ᠢᠲᠡᠭᠡᠯ-ᠴᠤᠤᠳᠠᠯ ᠤ᠋ᠨ ᠬᠤᠯᠠᠨИтгэл-Цуудалын Хулан
415ᠢᠲᠡᠭᠡᠯ
ᠴᠤᠤᠳᠠᠯ ᠤ᠋ᠨ ᠬᠤᠯᠠᠨ
ᠴᠠᠭᠠᠰᠢᠳᠠ᠂ ᠶᠠᠭᠤᠮᠠ ᠪᠦᠬᠦᠨ ᠳ᠋ᠦ᠍ ᠢᠲᠡᠭᠡᠯ ᠠᠯᠳᠠᠷᠠᠨᠠ
ᠴᠠᠭᠠᠨ ᠭᠡᠷᠡᠯ ᠦ᠋ᠨ ᠳ᠋ᠧᠩ ᠳ᠋ᠦ᠍ ᠡᠷᠪᠡᠬᠡᠢ ᠰᠢᠨᠤᠬᠤ ᠪᠠᠨ ᠪᠣᠯᠢᠨᠠ
ᠴᠠᠭ ᠲᠠᠭᠠᠨ ᠤᠨᠠᠳᠠᠭ ᠨᠠᠪᠴᠢ ᠭᠠᠵᠠᠷ ᠲᠤ᠌ ᠢᠲᠡᠭᠡᠬᠦ ᠪᠡᠨ ᠪᠣᠯᠢᠨᠠ
ᠴᠠᠢᠯᠭᠠᠨ᠂ ᠬᠠᠢᠯᠭᠠᠨ ᠰᠡᠳᠬᠢᠯ ᠮᠢᠨᠢ ᠬᠥᠮᠦᠨ ᠳ᠋ᠦ᠍ ᠢᠲᠡᠭᠡᠬᠦ ᠪᠡᠨ ᠪᠣᠯᠢᠨᠠ
ᠳᠡᠪᠡᠯ ᠦ᠋ᠨ ᠬᠣᠷᠮᠣᠢ ᠰᠠᠯᠬᠢᠨ ᠳ᠋ᠤ᠌ ᠳᠡᠷᠪᠡᠬᠦ ᠪᠡᠨ ᠪᠣᠯᠢᠨᠠ
ᠳᠡᠮᠡᠢ ᠶᠠᠭᠤᠮᠠᠨ ᠳ᠋ᠤ᠌ ᠪᠢ ᠬᠥᠯ ᠠᠯᠳᠠᠬᠤ ᠪᠠᠨ ᠪᠣᠯᠢᠨᠠ
ᠳᠡᠭᠡᠩ ᠳᠣᠭᠣᠩ ᠨᠢᠯᠪᠤᠰᠤ ᠲᠠᠢ ᠣᠷᠴᠢᠯᠠᠩ ᠠ᠋ᠴᠠ ᠤᠷᠢᠲᠠᠵᠤ
ᠳᠡᠩᠳᠡᠭᠦᠦ ᠵᠠᠯᠠᠭᠤ ᠨᠠᠰᠤᠨ ᠳ᠋ᠠᠭᠠᠨ ᠪᠢ ᠬᠠᠰᠢᠷ ᠰᠠᠭᠤᠨᠠ᠁
ᠲᠡᠭᠡᠪᠡᠯ
ᠡᠭᠦᠳᠡ ᠲᠦᠰᠢᠶᠡ ᠰᠠᠯᠬᠢᠨ ᠳ᠋ᠤ᠌ ᠴᠣᠬᠢᠭᠤᠯᠵᠤ
ᠦᠨᠡᠨᠴᠢ ᠪᠡᠷ ᠴᠢᠮᠠᠶ᠋ᠢ ᠬᠦᠯᠢᠶᠡᠬᠦ ᠮᠢᠨᠢ ᠡᠴᠦᠰ ᠪᠣᠯᠤᠨᠠ
ᠴᠥᠬᠥᠷᠡᠯ ᠦ᠋ᠨ ᠳᠤᠮᠳᠠ ᠠ᠋ᠴᠠ ᠢᠨᠢᠶᠡᠳᠦ ᠠᠯᠲᠠᠨ ᠤᠭᠲᠤᠵᠤ
ᠴᠥᠭᠡᠬᠡᠨ ᠬᠡᠳᠦᠨ ᠦᠭᠡᠨ ᠳ᠋ᠦ᠍ ᠴᠢᠨᠢ ᠬᠠᠭᠤᠷᠲᠠᠳᠠᠭ ᠮᠢᠨᠢ ᠥᠩᠭᠡᠷᠡᠨᠡ
ᠤᠨᠠᠬᠤ ᠳ᠋ᠤ᠌ ᠴᠢᠨᠢ ᠲᠣᠰᠳᠠᠭ ᠭᠠᠵᠠᠷ ᠦᠭᠡᠢ ᠪᠣᠯᠤᠨᠠ
ᠤᠷᠤᠭᠤᠳᠠᠬᠤ ᠳ᠋ᠤ᠌ ᠴᠢᠨᠢ ᠲᠦᠰᠢᠳᠡᠭ ᠭᠠᠷ ᠦᠭᠡᠢ ᠪᠣᠯᠤᠨᠠ
ᠢᠲᠡᠭᠡᠯ ᠢ᠋ᠶ᠋ᠡᠷ ᠮᠢᠨᠢ ᠴᠢ ᠲᠣᠭᠯᠠᠭᠰᠠᠭᠠᠷ ᠯᠠ ᠪᠠᠢᠵᠤ ᠬᠡᠮᠡᠨᠡ
ᠡᠢᠮᠦ ᠵᠠᠯᠬᠠᠭᠠᠯ ᠢ᠋ ᠪᠤᠷᠬᠠᠨ ᠠ᠋ᠴᠠ ᠪᠤᠰᠤ᠂ ᠨᠠᠳᠠ ᠠ᠋ᠴᠠ ᠴᠢ ᠬᠦᠯᠢᠶᠡᠨᠡ
ᠲᠡᠪᠡᠷᠢ ᠵᠢᠷᠭᠠᠯ᠂ ᠲᠡᠪᠡᠷᠢ ᠵᠣᠪᠠᠯᠠᠩ ᠤ᠋ᠨ ᠶᠢᠷᠲᠢᠨᠴᠦ ᠡᠷᠭᠢᠨᠡ
ᠲᠡᠩᠭᠡᠯᠢᠭ ᠨᠢ ᠬᠠᠷᠢᠨ ᠢᠲᠡᠭᠡᠯ ᠳᠡᠭᠡᠷᠡ ᠲᠣᠭᠲᠠᠨᠠ
