ᠭᠤᠷᠪᠠᠨ ᠠᠯᠲᠠᠨ ᠦᠰᠦ ᠲᠡᠢ ᠴᠢᠳᠬᠥᠷГурван алтан устэй цөтгөр
300ᠭᠤᠷᠪᠠᠨ ᠠᠯᠲᠠᠨ ᠦᠰᠦ ᠲᠡᠢ ᠴᠢᠳᠬᠥᠷ
ᠰᠢᠳᠢᠲᠦ ᠦᠯᠢᠭᠡᠷ
ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠴᠠᠭ ᠲᠤ᠌ ᠵᠢᠵᠢᠭ ᠬᠣᠲᠠ ᠳ᠋ᠤ᠌ ᠠᠮᠢᠳᠤᠷᠠᠳᠠᠭ ᠨᠢᠭᠡᠨ ᠶᠠᠳᠠᠭᠤ ᠲᠠᠷᠢᠶᠠᠴᠢᠨ ᠭᠡᠷ ᠪᠦᠯᠢ ᠳ᠋ᠦ᠍ ᠠᠵᠠ ᠲᠠᠢ ᠶᠠᠪᠤᠳᠠᠯ ᠲᠣᠬᠢᠶᠠᠵᠤ ᠭᠡᠨᠡ᠃ ᠵᠡᠭᠦᠨ ᠴᠢᠬᠢᠨ ᠦ᠌ ᠪᠡᠨ ᠳᠣᠣᠷᠠ ᠬᠠᠭᠠᠨ ᠤ᠋ ᠲᠢᠲᠢᠮ ᠦ᠋ᠨ ᠠᠳᠠᠯᠢ ᠲᠡᠮᠳᠡᠭ ᠲᠡᠢ ᠪᠢᠴᠢᠬᠠᠨ ᠬᠦᠦ ᠲᠡᠢ ᠪᠣᠯᠵᠠᠢ᠃ ᠬᠦᠦ ᠶ᠋ᠢ ᠰᠠᠢᠨ ᠰᠠᠢᠬᠠᠨ ᠤ᠋ ᠪᠡᠯᠭᠡᠳᠡᠯ ᠭᠡᠮᠡᠨ ᠵᠥᠩᠨᠡᠵᠦ ᠪᠠᠢᠯᠠ᠃ ᠬᠦᠦ ᠵᠥᠪᠬᠡᠨ ᠡᠴᠢᠭᠡ ᠡᠬᠡ ᠳ᠋ᠡᠭᠡᠨ ᠪᠤᠰᠤ ᠵᠢᠵᠢᠭ ᠬᠣᠲᠠ ᠶ᠋ᠢᠨ ᠪᠦᠬᠦ ᠢᠷᠭᠡᠳ ᠲᠦ᠍ ᠠᠵᠠ᠂ᠡᠳ᠋ ᠪᠠᠶᠠᠯᠢᠭ ᠠᠪᠴᠢᠷᠠᠬᠤ ᠤᠴᠢᠷ ᠲᠠᠢ ᠪᠠᠢᠵᠠᠢ᠃ ᠬᠦᠦ ᠨᠠᠰᠤᠨ ᠳ᠋ᠤ᠌ ᠬᠦᠷᠦᠭᠡᠳ ᠬᠠᠭᠠᠨ ᠤ᠋ ᠥᠬᠢᠨ ᠲᠡᠢ ᠭᠡᠷᠯᠡᠨᠡ ᠭᠡᠮᠡᠨ ᠤᠷᠢᠳᠠ ᠠ᠋ᠴᠠ ᠵᠥᠩᠨᠡᠵᠡᠢ᠃ ᠲᠡᠳᠡ ᠬᠠᠮᠲᠤ ᠪᠠᠢᠬᠤ ᠬᠤᠪᠢ ᠲᠥᠭᠡᠷᠭᠡ ᠲᠡᠢ ᠠᠵᠢ᠃ ᠵᠠᠯᠠᠭᠤ ᠬᠣᠣᠰ ᠶᠡᠬᠡᠳᠡ ᠪᠠᠶᠠᠷᠯᠠᠵᠤ ᠪᠠᠢᠪᠠ᠃ ᠬᠠᠭᠠᠨ ᠲᠡᠷᠡ ᠬᠦᠦ ᠶ᠋ᠢᠨ ᠲᠠᠯᠠ ᠪᠠᠷ ᠣᠯᠵᠤ ᠮᠡᠳᠡᠭᠡᠳ ᠮᠠᠰᠢ ᠶᠡᠬᠡ ᠠᠭᠤᠷᠯᠠᠪᠠ᠃ᠲᠠᠷᠢᠶᠠᠴᠢᠨ ᠤ᠋ ᠬᠦᠦ ᠭᠦᠩᠵᠦ ᠥᠬᠢᠨ ᠲᠡᠢ ᠨᠢ ᠬᠤᠷᠢᠮᠯᠠᠨᠠ ᠭᠡᠳᠡᠭ ᠲᠦ᠍ ᠢᠲᠡᠭᠡᠵᠦ ᠥᠭᠬᠦ ᠦᠭᠡᠢ ᠪᠠᠢᠯᠠ᠃ ᠬᠠᠭᠠᠨ ᠴᠢᠨᠡᠭᠡᠯᠢᠭ ᠭᠠᠵᠠᠷ ᠤ᠋ᠨ ᠡᠵᠡᠨ ᠦ᠌ ᠳᠦᠷᠢ ᠳ᠋ᠦ᠍ ᠬᠤᠪᠢᠷᠠᠨ ᠲᠠᠷᠢᠶᠠᠴᠢᠨ ᠤ᠋ ᠭᠡᠷ ᠲᠦ᠍ ᠣᠴᠢᠵᠠᠢ᠂ᠬᠡᠦᠬᠡᠳ ᠦᠭᠡᠢ ᠭᠡᠵᠦ ᠬᠤᠳᠠᠯ ᠬᠡᠯᠡᠵᠦ ᠴᠣᠷ ᠭᠠᠭᠴᠠ ᠬᠦᠦ ᠪᠡᠨ ᠥᠭᠪᠡᠯ ᠬᠠᠷᠢᠭᠤ ᠳ᠋ᠤᠨᠢ ᠲᠡᠳᠡᠨ ᠳ᠋ᠦ᠍ ᠬᠣᠶᠠᠷ ᠪᠣᠭᠴᠣ ᠳᠦᠭᠦᠷᠡᠩ ᠠᠯᠲᠠ ᠪᠡᠯᠭᠡᠯᠡᠶᠡ ᠭᠡᠪᠡ᠃ᠵᠠᠯᠠᠭᠤ ᠬᠣᠣᠰ ᠰᠠᠨᠠᠯ ᠢ᠋ ᠨᠢ ᠪᠣᠳᠣᠵᠤ ᠦᠵᠡᠪᠡ᠂ᠤᠯᠠᠮ ᠢ᠋ᠶ᠋ᠠᠷ ᠲᠡᠳᠡ ᠠᠯᠲᠠ ᠠᠪᠬᠤ ᠠ᠋ᠴᠠ ᠲᠠᠲᠠᠭᠠᠯᠵᠠᠭᠰᠠᠨ ᠴᠤ᠌ ᠬᠦᠦ ᠪᠡᠨ ᠲᠡᠭᠦᠨ ᠳ᠋ᠦ᠍ ᠥᠭᠬᠦ ᠪᠡᠷ ᠪᠣᠯᠪᠠ ᠭᠡᠨᠡ᠃ᠮᠠᠰᠢ ᠶᠠᠳᠠᠭᠤ ᠠᠮᠢᠳᠤᠷᠠᠯ ᠲᠠᠢ ᠪᠠᠢᠭᠰᠠᠨ ᠤᠴᠢᠷ ᠬᠦᠦ ᠪᠡᠨ ᠲᠡᠵᠢᠭᠡᠵᠦ ᠬᠦᠰᠡᠭᠰᠡᠨ ᠵᠦᠢᠯ ᠢ᠋ ᠨᠢ ᠥᠭᠴᠦ ᠴᠢᠳᠠᠬᠤ ᠦᠭᠡᠢ ᠭᠡᠳᠡᠭ ᠢ᠋ᠶ᠋ᠡᠨ ᠮᠡᠳᠡᠵᠦ ᠪᠠᠢᠪᠠ᠃ᠬᠠᠭᠠᠨ ᠬᠦᠦ ᠶ᠋ᠢ ᠠᠪᠴᠤ ᠶᠠᠪᠤᠨ ᠬᠣᠲᠠ ᠠ᠋ᠴᠠ ᠭᠠᠷᠭᠠᠬᠤ ᠭᠡᠵᠦ ᠪᠣᠢ ᠲᠡᠷᠭᠡᠨ ᠳ᠋ᠦ᠍ ᠨᠢᠭᠤᠴᠠ ᠪᠠᠷ ᠬᠢᠵᠡᠢ᠃ ᠬᠠᠭᠠᠨ ᠲᠡᠷᠡ ᠬᠦᠦ ᠶ᠋ᠢ ᠥᠬᠢᠨ ᠡᠴᠡ ᠪᠡᠨ ᠬᠣᠯᠠᠳᠠᠭᠤᠯᠬᠤ ᠶ᠋ᠢ ᠬᠦᠰᠡᠵᠦ ᠭᠡᠨᠡ᠃ ᠲᠡᠷᠡ ᠰᠠᠯᠬᠢ ᠲᠠᠢ ᠣᠷᠣᠢ ᠬᠠᠭᠠᠨ ᠤᠷᠢᠳᠠ ᠠ᠋ᠴᠠ ᠵᠥᠩᠨᠡᠭᠰᠡᠨ ᠬᠤᠪᠢ ᠲᠥᠭᠡᠷᠭᠡ ᠶ᠋ᠢ ᠥᠭᠡᠷᠡᠴᠢᠯᠡᠵᠦ ᠴᠢᠳᠠᠭᠰᠠᠨ ᠭᠡᠮᠡᠨ ᠪᠣᠳᠣᠵᠤ ᠰᠠᠭᠤᠯᠠ᠂ᠲᠡᠭᠡᠬᠦ ᠳ᠋ᠡᠭᠡᠨ ᠲᠡᠢᠮᠦ ᠪᠢᠰᠢ ᠪᠠᠢᠯᠠ᠃ ᠬᠠᠭᠠᠨ ᠶᠠᠪᠤᠭᠠᠳ ᠤᠳᠠᠭᠠ ᠦᠭᠡᠢ ᠪᠠᠢᠲᠠᠯᠠ ᠬᠦᠦ ᠶ᠋ᠢ ᠨᠢᠭᠡᠨ ᠳᠠᠷᠤᠤ ᠡᠷᠡ ᠣᠯᠪᠠ ᠭᠡᠨᠡ᠃
ᠵᠠᠯᠠᠭᠤ ᠡᠷᠡ ᠲᠡᠭᠦᠨ ᠦ᠌ ᠡᠬᠡᠨᠡᠷ ᠬᠣᠶᠠᠷ ᠬᠡᠦᠬᠡᠳ ᠦᠭᠡᠢ ᠪᠠᠢᠵᠠᠢ᠃ᠲᠡᠳᠡ ᠬᠦᠦ ᠶ᠋ᠢ ᠯᠢ ᠣ ᠭᠡᠵᠦ ᠨᠡᠷᠡᠯᠡᠨ ᠥᠪᠡᠷᠰᠡᠳ ᠦ᠋ᠨ ᠲᠥᠷᠥᠭᠰᠡᠨ ᠬᠦᠦ ᠠᠳᠠᠯᠢ ᠥᠰᠬᠡᠵᠦ ᠬᠥᠮᠦᠵᠢᠭᠦᠯᠬᠦ ᠪᠡᠷ ᠰᠢᠢᠳᠪᠡ ᠭᠡᠨᠡ᠃ᠣᠯᠠᠨ ᠵᠢᠯ ᠥᠩᠭᠡᠷᠡᠵᠦ ᠯᠢ ᠣ ᠵᠠᠯᠠᠭᠤ ᠬᠦᠦ ᠪᠣᠯᠤᠨ ᠥᠰᠴᠦ ᠲᠣᠷᠨᠢᠵᠠᠢ᠃ᠨᠢᠭᠡ ᠤᠳᠠᠭᠠ ᠯᠢ ᠣ ᠣᠢ ᠪᠠᠷ ᠶᠠᠪᠤᠵᠤ ᠪᠠᠢᠲᠠᠯᠠ ᠄《ᠥᠷᠥᠰᠢᠶᠡᠭᠡᠷᠡᠢ ᠡᠷᠬᠢᠮ ᠠ᠋᠂ ᠬᠤᠺᠢᠱ ᠬᠣᠲᠠ ᠳ᠋ᠤ᠌ ᠣᠴᠢᠬᠤ ᠵᠠᠮ ᠢ᠋ ᠲᠠ ᠮᠡᠳᠡᠬᠦ ᠦᠭᠡᠢ ᠪᠢᠵᠡ?》᠂《ᠠ ᠠᠮᠠᠷᠬᠠᠨ᠂ ᠲᠡᠨᠳᠡ ᠪᠠᠢᠭᠠ ᠬᠣᠵᠢᠭᠢᠷ ᠮᠣᠳᠣᠨ ᠳ᠋ᠤ᠌ ᠲᠤᠯᠤᠭᠠᠳ ᠲᠡᠭᠡᠭᠡᠳ ᠵᠡᠭᠦᠨ ᠡᠷᠭᠢᠭᠡᠷᠡᠢ 》᠂《ᠦᠭᠡᠢ᠂ ᠪᠠᠢᠵᠤ ᠪᠣᠯᠤᠮᠠ ᠦᠭᠡᠢ ᠶᠦ᠍ᠮ ᠠ᠋᠂ ᠪᠢ ᠲᠡᠭᠦᠨ ᠢ᠋ ᠬᠣᠯᠠ ᠶᠠᠪᠤᠭᠤᠯᠤᠭᠰᠠᠨ ᠰᠢᠲᠠ᠂ ᠬᠦᠦ ᠨᠠᠰᠤ ᠪᠡᠶᠡ ᠭᠦᠢᠴᠡᠭᠡᠳ ᠬᠠᠭᠠᠨ ᠤ᠋ ᠥᠬᠢᠨ ᠲᠡᠢ ᠭᠡᠷᠯᠡᠬᠦ ᠤᠴᠢᠷ ᠲᠠᠢ》᠂《ᠦᠭᠡᠢ ᠰᠢᠦ᠂ ᠪᠢ ᠲᠡᠭᠦᠨ ᠢ᠋ ᠬᠡᠵᠢᠶᠡ ᠴᠦ᠍ ᠥᠬᠢᠨ ᠲᠡᠢ ᠪᠡᠨ ᠭᠡᠷᠯᠡᠭᠦᠯᠬᠦ ᠦᠭᠡᠢ᠂ ᠪᠢ ᠶᠠᠭᠠᠬᠢᠪᠠᠯ ᠳᠡᠭᠡᠷᠡ ᠪᠣᠢ᠂ ᠭᠦᠯᠸ᠂ ᠨᠠᠳᠠᠳᠤ ᠰᠠᠢᠬᠠᠨ ᠰᠠᠨᠠᠭᠠ ᠲᠥᠷᠥᠯᠡ 》᠂《ᠠ ᠠ ᠠ ᠰᠣᠨᠣᠰ ᠵᠠᠯᠠᠭᠤ ᠡᠷᠡ ᠮᠢᠨᠢ᠂ ᠪᠢ ᠣᠷᠳᠣᠨ ᠳ᠋ᠤ᠌ ᠦᠯᠡᠳᠡᠭᠰᠡᠨ ᠬᠠᠲᠤᠨ ᠬᠠᠭᠠᠨ ᠳ᠋ᠤ᠌ ᠶᠠᠭᠠᠷᠠᠯᠲᠠᠢ ᠵᠠᠬᠢᠶᠠ ᠬᠦᠷᠭᠡᠭᠦᠯᠬᠦ ᠬᠡᠷᠡᠭᠲᠡᠢ ᠪᠠᠢᠨᠠ᠂ ᠴᠢ ᠨᠠᠳᠠ ᠳ᠋ᠤ᠌ ᠲᠤᠰᠠᠯᠠᠬᠤ ᠤᠤ? ᠮᠠᠰᠢ ᠴᠢᠬᠤᠯᠠ ᠵᠠᠬᠢᠶᠠ ᠪᠠᠢᠭᠠ ᠶᠤᠮ᠂ ᠪᠠᠰᠠ ᠵᠠᠬᠢᠶᠠ ᠶ᠋ᠢ ᠨᠡᠭᠡᠭᠡᠵᠦ ᠪᠣᠯᠬᠤ ᠦᠭᠡᠢ ᠰᠢᠦ᠂ ᠣᠢᠯᠠᠭᠠᠪᠠ ᠤᠤ?》