ᠰᠢᠨᠵᠢᠯᠡᠬᠦ ᠤᠬᠠᠭᠠᠨ- ᠳ· ᠨᠠᠴᠤᠭᠳᠣᠷᠵᠢШинжлэх ухаан-Д.Нацагдорж
243ᠰᠢᠨᠵᠢᠯᠡᠬᠦ ᠤᠬᠠᠭᠠᠨ
ᠳ· ᠨᠠᠴᠤᠭᠳᠣᠷᠵᠢ
ᠰᠢᠨᠡ ᠶᠣᠰᠣ ᠮᠠᠨᠳᠤᠵᠤ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠳᠡᠯᠭᠡᠷᠡᠬᠦ ᠳ᠋ᠦ᠍
ᠰᠢᠨᠡ ᠴᠠᠭ ᠤ᠋ᠨ ᠬᠥᠮᠦᠰ ᠰᠢᠮᠡ ᠦᠷᠡ ᠶ᠋ᠢ ᠨᠢ ᠬᠦᠷᠲᠡᠨᠡ᠃
ᠱᠠᠰᠢᠨ ᠤ᠋ ᠨᠣᠮ ᠬᠥᠰᠡᠷᠳᠡᠵᠦ ᠰᠢᠯᠢ ᠲᠠᠯᠠ ᠳ᠋ᠤ᠌ ᠬᠡᠢᠰᠬᠦ ᠳ᠋ᠦ᠍
ᠰᠢᠷᠠ ᠬᠠᠷᠠ ᠬᠠᠷᠭᠢᠰ ᠨᠠᠷ ᠰᠢᠷᠭᠤᠴᠢᠨ ᠤᠨᠠᠵᠤ ᠦᠬᠦᠨᠡ᠃
ᠪᠤᠷᠬᠠᠨ ᠤ᠋ ᠨᠣᠮᠯᠠᠯ ᠲᠩᠷᠢ ᠶ᠋ᠢᠨ ᠶᠣᠰᠣ ᠶ᠋ᠢ ᠰᠣᠨᠣᠰᠤᠭᠰᠠᠭᠠᠷ
ᠪᠦᠲᠦᠨ ᠭᠤᠷᠪᠠᠨ ᠵᠠᠭᠤᠨ ᠵᠢᠯ ᠬᠠᠷᠠᠩᠭᠤᠢ ᠨᠦᠬᠡᠨ ᠳ᠋ᠦ᠍ ᠤᠨᠲᠠᠪᠠ᠃
ᠪᠣᠳᠠᠰ ᠤ᠋ᠨ ᠶᠣᠰᠣᠨ ᠤ᠋ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠭᠡᠨᠡᠳᠲᠡ ᠭᠠᠷᠴᠤ ᠢᠷᠡᠬᠦ ᠳ᠋ᠦ᠍
ᠪᠤᠷᠤᠭᠤ ᠵᠥᠪ ᠢ᠋ ᠰᠠᠶᠢ ᠪᠢᠳᠡ ᠢᠯᠭᠠᠨ ᠲᠠᠨᠢᠪᠠ᠃
ᠬᠠᠭᠤᠴᠢᠨ ᠤ᠋ ᠰᠤᠷᠲᠠᠯ ᠢ᠋ ᠬᠣᠪᠬᠤ ᠴᠣᠬᠢᠵᠤ
ᠬᠠᠭᠤᠷᠮᠠᠭ ᠰᠦᠰᠦᠭ ᠢ᠋ ᠬᠤᠰᠤᠨ ᠬᠠᠶᠠᠬᠤ ᠳ᠋ᠤ᠌
ᠬᠤᠳᠠᠯ ᠬᠤᠴᠠᠭᠴᠢ ᠯᠠᠮᠠ ᠨᠠᠷ ᠰᠠᠨᠳᠤᠷᠤᠨ ᠭᠠᠰᠠᠯᠵᠤ
ᠬᠤᠪᠠᠬᠠᠢ ᠰᠢᠷᠡᠭᠡᠨ ᠦ᠌ ᠪᠡᠨ ᠳᠣᠣᠷᠠ ᠳᠡᠮᠡᠢ ᠯᠡ ᠤᠯᠢᠨᠠ᠃
ᠪᠣᠳᠠᠰ ᠤ᠋ᠨ ᠶᠣᠰᠣᠨ ᠤ᠋ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠪᠣᠯ
ᠪᠤᠷᠤᠩᠬᠤᠢ ᠶᠣᠰᠣ ᠶ᠋ᠢ ᠡᠪᠳᠡᠭᠴᠢ ᠢᠯᠳᠦ ᠠ᠋!
ᠪᠦᠳᠦᠭᠦᠯᠢᠭ ᠪᠠᠢᠳᠠᠯ ᠢ᠋ ᠬᠡᠬᠡᠷᠡᠭᠦᠯᠦᠭᠴᠢ ᠲᠣᠯᠢ᠂
ᠪᠦᠬᠦ ᠳᠡᠯᠡᠬᠡᠢ ᠶ᠋ᠢᠨ ᠨᠡᠢᠭᠡᠮ ᠵᠢᠷᠤᠮ ᠤ᠋ᠨ ᠨᠥᠬᠥᠷ ᠮᠥᠨ᠃
1931 ᠣᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣᠶᠤᠨᠪᠠᠲᠤ
ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ᠂ ᠣᠳᠬᠠᠨᠰᠣᠠ