ᠤᠨᠠᠭᠠᠨ ᠬᠠᠯᠲᠠᠷ <ᠬᠣᠶᠠᠷ> - ᠴᠣ ᠂ ᠣᠷᠱᠤᠨ Унаган халтар <2> – Чо ᠂ Оршин
229ᠤᠨᠠᠭᠠᠨ ᠬᠠᠯᠲᠠᠷ – ᠬᠣᠶᠠᠷ
ᠤᠨᠳᠤᠷᠤᠮᠠᠯ ᠪᠤᠯᠠᠭ ᠤ᠋ᠨ ᠤᠰᠤᠨ ᠳ᠋ᠤ᠌
ᠤᠨᠠᠭᠠᠨ ᠲᠤᠭᠤᠷᠠᠢ ᠶ᠋ᠢᠨ ᠵᠠᠮᠠᠭ
ᠤᠤᠭᠠᠨ ᠬᠠᠯᠲᠠᠷ ᠤ᠋ᠨ ᠥᠰᠦᠯᠲᠡ
ᠤᠶᠠᠬᠠᠨ ᠰᠢᠯᠦᠭ ᠦ᠋ᠨ ᠪᠠᠳᠠᠭ᠃
ᠲᠡᠷᠡ ᠵᠢᠯ ᠦ᠋ᠨ ᠨᠠᠮᠤᠷ
ᠲᠡᠷᠭᠡᠲᠦ ᠬᠣᠭᠣᠯᠠᠢ ᠶ᠋ᠢᠨ ᠵᠠᠬᠠ
ᠦᠬᠡᠷ ᠰᠦᠷᠦᠭ ᠢ᠋ᠶ᠋ᠡᠨ ᠬᠤᠵᠢᠷᠯᠠᠵᠤ
ᠡᠪᠦᠭᠡᠨ ᠵᠠᠮᠰᠤ ᠶᠠᠪᠤᠲᠠᠯᠠ
ᠪᠤᠷᠭᠠᠰᠤᠲᠤ ᠲᠣᠬᠣᠢ ᠶ᠋ᠢᠨ ᠪᠤᠯᠤᠩ
ᠪᠤᠲᠠ ᠰᠢᠷᠣᠢ ᠶ᠋ᠢᠨ ᠳᠡᠷᠭᠡᠳᠡ
ᠪᠣᠰᠴᠤ ᠠᠷᠠᠢ ᠴᠢᠳᠠᠬᠤ ᠦᠭᠡᠢ
ᠪᠣᠷᠪᠢ ᠬᠥᠰᠢᠨ ᠬᠡᠪᠲᠡᠭᠰᠡᠨ ᠬᠠᠯᠲᠠᠷ
ᠵᠢᠰᠦᠮ ᠦ᠋ᠨ ᠤᠨᠠᠭᠠ
ᠬᠠᠲᠠᠵᠤ ᠴᠠᠩᠭᠠᠮᠠᠷ ᠪᠠᠢᠬᠤ ᠳ᠋ᠤ᠌
ᠬᠠᠮᠠᠭᠠᠯᠠᠵᠤ ᠠᠪᠠᠴᠢᠬᠤ ᠦᠭᠡᠢ ᠶᠦᠮ ᠪᠣᠯ
ᠬᠠᠷᠠᠯᠠᠬᠤ ᠠᠶᠤᠯ ᠲᠠᠢ ᠦᠶᠡᠰ
ᠥᠨᠥᠴᠢᠨ ᠤᠨᠠᠭᠠ ᠶ᠋ᠢ ᠲᠡᠪᠡᠷᠢᠵᠦ