᠂《ᠠ ᠣᠢᠯᠠᠭᠠᠯᠠ, ᠡᠷᠬᠢᠮ ᠳᠡᠭᠡᠳᠦᠰ ᠮᠢᠨᠢ ᠲᠣᠭᠳᠣᠢ ᠶ᠋ᠢ ᠨᠡᠭᠡᠭᠡᠬᠦ ᠦᠭᠡᠢ ᠭᠡᠵᠦ ᠠᠮᠠᠯᠠᠶᠠ᠂ ᠪᠢ ᠶᠠᠭ ᠣᠳᠣ ᠵᠠᠮ ᠳ᠋ᠠᠭᠠᠨ ᠭᠠᠷᠤᠭᠰᠠᠨ ᠨᠢ ᠳᠡᠭᠡᠷᠡ ᠪᠠᠢᠬᠠ 》 《ᠵᠠ ᠲᠡᠭᠡ ᠠ᠋᠂ ᠪᠣᠰᠢᠭᠣ ᠵᠠᠮ ᠳ᠋ᠤ᠌ ᠪᠠᠨ ᠭᠠᠷ᠂ ᠴᠢ ᠬᠤᠷᠳᠤᠨ ᠣᠴᠢᠬᠤ ᠲᠣᠰᠤᠮ ᠬᠤᠪᠢ ᠲᠠᠪᠢᠯᠠᠩ ᠲᠠᠢ ᠪᠠᠨ ᠡᠷᠲᠡ ᠨᠢᠭᠤᠷ ᠲᠤᠯᠤᠨᠠ ᠰᠢᠦ ᠳᠡ᠂ ᠬᠠ ᠬᠠ ᠬᠠ ᠬᠠ》 ᠯᠢ ᠣ ᠠᠶᠠᠨ ᠵᠠᠮ ᠳ᠋ᠠᠭᠠᠨ ᠭᠠᠷᠤᠯᠠ᠂ ᠠᠳᠠᠯ ᠶᠠᠪᠤᠳᠠᠯ ᠳᠥᠩᠭᠡᠵᠢ ᠡᠬᠢᠯᠡᠵᠦ ᠪᠠᠢᠭᠠ ᠶ᠋ᠢ ᠣᠭᠲᠣᠬᠠᠨ ᠴᠤ᠌ ᠭᠠᠳᠠᠷᠯᠠᠭᠠ ᠦᠭᠡᠢ ᠪᠠᠢᠯᠠ᠃
ᠣᠯᠠᠨ ᠴᠠᠭ ᠲᠠᠰᠤᠷᠠᠯᠲᠠ ᠦᠭᠡᠢ ᠳᠠᠪᠬᠢᠪᠠ᠃ᠬᠡᠳᠦᠬᠡᠨ ᠮᠢᠨᠦ᠋ᠲ ᠳᠠᠪᠬᠢᠭᠠᠳ ᠯᠠ ᠣᠷᠳᠣᠨ ᠳ᠋ᠤ᠌ ᠬᠦᠷᠬᠦ ᠪᠠᠢᠯᠠ᠃ ᠭᠡᠲᠡᠯᠡ ᠭᠡᠨᠡᠳᠲᠡ ᠨᠢᠭᠡᠨ ᠮᠣᠭᠠᠢ ᠮᠣᠷᠢᠨ ᠤ᠋ ᠬᠢᠨᠢ ᠤᠷᠲᠤ ᠭᠠᠷᠴᠤ ᠢᠷᠡᠪᠡ᠂ ᠪᠸᠯᠡᠢ ᠲᠠᠢᠪᠤᠰᠢᠷᠠ᠂ ᠴᠢ ᠬᠠᠮᠢᠭᠠᠰᠢ ᠪᠠᠨ ᠶᠠᠪᠤᠭᠠᠳ ᠪᠠᠢᠭᠠ ᠶᠤᠮ ᠪᠣᠢ? ᠪᠸᠯᠡᠢ ᠵᠣᠭᠰᠣ᠂ ᠮᠣᠷᠢ ᠵᠣᠭᠰᠣᠬᠤ ᠳ᠋ᠤ᠌ ᠯᠢ ᠣ ᠬᠠᠭᠠᠨ ᠤ᠋ ᠣᠷᠳᠣᠨ ᠠ᠋ᠴᠠ ᠶᠡᠬᠡᠳᠡ ᠬᠣᠯᠠᠳᠤᠨ ᠣᠢ ᠶ᠋ᠢᠨ ᠭᠦᠨ ᠳ᠋ᠦ᠍ ᠣᠷᠣᠭᠰᠠᠨ ᠪᠠᠢᠯᠠ᠃ ᠠᠵᠠ ᠪᠣᠯᠵᠤ ᠯᠢ ᠣ ᠵᠢᠵᠢᠭ ᠪᠠᠢᠰᠢᠩ ᠣᠯᠵᠤ ᠬᠠᠷᠠᠯᠠ᠃ᠮᠣᠷᠢᠨ ᠠ᠋ᠴᠠ ᠪᠠᠨ ᠪᠠᠭᠤᠨ ᠮᠣᠳᠣᠨ ᠬᠠᠭᠠᠯᠭᠠ ᠶ᠋ᠢ ᠲᠣᠭᠰᠢᠯᠠ᠃ 《ᠰᠠᠢᠨ ᠤᠤ? ᠨᠠᠮᠠ ᠶ᠋ᠢ ᠯᠢ ᠣ ᠭᠡᠳᠡᠭ᠂ ᠪᠢ ᠬᠠᠭᠠᠨ ᠤ᠋ ᠴᠢᠬᠤᠯᠠ ᠵᠠᠬᠢᠶᠠ ᠶ᠋ᠢ ᠣᠷᠳᠣᠨ ᠳ᠋ᠤ᠌ ᠬᠦᠷᠭᠡᠵᠦ ᠥᠭᠬᠦ ᠪᠡᠷ ᠶᠠᠪᠤᠵᠤ ᠪᠠᠢᠭᠰᠠᠨ ᠴᠤ᠌ ᠵᠠᠮ ᠠ᠋ᠴᠠ ᠪᠠᠨ ᠲᠥᠭᠡᠷᠢᠴᠢᠬᠡᠯᠡ ᠯᠡ ᠳᠡ᠂ ᠥᠨᠥᠳᠥᠷ ᠪᠢ ᠲᠠᠨ ᠤ᠋ ᠳ᠋ᠤ᠌ ᠬᠣᠨᠣᠭᠯᠠᠵᠤ ᠪᠣᠯᠬᠤ ᠪᠣᠯᠪᠠ ᠤᠤ?》 《ᠴᠢ ᠨᠠᠮᠠ ᠶ᠋ᠢ ᠬᠡᠨ ᠭᠡᠳᠡᠭ ᠢ᠋ ᠮᠡᠳᠡᠳᠡᠭ ᠦᠭᠡᠢ ᠪᠣᠯᠤᠯᠲᠠᠢ》《ᠦ ᠪᠢ ᠮᠡᠳᠡᠨᠡ᠂ ᠲᠠ ᠪᠣᠯ ᠦᠯᠡᠮᠵᠢ ᠪᠡᠶᠡᠲᠦ᠂ ᠬᠣᠲᠠ ᠶ᠋ᠢᠨ ᠢᠷᠭᠡᠳ ᠲᠠᠨ ᠠ᠋ᠴᠠ ᠶᠡᠬᠡ ᠠᠶᠤᠳᠠᠭ᠂ ᠲᠡᠳᠡ ᠲᠠᠨ ᠢ᠋ ᠪᠠᠢᠰᠢᠩ ᠤ᠋ᠳ ᠢ᠋ ᠳᠡᠭᠡᠷᠡᠮᠳᠡᠳᠡᠭ ᠭᠡᠵᠦ ᠭᠡᠯᠴᠡᠳᠡᠭ᠂ ᠬᠠᠮᠤᠭ ᠤ᠋ᠨ ᠬᠥᠭᠵᠢᠯ ᠲᠡᠢ ᠨᠢ ᠠᠯᠢ ᠪᠠᠢᠰᠢᠩ ᠢ᠋ ᠲᠠ ᠳᠡᠭᠡᠷᠡᠮᠳᠡᠭᠰᠡᠨ ᠢ᠋ ᠲᠡᠳᠡ ᠮᠡᠳᠡᠳᠡᠭ ᠦᠭᠡᠢ ᠰᠢᠦ ᠳᠡ 》《ᠤᠴᠢᠷ ᠨᠢ ᠪᠢ ᠣᠭᠲᠣᠬᠠᠨ ᠴᠤ᠌ ᠲᠡᠭᠡᠵᠦ ᠪᠠᠢᠭᠠ ᠦᠭᠡᠢ᠂ ᠨᠠᠮᠠ ᠶ᠋ᠢ ᠶᠠᠭᠤ ᠴᠤ᠌ ᠬᠡᠯᠡᠯᠡ ᠭᠡᠰᠡᠨ ᠬᠥᠮᠦᠰ ᠨᠠᠳᠠᠳᠤ ᠢᠲᠡᠭᠡᠳᠡᠭ ᠦᠭᠡᠢ᠂ ᠲᠡᠳᠡ ᠮᠢᠨᠦ ᠭᠠᠳᠠᠨᠠᠬᠢ ᠲᠥᠷᠬᠦ ᠡᠴᠡ ᠠᠶᠤᠳᠠᠭ ᠤᠴᠢᠷ ᠠ᠋ᠴᠠ ᠲᠡᠷᠡ ᠪᠠᠢᠬᠠ ᠯᠠ ᠳᠠ᠂ ᠭᠡᠬᠦ ᠳ᠋ᠡᠭᠡᠨ ᠴᠢ ᠶᠠᠭᠠᠬᠢᠭᠠᠳ ᠨᠠᠳᠠ ᠠ᠋ᠴᠠ ᠠᠶᠤᠬᠤ ᠦᠭᠡᠢ ᠪᠠᠢᠭᠠ ᠶᠤᠮ ᠪᠣᠢ?》