ᠲᠩᠷᠢ ᠶᠢᠨ ᠬᠤᠷᠠ - ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ Тэнгэрийн хур - Ёндоны Билиг - Баатар
281ᠲᠩᠷᠢ ᠶᠢᠨ ᠬᠤᠷᠠ
ᠠᠮᠢ ᠠᠮᠢᠳᠤᠷᠠᠯ ᠤ᠋ᠨ ᠮᠢᠨᠢ
ᠮᠠᠰᠢᠳᠠ ᠴᠢᠬᠤᠯᠠ ᠮᠥᠴᠡ ᠪᠦᠬᠦᠨ ᠳ᠋ᠦ᠍
ᠠᠯᠢ ᠭᠠᠷᠴᠠ ᠪᠠᠷ ᠨᠢ ᠭᠠᠷᠬᠤ
ᠰᠣᠩᠭᠣᠯᠲᠠ ᠶ᠋ᠢᠨ ᠬᠡᠴᠡᠭᠦᠦ ᠬᠣᠷᠣᠮ ᠳ᠋ᠤ᠌
ᠲᠩᠷᠢ ᠶ᠋ᠢᠨ ᠪᠢᠯᠢᠭᠦᠨ ᠬᠤᠷᠠ ᠯᠠ
ᠨᠠᠮᠠ ᠶ᠋ᠢ ᠲᠡᠳᠬᠦᠳᠡᠭ ᠢ᠋ ᠪᠢ ᠪᠦᠷ
ᠲᠤᠢᠯᠪᠤᠷᠢᠲᠠᠢ ᠲᠤᠩᠭᠠᠯᠠᠭ ᠮᠡᠳᠡᠷᠡᠳᠡᠭ ᠡᠴᠡ
ᠠᠰᠤᠷᠤ ᠢᠯᠭᠤᠭᠰᠠᠨ ᠢᠯᠠᠯᠲᠠ ᠣᠯᠳᠠᠭ
ᠨᠠᠷᠠ ᠬᠤᠷᠠ ᠨᠢ ᠳᠡᠩᠳᠡᠭᠦᠦ ᠲᠡᠩᠴᠡᠭᠰᠡᠨ
ᠪᠠᠢᠭᠠᠯᠢ ᠳᠡᠯᠡᠬᠡᠢ ᠶ᠋ᠢᠨ ᠢᠪᠡᠭᠡᠯ ᠢ᠋ᠶ᠋ᠡᠷ ᠯᠡ
ᠨᠢᠮᠪᠠᠢ ᠬᠣᠯᠠᠴᠢ ᠤᠬᠠᠭᠠᠨ ᠨᠢ ᠵᠦᠰᠡᠷᠡᠭᠰᠡᠨ
ᠪᠤᠶᠠᠨᠲᠤ ᠳᠡᠭᠡᠳᠦᠰ ᠦ᠋ᠨ ᠵᠥᠩᠨᠡᠯ ᠢ᠋ᠶ᠋ᠡᠷ ᠯᠡ
ᠨᠢᠭᠤᠴᠠᠭᠠᠢ ᠰᠣᠶᠣᠯ ᠮᠣᠷᠠᠯ ᠨᠢ ᠬᠣᠣᠰᠯᠠᠭᠰᠠᠨ
ᠲᠩᠷᠢᠯᠢᠭ ᠰᠢᠲᠦᠭᠡᠨ ᠦ᠌ ᠪᠡᠨ ᠠᠴᠢ ᠪᠠᠷ
