ᠫᠢᠣᠨᠧᠷ -ᠳ· ᠨᠠᠴᠤᠭᠳᠣᠷᠵᠢД.Нацагдорж-Пионер
246ᠫᠢᠣᠨᠧᠷ
ᠳ· ᠨᠠᠴᠤᠭᠳᠣᠷᠵᠢ
ᠵᠤᠨ ᠤ᠋ ᠴᠠᠭ ᠤ᠋ᠨ ᠨᠠᠢᠷ ᠲᠠᠢ ᠰᠠᠢᠬᠠᠨ ᠥᠷᠯᠥᠭᠡ
ᠡᠨᠡ ᠳᠡᠯᠡᠬᠡᠢ ᠶᠠᠭᠠᠬᠢᠭᠰᠠᠨ ᠰᠠᠢᠬᠠᠨ ᠲᠠᠭᠠᠯᠠᠮᠵᠢᠲᠠᠢ ᠪᠣᠢ?
ᠬᠣᠢᠴᠢ ᠶ᠋ᠢ ᠵᠠᠯᠭᠠᠮᠵᠢᠯᠠᠭᠴᠢ ᠫᠢᠦᠨ᠋ᠸᠷ ᠣᠯᠠᠨ ᠪᠠᠭᠠᠴᠤᠳ
ᠡᠬᠡ ᠣᠷᠣᠨ ᠳ᠋ᠠᠭᠠᠨ ᠶᠠᠭᠠᠬᠢᠭᠰᠠᠨ ᠶᠡᠬᠡ ᠵᠢᠷᠭᠠᠯ ᠲᠠᠢ ᠪᠣᠢ?
ᠳᠥᠷᠪᠡ ᠳᠥᠷᠪᠡ ᠪᠡᠷ ᠢ᠋ᠶ᠋ᠡᠨ ᠲᠡᠳᠡ ᠵᠢᠭᠰᠠᠵᠤ ᠶᠠᠪᠤᠨᠠ᠃
ᠴᠢᠭᠢᠷᠠᠭ ᠬᠥᠯ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠢᠷᠠᠰ ᠢᠷᠠᠰ ᠠᠯᠬᠤᠨᠠ᠃
ᠡᠩᠨᠡᠭᠡ ᠪᠦᠷᠢ ᠡᠴᠡ ᠬᠠᠩᠭᠢᠨᠠᠬᠤ ᠳᠠᠭᠤ ᠨᠢ ᠥᠨᠳᠥᠷ᠃
ᠡᠬᠡ ᠣᠷᠣᠨ ᠢ᠋ᠶ᠋ᠠᠨ ᠪᠠᠬᠠᠳᠤᠬᠤ ᠰᠡᠳᠬᠢᠯ ᠨᠢ ᠲᠡᠨᠢᠭᠡᠷ᠃
ᠰᠡᠳᠬᠢᠯ ᠵᠣᠷᠢᠭ ᠨᠢ ᠨᠢᠭᠡᠨᠲᠡ ᠬᠥᠭᠵᠢᠭᠰᠡᠨ ᠲᠡᠳᠡᠨ ᠳ᠋ᠦ᠍
ᠠᠭᠤᠯᠠ ᠪᠣᠯᠪᠠᠴᠤ ᠠᠰᠤᠷᠤ ᠥᠨᠳᠥᠷ ᠪᠢᠰᠢ ᠬᠠᠷᠠᠭᠳᠠᠨᠠ᠃
ᠲᠠᠯᠠ ᠪᠣᠯᠪᠠᠴᠤ ᠲᠡᠳᠦᠢ ᠯᠡ ᠬᠣᠯᠠ ᠪᠢᠰᠢ ᠰᠠᠨᠠᠭᠳᠠᠨᠠ᠃
ᠳᠠᠯᠠᠢ ᠪᠣᠯᠪᠠᠴᠤ ᠲᠡᠢᠮᠦ ᠯᠡ ᠭᠦᠨ ᠪᠢᠰᠢ ᠪᠣᠳᠣᠭᠳᠠᠨᠠ᠃
ᠶᠠᠭᠤ ᠴᠤ᠌ ᠪᠣᠯᠪᠠ ᠪᠡᠷᠬᠡ ᠲᠡᠢ ᠭᠡᠵᠦ ᠰᠠᠨᠠᠭᠳᠠᠬᠤ ᠦᠭᠡᠢ
ᠬᠠᠮᠢᠭᠠ ᠴᠤ᠌ ᠪᠣᠯᠪᠠ ᠬᠦᠷᠬᠦ ᠦᠭᠡᠢ ᠭᠡᠵᠦ ᠪᠣᠳᠣᠭᠳᠠᠬᠤ ᠦᠭᠡᠢ᠃
ᠪᠠᠶᠠᠰᠬᠤᠯᠠᠩᠲᠤ ᠰᠡᠳᠬᠢᠯ ᠡᠴᠡ ᠬᠤᠪᠢᠰᠬᠠᠯ ᠤ᠋ᠨ ᠳᠠᠭᠤᠤ ᠶ᠋ᠢ ᠳᠠᠭᠤᠯᠠᠵᠤ
ᠠᠭᠤᠳᠠᠮ ᠲᠠᠯᠠᠪᠤᠷ ᠳᠡᠭᠡᠭᠦᠷ ᠵᠣᠷᠢᠭ ᠲᠠᠢ ᠪᠠᠷ ᠠᠯᠬᠤᠯᠠᠨᠠ᠃
ᠤᠯᠠᠭᠠᠨ ᠲᠤᠭ ᠤ᠋ᠨ ᠳᠣᠣᠷᠠ ᠠᠳᠠᠯᠢ ᠬᠤᠪᠴᠠᠰᠤ ᠢᠷᠠᠯᠵᠠᠨᠠ᠃
ᠤᠯᠠᠭᠠᠨ ᠪᠦᠴᠡᠨ ᠦ᠌ ᠦᠵᠦᠭᠦᠷ ᠰᠠᠯᠬᠢᠨ ᠳ᠋ᠤ᠌ ᠵᠢᠭᠳᠡ ᠳᠡᠷᠪᠡᠨᠠ᠃
ᠪᠣᠷᠣᠯᠠᠭᠰᠠᠨ ᠨᠢᠭᠤᠷ ᠨᠢ ᠬᠥᠷᠥᠰᠥ ᠲᠡᠢ ᠪᠥᠭᠡᠳ ᠥᠩᠭᠡ ᠲᠡᠢ ᠦᠵᠡᠭᠳᠡᠨᠡ᠃
ᠰᠡᠷᠭᠦᠯᠡᠩ ᠨᠢᠳᠦ ᠨᠢ ᠬᠥᠭᠵᠢᠯ ᠲᠡᠢ ᠪᠥᠭᠡᠳ ᠴᠣᠭ ᠲᠠᠢ ᠭᠡᠷᠡᠯᠲᠦᠨᠡ᠃
1930 ᠣᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠰᠤᠳᠤᠯᠲᠤ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