ᠲᠠᠯᠠ ᠶᠢᠨ ᠤᠳᠤᠨ - ᠴᠣ ᠂ ᠣᠷᠱᠤᠨ Талын одон – Чо ᠂ Оршин
245ᠲᠠᠯᠠ ᠶᠢᠨ ᠣᠳᠣᠨ
ᠪᠠᠭᠠ ᠶ᠋ᠢᠨ ᠮᠢᠨᠢ ᠬᠠᠮᠲᠤ ᠰᠤᠷᠤᠭᠴᠢ
ᠪᠦ᠋ · ᠳᠣᠩᠶᠤᠳᠳᠣᠷᠵᠢ ᠶ᠋ᠢᠨ ᠭᠡᠭᠡᠨ ᠳᠤᠷᠠᠰᠬᠠᠯ ᠳ᠋ᠤ᠌
ᠣᠭᠲᠠᠷᠭᠤᠢ ᠶ᠋ᠢᠨ ᠴᠡᠭᠡᠯ ᠣᠳᠣᠳ ᠤ᠋ᠨ ᠳᠤᠮᠳᠠ
ᠣᠨᠴᠠ ᠭᠢᠯᠠᠯᠵᠠᠭᠰᠠᠨ ᠭᠡᠷᠡᠯᠲᠦ ᠴᠣᠯᠮᠣᠨ ᠰᠢᠭ᠋᠂
ᠤᠳᠬᠠ ᠤᠶᠠᠩᠭᠠ ᠶ᠋ᠢᠨ ᠵᠠᠷ ᠢ᠋ ᠲᠤᠩᠬᠠᠭᠯᠠᠵᠤ
ᠣᠯᠠᠨ ᠤ᠋ ᠪᠠᠨ ᠳᠤᠮᠳᠠ ᠴᠢ ᠮᠢᠨᠢ ᠪᠠᠢᠳᠠᠭ ᠰᠠᠨ᠃
ᠬᠥᠯ ᠳ᠋ᠦ᠍ ᠣᠷᠣᠬᠤ ᠬᠡᠦᠬᠡᠳ ᠡᠷᠡᠨ ᠡᠴᠡ
ᠬᠦᠲᠦᠯᠳᠡᠵᠦ ᠬᠣᠶᠠᠭᠤᠯᠠ ᠨᠠᠭᠠᠳᠴᠤ ᠪᠠᠢᠯᠠ
ᠬᠥᠮᠦᠵᠢᠯ ᠬᠦᠷᠲᠡᠬᠦ ᠰᠤᠷᠭᠠᠭᠤᠯᠢ ᠶ᠋ᠢᠨ ᠦᠶᠡ ᠡᠴᠡ
ᠬᠥᠮᠦᠨ ᠦ᠌ ᠵᠡᠷᠭᠡ ᠲᠡᠢ ᠰᠤᠷᠤᠯᠴᠠᠳᠠᠭ ᠪᠠᠢᠯᠠ᠃
ᠨᠠᠰᠤᠨ ᠤ᠋ ᠴᠣᠭᠲᠠᠢ ᠳ᠋ᠤ᠌ ᠬᠠᠮᠲᠤ ᠥᠰᠬᠦ ᠳ᠋ᠡᠭᠡᠨ
ᠨᠠᠢᠷᠠᠭ ᠤ᠋ᠨ ᠵᠠᠮ ᠢ᠋ᠶ᠋ᠠᠷ ᠴᠢ ᠯᠡ ᠡᠬᠢᠯᠡᠭᠰᠡᠨ
ᠰᠡᠯᠡᠭᠦᠬᠡᠨ ᠴᠠᠭ ᠨᠠᠷᠭᠢᠨ ᠰᠠᠭᠤᠬᠤ ᠳ᠋ᠤ᠌
ᠴᠡᠭᠡᠯᠬᠡᠨ ᠬᠣᠭᠣᠯᠠᠢ ᠪᠠᠷ ᠴᠢ ᠯᠡ ᠳᠠᠭᠤᠯᠠᠳᠠᠭ
ᠴᠡᠩᠭᠡᠯ ᠦ᠋ᠨ ᠳᠣᠲᠣᠷᠠ ᠱᠣᠭ ᠳᠡᠯᠭᠡᠴᠢᠭᠡᠳ
ᠴᠢ ᠯᠡ ᠪᠢᠳᠡᠨ ᠦ᠌ ᠤᠷᠮᠠ ᠶ᠋ᠢ ᠬᠥᠭᠵᠢᠭᠡᠳᠡᠭ᠃
ᠵᠠᠩ ᠤ᠋ᠨ ᠰᠠᠢᠬᠠᠨ ᠳ᠋ᠤ᠌ ᠪᠢᠳᠡ ᠴᠤᠭᠯᠠᠷᠠᠵᠤ
ᠵᠠᠪᠠᠯ ᠴᠢᠮᠠ ᠳ᠋ᠤ᠌ ᠰᠢᠯᠦᠭ ᠢ᠋ᠶ᠋ᠡᠨ ᠥᠭᠬᠦ ᠳ᠋ᠦ᠍
ᠵᠠᠯᠬᠠᠭᠤᠷᠠᠯ ᠦᠭᠡᠢ ᠳᠠᠷᠠᠭᠠᠯᠠᠨ ᠦᠵᠡᠭᠡᠳ
ᠵᠠᠰᠠᠵᠤ ᠵᠠᠬᠢᠵᠤ ᠰᠠᠨᠠᠯ ᠢ᠋ᠶ᠋ᠠᠨ ᠬᠡᠯᠡᠳᠡᠭ
ᠬᠠᠯᠠᠭᠤᠨ ᠬᠠᠢᠷᠠ ᠶ᠋ᠢᠨ ᠨᠣᠴᠣᠭᠰᠠᠨ ᠣᠴᠢ ᠪᠠᠷ
ᠬᠠᠨᠢ ᠪᠢᠳᠡᠨ ᠢ᠋ᠶ᠋ᠡᠨ ᠬᠡᠴᠢᠨᠡᠨ ᠬᠡᠬᠡᠷᠡᠭᠦᠯᠵᠦ
ᠣᠳᠣ ᠪᠣᠯᠤᠨ ᠴᠢ ᠮᠢᠨᠢ ᠰᠠᠴᠤᠷᠠᠳᠠᠭ
ᠣᠬᠢ ᠨᠢ ᠪᠣᠯᠤᠨ ᠴᠢ ᠮᠢᠨᠢ ᠮᠠᠨᠳᠤᠳᠠᠭ
ᠤᠶᠠᠩᠭᠠ ᠨᠢ ᠪᠣᠯᠤᠭᠠᠳ ᠴᠢ ᠮᠢᠨᠢ ᠪᠠᠶᠠᠰᠬᠠᠳᠠᠭ
ᠣᠮᠣᠭᠰᠢᠯ ᠨᠢ ᠪᠣᠯᠤᠭᠠᠳ ᠴᠢ ᠮᠢᠨᠢ ᠴᠣᠯᠭᠣᠷᠠᠳᠠᠭ
ᠪᠢᠳᠡ ᠨᠢᠭᠡᠨ ᠣᠳᠣ ᠪᠠᠨ ᠠᠯᠳᠠᠪᠠ
ᠪᠡᠶᠡᠯᠡᠬᠦ ᠦᠢᠯᠡᠰ ᠦ᠋ᠨ ᠰᠣᠳᠣ ᠬᠣᠬᠢᠷᠠᠪᠠ
ᠣᠷᠴᠢᠯᠠᠩ ᠶᠢᠷᠲᠢᠨᠴᠦ ᠶ᠋ᠢᠨ ᠬᠠᠷᠠᠮᠰᠠᠯ ᠭᠠᠰᠢᠭᠤᠳᠠᠯ ᠢ᠋ᠶ᠋ᠠᠷ
ᠣᠳᠣ ᠪᠣᠯᠵᠤ ᠳᠡᠭᠳᠡᠭᠰᠡᠨ ᠴᠢᠮᠠᠶ᠋ᠢ ᠪᠠᠨ
ᠣᠳᠣ ᠪᠢ ᠨᠥᠬᠥᠷ ᠦ᠋ᠨ ᠴᠢᠨᠢ ᠬᠤᠪᠢ ᠪᠠᠷ
ᠤᠶᠠᠷᠠᠨ ᠬᠠᠢᠯᠠᠵᠤ ᠮᠥᠷᠥᠭᠡᠳᠦᠯ ᠢ᠋ᠶ᠋ᠡᠷ ᠳᠤᠷᠠᠰᠤᠨᠠ
ᠪᠢᠯᠬᠠᠷᠠᠵᠤ ᠴᠠᠯᠭᠢᠯᠠᠭᠰᠠᠨ ᠤᠶᠠᠩᠭᠠ ᠶ᠋ᠢ ᠴᠢᠨᠢ ᠤᠩᠰᠢᠵᠤ
ᠪᠠᠳᠠᠭ ᠪᠠᠳᠠᠭ ᠢ᠋ᠶ᠋ᠠᠷ ᠴᠠᠭᠠᠷᠢᠭ ᠬᠦᠷᠭᠡᠨᠡᠮ!
ᠪᠠᠷᠢᠭᠰᠠᠨ ᠤᠷᠠᠯᠢᠭ ᠦᠵᠦᠭ ᠢ᠋ ᠴᠢᠨᠢ ᠡᠵᠡᠮᠰᠢᠭᠡᠳ
ᠪᠠᠷᠭᠤ ᠣᠳᠣᠨ ᠤ᠋ ᠬᠡᠢᠮᠣᠷᠢ ᠶ᠋ᠢ ᠮᠢᠯᠢᠶᠠᠨᠠᠮ
ᠣᠨᠴᠠᠬᠠᠨ ᠬᠠᠯᠢᠭᠰᠠᠨ ᠣᠳᠣ ᠪᠠᠨ ᠳᠤᠷᠠᠰᠤᠭᠠᠳ
ᠤᠳᠬᠠ ᠤᠶᠠᠩᠭᠠ ᠶ᠋ᠢᠨ ᠪᠢᠷ ᠢ᠋ᠶ᠋ᠡᠨ ᠬᠤᠷᠴᠠᠯᠠᠶᠠ!
ᠣᠷᠬᠢᠵᠤ ᠮᠥᠩᠬᠡᠯᠡᠭᠰᠡᠨ ᠨᠠᠢᠷᠠᠭ ᠢ᠋ ᠨᠢ ᠱᠠᠰᠲᠢᠷᠯᠠᠭᠠᠳ
ᠣᠯᠠᠨ ᠵᠢᠯ ᠳ᠋ᠡᠭᠡᠨ ᠳᠤᠷᠠᠳᠬᠠᠵᠤ ᠶᠠᠪᠤᠶᠠ!
ᠢᠷᠡᠯᠲᠡ᠄ ᠴᠣ· ᠣᠷᠱᠤᠨ ᠤ᠋《 ᠮᠠᠯᠴᠢᠨ ᠬᠥᠮᠦᠨ ᠦ᠌ ᠳᠠᠭᠤᠤ》 ᠨᠣᠮ ᠠ᠋ᠴᠠ ᠡᠰᠢᠯᠡᠪᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠷᠴᠡᠴᠡᠭ
2024 05 05