ᠡᠮᠦᠨᠡ ᠬᠣᠷᠮᠣᠢ ᠪᠠᠷ ᠢ᠋ᠶ᠋ᠠᠨ ᠪᠣᠭᠣᠵᠤ
ᠡᠷᠦᠬᠡ ᠭᠡᠷ ᠲᠡᠭᠡᠨ ᠠᠪᠴᠢᠷᠠᠨ
ᠥᠯ ᠵᠠᠯᠭᠠᠭᠤᠯᠤᠨ ᠲᠡᠵᠢᠭᠡᠵᠡᠢ᠃
ᠥᠨᠳᠡᠢᠬᠦ ᠭᠡᠵᠦ ᠥᠶᠦᠭᠡᠳᠦᠪᠡᠯ
ᠡᠷᠭᠦᠵᠦ ᠵᠠᠯᠭᠠ ᠪᠤᠰᠬᠠᠨᠠ
ᠡᠪᠡᠰᠦ ᠢᠳᠡᠬᠦ ᠪᠡᠷ ᠦᠦᠷᠰᠡᠪᠡᠯ
ᠡᠭᠦᠷᠴᠦ ᠠᠪᠴᠢᠷᠠᠭᠠᠳ ᠲᠡᠵᠢᠭᠡᠨᠡ᠃
ᠬᠠᠮᠲᠤ ᠪᠠᠷ ᠬᠠᠢᠷᠠᠯᠠᠬᠤ ᠰᠡᠳᠬᠢᠯ
ᠬᠠᠯᠠᠭᠤᠨ ᠭᠡᠭᠴᠢ ᠶᠠᠷᠢᠶᠠᠨ ᠦᠭᠡᠢ
ᠬᠠᠰᠢᠷ ᠬᠥᠮᠦᠨ ᠦ᠌ ᠲᠣᠷᠳᠠᠯᠭᠠ
ᠳᠡᠮᠲᠡᠢ ᠭᠡᠳᠡᠭ ᠨᠢ ᠬᠡᠯᠡᠯᠭᠡᠨ ᠦᠭᠡᠢ
ᠬᠥᠬᠡ ᠡᠪᠡᠰᠦ ᠬᠠᠯᠢᠭᠤᠷᠠᠭᠠᠳ
ᠬᠥᠬᠥᠭᠡ ᠰᠢᠪᠠᠭᠤ ᠳᠣᠩᠭᠣᠳᠬᠤ ᠳ᠋ᠤ᠌
ᠬᠥᠳᠡᠯᠮᠦᠷᠢᠴᠢ ᠮᠠᠯᠴᠢᠨ ᠤ᠋ ᠲᠤᠰᠠ ᠪᠠᠷ
ᠬᠥᠭᠡᠷᠦᠬᠦᠢ ᠤᠨᠠᠭᠠ ᠬᠥᠷᠥᠪᠡᠵᠢᠵᠦ
ᠰᠢᠮᠡ ᠰᠢᠭᠦᠰᠦ ᠨᠢ ᠪᠦᠷᠢᠳᠦᠨ
ᠰᠢᠷᠬᠡᠭ ᠮᠢᠬᠠ ᠨᠢ ᠪᠠᠳᠡᠢᠯᠠ
ᠰᠢᠯᠢ᠂ ᠬᠥᠲᠥᠯ ᠢ᠋ᠶ᠋ᠡᠷ ᠢᠳᠡᠰᠢᠯᠡᠵᠦ
ᠰᠢᠳᠢᠲᠦ ᠬᠦᠯᠦᠭ ᠲᠣᠷᠨᠢᠯᠠ᠃
ᠦᠳᠡᠰᠢ ᠳᠣᠷᠭᠢᠵᠤ ᠳᠠᠭᠤᠳᠠᠪᠠᠯ
ᠦᠦᠷᠰᠡᠵᠦ ᠢᠨᠴᠠᠭᠠᠨ ᠢᠷᠡᠨᠡ