᠂《ᠪᠢ ᠬᠥᠮᠦᠰ ᠢ᠋ ᠬᠠᠢᠷᠠᠯᠠᠵᠤ ᠬᠦᠨᠳᠦᠯᠡᠳᠡᠭ ᠴᠦ᠍ ᠲᠡᠳᠡᠨ ᠦ᠌ ᠬᠡᠯᠡᠭᠰᠡᠨ ᠪᠣᠯᠭᠠᠨ ᠳ᠋ᠤ᠌ ᠢᠲᠡᠭᠡᠭᠡᠳ ᠪᠠᠢᠳᠠᠭ ᠦᠭᠡᠢ ᠯᠡ ᠳᠡ᠂ᠬᠥᠮᠦᠰ ᠮᠡᠳᠡᠬᠦ ᠴᠦ᠍ ᠦᠭᠡᠢ ᠵᠦᠢᠯ ᠦ᠋ᠨ ᠢ᠋ᠶ᠋ᠡᠨ ᠲᠤᠬᠠᠢ ᠶᠠᠷᠢᠳᠠᠭ ᠰᠢᠦ ᠳᠡ᠂ ᠭᠡᠲᠡᠯᠡ ᠲᠠ ᠲᠠᠨᠢᠬᠤ ᠦᠭᠡᠢ ᠬᠥᠮᠦᠨ ᠢ᠋ ᠭᠡᠷ ᠲᠡᠭᠡᠨ ᠬᠣᠨᠣᠭᠤᠯᠵᠤ ᠪᠠᠢᠨᠠ ᠲᠡᠢᠮᠦ ᠪᠢᠰᠢ ᠭᠡᠵᠦ ᠤᠤ? ᠪᠢ ᠲᠠᠨ ᠢ᠋ ᠰᠠᠢᠬᠠᠨ ᠰᠡᠳᠬᠢᠯ ᠲᠡᠢ ᠭᠡᠵᠦ ᠪᠣᠳᠣᠵᠤ ᠪᠠᠢᠨᠠ》 ᠦᠯᠡᠮᠵᠢ ᠪᠡᠶᠡᠲᠦ ᠭᠠᠢᠬᠠᠵᠤ ᠣᠷᠬᠢᠪᠠ᠂ ᠡᠨᠡ ᠣᠯᠠᠨ ᠵᠢᠯ ᠦ᠋ᠨ ᠲᠤᠷᠰᠢ ᠬᠡᠨ ᠴᠦ᠍ ᠲᠡᠭᠦᠨ ᠳ᠋ᠦ᠍ ᠡᠢᠮᠦ ᠰᠠᠢᠬᠠᠨ ᠬᠠᠨᠳᠤᠵᠤ ᠪᠠᠢᠭᠠ ᠦᠭᠡᠢ ᠶᠦ᠍ᠮ᠃
ᠯᠢ ᠣ ᠬᠣᠭᠣᠯᠠ ᠪᠠᠨ ᠢᠳᠡᠵᠦ ᠳᠠᠭᠤᠰᠬᠠᠭᠠᠳ ᠰᠢᠭᠤᠳ ᠤᠨᠲᠠᠵᠠᠢ᠃ ᠦᠯᠡᠮᠵᠢ ᠪᠡᠶᠡᠲᠦ ᠳ᠋ᠦ᠍ ᠡᠩ ᠦ᠋ᠨ ᠨᠢᠭᠡᠨ ᠢᠷᠭᠡᠨ ᠬᠠᠭᠠᠨ ᠤ᠋ ᠴᠢᠬᠤᠯᠠ ᠵᠠᠬᠢᠶᠠ ᠶ᠋ᠢ ᠬᠦᠷᠭᠡᠵᠦ ᠶᠠᠪᠤᠭᠠ ᠨᠢ ᠰᠡᠵᠢᠭᠯᠡᠯᠲᠡᠢ ᠰᠠᠨᠠᠭᠳᠠᠪᠠ᠃ ᠯᠢ ᠣ ᠶ᠋ᠢᠨ ᠬᠦᠷᠮᠡᠨ ᠳ᠋ᠦ᠍ ᠪᠠᠢᠭᠠ ᠲᠣᠭᠳᠣᠢ ᠶ᠋ᠢ ᠣᠯᠵᠤ ᠬᠠᠷᠠᠪᠠ ᠭᠡᠨᠡ᠃ᠰᠣᠨᠢᠭᠤᠴᠢ ᠵᠠᠩ ᠳ᠋ᠠᠭᠠᠨ ᠬᠥᠲᠥᠯᠦᠭᠳᠡᠨ ᠲᠣᠭᠳᠣᠢ ᠶ᠋ᠢ ᠨᠡᠭᠡᠭᠡᠬᠦ ᠪᠡᠷ ᠰᠢᠢᠳᠴᠡᠢ᠃ 《ᠡᠨᠡ ᠵᠠᠬᠢᠶᠠ ᠶ᠋ᠢ ᠠᠪᠴᠢᠷᠠᠭᠰᠠᠨ ᠬᠥᠮᠦᠨ ᠨᠠᠰᠤᠨ ᠲᠤᠷᠰᠢ ᠳ᠋ᠠᠭᠠᠨ ᠭᠠᠵᠠᠷ ᠳᠣᠣᠷᠠᠬᠢ ᠭᠢᠨᠳᠠᠨ ᠳ᠋ᠤ᠌ ᠬᠣᠷᠢᠭᠳᠠᠬᠤ ᠶᠣᠰᠣᠲᠠᠢ᠂ ᠬᠠᠭᠠᠨ ᠶᠠᠭᠠᠬᠢᠭᠠᠳ ᠡᠢᠮᠦ ᠵᠦᠢᠯ ᠬᠦᠰᠡᠳᠡᠭ ᠪᠢᠯᠡ᠂ ᠬᠠᠭᠠᠨ ᠦᠨᠡᠬᠡᠷ ᠮᠠᠭᠤ ᠬᠥᠮᠦᠨ ᠶᠦ᠍ᠮ᠂ ᠯᠢ ᠣ ᠱᠣᠷᠣᠩ ᠳ᠋ᠤ᠌ ᠬᠣᠷᠢᠭᠳᠠᠬᠤ ᠶᠣᠰᠣ ᠦᠭᠡᠢ᠃》 ᠦᠯᠡᠮᠵᠢ ᠪᠡᠶᠡᠲᠦ ᠵᠠᠬᠢᠶᠠ ᠶ᠋ᠢ ᠤᠷᠠᠯᠠ᠂᠂ᠲᠡᠷᠡ ᠴᠠᠭᠠᠰᠤ ᠭᠠᠷᠭᠠᠨ ᠰᠢᠨᠡ ᠪᠡᠷ ᠵᠠᠬᠢᠶᠠ ᠪᠢᠴᠢᠵᠦ ᠬᠠᠭᠠᠨ ᠤ᠋ ᠲᠣᠭᠳᠣᠢ ᠳ᠋ᠤ᠌ ᠬᠢᠭᠡᠳ ᠲᠣᠭᠳᠣᠢ ᠶ᠋ᠢ ᠪᠠᠢᠭᠰᠠᠨ ᠭᠠᠵᠠᠷ ᠲᠤ᠌ ᠨᠢ ᠲᠠᠯᠪᠢᠪᠠ ᠭᠡᠨᠡ᠃ ᠮᠠᠷᠭᠠᠰᠢ ᠯᠢ ᠣ ᠵᠠᠬᠢᠶᠠ ᠪᠠᠨ ᠬᠠᠭᠠᠨ ᠤ᠋ ᠣᠷᠳᠣᠨ ᠳ᠋ᠤ᠌ ᠠᠪᠴᠤ ᠣᠴᠢᠲᠠᠯᠠ᠄《ᠡᠨᠡ ᠵᠠᠬᠢᠶᠠ ᠶ᠋ᠢ ᠠᠪᠴᠢᠷᠠᠭᠰᠠᠨ ᠬᠥᠮᠦᠨ ᠢ᠋ ᠨᠡᠩ ᠳᠠᠷᠤᠢ ᠭᠦᠩᠵᠦ ᠲᠡᠢ ᠭᠡᠷᠯᠡᠭᠦᠯ᠂ ᠪᠡᠢᠯᠸ ᠭᠦᠩᠵᠦ ᠶ᠋ᠢ ᠳᠠᠭᠤᠳᠠᠨᠠ ᠤᠤ?》 