ᠴᠡᠷᠢᠭ ᠬᠥᠮᠦᠨ - ᠴᠣ ᠂ ᠣᠷᠱᠤᠨ Цэрэг хүн – Чо ᠂ Оршин
257ᠴᠡᠷᠢᠭ ᠬᠥᠮᠦᠨ
ᠡᠷᠡ ᠬᠥᠮᠦᠨ ᠴᠡᠷᠢᠭ ᠲᠦ᠍ ᠮᠣᠷᠳᠠᠭᠰᠠᠨ ᠶᠤᠮ᠂
ᠡᠬᠡ ᠣᠷᠣᠨ ᠤ᠋ ᠪᠠᠨ ᠬᠢᠯᠢ ᠶ᠋ᠢ ᠰᠠᠬᠢᠵᠤ
ᠡᠷᠡᠨ ᠦᠶᠡ ᠶ᠋ᠢᠨ ᠡᠭᠦᠷᠭᠡ ᠬᠦᠯᠢᠶᠡᠭᠰᠡᠨ ᠶᠦᠮ᠃
ᠤᠯᠠᠭᠠᠨ ᠣᠳᠣ ᠪᠠᠨ ᠮᠠᠯᠠᠭᠠᠢ ᠳ᠋ᠠᠭᠠᠨ ᠬᠠᠲᠠᠵᠤ
ᠤᠯᠤᠰ ᠤ᠋ᠨ ᠴᠡᠷᠢᠭ ᠦ᠋ᠨ ᠠᠯᠪᠠ ᠬᠠᠭᠠᠭᠰᠠᠨ ᠶᠤᠮ᠂
ᠠᠭᠤᠳᠠᠮ ᠴᠡᠯᠡᠭᠡᠷ ᠣᠷᠣᠨ ᠢ᠋ᠶ᠋ᠠᠨ ᠳᠠᠭᠤᠷᠢᠶᠠᠵᠤ
ᠣᠭ᠌ᠶᠤᠨ ᠨᠣᠭᠣᠭᠠᠨ ᠬᠤᠪᠴᠠᠰᠤ ᠡᠮᠦᠰᠦᠭᠰᠡᠨ ᠶᠦᠮ᠃
ᠲᠥᠷᠥ ᠭᠦᠷᠦᠨ ᠦ᠌ ᠠᠮᠤᠭᠤᠯᠠᠩ ᠢ᠋ ᠬᠠᠮᠠᠭᠠᠯᠠᠵᠤ
ᠲᠡᠦᠬᠡᠨ ᠬᠠᠷᠢᠭᠤᠴᠠᠯᠭᠠ ᠪᠠᠨ ᠪᠡᠶᠡᠯᠡᠭᠦᠯᠵᠦ ᠪᠠᠢᠭᠠ ᠶᠤᠮ᠂
ᠲᠦᠷᠢᠮᠡᠬᠡᠢ ᠡᠲᠡᠭᠡᠳ ᠦ᠋ᠨ ᠰᠠᠨᠠᠭᠠ ᠶ᠋ᠢ ᠮᠣᠬᠣᠭᠠᠵᠤ
ᠲᠦᠪᠰᠢᠨ ᠵᠢᠷᠭᠠᠯᠠᠩ ᠤ᠋ᠨ ᠠᠮᠤᠷ ᠢ᠋ ᠪᠠᠲᠤᠯᠠᠭᠠ ᠶᠤᠮ᠃
ᠠᠷᠠᠳ ᠤ᠋ᠨ ᠴᠡᠷᠢᠭ᠂ ᠮᠠᠨ ᠤ᠋ ᠳᠣᠲᠣᠨᠣ ᠬᠥᠮᠦᠨ
ᠠᠯᠳᠠᠷ ᠭᠠᠪᠢᠶᠠ ᠶ᠋ᠢ ᠴᠢᠨᠢ ᠤᠶᠠᠩᠭᠠᠯᠠᠨ ᠮᠠᠭᠲᠠᠨᠠᠮ᠂
ᠴᠡᠴᠡᠭ ᠮᠠᠩᠨᠤᠷᠠᠭᠰᠠᠨ ᠲᠠᠯᠠ ᠶ᠋ᠢᠨ ᠢ᠋ᠶ᠋ᠡᠨ ᠰᠠᠢᠬᠠᠨ ᠢ᠋
ᠴᠡᠪᠡᠷ ᠪᠠᠢᠯᠭᠠᠬᠤ ᠪᠠᠷ ᠵᠣᠷᠢᠵᠤ ᠮᠣᠷᠳᠠᠭᠰᠠᠨ ᠶᠤᠮ᠂
