ᠭᠣᠮᠪᠣ ᠪᠤᠶᠤ ᠪᠣᠮᠪᠣ – ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ Гомбо буюу бомбо - Ёндоны Билиг - Баатар
441ᠭᠣᠮᠪᠣ ᠪᠤᠶᠤ ᠪᠣᠮᠪᠣ
ᠴᠠᠬᠠᠷ ᠨᠤᠲᠤᠭ ᠲᠤ᠌ ᠵᠠᠭᠤᠨ ᠵᠢᠯ ᠦ᠋ᠨ ᠤᠷᠢᠳᠤ
ᠴᠡᠴᠡᠨ ᠴᠡᠯᠮᠡᠭ ᠰᠦᠷᠡᠬᠡᠢ ᠬᠣᠶᠠᠷ ᠬᠡᠯᠡᠮᠦᠷᠴᠢ
ᠪᠠᠢᠭᠰᠠᠨ ᠶᠤᠮ ᠭᠡᠨᠡ ᠠ᠋
ᠪᠠᠢᠳᠠᠭ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠲᠨᠨᠢᠳᠠᠭ ᠭᠡᠨᠡ ᠠ᠋
ᠬᠥᠮᠦᠨ ᠵᠠᠩᠨᠠᠳᠠᠭ ᠪᠤᠶᠠᠨᠲᠠᠢ ᠬᠣᠶᠠᠷ ᠮᠠᠨᠢ
ᠬᠥᠳᠡᠭᠡ ᠶ᠋ᠢᠨ ᠬᠥᠭᠰᠢᠳ ᠢ᠋ ᠬᠥᠭᠰᠡᠭᠦᠯᠵᠦ
ᠠᠮᠢᠳᠤ ᠶᠠᠪᠤᠪᠠᠯ ᠲᠡᠮᠡᠭᠡᠨ ᠦ᠌ ᠵᠤᠯᠵᠠᠭᠠ ᠶ᠋ᠢ
ᠠᠶᠠᠭᠠᠨ ᠠ᠋ᠴᠠ ᠦᠵᠡᠨᠡᠮ ᠭᠡᠳᠡᠭ ᠭᠡᠨᠡ
ᠪᠠᠳᠠᠷ ᠤ᠋ᠨ ᠬᠣᠶᠠᠷ ᠯᠠᠮᠪᠤᠭᠠᠢ ᠶ᠋ᠢᠨ
ᠪᠠᠷᠤᠭᠠᠷ ᠴᠢᠷᠠᠢᠲᠠᠢ ᠶ᠋ᠢ ᠨᠢ ᠭᠣᠮᠪᠣ ᠭᠡᠮᠡᠨ
ᠪᠢᠰᠢᠯᠠᠭ ᠰᠢᠷᠠ ᠵᠢᠰᠦᠲᠡᠢ ᠶ᠋ᠢ ᠨᠢ ᠪᠣᠮᠪᠣ ᠭᠡᠵᠦ
ᠪᠠᠷᠤᠭ ᠤ᠋ᠨ ᠬᠥᠮᠦᠰ ᠬᠦᠨᠳᠦᠯᠡᠳᠡᠭ ᠭᠡᠨᠡ
ᠭᠣᠮᠪᠣ ᠨᠢ ᠳᠠᠩᠳᠠ ᠠᠶᠤᠮᠠᠷ ᠭᠣᠮᠪᠣᠳᠠᠳᠠᠭ
ᠪᠣᠮᠪᠣ ᠨᠢ ᠳᠠᠩᠴᠤ ᠭᠡᠨᠡᠲᠡᠢ ᠪᠣᠮᠪᠣᠳᠠᠳᠠᠭ ᠭᠡᠨᠡ
ᠭᠣᠮᠪᠣ ᠬᠡᠮᠡᠬᠦ ᠦᠭᠡ ᠪᠣᠯᠪᠠᠰᠤ ᠶᠡᠷᠦᠨᠢ
ᠡᠷᠲᠡᠨ ᠦ᠌ ᠰᠠᠨᠰᠠᠺᠠᠷᠲ ᠬᠡᠯᠡᠨ ᠦ᠌ ᠭᠠᠷᠤᠯ ᠲᠠᠢ