《ᠪᠡᠢᠯᠸ᠂ ᠬᠠᠭᠠᠨ ᠡᠴᠢᠭᠡ ᠴᠢᠨᠢ ᠴᠢᠮᠠ ᠶ᠋ᠢ ᠡᠨᠡ ᠵᠠᠯᠠᠭᠤ ᠡᠷᠡ ᠲᠡᠢ ᠭᠡᠷᠯᠡᠭᠦᠯᠬᠦ ᠶ᠋ᠢ ᠬᠦᠰᠡᠵᠦ ᠴᠢ ᠵᠥᠪᠰᠢᠶᠡᠷᠡᠵᠦ ᠪᠠᠢᠨᠠ ᠤᠤ? 》ᠬᠤᠪᠢ ᠲᠠᠪᠢᠯᠠᠩ ᠪᠡᠶᠡᠯᠡᠯ ᠢ᠋ᠶ᠋ᠡᠨ ᠣᠯᠪᠠ᠃ ᠯᠢ ᠣ ᠪᠡᠢᠯᠸ ᠬᠣᠶᠠᠷ ᠠᠩᠬᠠᠨ ᠤ᠋ ᠬᠠᠷᠠᠴᠠ ᠪᠠᠷ ᠪᠡᠶᠡ ᠪᠠᠶᠠᠨ ᠳ᠋ᠠᠭᠠᠨ ᠳᠤᠷᠠᠯᠠᠵᠠᠢ᠃ 《ᠪᠢ ᠲᠡᠭᠦᠨ ᠲᠡᠢ ᠭᠡᠷᠯᠡᠮᠡᠷ ᠪᠠᠢᠨᠠ᠂ ᠡᠵᠢ ᠠ᠋》 ᠬᠠᠲᠤᠨ ᠬᠠᠭᠠᠨ ᠶᠡᠬᠡᠳᠡ ᠪᠠᠶᠠᠷᠯᠠᠪᠠ᠃ ᠲᠡᠷᠡ ᠡᠳᠦᠷ ᠢ᠋ᠶ᠋ᠡᠨ ᠵᠠᠯᠠᠭᠤ ᠬᠣᠣᠰ ᠤ᠋ᠳ ᠬᠤᠷᠢᠮ ᠢ᠋ᠶ᠋ᠠᠨ ᠬᠢᠯᠡ᠃
ᠯᠢ ᠣ᠂ ᠪᠡᠢᠯᠸ ᠬᠣᠶᠠᠷ ᠵᠢᠷᠭᠠᠯ ᠲᠠᠢ ᠪᠠᠢᠭᠰᠠᠨ ᠴᠤ᠌ ᠤᠳᠠᠭᠠᠨ ᠦᠷᠭᠦᠯᠵᠢᠯᠡᠭᠰᠡᠨ ᠦᠭᠡᠢ᠃ ᠬᠠᠭᠠᠨ ᠪᠤᠴᠠᠵᠤ ᠢᠷᠡᠨ ᠪᠣᠯᠤᠭᠰᠠᠨ ᠶᠠᠪᠤᠳᠠᠯ ᠢ᠋ ᠰᠣᠨᠣᠰᠤᠭᠠᠳ ᠮᠠᠰᠢ ᠶᠡᠬᠡ ᠠᠭᠤᠷᠯᠠᠵᠤ ᠭᠡᠨᠡ᠂ᠭᠡᠪᠡᠴᠦ ᠬᠡᠲᠦᠷᠬᠡᠢ ᠣᠷᠣᠢᠲᠠᠭᠰᠠᠨ ᠪᠠᠢᠪᠠ᠃ ᠯᠢ ᠣ ᠬᠠᠨ ᠬᠦᠦ ᠪᠣᠯᠵᠠᠢ᠃ ᠬᠠᠭᠠᠨ ᠬᠦᠷᠭᠡᠨ ᠬᠦᠦ ᠪᠡᠨ ᠭᠢᠨᠳᠠᠨ ᠳ᠋ᠤ᠌ ᠬᠣᠷᠢᠬᠤ ᠪᠣᠯᠤᠮᠵᠢ ᠦᠭᠡᠢ ᠪᠠᠢᠯᠠ᠃ᠬᠠᠭᠠᠨ ᠥᠭᠡᠷᠡ ᠲᠥᠯᠥᠪᠯᠡᠭᠡ ᠪᠣᠳᠣᠵᠤ ᠣᠯᠤᠯᠠ᠃《ᠦ ᠮᠢᠨᠦ ᠵᠢᠷᠦᠬᠡ ᠡᠮᠲᠡᠷᠡᠵᠦ ᠪᠠᠢᠨᠠ᠂ ᠪᠢ ᠡᠭᠦᠨ ᠢ᠋ ᠴᠢᠮᠠ ᠳ᠋ᠤ᠌ ᠠᠯᠢ ᠡᠷᠲᠡ ᠬᠡᠯᠡᠬᠦ ᠶᠣᠰᠣᠲᠠᠢ ᠪᠠᠢᠵᠠᠢ᠂ ᠭᠦᠩᠵᠦ ᠬᠤᠷᠢᠮ ᠢ᠋ᠶ᠋ᠠᠨ ᠬᠢᠭᠰᠡᠨ ᠡᠴᠡ ᠬᠣᠢᠰᠢ ᠳᠣᠯᠣᠭᠠᠨ ᠡᠳᠦᠷ ᠦ᠋ᠨ ᠳᠠᠷᠠᠭᠠ ᠦᠬᠦᠬᠦ ᠬᠠᠷᠢᠶᠠᠯ ᠳ᠋ᠤ᠌ ᠥᠷᠲᠥᠭᠰᠡᠨ᠂ ᠴᠣᠷ ᠭᠠᠭᠴᠠ ᠵᠦᠢᠯ ᠥᠬᠢᠨ ᠢ᠋ ᠮᠢᠨᠢ ᠡᠨᠡ ᠬᠠᠷᠢᠶᠠᠯ ᠠ᠋ᠴᠠ ᠠᠪᠤᠷᠠᠵᠤ ᠴᠢᠳᠠᠨᠠ᠂ ᠴᠢᠳᠬᠥᠷ ᠦ᠋ᠨ ᠭᠤᠷᠪᠠᠨ ᠠᠯᠲᠠᠨ ᠦᠰᠦ᠂ ᠪᠢ ᠴᠢᠮᠠ ᠶ᠋ᠢ ᠶᠠᠪᠤ ᠭᠡᠵᠦ ᠬᠦᠴᠦᠯᠡᠬᠦ ᠦᠭᠡᠢ》 《ᠪᠢ ᠶᠠᠪᠤᠨᠠ᠂ ᠡᠬᠡᠨᠡᠷ ᠲᠦ᠍ ᠮᠢᠨᠢ ᠮᠠᠭᠤ ᠵᠦᠢᠯ ᠲᠣᠬᠢᠶᠠᠯᠳᠤᠬᠤ ᠶ᠋ᠢ ᠪᠢ ᠵᠥᠪᠰᠢᠶᠡᠷᠡᠬᠦ ᠦᠭᠡᠢ》《ᠬᠡ ᠬᠡ ᠬᠡ ᠬᠠ ᠬᠠ ᠬᠠ ᠬᠠ》 ᠯᠢ ᠣ ᠡᠬᠡᠨᠡᠷ ᠲᠡᠢ ᠪᠡᠨ ᠰᠠᠯᠬᠤ ᠶᠣᠰᠣ ᠬᠢᠵᠦ ᠭᠠᠷ ᠢ᠋ᠶ᠋ᠠᠨ ᠳᠠᠯᠠᠯᠤᠯᠠ᠃ ᠴᠢᠳᠬᠥᠷ ᠤᠷᠤᠭᠤ ᠣᠴᠢᠬᠤ ᠵᠠᠮ ᠳ᠋ᠤ᠌ ᠨᠢ ᠲᠣᠮᠣ ᠬᠣᠲᠠ ᠲᠠᠭᠠᠷᠠᠪᠠ ᠭᠡᠨᠡ᠃ ᠯᠢ ᠣ ᠬᠣᠲᠠ ᠤᠷᠤᠭᠤ ᠣᠷᠣᠬᠤ ᠪᠠᠷ ᠣᠷᠣᠯᠳᠣᠭᠰᠠᠨ ᠪᠣᠯᠪᠠᠴᠤ ᠡᠭᠦᠳᠡᠨ ᠦ᠌ ᠬᠠᠷᠠᠭᠤᠯ ᠲᠡᠭᠦᠨ ᠢ᠋ ᠵᠣᠭᠰᠣᠭᠠᠨ᠄《ᠴᠢ ᠣᠷᠣᠮᠠᠷ ᠪᠠᠢᠪᠠᠯ ᠡᠨᠡ ᠳᠠᠭᠠᠪᠤᠷᠢ ᠶ᠋ᠢ ᠳᠠᠭᠠᠭᠠᠷᠠᠢ》 《ᠨᠠᠳᠠ ᠳ᠋ᠤ᠌ ᠬᠡᠯᠡᠭᠡᠴᠢ》 《ᠪᠢᠳᠡᠨ ᠳ᠋ᠦ᠍ ᠳᠠᠷᠠᠰᠤ ᠭᠠᠷᠭᠠᠨ ᠥᠭᠳᠡᠭ ᠪᠠᠢᠭᠰᠠᠨ ᠬᠠᠭᠠᠨ ᠤ᠋ ᠮᠠᠨᠢ ᠤᠰᠤᠨ ᠣᠷᠭᠢᠯᠤᠭᠤᠷ ᠶᠠᠭᠠᠬᠢᠭᠠᠳ ᠪᠢᠳᠡᠨ ᠳ᠋ᠦ᠍ ᠤᠰᠤ ᠴᠤ᠌ ᠥᠭᠬᠦ ᠪᠡᠨ ᠪᠣᠯᠢᠭᠰᠠᠨ ᠪᠣᠢ?》 