ᠮᠡᠯᠮᠡᠢ ᠶᠢᠨ ᠰᠢᠭᠦᠳᠡᠷᠢ – ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ Мэлмийн шүүдэр - Ёндоны Билиг - Баатар
306ᠮᠡᠯᠮᠡᠢ ᠶᠢᠨ ᠰᠢᠭᠦᠳᠡᠷᠢ
( ᠳᠠᠭᠤᠨ ᠤ᠋ ᠦᠭᠡ)
ᠮᠡᠨᠳᠦ ᠮᠡᠨᠳᠦ ᠶ᠋ᠢᠨ ᠳᠡᠭᠡᠵᠢ ᠰᠠᠴᠤᠯᠢ ᠪᠠᠨ
ᠮᠥᠩᠭᠥᠨ ᠰᠢᠨᠠᠭᠠᠨ ᠠ᠋ᠴᠠ ᠲᠡᠭᠷᠢ ᠳ᠋ᠦ᠍ ᠡᠷᠭᠦᠩᠭᠡᠨ
ᠮᠡᠯᠮᠡᠷᠡᠨ ᠮᠡᠯᠮᠡᠷᠡᠨ ᠮᠠᠭᠤ ᠬᠦᠦ ᠪᠡᠨ ᠬᠦᠯᠢᠶᠡᠭᠰᠡᠨ
ᠮᠥᠮᠥ ᠯᠡ ᠶᠤ᠌ ᠮᠥᠮᠥ ᠶ᠋ᠢ ᠪᠡᠨ ᠳᠡᠩᠳᠡᠭᠦᠦ ᠰᠠᠨᠠᠯᠠ
ᠮᠡᠯᠮᠡᠢ ᠶ᠋ᠢᠨ ᠰᠢᠭᠦᠳᠡᠷᠢ ᠳ᠋ᠦ᠍
ᠨᠤᠲᠤᠭ ᠮᠢᠨᠢ ᠠᠭᠤᠰᠤᠨ ᠰᠦᠮᠡᠯᠵᠡᠨᠡ ᠠ᠋
ᠮᠡᠷᠭᠡᠨ ᠬᠥᠬᠡ ᠡᠪᠦᠭᠡᠳ ᠮᠢᠨᠢ
ᠮᠣᠷᠢᠨ ᠳᠡᠯ ᠳᠡᠭᠡᠭᠦᠷ ᠲᠠᠷᠴᠢᠭᠯᠠᠨᠠ ᠠ᠋
ᠠᠯᠤᠰ ᠠᠯᠤᠰ ᠤ᠋ᠨ ᠴᠡᠩᠬᠡᠷ ᠳᠠᠯᠠᠢ ᠠ᠋ᠴᠠ
ᠠᠯᠲᠠᠨ ᠠᠷᠤᠭ ᠳᠦᠭᠦᠷᠡᠩ ᠠᠯᠮᠠᠰ ᠡᠭᠦᠷᠦᠩᠭᠡᠨ
ᠦᠭᠡᠢᠯᠡᠨ ᠦᠭᠡᠢᠯᠡᠨ ᠠᠪᠤ ᠶ᠋ᠢ ᠪᠡᠨ ᠰᠠᠨᠠᠭᠰᠠᠨ
ᠠᠯᠠᠭ ᠯᠠ ᠶᠤ᠌ ᠠᠯᠠᠭ ᠦᠷᠡ ᠴᠢᠨᠢ ᠬᠠᠷᠢᠯᠠ
ᠮᠡᠯᠮᠡᠢ ᠶ᠋ᠢᠨ ᠰᠢᠭᠦᠳᠡᠷᠢ ᠳ᠋ᠦ᠍
ᠬᠥᠳᠡᠭᠡ ᠮᠢᠨᠢ ᠬᠥᠬᠡᠷᠡᠨ ᠠᠯᠠᠭᠯᠠᠨᠠ
ᠬᠥᠭᠰᠢᠨ ᠪᠤᠭᠤᠷᠤᠯ ᠡᠮᠡᠭᠡᠳ ᠮᠢᠨᠢ
ᠬᠥᠨᠥᠭ ᠲᠡᠢ ᠠᠢᠷᠠᠭ ᠰᠢᠭ᠋ ᠱᠤᠤᠭᠢᠨᠠ ᠠ᠋
ᠴᠢᠩ ᠴᠢᠩ ᠦ᠋ᠨ ᠬᠠᠢᠷᠠ ᠲᠠᠯᠠᠷᠬᠠᠯ ᠢ᠋ᠶ᠋ᠠᠨ
ᠴᠢᠨᠳᠠᠮᠤᠨᠢ ᠶᠢᠰᠦᠨ ᠡᠷᠳᠡᠨᠢ ᠪᠡᠷ ᠰᠢᠳᠢᠵᠢᠭᠦᠯᠦᠩᠬᠡᠨ
ᠠᠴᠢᠨᠠᠷ ᠤ᠋ᠨ ᠢ᠋ᠶ᠋ᠠᠨ ᠵᠤᠯᠠᠢ ᠶ᠋ᠢ ᠦᠨᠦᠷᠯᠡᠬᠦ ᠶ᠋ᠢ ᠬᠦᠰᠡᠭᠰᠡᠨ
ᠠᠪᠤ ᠯᠠ ᠶᠤ᠌ ᠡᠵᠢ ᠲᠡᠢ ᠪᠡᠨ ᠮᠥᠷᠭᠥᠨ ᠵᠣᠯᠭᠠᠯᠠ
ᠮᠡᠯᠮᠡᠢ ᠶ᠋ᠢᠨ ᠰᠢᠭᠦᠳᠡᠷᠢ ᠳ᠋ᠦ᠍
ᠮᠥᠩᠬᠡ ᠶ᠋ᠢᠨ ᠷᠠᠰᠢᠶᠠᠨ ᠮᠡᠯᠮᠡᠯᠵᠡᠨᠡ ᠠ᠋
ᠮᠢᠩᠭᠠ ᠮᠢᠩᠭᠠᠨ ᠵᠢᠯ ᠢ᠋ᠶ᠋ᠡᠷ
ᠬᠤᠢᠪᠢᠨ ᠭᠢᠯᠪᠡᠬᠡᠨ ᠰᠠᠴᠤᠷᠠᠨᠠ ᠠ᠋
2024᠂ 1᠂ 8᠃ ᠦᠳᠡ ᠶ᠋ᠢᠨ ᠬᠣᠢᠨᠠ᠃
ᠰᠢᠯᠤᠭᠤᠨ ᠬᠥᠪᠡᠭᠡᠲᠦ ᠴᠠᠭᠠᠨ (ᠲᠥᠷᠥᠭᠰᠡᠨ ᠨᠤᠲᠤᠭ)
ᠬᠤᠰᠢᠭᠤᠨ ᠠ᠋ᠴᠠ ᠬᠥᠬᠡᠬᠣᠲᠠ ᠬᠦᠷᠬᠦ ᠭᠠᠯᠲᠤ ᠳᠡᠭᠡᠷᠡ
ᠳᠣᠭᠳᠣᠯᠤᠮᠠ ᠣᠩᠭᠣᠳ ᠢ᠋ᠶ᠋ᠠᠷ ᠪᠦᠲᠦᠭᠡᠪᠡᠢ᠃