ᠨᠠᠢᠭᠠᠯ ᠰᠢᠷᠭᠠᠯ ᠣᠷᠴᠢᠯᠠᠩ ᠶᠢᠷᠲᠢᠨᠴᠦ ᠳ᠋ᠦ᠍
ᠨᠢᠴᠤᠰᠢ ᠦᠭᠡᠢ ᠦᠷᠡᠳᠡᠰ ᠨᠢ ᠬᠢᠯᠠᠯᠵᠠᠨᠠᠮ
ᠮᠠᠯᠴᠢᠨ ᠠᠷᠠᠳ ᠤ᠋ᠨ ᠡᠩᠬᠦᠷᠡᠢ ᠬᠦᠦ ᠪᠢ ᠪᠡᠷ
ᠰᠠᠮᠠᠭᠤᠨ ᠵᠠᠷᠯᠢᠭ ᠢ᠋ ᠡᠷᠡᠰ ᠳᠠᠭᠠᠳᠠᠭ ᠦᠭᠡᠢ
ᠮᠥᠩᠬᠡ ᠲᠩᠷᠢ ᠶ᠋ᠢᠨ ᠲᠠᠩᠭᠠᠷᠢᠭ ᠢ᠋ ᠯᠡ
ᠵᠢᠷᠦᠬᠡ ᠲᠠᠷᠢᠬᠢᠨ ᠳ᠋ᠠᠭᠠᠨ ᠮᠠᠨᠠᠵᠤ ᠶᠠᠪᠤᠨᠠᠮ
ᠶᠡᠷᠡᠨ ᠳᠣᠯᠣᠭᠠᠨ ᠣᠨ ᠤ᠋ ᠳᠤᠯᠠᠭᠠᠨ ᠰᠠᠷᠠ
ᠶᠡᠬᠡ ᠸᠠᠩᠲᠠᠨ ᠤ᠋ ᠨᠤᠲᠤᠭ ᠪᠣᠷᠣᠭᠠᠨ ᠲᠠᠢ
ᠶᠢᠰᠦᠨ ᠵᠢᠯ ᠭᠠᠩᠳᠠᠭᠰᠠᠨ ᠪᠠᠷᠠᠭᠤᠨ ᠰᠥᠨᠢᠳ
ᠪᠦᠬᠦᠯᠢ ᠲᠠᠪᠤᠨ ᠡᠳᠦᠷ ᠰᠥᠨᠢ ᠪᠣᠷᠣᠭᠠᠯᠠᠪᠠᠢ
ᠰᠠᠢᠬᠠᠨᠲᠠᠯᠠ ᠬᠣᠲᠠᠬᠠᠨ ᠪᠢᠲᠡᠭᠦᠦ ᠡᠭᠦᠯᠡᠨ ᠳ᠋ᠦ᠍
ᠪᠢᠯᠢᠭ ᠨᠢ ᠴᠤᠭᠤᠷᠠᠭᠰᠠᠨ ᠮᠡᠲᠦ ᠮᠡᠯᠳᠠᠷᠠᠪᠠᠢ
ᠰᠠᠢᠬᠠᠨ ᠥᠬᠢᠨ ᠦ᠌ ᠪᠡᠨ ᠡᠵᠢ ᠲᠡᠢ ᠡᠷᠬᠡᠯᠡᠨ
ᠮᠡᠬᠦᠰ ᠬᠥᠮᠦᠨ ᠲᠩᠷᠢ ᠳ᠋ᠦ᠍ ᠢᠪᠡᠭᠡᠭᠳᠡᠪᠡᠢ
᠁ ᠁ ᠁
ᠪᠢ ᠣᠯᠳᠣᠢ ᠥᠴᠦᠬᠡᠨ ᠨᠥᠬᠥᠷ ᠠᠲᠠᠯᠠ
ᠪᠦᠲᠦᠬᠦ ᠶ᠋ᠢᠨ ᠪᠢᠯᠢᠭᠦᠨ ᠬᠤᠷᠠ ᠳᠠᠭᠠᠭᠤᠯᠳᠠᠭ