ᠯᠢ ᠣ ᠬᠡᠰᠡᠭ ᠪᠣᠳᠣᠨ᠄《ᠠ ᠪᠢ ᠡᠨᠡ ᠠᠰᠠᠭᠤᠯᠲᠠ ᠶ᠋ᠢᠨ ᠬᠠᠷᠢᠭᠤᠯᠲᠠ ᠶ᠋ᠢ ᠣᠯᠤᠯᠠ᠂ ᠭᠡᠬᠦ ᠳ᠋ᠦ᠍ ᠪᠡᠨ ᠣᠳᠣ ᠲᠠᠨ ᠳ᠋ᠤ᠌ ᠬᠡᠯᠡᠵᠦ ᠴᠢᠳᠠᠬᠤ ᠦᠭᠡᠢ᠂ ᠤᠴᠢᠷ ᠨᠢ ᠪᠢ ᠮᠠᠰᠢ ᠴᠢᠬᠤᠯᠠ ᠳᠠᠭᠠᠭᠠᠯᠭᠠᠪᠤᠷᠢ ᠲᠠᠢ ᠶᠠᠪᠤᠭᠠ ᠶᠤᠮ ᠯᠠ ᠳᠠ᠂ ᠳᠠᠭᠠᠭᠠᠯᠭᠠᠪᠤᠷᠢ ᠪᠠᠨ ᠳᠠᠭᠤᠰᠬᠠᠬᠤ ᠠ᠋ᠴᠠ ᠡᠮᠦᠨᠡ ᠠᠰᠠᠭᠤᠯᠲᠠ ᠳ᠋ᠤ᠌ ᠬᠠᠷᠢᠭᠤᠯ ᠭᠡᠵᠦ ᠨᠠᠮᠠ ᠶ᠋ᠢ ᠬᠦᠴᠦᠯᠡᠭᠰᠡᠨ ᠬᠡᠨ ᠴᠦ᠍ ᠪᠣᠯᠪᠠ ᠢᠮᠠᠭᠠ ᠪᠣᠯᠵᠤ ᠬᠤᠪᠢᠷᠠᠨᠠ ᠭᠡᠵᠦ ᠨᠠᠳᠠᠳᠤ ᠬᠡᠯᠡᠭᠰᠡᠨ ᠶᠦ᠍ᠮ ᠠ᠋᠂ ᠲᠠ ᠠᠰᠠᠭᠤᠯᠲᠠ ᠪᠠᠨ ᠠᠬᠢᠭᠠᠳ ᠳᠠᠪᠲᠠᠭᠠᠴᠢ᠂ᠤᠰᠤᠨ ᠣᠷᠭᠢᠯᠤᠭᠤᠷ ᠶᠠᠭᠠᠬᠢᠭᠰᠠᠨ ᠭᠡᠰᠡᠨ ᠪᠣᠢ?》 《ᠮᠠᠢ᠁》 《ᠦ ᠬᠡ ᠬᠡ ᠬᠡ ᠶᠠᠭᠠᠷᠠᠬᠤ ᠬᠡᠷᠡᠭ ᠦᠭᠡᠢ ᠳᠡ᠂ ᠪᠤᠴᠠᠬᠤ ᠵᠠᠮ ᠳ᠋ᠠᠭᠠᠨ ᠨᠠᠳᠠ ᠳ᠋ᠤ᠌ ᠬᠠᠷᠢᠭᠤᠯᠲᠠ ᠶ᠋ᠢ ᠨᠢ ᠬᠡᠯᠡᠵᠦ ᠪᠣᠯᠤᠨᠠ ᠰᠢᠦ ᠳᠡ᠂ ᠲᠡᠢᠮᠦ ᠪᠢᠵᠡ ᠳᠡ?》 《ᠦ ᠰᠠᠢᠬᠠᠨ ᠰᠡᠳᠬᠢᠯ ᠭᠠᠷᠭᠠᠭᠰᠠᠨ ᠲᠠᠨ ᠳ᠋ᠤ᠌ ᠪᠠᠶᠠᠷᠯᠠᠯᠠ ᠨᠣᠶᠠᠨᠲᠠᠨ ᠠ᠋》 ᠯᠢ ᠣ ᠴᠠᠰᠢ ᠶᠠᠪᠤᠨ ᠠᠬᠢᠨ ᠨᠢᠭᠡ ᠬᠣᠲᠠ ᠶ᠋ᠢᠨ ᠡᠮᠦᠨᠡ ᠢᠷᠡᠯᠡ᠂ ᠬᠠᠷᠠᠭᠤᠯ ᠲᠡᠭᠦᠨ ᠡᠴᠡ:《ᠨᠠᠳᠠᠳᠤ ᠬᠡᠯᠡᠭᠡᠴᠢ ᠠ᠋ ᠤᠷᠢᠳᠤ ᠨᠢ ᠠᠯᠲᠠᠨ ᠠᠯᠢᠮᠠ ᠤᠷᠭᠤᠳᠠᠭ ᠪᠠᠢᠭᠰᠠᠨ ᠮᠣᠳᠣᠨ ᠠ᠋ᠴᠠ ᠣᠳᠣ ᠶᠠᠭᠠᠬᠢᠭᠠᠳ ᠵᠥᠪᠬᠡᠨ ᠨᠠᠪᠴᠢ ᠤᠷᠭᠤᠬᠤ ᠪᠣᠯᠪᠠ?》 ᠯᠢ ᠣ ᠤᠷᠢᠳᠤ ᠶ᠋ᠢᠨ ᠠᠳᠠᠯᠢ ᠬᠠᠷᠢᠭᠤᠯᠲᠠ ᠥᠭᠴᠦ᠂ᠡᠭᠦᠳᠡᠨ ᠦ᠌ ᠬᠠᠷᠠᠭᠤᠯ ᠲᠡᠭᠦᠨ ᠢ᠋ ᠪᠠᠶᠠᠷᠲᠠᠢ ᠪᠠᠷ ᠣᠷᠣᠭᠤᠯᠪᠠ᠃ ᠬᠡᠴᠡᠭᠦᠦ ᠳᠠᠭᠠᠪᠤᠷᠢ ᠤ᠋ᠳ ᠢᠩᠭᠢᠵᠦ ᠨᠢᠭᠡ ᠶᠠᠭᠤᠮᠠ ᠳᠠᠭᠤᠰᠤᠯᠠ ᠭᠡᠵᠦ ᠪᠣᠳᠣᠨ ᠵᠠᠪᠢᠴᠠᠨ ᠳᠡᠭᠡᠷᠡ ᠲᠡᠷᠡ ᠢᠷᠡᠬᠦ ᠳ᠋ᠦ᠍ ᠵᠠᠪᠢᠴᠠᠨ ᠮᠥᠨ ᠯᠡ ᠠᠰᠠᠭᠤᠯᠲᠠ ᠠᠰᠠᠭᠤᠯᠠ᠄《ᠪᠢ ᠴᠢᠮᠠ ᠶ᠋ᠢ ᠭᠣᠣᠯ ᠤ᠋ᠨ ᠨᠥᠭᠦᠭᠡ ᠲᠠᠯᠠ ᠳ᠋ᠤ᠌ ᠬᠦᠷᠭᠡᠵᠦ ᠥᠭᠭᠦᠶᠡ ᠭᠡᠬᠦ ᠳ᠋ᠦ᠍ ᠪᠡᠨ ᠡᠬᠢᠯᠡᠭᠡᠳ ᠮᠢᠨᠦ ᠠᠰᠠᠭᠤᠯᠲᠠ ᠳ᠋ᠤ᠌ ᠬᠠᠷᠢᠭᠤᠯᠠᠭᠠᠴᠢ᠂》 ᠵᠠᠪᠢᠴᠢᠨ᠄《ᠪᠢ ᠡᠳᠦᠷ ᠪᠦᠷᠢ ᠬᠥᠮᠦᠰ ᠢ᠋ ᠭᠣᠣᠯ ᠤ᠋ᠨ ᠬᠣᠶᠠᠷ ᠡᠷᠭᠢ ᠤᠷᠤᠭᠤ ᠨᠡᠰᠢ ᠴᠠᠰᠢ ᠵᠥᠭᠡᠭᠡᠬᠦ ᠡᠴᠡ ᠥᠭᠡᠷᠡ ᠵᠦᠢᠯ ᠬᠢᠵᠦ ᠴᠢᠳᠠᠳᠠᠭ ᠦᠭᠡᠢ᠂ ᠪᠢ ᠡᠭᠦᠨ ᠢ᠋ ᠶᠠᠭᠠᠬᠢᠵᠤ ᠵᠣᠭᠰᠣᠭᠠᠬᠤ ᠪᠣᠢ?》 