ᠨᠠᠴᠤᠭᠳᠣᠷᠵᠢ ᠶᠢᠨ ᠣᠳᠣᠳ - ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ Нацагдоржийн одод - Ёндоны Билиг - Баатар
469ᠨᠠᠴᠤᠭᠳᠣᠷᠵᠢ ᠶᠢᠨ ᠣᠳᠣᠳ
ᠢᠵᠠᠭᠤᠷᠲᠠᠨ ᠲᠠᠢᠵᠢ
ᠭᠦᠨ ᠭᠠᠯᠠᠭᠤᠲᠠᠢ ᠶᠢᠨ ᠨᠠᠴᠤᠭᠳᠣᠷᠵᠢ
ᠢᠷᠠᠭᠤ ᠨᠠᠢᠷᠠᠭ ᠤᠨ
ᠭᠦᠨ ᠤᠳᠬᠠᠲᠠᠢ ᠨᠠᠴᠤᠭᠳᠣᠷᠵᠢ
ᠣᠳᠣᠳ ᠲᠡᠭᠦᠬᠦ ᠪᠡᠷ ᠶᠠᠪᠤᠭᠠᠳ
ᠬᠠᠷᠢᠵᠤ ᠢᠷᠡᠭᠡ ᠦᠭᠡᠢ
ᠣᠳᠣ ᠬᠠᠮᠢᠭᠠ ᠶᠠᠪᠤᠭᠠ ᠶᠢ
ᠣᠷᠴᠢᠯᠠᠩ ᠴᠤ᠌ ᠮᠡᠳᠡᠬᠦ ᠦᠭᠡᠢ
ᠠᠷᠤᠭ ᠰᠠᠪᠠᠷ ᠢᠶᠠᠨ
ᠬᠠᠯᠬᠠ ᠶᠢᠨ ᠲᠠᠯᠠ ᠳᠠᠭᠠᠨ
ᠣᠷᠬᠢᠭᠠᠳ ᠶᠠᠪᠤᠵᠠᠢ
ᠠᠯᠢᠶᠠ ᠬᠡᠦᠬᠡᠳ ᠦᠳ
ᠰᠠᠪᠠᠷ ᠢ ᠨᠢ ᠤᠨᠤᠭᠠᠳ
ᠳᠠᠪᠬᠢᠵᠤ ᠤᠷᠤᠯᠳᠤᠵᠠᠢ
ᠰᠣᠷ ᠮᠣᠳᠣᠨ
ᠠᠷᠤᠭ ᠢ ᠨᠢ ᠰᠡᠯᠪᠢᠭᠡᠳ
ᠣᠯᠠᠨ ᠬᠥᠮᠥᠨ ᠪᠤᠭᠤᠷᠤᠯᠳᠤᠵᠠᠢ
ᠰᠤᠤᠲᠤ ᠲᠡᠭᠦᠨ ᠦ
ᠣᠶᠣᠨ ᠪᠢᠯᠢᠭ ᠦᠨ ᠣᠳᠣᠳ
ᠣᠭᠲᠠᠷᠭᠤᠢ ᠳᠤ ᠲᠦᠭᠡᠵᠡᠢ
ᠮᠢᠩᠭᠠᠨ ᠪᠤᠷᠬᠠᠨ ᠤ ᠮᠡᠯᠮᠡᠢ ᠳᠦ
ᠰᠢᠭᠦᠳᠡᠷᠢ ᠲᠡᠭᠦᠭᠡᠳ ᠮᠦᠰᠢᠶᠡᠵᠡᠢ
ᠲᠦᠮᠡᠨ ᠪᠤᠭᠤᠷᠤᠯ ᠤᠨ ᠵᠢᠷᠦᠬᠡᠨ ᠳᠦ
ᠨᠠᠷᠠ ᠮᠠᠨᠠᠭᠠᠳ ᠮᠣᠷᠳᠠᠵᠠᠢ
ᠥᠯᠥᠭᠡᠢ ᠨᠤᠲᠤᠭ ᠤᠨ ᠢᠶᠠᠨ ᠨᠠᠭᠤᠷ ᠲᠤ
ᠬᠤᠨ ᠬᠤᠪᠢᠯᠤᠭᠠᠳ ᠬᠣᠷᠭᠣᠳᠠᠵᠠᠢ
ᠲᠥᠷᠥᠯᠬᠢ ᠬᠡᠯᠡᠨ ᠦ ᠪᠡᠨ ᠬᠣᠢᠮᠤᠷ ᠲᠤ
ᠬᠠᠭᠠᠨ ᠰᠠᠭᠤᠭᠠᠳ ᠬᠠᠩᠬᠠᠢᠵᠠᠢ
ᠠᠷᠭᠠᠯ ᠲᠡᠭᠦᠭᠰᠡᠨ ᠡᠵᠢ ᠶᠢᠨ ᠬᠦᠦ
ᠮᠣᠩᠭᠣᠯ ᠤᠨ ᠨᠠᠴᠤᠭᠳᠣᠷᠵᠢ
ᠣᠳᠣᠳ ᠲᠦᠭᠡᠭᠡᠭᠰᠡᠨ ᠣᠭᠲᠠᠷᠭᠤᠢ ᠶᠢᠨ ᠬᠦᠦ
ᠳᠡᠯᠡᠬᠡᠢ ᠶᠢᠨ ᠨᠠᠴᠤᠭᠳᠣᠷᠵᠢ