ᠡᠪᠦᠭᠡᠨ ᠵᠠᠮᠰᠤ ᠶ᠋ᠢᠨ ᠭᠠᠷ ᠢ᠋
ᠦᠨᠦᠷᠯᠡᠵᠦ ᠲᠣᠭᠣᠷᠢᠨ ᠵᠣᠭᠰᠣᠨᠠ᠃
ᠮᠠᠯᠴᠢᠨ ᠡᠪᠦᠭᠡᠨ ᠪᠡᠶᠡᠰᠴᠦ
ᠮᠠᠩᠨᠠᠢ ᠶ᠋ᠢᠨ ᠠᠲᠤᠷᠢᠶᠠ ᠲᠡᠨᠢᠢᠭᠡᠳ
《 ᠤᠨᠠᠭᠠᠨ ᠬᠠᠯᠲᠠᠷ ᠮᠢᠨᠢ ᠥᠰᠦᠭᠡᠷᠡᠢ
ᠤᠳᠤᠮᠲᠤ ᠬᠦᠯᠦᠭ ᠪᠣᠯᠤᠭᠠᠷᠠᠢ!》 ᠭᠡᠵᠦ
ᠵᠣ ᠨᠢᠷᠤᠭᠤ ᠶ᠋ᠢ ᠨᠢ ᠢᠯᠪᠢᠨ
ᠵᠣᠭ ᠲᠣᠰᠣᠨ ᠬᠠᠷᠠᠭᠠᠳ
ᠳᠡᠯ ᠰᠡᠭᠦᠯ ᠢ᠋ ᠨᠢ ᠰᠠᠮᠨᠠᠨ
ᠳᠡᠷᠭᠡᠳᠡ ᠨᠢ ᠦᠭᠡᠯᠡᠵᠦ ᠪᠠᠢᠳᠠᠭ᠃
ᠥᠨᠥᠴᠢᠨ ᠬᠠᠯᠲᠠᠷ ᠤᠨᠠᠭᠠ
ᠥᠰᠴᠦ ᠬᠢᠵᠠᠯᠠᠩ ᠪᠣᠯᠬᠤ ᠳ᠋ᠤ᠌
ᠦᠷᠢᠶᠡ ᠠᠭᠳᠠᠯᠭᠠᠨ ᠤ᠋ ᠨᠠᠢᠷ
ᠦᠷᠡᠯᠲᠦ ᠲᠣᠬᠣᠢ ᠳ᠋ᠤ᠌ ᠪᠣᠯᠵᠠᠢ᠃
ᠴᠠᠭᠠᠨ ᠲᠣᠭᠣᠰᠣ ᠲᠠᠲᠠᠭᠠᠳ
ᠴᠠᠬᠢᠯᠳᠠᠭᠲᠤ ᠬᠥᠨᠳᠡᠢ ᠭᠦᠪᠦᠯᠵᠡᠯᠡ
ᠴᠠᠢᠪᠤᠷ ᠮᠣᠷᠢᠳ ᠤ᠋ᠨ ᠡᠯᠦᠨᠡ
ᠪᠠᠷᠠᠭᠠᠨ ᠲᠣᠭᠣᠰᠣ ᠳᠡᠭᠳᠡᠯᠡ᠃
ᠳᠠᠯᠠᠩ ᠬᠠᠪᠴᠢᠭᠠᠳ ᠢᠷᠡᠳᠡᠭ
ᠶᠠᠮᠠᠷ ᠮᠣᠷᠢ ᠪᠣᠯᠴᠢᠬᠠᠪᠠ?
ᠳᠠᠭᠠᠭᠠᠮᠠᠭᠠᠢ ᠰᠣᠷᠢᠯᠲᠠ ᠬᠢᠭᠰᠡᠨ
ᠬᠡᠨ ᠭᠡᠭᠴᠢ ᠪᠣᠯᠪᠠ?
ᠬᠥᠮᠦᠰ ᠲᠦᠷᠬᠢᠯᠳᠦᠭᠡᠳ ᠭᠠᠷᠲᠠᠯᠠ
ᠬᠦᠯᠦᠭ ᠦ᠋ᠨ ᠲᠤᠭᠤᠷᠠᠢ ᠲᠠᠴᠢᠭᠢᠨᠠᠨᠠ
ᠬᠦᠯᠦᠭ ᠦ᠋ᠨ ᠲᠤᠭᠤᠷᠠᠢ ᠶ᠋ᠢᠨ ᠲᠦᠪᠡᠷᠭᠡᠨ ᠲᠡᠢ
ᠬᠡᠦᠬᠡᠳ ᠦ᠋ᠨ ᠳᠠᠭᠤ ᠴᠣ ᠰᠣᠨᠣᠰᠳᠠᠨᠠ᠃
ᠰᠤᠩᠬᠤ ᠠᠭᠰᠢᠬᠤ ᠨᠢ ᠭᠠᠢᠬᠠᠯᠲᠠᠢ
ᠰᠤᠮᠤᠳᠠᠭᠠᠳ ᠬᠠᠯᠲᠠᠷ ᠢᠷᠡᠯᠡ
ᠴᠤᠪᠤᠭᠤᠯᠤᠭᠠᠳ ᠲᠠᠯᠪᠢᠭᠰᠠᠨ ᠵᠡᠷᠭᠡ ᠡᠴᠡ
ᠰᠤᠭᠤᠷᠠᠭᠠᠳ ᠬᠠᠯᠲᠠᠷ ᠲᠡᠷᠢᠭᠦᠯᠡᠯᠡ᠃
ᠥᠨᠥᠴᠢᠨ ᠤᠨᠠᠭᠠ ᠪᠠᠢᠭᠰᠠᠨ ᠨᠢ
ᠥᠨᠥ ᠪᠣᠳᠣᠬᠤ ᠳ᠋ᠤ᠌ ᠰᠠᠶᠢᠬᠠᠨ
ᠦᠵᠦᠭᠦᠷᠯᠡᠵᠦ ᠢᠷᠡᠭᠰᠡᠨ ᠬᠠᠯᠲᠠᠷ ᠤ᠋ᠨ
ᠦᠯᠢᠭᠡᠷ ᠶᠠᠷᠢᠶᠠ ᠠᠷᠪᠢᠨ ᠮᠣᠷᠢᠨ ᠳ᠋ᠤ᠌
ᠬᠣᠷᠣᠬᠠᠢᠲᠠᠢ ᠬᠥᠮᠦᠰ ᠮᠠᠯᠴᠢᠨ ᠡᠪᠦᠭᠡ ᠲᠡᠢ ᠤᠴᠠᠷᠠᠨᠠ
ᠰᠤᠭᠤ ᠰᠢᠭ᠋ ᠰᠠᠢᠬᠠᠨ ᠮᠣᠷᠢᠳ ᠢ᠋ᠶ᠋ᠠᠷ
ᠰᠣᠯᠢᠵᠤ ᠠᠪᠤᠶᠠ ᠭᠡᠨᠡ᠃
《 ᠬᠡᠨ ᠳ᠋ᠦ᠍ ᠴᠦ᠍ ᠥᠭᠬᠦ ᠦᠭᠡᠢ
ᠬᠦᠯᠦᠭ ᠪᠣᠯᠭᠠᠵᠤ ᠦᠵᠡᠨᠡ
ᠥᠨᠥᠴᠢᠨ ᠢ᠋ᠶ᠋ᠡᠨ ᠮᠣᠷᠢ ᠪᠣᠯᠬᠤ ᠶ᠋ᠢ
ᠡᠪᠦᠭᠡᠨ ᠪᠢ ᠬᠠᠷᠠᠨᠠ》 ᠭᠡᠵᠦ ᠮᠠᠯᠴᠢᠨ ᠵᠠᠮᠰᠤ ᠶ᠋ᠢᠨ ᠬᠠᠷᠢᠭᠤᠯᠲᠠ ᠳ᠋ᠤ᠌ ᠮᠠᠷᠭᠤᠵᠤ ᠭᠠᠷᠳᠠᠭ ᠦᠭᠡᠢ ᠳ᠋ᠦ᠍ ᠵᠣᠵᠢᠭ ᠵᠠᠩ ᠲᠠᠢ ᠵᠥᠷᠢᠭᠦᠳ ᠡᠪᠦᠭᠡᠨ ᠳ᠋ᠦ᠍ ᠨᠡᠢᠲᠡ ᠪᠦᠭᠦᠳᠡ ᠶᠠᠷᠢᠬᠤ ᠠ᠋ᠴᠠ ᠪᠢᠰᠢ ᠨᠠᠨᠳᠢᠨ ᠴᠢᠨᠠᠷ ᠢ᠋ ᠨᠢ ᠮᠡᠳᠡᠭᠰᠡᠨ ᠦᠭᠡᠢ᠂ ᠨᠡᠢᠭᠡᠮ ᠣᠯᠠᠨ ᠬᠡᠯᠡᠯᠴᠡᠬᠦ ᠡᠴᠡ ᠪᠢᠰᠢ ᠨᠢᠭᠲᠠᠯᠠᠵᠤ ᠶᠡᠷᠦ ᠣᠢᠯᠠᠭᠠᠭᠰᠠᠨ ᠦᠭᠡᠢ᠃ ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠷᠴᠡᠴᠡᠭ
ᠤᠨᠳᠤᠷᠤᠮᠠᠯ ᠪᠤᠯᠠᠭ ᠤ᠋ᠨ ᠤᠰᠤᠨ ᠳ᠋ᠤ᠌
ᠤᠨᠠᠭᠠᠨ ᠲᠤᠭᠤᠷᠠᠢ ᠶ᠋ᠢᠨ ᠵᠠᠮᠠᠭ
ᠤᠤᠭᠠᠨ ᠬᠠᠯᠲᠠᠷ ᠤ᠋ᠨ ᠥᠰᠦᠯᠲᠡ
ᠤᠶᠠᠬᠠᠨ ᠰᠢᠯᠦᠭ ᠦ᠋ᠨ ᠪᠠᠳᠠᠭ᠃
ᠲᠡᠷᠡ ᠵᠢᠯ ᠦ᠋ᠨ ᠨᠠᠮᠤᠷ
ᠲᠡᠷᠭᠡᠲᠦ ᠬᠣᠭᠣᠯᠠᠢ ᠶ᠋ᠢᠨ ᠵᠠᠬᠠ
ᠦᠬᠡᠷ ᠰᠦᠷᠦᠭ ᠢ᠋ᠶ᠋ᠡᠨ ᠬᠤᠵᠢᠷᠯᠠᠵᠤ
ᠡᠪᠦᠭᠡᠨ ᠵᠠᠮᠰᠤ ᠶᠠᠪᠤᠲᠠᠯᠠ
ᠪᠤᠷᠭᠠᠰᠤᠲᠤ ᠲᠣᠬᠣᠢ ᠶ᠋ᠢᠨ ᠪᠤᠯᠤᠩ
ᠪᠤᠲᠠ ᠰᠢᠷᠣᠢ ᠶ᠋ᠢᠨ ᠳᠡᠷᠭᠡᠳᠡ
ᠪᠣᠰᠴᠤ ᠠᠷᠠᠢ ᠴᠢᠳᠠᠬᠤ ᠦᠭᠡᠢ
ᠪᠣᠷᠪᠢ ᠬᠥᠰᠢᠨ ᠬᠡᠪᠲᠡᠭᠰᠡᠨ ᠬᠠᠯᠲᠠᠷ
ᠵᠢᠰᠦᠮ ᠦ᠋ᠨ ᠤᠨᠠᠭᠠ
ᠬᠠᠲᠠᠵᠤ ᠴᠠᠩᠭᠠᠮᠠᠷ ᠪᠠᠢᠬᠤ ᠳ᠋ᠤ᠌
ᠬᠠᠮᠠᠭᠠᠯᠠᠵᠤ ᠠᠪᠠᠴᠢᠬᠤ ᠦᠭᠡᠢ ᠶᠦᠮ ᠪᠣᠯ
ᠬᠠᠷᠠᠯᠠᠬᠤ ᠠᠶᠤᠯ ᠲᠠᠢ ᠦᠶᠡᠰ
ᠥᠨᠥᠴᠢᠨ ᠤᠨᠠᠭᠠ ᠶ᠋ᠢ ᠲᠡᠪᠡᠷᠢᠵᠦ