ᠯᠢ ᠣ ᠰᠠᠨᠠᠭᠠ ᠠᠯᠲᠠᠨ ᠢᠮᠠᠭᠠᠨ ᠤ᠋ ᠲᠤᠬᠠᠢ ᠬᠡᠯᠡᠬᠦ ᠳ᠋ᠦ᠍ ᠵᠠᠪᠢᠴᠢᠨ ᠳᠣᠲᠣᠷᠠ ᠪᠠᠨ ᠨᠠᠰᠤ ᠪᠠᠷ ᠢ᠋ᠶ᠋ᠠᠨ ᠵᠠᠪᠢᠴᠢᠨ ᠤ᠋ ᠠᠮᠢᠳᠤᠷᠠᠯ ᠢ᠋ᠶ᠋ᠠᠷ ᠠᠮᠢᠳᠤᠷᠠᠬᠤ ᠨᠢ ᠢᠮᠠᠭᠠ ᠪᠣᠯᠵᠤ ᠬᠤᠪᠢᠷᠠᠬᠤ ᠠ᠋ᠴᠠ ᠳᠡᠭᠡᠷᠡ ᠭᠡᠮᠡᠨ ᠪᠣᠳᠣᠪᠠ᠃ ᠯᠢ ᠣ ᠶ᠋ᠢ ᠭᠣᠣᠯ ᠤ᠋ᠨ ᠨᠥᠭᠦᠭᠡ ᠵᠠᠬᠠ ᠳ᠋ᠤ᠌ ᠭᠠᠷᠭᠠᠵᠤ ᠭᠠᠷ ᠢ᠋ᠶ᠋ᠠᠨ ᠳᠠᠯᠠᠯᠤᠨ ᠦᠳᠡᠵᠦ ᠶᠠᠪᠤᠭᠤᠯᠪᠠ᠃ ᠡᠴᠦᠰ ᠲᠦ᠍ ᠨᠢ ᠯᠢ ᠣ ᠴᠢᠳᠬᠥᠷ ᠦ᠋ᠨ ᠠᠭᠤᠢ ᠳ᠋ᠤ᠌ ᠬᠦᠷᠴᠦ ᠢᠷᠡᠯᠡ᠃ ᠠᠭᠤᠢ ᠶ᠋ᠢᠨ ᠭᠠᠳᠠᠨᠠ ᠮᠣᠳᠣᠨ ᠠ᠋ᠴᠠ ᠮᠠᠩᠭᠦᠧ ᠲᠡᠭᠦᠵᠦ ᠪᠣᠢ ᠨᠢᠭᠡᠨ ᠬᠥᠮᠦᠨ ᠢ᠋ ᠣᠯᠵᠤ ᠬᠠᠷᠠᠵᠠᠢ᠃ 《ᠡᠩ ᠡᠩ ᠡᠩ》 《ᠦ ᠠᠭᠤᠴᠢᠯᠠᠭᠠᠷᠠᠢ᠂ᠨᠠᠮᠠ ᠶ᠋ᠢ ᠦᠨᠡᠬᠡᠷ ᠠᠭᠤᠴᠢᠯᠠᠭᠠᠷᠠᠢ᠂ ᠪᠢ ᠮᠠᠩᠭᠦᠧ ᠳ᠋ᠦ᠍ ᠭᠠᠷ ᠬᠦᠷᠦᠭᠡ ᠦᠭᠡᠢ ᠠᠮᠠᠯᠠᠶᠠ᠂ ᠶᠠᠭᠤ?ᠴᠢ ᠮᠢᠨᠦ ᠠᠴᠢ ᠬᠦᠦ ᠪᠢᠰᠢ ᠪᠠᠢᠨᠠ᠂ ᠶᠣ ᠴᠢᠮᠠ ᠶ᠋ᠢ ᠴᠢᠳᠬᠥᠷ ᠯᠡ ᠪᠠᠢᠨᠠ ᠭᠡᠵᠦ ᠪᠣᠳᠣᠯᠠ᠂ ᠴᠢ ᠡᠨᠳᠡ ᠶᠠᠭᠠᠬᠢᠬᠤ ᠭᠡᠵᠦ ᠢᠷᠡᠪᠡ?》 《ᠲᠠᠨ ᠤ᠋ ᠠᠴᠢ ᠴᠢᠳᠬᠥᠷ ᠶᠦ᠍ᠮ ᠤᠤ? ᠲᠡᠢᠮᠦ ᠪᠣᠯ ᠰᠠᠢᠨ ᠪᠠᠢᠨᠠ᠂ ᠲᠠ ᠨᠠᠳᠠ ᠳ᠋ᠤ᠌ ᠠᠴᠢ ᠬᠦᠦ ᠪᠡᠨ ᠬᠠᠮᠢᠭᠠ ᠪᠠᠢᠭᠠ ᠶ᠋ᠢ ᠬᠡᠯᠡᠭᠡᠳ ᠥᠭᠬᠦ ᠦᠭᠡᠢ ᠤᠤ? ᠪᠢ ᠲᠡᠭᠦᠨ ᠡᠴᠡ ᠭᠤᠷᠪᠠᠨ ᠠᠰᠠᠭᠤᠯᠲᠠ ᠠᠰᠠᠭᠤᠬᠤ ᠭᠡᠰᠡᠨ ᠶᠦ᠍ᠮ》 ᠯᠢ ᠣ ᠴᠢᠳᠬᠥᠷ ᠦ᠋ᠨ ᠡᠮᠧ ᠳ᠋ᠦ᠍ ᠪᠣᠯᠤᠭᠰᠠᠨ ᠪᠦᠬᠦ ᠶᠠᠪᠤᠳᠠᠯ ᠢ᠋ ᠶᠠᠷᠢᠵᠤ ᠥᠭᠪᠡ᠃ 《ᠶᠠᠭᠤ? ᠴᠢᠳᠬᠥᠷ ᠦ᠋ᠨ ᠭᠤᠷᠪᠠᠨ ᠰᠢᠷᠬᠡᠭ ᠠᠯᠲᠠᠨ ᠦᠰᠦ ᠬᠠᠷᠢᠶᠠᠯ ᠢ᠋ ᠠᠷᠢᠯᠭᠠᠨᠠ ᠭᠡᠵᠦ ᠬᠠᠭᠠᠨ ᠬᠡᠯᠡᠭᠰᠡᠨ ᠭᠡᠨᠡ? ᠬᠠ ᠬᠠ ᠬᠠ ᠲᠠᠨ ᠤ᠋ ᠬᠠᠭᠠᠨ ᠮᠢᠨᠦ ᠠᠴᠢ ᠬᠦᠦ ᠡᠴᠡ ᠳᠣᠯᠣᠭᠠᠨ ᠳᠣᠣᠷᠠ ᠬᠣᠷᠣᠨ ᠰᠠᠨᠠᠭᠠ ᠲᠠᠢ ᠬᠥᠮᠦᠨ ᠪᠣᠯᠤᠯᠲᠠᠢ᠂ ᠭᠡᠨᠡᠨ ᠵᠠᠯᠠᠭᠤ ᠮᠢᠨᠢ᠂ ᠬᠠᠳᠠᠮ ᠠᠪᠤ ᠴᠢᠨᠢ ᠴᠢᠮᠠ ᠶ᠋ᠢ ᠠᠰᠠᠭᠤᠳᠠᠯ ᠳ᠋ᠤ᠌ ᠤᠨᠠᠭᠠᠬᠤ ᠶ᠋ᠢ ᠬᠦᠰᠡᠭᠰᠡᠨ ᠪᠠᠢᠨᠠ᠂ ᠲᠡᠢᠮᠦ ᠪᠣᠯᠬᠣᠷ ᠯᠠ ᠴᠢᠮᠠ ᠶ᠋ᠢ ᠨᠠᠭᠠᠰᠢ ᠨᠢ ᠶᠠᠪᠤᠭᠤᠯᠤᠭᠰᠠᠨ ᠶᠤᠮ ᠪᠠᠢᠨᠠ》《ᠬᠦᠯᠢᠶᠡᠭᠡᠷᠡᠢ᠂ ᠲᠡᠢᠮᠦ ᠭᠡᠵᠦ ᠤᠤ?》 