ᠠᠯᠤᠰ ᠭᠠᠵᠠᠷ ᠰᠤᠷᠬᠤ ᠪᠠᠷ ᠶᠠᠪᠤᠭᠴᠢ- ᠳ· ᠨᠠᠴᠤᠭᠳᠣᠷᠵᠢАлс газар сурахаар явагч-Д.Нацагдорж
264ᠠᠯᠤᠰ ᠭᠠᠵᠠᠷ ᠰᠤᠷᠬᠤ ᠪᠠᠷ ᠶᠠᠪᠤᠭᠴᠢ
ᠳ· ᠨᠠᠴᠤᠭᠳᠣᠷᠵᠢ
ᠠᠯᠤᠰ ᠭᠠᠵᠠᠷ ᠰᠤᠷᠬᠤ ᠪᠠᠷ ᠣᠳᠬᠤ ᠵᠠᠮ ᠳ᠋ᠤ᠌
ᠨᠠᠮᠤᠷ ᠤ᠋ᠨ ᠰᠠᠯᠬᠢ ᠡᠮᠦᠨᠡ ᠡᠴᠡ ᠰᠡᠷᠴᠢᠭᠢᠨᠡᠨᠡ᠃
ᠡᠪᠡᠰᠦᠨ ᠲᠣᠯᠣᠭᠠᠢ ᠬᠠᠯᠢᠭᠤᠷᠠᠬᠤ ᠬᠥᠨᠳᠡᠢ ᠳ᠋ᠦ᠍
ᠭᠡᠷ ᠦ᠋ᠨ ᠤᠲᠤᠭᠠ ᠴᠡᠩᠬᠡᠷᠯᠡᠨ ᠬᠣᠯᠠᠳᠤᠨᠠ᠃
ᠵᠠᠭᠤᠨ ᠠᠭᠤᠯᠠ ᠮᠢᠩᠭᠠᠨ ᠭᠣᠣᠯ ᠢ᠋ ᠳᠠᠪᠠᠨ ᠭᠠᠷᠬᠤ ᠳ᠋ᠤ᠌
ᠦᠳᠡᠨ ᠥᠩᠭᠡᠷᠡᠬᠦ ᠭᠠᠴᠠᠭᠠ ᠬᠣᠲᠠ ᠴᠤᠭᠭᠠᠷ ᠬᠥᠮᠦᠨ ᠦ᠌᠃
ᠵᠣᠴᠢᠨ ᠪᠠᠭᠤᠳᠠᠯ ᠤ᠋ᠨ ᠴᠣᠩᠬᠣ ᠪᠠᠷ ᠰᠣᠨᠢᠷᠬᠠᠨ ᠱᠠᠭᠠᠢᠬᠤ ᠳ᠋ᠤ᠌
ᠭᠠᠢᠬᠠᠮᠠ ᠵᠦᠢᠯ ᠪᠠᠰᠠ ᠯᠠ ᠣᠯᠠᠨ ᠢ᠋ᠶ᠋ᠠᠷ ᠬᠠᠷᠠᠭᠳᠠᠨᠠ᠃
ᠠᠯᠵᠢᠶᠠᠯ ᠢ᠋ ᠥᠪᠡᠷ ᠦ᠋ᠨ ᠰᠡᠳᠬᠢᠯ ᠳ᠋ᠦ᠍ ᠪᠢᠰᠢᠯᠭᠠᠵᠤ
ᠪᠠᠶᠠᠰᠤᠯ ᠢ᠋ ᠬᠠᠷᠢ ᠶ᠋ᠢᠨ ᠬᠡᠯᠡ ᠪᠡᠷ ᠤᠯᠠᠮᠵᠢᠯᠠᠨᠠ᠃
ᠰᠢᠨᠡ ᠦᠵᠡᠭᠳᠡᠯ ᠥᠭᠡᠷᠡ ᠠᠮᠢᠳᠤᠷᠠᠯ ᠳ᠋ᠤ᠌ ᠤᠮᠪᠠᠵᠤ
ᠲᠡᠷᠡ ᠳᠠᠯᠠᠢ ᠠ᠋ᠴᠠ ᠰᠤᠪᠤᠳ ᠲᠠᠨᠠ ᠱᠦᠭᠦᠷᠳᠡᠨᠡ᠃
ᠥᠩᠭᠡᠷᠡᠭᠰᠡᠨ ᠢᠷᠡᠭᠡᠳᠦᠢ ᠡᠭᠡᠯᠵᠢᠯᠡᠨ ᠪᠣᠳᠣᠭᠳᠠᠨᠠ
ᠲᠩᠷᠢ ᠶ᠋ᠢᠨ ᠣᠳᠣ ᠵᠢᠷᠦᠪ ᠵᠣᠷᠣᠪ ᠭᠢᠯᠠᠯᠵᠠᠨᠠ᠃
ᠬᠡᠭᠡᠷᠡ ᠶ᠋ᠢᠨ ᠭᠠᠯᠠᠭᠤ ᠨᠢᠰᠦᠭᠡᠳ ᠬᠦᠷᠬᠦ ᠦᠭᠡᠢ ᠭᠠᠵᠠᠷ ᠠ᠋ᠴᠠ
ᠬᠥᠮᠦᠨ ᠦ᠌ ᠬᠦᠦ ᠡᠷᠳᠡᠨᠢ ᠡᠪᠦᠷᠲᠦᠯᠡᠵᠦ ᠬᠠᠷᠢᠨᠠ᠃
1927 ᠣᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠰᠤᠳᠤᠯᠲᠤ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