ᠡᠮᠦᠨᠡ ᠬᠣᠷᠮᠣᠢ ᠪᠠᠷ ᠢ᠋ᠶ᠋ᠠᠨ ᠪᠣᠭᠣᠵᠤ
ᠡᠷᠦᠬᠡ ᠭᠡᠷ ᠲᠡᠭᠡᠨ ᠠᠪᠴᠢᠷᠠᠨ
ᠥᠯ ᠵᠠᠯᠭᠠᠭᠤᠯᠤᠨ ᠲᠡᠵᠢᠭᠡᠵᠡᠢ᠃
ᠥᠨᠳᠡᠢᠬᠦ ᠭᠡᠵᠦ ᠥᠶᠦᠭᠡᠳᠦᠪᠡᠯ
ᠡᠷᠭᠦᠵᠦ ᠵᠠᠯᠭᠠ ᠪᠤᠰᠬᠠᠨᠠ
ᠡᠪᠡᠰᠦ ᠢᠳᠡᠬᠦ ᠪᠡᠷ ᠦᠦᠷᠰᠡᠪᠡᠯ
ᠡᠭᠦᠷᠴᠦ ᠠᠪᠴᠢᠷᠠᠭᠠᠳ ᠲᠡᠵᠢᠭᠡᠨᠡ᠃
ᠬᠠᠮᠲᠤ ᠪᠠᠷ ᠬᠠᠢᠷᠠᠯᠠᠬᠤ ᠰᠡᠳᠬᠢᠯ
ᠬᠠᠯᠠᠭᠤᠨ ᠭᠡᠭᠴᠢ ᠶᠠᠷᠢᠶᠠᠨ ᠦᠭᠡᠢ
ᠬᠠᠰᠢᠷ ᠬᠥᠮᠦᠨ ᠦ᠌ ᠲᠣᠷᠳᠠᠯᠭᠠ
ᠳᠡᠮᠲᠡᠢ ᠭᠡᠳᠡᠭ ᠨᠢ ᠬᠡᠯᠡᠯᠭᠡᠨ ᠦᠭᠡᠢ
ᠬᠥᠬᠡ ᠡᠪᠡᠰᠦ ᠬᠠᠯᠢᠭᠤᠷᠠᠭᠠᠳ
ᠬᠥᠬᠥᠭᠡ ᠰᠢᠪᠠᠭᠤ ᠳᠣᠩᠭᠣᠳᠬᠤ ᠳ᠋ᠤ᠌
ᠬᠥᠳᠡᠯᠮᠦᠷᠢᠴᠢ ᠮᠠᠯᠴᠢᠨ ᠤ᠋ ᠲᠤᠰᠠ ᠪᠠᠷ
ᠬᠥᠭᠡᠷᠦᠬᠦᠢ ᠤᠨᠠᠭᠠ ᠬᠥᠷᠥᠪᠡᠵᠢᠵᠦ
ᠰᠢᠮᠡ ᠰᠢᠭᠦᠰᠦ ᠨᠢ ᠪᠦᠷᠢᠳᠦᠨ
ᠰᠢᠷᠬᠡᠭ ᠮᠢᠬᠠ ᠨᠢ ᠪᠠᠳᠡᠢᠯᠠ
ᠰᠢᠯᠢ᠂ ᠬᠥᠲᠥᠯ ᠢ᠋ᠶ᠋ᠡᠷ ᠢᠳᠡᠰᠢᠯᠡᠵᠦ
ᠰᠢᠳᠢᠲᠦ ᠬᠦᠯᠦᠭ ᠲᠣᠷᠨᠢᠯᠠ᠃
ᠦᠳᠡᠰᠢ ᠳᠣᠷᠭᠢᠵᠤ ᠳᠠᠭᠤᠳᠠᠪᠠᠯ
ᠦᠦᠷᠰᠡᠵᠦ ᠢᠨᠴᠠᠭᠠᠨ ᠢᠷᠡᠨᠡ
ᠡᠪᠦᠭᠡᠨ ᠵᠠᠮᠰᠤ ᠶ᠋ᠢᠨ ᠭᠠᠷ ᠢ᠋
ᠦᠨᠦᠷᠯᠡᠵᠦ ᠲᠣᠭᠣᠷᠢᠨ ᠵᠣᠭᠰᠣᠨᠠ᠃
ᠮᠠᠯᠴᠢᠨ ᠡᠪᠦᠭᠡᠨ ᠪᠡᠶᠡᠰᠴᠦ
ᠮᠠᠩᠨᠠᠢ ᠶ᠋ᠢᠨ ᠠᠲᠤᠷᠢᠶᠠ ᠲᠡᠨᠢᠢᠭᠡᠳ
《 ᠤᠨᠠᠭᠠᠨ ᠬᠠᠯᠲᠠᠷ ᠮᠢᠨᠢ ᠥᠰᠦᠭᠡᠷᠡᠢ
ᠤᠳᠤᠮᠲᠤ ᠬᠦᠯᠦᠭ ᠪᠣᠯᠤᠭᠠᠷᠠᠢ!》 ᠭᠡᠵᠦ
ᠵᠣ ᠨᠢᠷᠤᠭᠤ ᠶ᠋ᠢ ᠨᠢ ᠢᠯᠪᠢᠨ
ᠵᠣᠭ ᠲᠣᠰᠣᠨ ᠬᠠᠷᠠᠭᠠᠳ
ᠳᠡᠯ ᠰᠡᠭᠦᠯ ᠢ᠋ ᠨᠢ ᠰᠠᠮᠨᠠᠨ
ᠳᠡᠷᠭᠡᠳᠡ ᠨᠢ ᠦᠭᠡᠯᠡᠵᠦ ᠪᠠᠢᠳᠠᠭ᠃
ᠥᠨᠥᠴᠢᠨ ᠬᠠᠯᠲᠠᠷ ᠤᠨᠠᠭᠠ
ᠥᠰᠴᠦ ᠬᠢᠵᠠᠯᠠᠩ ᠪᠣᠯᠬᠤ ᠳ᠋ᠤ᠌
ᠦᠷᠢᠶᠡ ᠠᠭᠳᠠᠯᠭᠠᠨ ᠤ᠋ ᠨᠠᠢᠷ
ᠦᠷᠡᠯᠲᠦ ᠲᠣᠬᠣᠢ ᠳ᠋ᠤ᠌ ᠪᠣᠯᠵᠠᠢ᠃
ᠴᠠᠭᠠᠨ ᠲᠣᠭᠣᠰᠣ ᠲᠠᠲᠠᠭᠠᠳ
ᠴᠠᠬᠢᠯᠳᠠᠭᠲᠤ ᠬᠥᠨᠳᠡᠢ ᠭᠦᠪᠦᠯᠵᠡᠯᠡ
ᠴᠠᠢᠪᠤᠷ ᠮᠣᠷᠢᠳ ᠤ᠋ᠨ ᠡᠯᠦᠨᠡ
ᠪᠠᠷᠠᠭᠠᠨ ᠲᠣᠭᠣᠰᠣ ᠳᠡᠭᠳᠡᠯᠡ᠃
ᠳᠠᠯᠠᠩ ᠬᠠᠪᠴᠢᠭᠠᠳ ᠢᠷᠡᠳᠡᠭ
ᠶᠠᠮᠠᠷ ᠮᠣᠷᠢ ᠪᠣᠯᠴᠢᠬᠠᠪᠠ?
ᠳᠠᠭᠠᠭᠠᠮᠠᠭᠠᠢ ᠰᠣᠷᠢᠯᠲᠠ ᠬᠢᠭᠰᠡᠨ
ᠬᠡᠨ ᠭᠡᠭᠴᠢ ᠪᠣᠯᠪᠠ?
ᠬᠥᠮᠦᠰ ᠲᠦᠷᠬᠢᠯᠳᠦᠭᠡᠳ ᠭᠠᠷᠲᠠᠯᠠ
ᠬᠦᠯᠦᠭ ᠦ᠋ᠨ ᠲᠤᠭᠤᠷᠠᠢ ᠲᠠᠴᠢᠭᠢᠨᠠᠨᠠ
ᠬᠦᠯᠦᠭ ᠦ᠋ᠨ ᠲᠤᠭᠤᠷᠠᠢ ᠶ᠋ᠢᠨ ᠲᠦᠪᠡᠷᠭᠡᠨ ᠲᠡᠢ
ᠬᠡᠦᠬᠡᠳ ᠦ᠋ᠨ ᠳᠠᠭᠤ ᠰᠣᠨᠣᠰᠳᠠᠨᠠ᠃
ᠰᠤᠩᠬᠤ ᠠᠭᠰᠢᠬᠤ ᠨᠢ ᠭᠠᠢᠬᠠᠯᠲᠠᠢ
ᠰᠤᠮᠤᠳᠠᠭᠠᠳ ᠬᠠᠯᠲᠠᠷ ᠢᠷᠡᠯᠡ
ᠴᠤᠪᠤᠭᠤᠯᠤᠭᠠᠳ ᠲᠠᠯᠪᠢᠭᠰᠠᠨ ᠵᠡᠷᠭᠡ ᠡᠴᠡ
ᠰᠤᠭᠤᠷᠠᠭᠠᠳ ᠬᠠᠯᠲᠠᠷ ᠲᠡᠷᠢᠭᠦᠯᠡᠯᠡ᠃
ᠥᠨᠥᠴᠢᠨ ᠤᠨᠠᠭᠠ ᠪᠠᠢᠭᠰᠠᠨ ᠨᠢ
ᠥᠨᠥ ᠪᠣᠳᠣᠬᠤ ᠳ᠋ᠤ᠌ ᠰᠠᠶᠢᠬᠠᠨ
ᠦᠵᠦᠭᠦᠷᠯᠡᠵᠦ ᠢᠷᠡᠭᠰᠡᠨ ᠬᠠᠯᠲᠠᠷ ᠤ᠋ᠨ
ᠦᠯᠢᠭᠡᠷ ᠶᠠᠷᠢᠶᠠ ᠠᠷᠪᠢᠨ ᠮᠣᠷᠢᠨ ᠳ᠋ᠤ᠌
ᠬᠣᠷᠣᠬᠠᠢᠲᠠᠢ ᠬᠥᠮᠦᠰ ᠮᠠᠯᠴᠢᠨ ᠡᠪᠦᠭᠡ ᠲᠡᠢ ᠤᠴᠠᠷᠠᠨᠠ
ᠰᠤᠭᠤ ᠰᠢᠭ᠋ ᠰᠠᠢᠬᠠᠨ ᠮᠣᠷᠢᠳ ᠢ᠋ᠶ᠋ᠠᠷ
ᠰᠣᠯᠢᠵᠤ ᠠᠪᠤᠶᠠ ᠭᠡᠨᠡ᠃
《 ᠬᠡᠨ ᠳ᠋ᠦ᠍ ᠴᠦ᠍ ᠥᠭᠬᠦ ᠦᠭᠡᠢ
ᠬᠦᠯᠦᠭ ᠪᠣᠯᠭᠠᠵᠤ ᠦᠵᠡᠨᠡ
ᠥᠨᠥᠴᠢᠨ ᠢ᠋ᠶ᠋ᠡᠨ ᠮᠣᠷᠢ ᠪᠣᠯᠬᠤ ᠶ᠋ᠢ
ᠡᠪᠦᠭᠡᠨ ᠪᠢ ᠬᠠᠷᠠᠨᠠ》 ᠭᠡᠵᠦ
ᠮᠠᠯᠴᠢᠨ ᠵᠠᠮᠰᠤ ᠶ᠋ᠢᠨ ᠬᠠᠷᠢᠭᠤᠯᠲᠠ ᠳ᠋ᠤ᠌
ᠮᠠᠷᠭᠤᠵᠤ ᠭᠠᠷᠳᠠᠭ ᠦᠭᠡᠢ ᠳ᠋ᠦ᠍
ᠵᠣᠵᠢᠭ ᠵᠠᠩ ᠲᠠᠢ ᠵᠥᠷᠢᠭᠦᠳ ᠡᠪᠦᠭᠡᠨ ᠳ᠋ᠦ᠍
ᠨᠡᠢᠲᠡ ᠪᠦᠭᠦᠳᠡ ᠶᠠᠷᠢᠬᠤ ᠠ᠋ᠴᠠ ᠪᠢᠰᠢ
ᠨᠠᠨᠳᠢᠨ ᠴᠢᠨᠠᠷ ᠢ᠋ ᠨᠢ ᠮᠡᠳᠡᠭᠰᠡᠨ ᠦᠭᠡᠢ᠂
ᠨᠡᠢᠭᠡᠮ ᠣᠯᠠᠨ ᠬᠡᠯᠡᠯᠴᠡᠬᠦ ᠡᠴᠡ ᠪᠢᠰᠢ
ᠨᠢᠭᠲᠠᠯᠠᠵᠤ ᠶᠡᠷᠦ ᠣᠢᠯᠠᠭᠠᠭᠰᠠᠨ ᠦᠭᠡᠢ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠷᠴᠡᠴᠡᠭ
2024᠂ 05᠂ 20