ᠪᠣᠮᠪᠣ ᠬᠡᠮᠡᠬᠦ ᠦᠭᠡ ᠪᠣᠯᠪᠠᠰᠤ ᠶᠡᠷᠦᠨᠢ
ᠡᠨᠡᠳᠬᠡᠭ ᠲᠥᠪᠡᠳ ᠬᠡᠯᠡᠨ ᠦ᠌ ᠭᠠᠷᠤᠯ ᠲᠠᠢ
ᠭᠣᠮᠪᠣᠳᠠᠬᠤ ᠭᠡᠳᠡᠭ ᠨᠢ ᠵᠠᠷ ᠲᠠᠷᠬᠠᠭᠠᠬᠤ ᠪᠤᠶᠤ
ᠪᠣᠮᠪᠣᠳᠠᠬᠤ ᠭᠡᠳᠡᠭ ᠨᠢ ᠭᠦᠷᠢᠮ ᠬᠢᠬᠦ ᠪᠤᠶᠤ
ᠨᠢᠭᠡ ᠨᠢ ᠶᠡᠬᠡᠮᠰᠦᠭ ᠭᠣᠮᠪᠣᠳᠠᠭᠠᠳ ᠯᠠ
ᠨᠢᠭᠡ ᠨᠢ ᠣᠮᠣᠭᠯᠠᠩ ᠪᠣᠮᠪᠣᠳᠠᠭᠠᠳ ᠯᠠ
ᠬᠣᠶᠠᠭᠤᠯᠠ ᠪᠠᠨ ᠰᠠᠯᠠᠭᠠ ᠵᠠᠮ ᠤ᠋ᠨ
ᠵᠠᠭᠤᠵᠠᠢ ᠠᠭᠤᠯᠵᠠᠷ ᠲᠤ᠌ ᠶᠠᠭᠠᠷᠠᠤᠬᠠᠨ
ᠬᠥᠲᠥᠯᠦᠭᠡ ᠮᠣᠷᠢᠲᠠᠢ ᠠᠭᠤᠯᠵᠠᠭᠠᠳ ᠯᠠ
ᠬᠠᠮᠤᠭ ᠬᠡᠷᠡᠭ ᠢ᠋ᠶ᠋ᠡᠨ ᠭᠦᠢᠴᠡᠭᠡᠳᠡᠭ ᠭᠡᠨᠡ
ᠡᠨᠡ ᠬᠣᠶᠠᠷ ᠤ᠋ᠨ ᠪᠦᠬᠦ ᠨᠢᠭᠤᠴᠠ ᠶ᠋ᠢ
ᠡᠯᠳᠡᠪ ᠦ᠋ᠨ ᠨᠡᠷᠡ ᠲᠡᠢ ᠫᠦᠦᠰᠢᠩᠭᠠ
ᠫᠥᠯᠥᠩ ᠫᠥᠯᠥᠩ ᠦ᠋ᠨ ᠦᠯᠢᠭᠡᠷ ᠰᠢᠭ
ᠫᠦᠷ ᠫᠠ ᠫᠠᠴᠢᠭᠢᠨᠠᠭᠤᠯᠤᠨ ᠶᠠᠷᠢᠳᠠᠭ ᠭᠡᠨᠡ
ᠱᠠᠩᠳᠤ ᠬᠥᠪᠡᠭᠡᠲᠦ ᠰᠢᠷᠠ ᠠᠳᠤᠭᠤᠴᠢᠨ ᠤ᠋
ᠴᠠᠭᠠᠨ ᠬᠠᠴᠠᠷᠲᠤ ᠭᠠᠯ ᠴᠢᠪᠠᠭᠠᠨᠴᠠ ᠪᠦᠰᠡᠭᠦᠢ
ᠴᠠᠭᠠᠨ ᠨᠣᠭᠣᠭᠠᠨ ᠰᠠᠷᠠ ᠪᠠᠷ ᠯᠠ
ᠱᠠᠯᠠᠮᠠᠭᠠᠢᠯᠠᠨ ᠳᠠᠪᠬᠢᠵᠤ
ᠠᠢᠯ ᠢ᠋ᠶ᠋ᠠᠷ ᠳᠠᠮᠵᠢᠭᠤᠯᠳᠠᠭ ᠭᠡᠨᠡ ᠠ᠋
ᠭᠡᠨᠡ ᠭᠡᠨᠡ ᠭᠡᠨᠡ ᠭᠡᠨᠡ
ᠭᠡᠨᠡ ᠁ ᠁
2024᠂ 5᠂ 21᠃ ᠣᠷᠣᠢ
ᠲᠠᠨᠢᠳᠠᠭ ᠨᠢᠭᠡᠨ ᠪᠦᠰᠡᠭᠦᠢ ᠳᠡᠭᠦᠦᠳᠡᠢ ᠡᠴᠡ
ᠰᠠᠨᠠᠮᠰᠠᠷ ᠦᠭᠡᠢ ᠰᠣᠨᠣᠰᠤᠭᠠᠳ
ᠣᠩᠭᠣᠳ ᠠᠰᠬᠠᠷᠠᠭᠤᠯᠵᠤ ᠬᠥᠬᠡᠬᠣᠲᠠᠨᠠ ᠪᠦᠲᠦᠭᠡᠪᠡᠢ᠃