ᠨᠠᠮᠠ ᠶ᠋ᠢ ᠬᠤᠷᠤᠢᠯᠠᠭᠰᠠᠨ ᠨᠤᠲᠤᠭ ᠲᠤ᠌ ᠯᠠ
ᠨᠠᠷᠠ ᠲᠠᠢ ᠪᠣᠷᠣᠭᠠᠨ ᠲᠠᠢ ᠪᠢ ᠯᠡ ᠣᠴᠢᠳᠠᠭ
ᠦᠭᠡᠢ ᠶᠡᠷᠦᠨᠢ ᠪᠠᠰᠠ ᠬᠠᠴᠢᠨ ᠰᠣᠨᠢᠨ ᠰᠢᠦ
ᠦᠬᠡᠷ ᠲᠡᠢ ᠪᠢ ᠪᠣᠷᠣᠭᠠ ᠲᠠᠢ ᠪᠣᠯᠵᠣᠭᠠᠲᠠᠢ
ᠣᠯᠠᠨ ᠵᠢᠯ ᠦ᠋ᠨ ᠲᠡᠷᠲᠡᠭᠡ ᠠᠪᠠᠭᠠ ᠳ᠋ᠤ᠌
ᠤᠷᠠᠨ ᠨᠠᠢᠷᠠᠭ ᠤ᠋ᠨ ᠬᠢᠴᠢᠶᠡᠯᠡᠯᠭᠡ ᠬᠢᠬᠦ ᠳ᠋ᠦ᠍
ᠣᠷᠣᠨ ᠬᠡᠪᠴᠢᠶᠡᠨ ᠦ᠌ ᠨᠠᠢᠷᠠᠭᠴᠢ ᠴᠤᠭᠯᠠᠪᠠᠢ
ᠣᠨᠴᠠ ᠬᠥᠭᠡᠷᠦᠬᠦᠨ ᠲᠡᠭᠦᠨ ᠲᠡᠢ ᠬᠠᠷᠭᠤᠪᠠᠢ
ᠰᠥᠨᠢᠵᠢᠨ ᠲᠩᠷᠢ ᠶ᠋ᠢᠨ ᠬᠤᠷᠠ ᠠᠰᠬᠠᠷᠠᠨ
ᠰᠦᠮᠡᠨ ᠬᠥᠰᠢᠭᠡ ᠭᠡᠭᠡᠪᠴᠡᠨᠡ ᠨᠡᠪᠴᠢᠵᠦ
ᠰᠦᠨᠡᠰᠦ ᠵᠦᠰᠡᠷᠡᠭᠦᠯᠦᠭᠰᠡᠨ ᠢᠨᠠᠭ ᠤ᠋ᠨ ᠭᠠᠯ
ᠪᠢᠯᠭᠦᠳᠡᠢ ᠶ᠋ᠢᠨ ᠢᠪᠡᠭᠡᠯ ᠳ᠋ᠦ᠍ ᠯᠡ ᠴᠡᠴᠡᠭᠯᠡᠪᠡᠢ
ᠬᠡᠨ ᠦ᠌ ᠰᠠᠨᠠᠭᠠ ᠪᠣᠢ᠂ ᠲᠩᠷᠢ ᠶ᠋ᠢᠨ ᠰᠠᠨᠠᠭᠠ
ᠬᠡᠨ ᠦ᠌ ᠬᠡᠰᠢᠭ ᠪᠣᠢ᠂ ᠡᠵᠡᠨ ᠪᠣᠭᠳᠠ ᠬᠡᠰᠢᠭ
ᠮᠤᠩᠬᠠᠭ ᠪᠢ ᠳᠠᠩᠴᠤ ᠦᠨᠡᠨ ᠢ᠋ ᠢᠲᠡᠭᠡᠨᠡᠮ
ᠮᠤᠬᠤᠷ ᠭᠤᠳᠤᠮᠵᠢ ᠨᠠᠳᠠᠳᠤ ᠪᠠᠢᠭᠠ ᠦᠭᠡᠢ
ᠲᠡᠭᠡᠭᠡᠳ ᠳᠡᠯᠢᠭᠦᠨ ᠪᠣᠯᠳᠠᠭ ᠢ᠋ ᠵᠡᠭᠦᠳᠦᠯᠡᠪᠡᠢ
ᠴᠡᠩᠭᠡᠯ ᠪᠠᠭᠤᠳᠠᠯ ᠤ᠋ᠨ ᠴᠣᠩᠬᠣ ᠪᠠᠷ ᠬᠠᠷᠠᠪᠠᠰᠤ
ᠴᠢᠳᠬᠤᠯᠠᠭᠰᠠᠨ ᠦᠶᠡᠷ ᠵᠡᠭᠡᠯᠢ ᠶ᠋ᠢ ᠮᠢᠯᠢᠶᠠᠪᠠᠢ
ᠨᠢᠳᠤᠨᠤᠨ ᠵᠢᠯ ᠤᠨ ᠠᠯᠲᠠᠨ ᠨᠠᠮᠤᠷ ᠢ᠋ᠶ᠋ᠠᠷ
ᠠᠯᠳᠠᠷᠲᠤ ᠬᠠᠢᠯᠠᠷ ᠬᠣᠲᠠᠨᠠ ᠣᠴᠢᠯᠤᠭᠠ
ᠬᠥᠯᠥᠨ ᠪᠤᠢᠷ ᠲᠤ᠌ ᠪᠠᠢᠳᠠᠭ ᠰᠤᠷᠤᠭᠴᠢᠳ ᠮᠢᠨᠢ
ᠬᠥᠭᠡᠷᠦᠬᠦᠢ ᠰᠠᠢᠬᠠᠨ ᠬᠦᠨᠳᠦᠯᠡᠩᠬᠡᠨ ᠲᠡᠢᠯᠡᠪᠡᠢ
ᠬᠠᠰᠠᠷ ᠬᠥᠭᠥᠷᠭᠡ ᠳᠠᠪᠠᠮᠠᠷ ᠦᠶᠡᠷ ᠪᠣᠷᠣᠭᠠ
ᠬᠠᠰᠢᠷᠠᠲᠠᠯᠠ ᠱᠤᠤᠭᠢᠨ ᠡᠳᠦᠷᠵᠢᠨ ᠪᠠᠭᠤᠪᠠᠢ
ᠰᠢᠷᠦᠭᠦᠨ ᠪᠣᠷᠣᠭᠠᠨ ᠢ᠋ᠶ᠋ᠠᠷ ᠨᠠᠷᠭᠢᠯᠳᠤᠬᠤ ᠭᠣᠶᠣ
ᠰᠡᠷᠡᠭᠦᠨ ᠤᠨᠲᠠᠭᠠ ᠪᠠᠷ ᠠᠷᠢᠬᠢᠳᠠᠬᠤ ᠭᠣᠶᠣ
ᠡᠷᠭᠦᠨᠡ ᠬᠤᠨ ᠤ᠋ ᠳᠣᠮᠣᠭᠲᠤ ᠪᠣᠷᠣᠭᠠᠨ ᠢ᠋ᠶ᠋ᠠᠷ
ᠥᠷᠥᠴᠡᠨ ᠦᠭᠡᠰ ᠢ᠋ ᠱᠠᠪᠢᠨᠠᠷ ᠲᠤ᠌ ᠵᠠᠬᠢᠪᠠᠢ
ᠬᠣᠷᠢᠨ ᠭᠤᠷᠪᠠᠨ ᠣᠨ ᠤ᠋ ᠬᠠᠬᠢᠷᠬᠠᠨ ᠡᠪᠦᠯ
ᠬᠠᠢᠷᠠᠲᠠᠢ ᠭᠡᠷᠭᠡᠢ ᠪᠡᠨ ᠠᠩᠬᠠ ᠡᠷᠭᠢᠬᠦ ᠪᠡᠷ
ᠬᠠᠷᠠᠩᠭᠤᠢ ᠳᠤᠮᠳᠠ ᠠᠯᠤᠰ ᠢ᠋ ᠵᠣᠷᠢᠬᠤᠢ ᠳ᠋ᠤᠷ
ᠰᠥᠨᠢ ᠶ᠋ᠢ ᠰᠦᠯᠡᠲᠡᠯᠡ ᠴᠠᠰᠤᠨ ᠯᠠᠪᠰᠠᠯᠠᠪᠠᠢ
ᠮᠥᠩᠭᠥᠨ ᠴᠠᠰᠤ ᠪᠣᠯ ᠭᠡᠷᠡᠯᠲᠦᠭᠰᠡᠨ ᠬᠤᠷᠠ
ᠮᠥᠮᠥ ᠶ᠋ᠢᠨ ᠰᠦᠨ ᠠᠳᠠᠯᠢ ᠰᠢᠮᠡᠲᠡᠢ ᠬᠤᠷᠠ
ᠲᠩᠷᠢ ᠨᠠᠮᠠ ᠶ᠋ᠢ ᠴᠣᠬᠣᠮ ᠶᠠᠭᠤᠨ ᠤᠴᠢᠷ
ᠲᠡᠭᠡᠲᠡᠯᠡ ᠪᠡᠨ ᠳᠠᠩᠳᠠ ᠲᠡᠳᠬᠦᠳᠡᠭ ᠪᠣᠢ
ᠮᠣᠩᠭᠣᠯ ᠤ᠋ᠨ ᠢ᠋ᠶ᠋ᠠᠨ ᠲᠥᠯᠥᠭᠡᠨᠡ
ᠳᠡᠩᠳᠡᠭᠦᠦ ᠵᠢᠷᠤᠮ ᠵᠣᠷᠢᠭ ᠲᠠᠢ
ᠮᠣᠬᠣᠵᠤ ᠴᠣᠴᠢᠭᠠ ᠨᠢ ᠦᠭᠡᠢ
ᠵᠢᠳᠬᠦᠭᠰᠡᠨ ᠦ᠌ ᠰᠢᠯᠲᠠᠭᠠᠨ ᠤᠤ
ᠮᠢᠷᠠᠯᠵᠠᠭᠰᠠᠨ ᠤᠷᠠᠯᠢᠭ ᠰᠣᠶᠣᠯ ᠳ᠋ᠠᠭᠠᠨ
ᠮᠢᠨᠳᠠᠰᠤᠨ ᠴᠠᠭᠠᠨ ᠰᠡᠳᠬᠢᠯ ᠢ᠋ᠶ᠋ᠡᠨ
ᠮᠢᠲᠠᠷᠠᠰᠢ ᠦᠭᠡᠢ ᠰᠢᠭᠤᠷᠬᠠᠢ
ᠵᠣᠷᠢᠭᠤᠯᠤᠭᠰᠠᠨ ᠤ᠋ ᠬᠢᠨᠢ ᠬᠠᠷᠢᠭᠤ ᠤᠤ
ᠶᠠᠭᠤ ᠴᠤ᠌ ᠯᠠ ᠭᠡᠰᠡᠨ ᠨᠠᠢᠷᠠᠭᠴᠢ ᠪᠢ
ᠶᠡᠷᠦᠨᠢ ᠮᠥᠩᠬᠡ ᠲᠩᠷᠢ ᠳ᠋ᠦ᠍ ᠪᠡᠨ
ᠪᠤᠷᠤᠭᠤ ᠦᠵᠡᠭᠳᠡᠭᠡ ᠨᠢ ᠦᠭᠡᠢ
ᠪᠤᠷᠬᠠᠨ ᠤ᠋ ᠢᠪᠡᠭᠡᠯ ᠳ᠋ᠦ᠍ ᠪᠠᠭᠲᠠᠭᠰᠠᠨ ᠬᠥᠮᠦᠨ
2024᠂ 5᠂ 6 ᠃ ᠰᠥᠨᠢ ᠶ᠋ᠢᠨ ᠭᠦᠨ ᠃
ᠬᠥᠬᠡᠬᠣᠲᠠᠨᠠ ᠪᠦᠲᠦᠭᠡᠪᠡᠢ᠃