《ᠠ᠂ ᠴᠢᠳᠬᠥᠷ ᠢᠷᠡᠯᠡ᠂ᠴᠢᠮᠠ ᠶ᠋ᠢ ᠶᠠᠭᠠᠬᠢᠬᠤ ᠶ᠋ᠢ ᠬᠤᠷᠳᠤᠨ ᠯᠠ ᠬᠠᠷᠠᠮᠠᠷ ᠪᠠᠢᠨᠠ ᠰᠢᠦ᠂ ᠬᠠ ᠬᠠ ᠬᠠ 》 ᠯᠢ ᠣ ᠪᠣᠯ ᠤᠪᠵᠢᠨ ᠤᠬᠠᠭᠠᠯᠢᠭ ᠵᠠᠯᠠᠭᠤ ᠪᠠᠢᠯᠠ᠂ᠬᠡᠰᠡᠭ ᠪᠣᠳᠣᠭᠰᠠᠨ ᠤ᠋ ᠳᠠᠷᠠᠭᠠ ᠴᠢᠳᠬᠥᠷ ᠦ᠋ᠨ ᠡᠮᠧ ᠲᠡᠢ ᠲᠣᠬᠢᠷᠠᠯᠴᠠᠬᠤ ᠠᠷᠭᠠ ᠪᠣᠳᠣᠵᠤ ᠣᠯᠵᠤ ᠭᠡᠨᠡ᠃ ᠴᠢᠳᠬᠥᠷ ᠦ᠋ᠨ ᠡᠮᠧ ᠯᠢ ᠣ ᠶ᠋ᠢ ᠠᠪᠤᠷᠠᠭᠠᠳ ᠵᠣᠭᠰᠣᠬᠤ ᠦᠭᠡᠢ ᠬᠣᠶᠠᠷ ᠡᠭᠦᠳᠡᠨ ᠦ᠌ ᠬᠠᠭᠠᠯᠭᠠᠴᠢᠨ᠂ ᠨᠢᠭᠡ ᠵᠠᠪᠢᠴᠢᠨ ᠤ᠋ ᠠᠰᠠᠭᠤᠭᠰᠠᠨ ᠠᠰᠠᠭᠤᠯᠲᠠᠨ ᠳ᠋ᠤ᠌ ᠬᠠᠷᠢᠭᠤᠯᠲᠠ ᠣᠯᠬᠤ ᠶᠣᠰᠣᠲᠠᠢ ᠪᠠᠢᠯᠠ᠂ ᠬᠠᠷᠢᠭᠤ ᠳ᠋ᠤ᠌ ᠨᠢ ᠮᠠᠩᠭᠦᠧ ᠶ᠋ᠢ ᠢᠳᠡᠬᠦ ᠭᠡᠵᠦ ᠪᠠᠢᠭᠰᠠᠨ ᠭᠡᠵᠦ ᠠᠴᠢ ᠬᠦᠦ ᠳ᠋ᠦ᠍ ᠨᠢ ᠬᠡᠯᠡᠬᠦ ᠦᠭᠡᠢ ᠭᠡᠵᠦ ᠠᠮᠠᠯᠠᠪᠠ᠃ 《ᠡᠩ᠂ ᠴᠢ ᠮᠠᠰᠢ ᠤᠬᠠᠭᠠᠯᠢᠭ ᠶᠤᠮ᠂ ᠵᠠ ᠶᠠᠭᠠᠬᠢᠬᠤᠪ ᠲᠣᠬᠢᠷᠠᠯᠠ》 ᠴᠢᠳᠬᠥᠷ ᠦ᠋ᠨ ᠡᠮᠧ ᠯᠢ ᠣ ᠶ᠋ᠢ ᠰᠢᠷᠭᠤᠯᠵᠢ ᠪᠣᠯᠭᠠᠨ ᠬᠤᠪᠢᠷᠠᠭᠠᠵᠤ ᠬᠠᠯᠠᠭᠠᠰᠣᠨ ᠳ᠋ᠤ᠌ ᠪᠠᠨ ᠬᠢᠯᠡ᠃ ᠴᠢᠳᠬᠥᠷ ᠠᠭᠤᠢ ᠳ᠋ᠤ᠌ ᠪᠠᠨ ᠢᠷᠡᠬᠦ ᠳ᠋ᠦ᠍ ᠶᠡᠬᠡ ᠶᠠᠳᠠᠷᠠᠭᠰᠠᠨ ᠪᠠᠢᠭᠰᠠᠨ ᠤᠴᠢᠷ ᠰᠢᠭᠤᠳ ᠤᠨᠲᠠᠭᠠᠳ ᠥᠭᠪᠡ᠃ 《ᠶᠣ ᠡᠮᠧ ᠲᠠ ᠴᠢᠨᠢ ᠶᠠᠭᠠᠬᠢᠵᠤ ᠪᠠᠢᠨᠠ?》 《ᠦ ᠰᠣᠨᠣᠰᠤᠭᠠᠴᠢ ᠪᠢ ᠠᠶᠤᠮᠰᠢᠭᠲᠠᠢ ᠮᠠᠰᠢ ᠠᠶᠤᠮᠰᠢᠭᠲᠠᠢ ᠵᠡᠭᠦᠳᠦ ᠵᠡᠭᠦᠳᠦᠯᠡᠭᠰᠡᠨ᠂ ᠳᠠᠷᠠᠰᠤ ᠣᠷᠭᠢᠯᠵᠤ ᠪᠠᠢᠳᠠᠭ ᠤᠰᠤᠨ ᠣᠷᠭᠢᠯᠤᠭᠤᠷ ᠤ᠋ᠨ ᠲᠤᠬᠠᠢ ᠵᠡᠭᠦᠳᠦᠯᠡᠭᠰᠡᠨ᠂ ᠭᠡᠲᠡᠯᠡ ᠣᠳᠣ ᠲᠡᠷᠡ ᠤᠰᠤᠨ ᠣᠷᠭᠢᠯᠤᠭᠤᠷ ᠠ᠋ᠴᠠ ᠤᠰᠤ ᠴᠤ᠌ ᠭᠠᠷᠬᠤ ᠪᠠᠨ ᠪᠣᠯᠢᠭᠰᠠᠨ ᠭᠡᠨᠡ》 《ᠤᠰᠤᠨ ᠣᠷᠭᠢᠯᠤᠭᠤᠷ ᠳᠣᠣᠷᠠ ᠲᠣᠮᠣ ᠪᠠᠬᠠ ᠮᠡᠯᠡᠬᠡᠢ ᠠᠮᠢᠳᠤᠷᠠᠵᠤ ᠪᠠᠢᠭᠠ ᠪᠣᠯᠬᠣᠷ ᠲᠡᠷᠡ᠂ ᠪᠠᠬᠠ ᠮᠡᠯᠡᠬᠡᠢ ᠶ᠋ᠢ ᠲᠡᠨᠳᠡ ᠡᠴᠡ ᠬᠥᠭᠡᠭᠡᠪᠡᠯ ᠳᠠᠷᠠᠰᠤ ᠡᠷᠭᠢᠭᠡᠳ ᠣᠷᠭᠢᠯᠬᠤ ᠪᠣᠯᠤᠨᠠ᠂ ᠣᠳᠣ ᠰᠠᠢᠬᠠᠨ ᠠᠮᠠᠷᠠᠭᠠᠷᠠᠢ》ᠬᠡᠰᠡᠭ ᠬᠤᠭᠤᠴᠠᠭᠠᠨ ᠤ᠋ ᠳᠠᠷᠠᠭᠠ ᠴᠢᠳᠬᠥᠷ ᠬᠤᠷᠬᠢᠷᠠᠨ ᠤᠨᠲᠠᠵᠤ ᠪᠠᠢᠲᠠᠯᠠ ᠡᠮᠧ ᠨᠢ ᠠᠬᠢᠭᠠᠳ ᠨᠢᠭᠡ ᠠᠯᠲᠠᠨ ᠤᠰᠤ ᠶ᠋ᠢ ᠨᠢ ᠲᠠᠰᠤᠳᠠᠵᠤ ᠠᠪᠪᠠ᠃ 《ᠶᠣ᠂ ᠪᠠᠰᠠ ᠶᠠᠭᠠᠬᠢᠭᠰᠠᠨ ᠪᠣᠢ?》《ᠶᠠᠭᠠᠬᠢᠨᠠ? ᠠᠬᠢᠭᠠᠳ ᠨᠢᠭᠡ ᠠᠰᠠᠭᠤᠯᠲᠠ ᠪᠠᠢᠨᠠ. ᠠᠯᠲᠠᠨ ᠠᠯᠢᠮᠠ ᠤᠷᠭᠤᠳᠠᠭ ᠦᠵᠡᠰᠬᠦᠯᠡᠩ ᠲᠡᠢ ᠠᠯᠢᠮᠠ ᠶ᠋ᠢᠨ ᠮᠣᠳᠣ ᠪᠠᠢᠵᠠᠢ᠂ ᠭᠡᠲᠡᠯᠡ ᠣᠳᠣ ᠨᠠᠪᠴᠢ ᠯᠠ ᠤᠷᠭᠤᠬᠤ ᠪᠣᠯᠤᠭᠰᠠᠨ ᠬᠥᠭᠡᠷᠦᠬᠦᠢ ᠮᠣᠳᠣ 》 《ᠬᠠᠷᠬᠠ ᠮᠣᠳᠣᠨ ᠤ᠋ ᠦᠨᠳᠦᠰᠦ ᠶ᠋ᠢ ᠮᠡᠷᠡᠵᠦ ᠪᠠᠢᠭᠠ ