᠨ
ᠮᠤᠨᠳᠠᠭ ᠤ᠋ᠨ ᠮᠤᠨᠳᠠᠭ ᠰᠠᠢᠬᠠᠨ
ᠨᠠᠭᠠᠳᠤᠮ ᠪᠣᠯᠵᠤ ᠥᠩᠭᠡᠷᠡᠯᠡ
ᠮᠣᠩᠭᠣᠯᠯᠢᠶᠠ ᠭᠠᠩᠭᠠᠩ ᠨᠠᠢᠷ
ᠮᠣᠬᠣᠰᠢ ᠦᠭᠡᠢ ᠦᠷᠭᠦᠯᠵᠢᠯᠡᠬᠦ ᠨᠢ ᠳᠧ
ᠮᠥᠩᠬᠡ ᠲᠡᠭᠷᠢ ᠶ᠋ᠢᠨ ᠳᠣᠣᠷᠠ
ᠮᠢᠩᠭᠠ ᠮᠢᠠᠩᠭᠠᠨ ᠮᠣᠩᠭᠣᠯ ᠨᠠᠭᠠᠳᠤᠮ ᠠ᠋
2024᠂ 5᠂ 1 – 5᠂ 2᠃
ᠨᠠᠭᠠᠳᠤᠮ ᠤ᠋ᠨ ᠠᠬᠤᠢ ᠲᠠᠯᠠᠪᠠᠢ ᠳ᠋ᠤ᠌᠃
ᠵᠡᠭᠦᠨ ᠲᠦᠮᠡᠳ ᠬᠤᠰᠢᠭᠤᠨ ᠤ᠋
ᠬᠠᠷᠠ ᠣᠰᠤᠨᠠ ᠪᠦᠲᠦᠭᠡᠪᠡᠢ᠃