ᠲᠩᠷᠢ ᠭᠠᠵᠠᠷ ᠤ᠋ᠨ ᠵᠠᠪᠰᠠᠷ ᠨᠠᠳᠠ ᠦᠭᠡᠢ ᠴᠢ ᠵᠣᠪᠠᠨᠠ
ᠲᠡᠷᠡᠭᠦᠨ ᠳ᠋ᠦ᠍ ᠴᠢᠨᠢ ᠪᠢ ᠬᠠᠷᠢᠨ ᠡᠷᠡᠬᠡᠢ ᠰᠢᠭ ᠢ᠋ᠶ᠋ᠡᠨ ᠢᠲᠡᠭᠡᠨᠡ!
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠤᠡ
Итгэл
Ц.Хулан
Цаашид юм бүхэнд итгэл алдарна
Цагаан дэнгийн гэрэлд эрвээхэй шунахаа болино
Цагтаа унадаг навч газарт итгэхээ болино
Цайлган хайлган сэтгэл минь хүнд итгэхээ болино
Дээлийн хормой салхинд дэрвэхээ болино
Дэмий юманд би хөл алдахаа болино
Дэгэн догон нулимастай орчлонгоос урьтаж
Дэндүү залуу насандаа би хашир сууна
Тэгвэл
Үүдэн тушаа салхинд цохиулж
Үнэнчээр чамайг хүлээх минь эцэс болно
Цөхөрлийн дундаас инээд алдан угтаж
Цөөхөн хэдэн үгэнд чинь хууртдаг минь өнгөрнө
Унахад чинь тосдог газар үгүй болно
Уруудахад чинь түших гар үгүй болно
Итгэлээр минь чи тоглосон байж гэмээнэ
Ийм залхаалыг бурхнаас бус надаас чи хүлээнэ
Тэвэр жаргал тэвэр зовлонгийн ертөнц эргэнэ
Тэнхлэг нь харин итгэл дээр тогтоно
Тэнгэр газрын завсар надгүй чи зовно
Тэрүүнд чинь би харин эрхий шигээ итгэнээ