ᠴᠡᠩᠭᠡᠯ ᠪᠠᠶᠠᠨ ᠠᠮᠢᠳᠤᠷᠠᠯ ᠤ᠋ᠨ ᠢ᠋ᠶ᠋ᠠᠨ
ᠪᠠᠳᠠᠷᠠᠯ ᠢ᠋ ᠰᠡᠭᠦᠳᠡᠷ ᠳᠤᠰᠬᠠᠬᠤ ᠦᠭᠡᠢ ᠬᠢᠴᠢᠶᠡᠨ ᠶᠠᠪᠤᠭᠠ ᠶᠤᠮ᠃
ᠨᠠᠮ ᠤ᠋ᠨ ᠵᠠᠷᠯᠢᠭ ᠢ᠋ ᠰᠡᠳᠬᠢᠯ ᠳ᠋ᠡᠭᠡᠨ ᠰᠢᠩᠭᠡᠭᠡᠵᠦ
ᠨᠠᠴᠢᠨ ᠱᠣᠩᠬᠣᠷ ᠰᠢᠭ᠋ ᠳᠡᠭᠦᠯᠢᠨ ᠨᠢᠰᠦᠭᠡ ᠶᠦᠮ᠃
ᠨᠠᠷᠮᠠᠢ ᠲᠦᠮᠡᠨ ᠦ᠌ ᠪᠡᠨ ᠢᠲᠡᠭᠡᠯ ᠢ᠋ ᠡᠪᠦᠷᠯᠡᠵᠦ
ᠨᠠᠨᠳᠢᠨ ᠦᠢᠯᠡᠰ ᠦ᠋ᠨ ᠳᠠᠷᠬᠠᠨ ᠢ᠋ ᠬᠠᠢᠷᠠᠯᠠᠭᠠ ᠶᠤᠮ᠃
ᠡᠳᠦᠷᠵᠢᠨ ᠰᠥᠨᠢᠵᠢᠨ ᠬᠠᠷᠠᠭᠤᠯ ᠳ᠋ᠤ᠌ ᠵᠣᠭᠰᠣᠵᠤ
ᠥᠨᠢ ᠡᠨᠳᠡᠬᠦ ᠦᠭᠡᠢ ᠳᠤᠷᠠᠨ ᠬᠠᠷᠠᠭᠠ ᠪᠠᠢᠭᠠ ᠶᠤᠮ᠂
ᠡᠬᠡ ᠤᠯᠤᠰ ᠲᠠᠭᠠᠨ ᠴᠡᠴᠡᠭᠡᠢ ᠨᠢᠳᠦ ᠨᠢ ᠪᠣᠯᠵᠤ
ᠡᠯᠳᠡᠪ ᠬᠠᠯᠳᠠᠯᠭᠠ ᠶ᠋ᠢ ᠰᠡᠷᠡᠮᠵᠢᠯᠡᠵᠦ ᠪᠠᠢᠭᠠ ᠶᠤᠮ᠃
ᠠᠷᠠᠳ ᠤ᠋ᠨ ᠴᠡᠷᠢᠭ ᠮᠠᠨ ᠤ᠋ ᠳᠣᠲᠣᠨᠣ ᠬᠥᠮᠦᠨ
ᠠᠯᠳᠠᠷ ᠭᠠᠪᠢᠶᠠ ᠶ᠋ᠢ ᠴᠢᠨᠢ ᠤᠶᠠᠩᠭᠠᠯᠠᠨ ᠮᠠᠭᠲᠠᠨᠠᠮ᠃
ᠢᠷᠡᠯᠲᠡ᠄ ᠴᠣ᠂ ᠣᠷᠱᠤᠨ ᠤ᠋《 ᠮᠠᠯᠴᠢᠨ ᠬᠥᠮᠦᠨ ᠦ᠌ ᠳᠠᠭᠤᠤ》 ᠨᠣᠮ ᠠ᠋ᠴᠠ ᠡᠰᠢᠯᠡᠪᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠷᠴᠡᠴᠡᠭ
2024 05 11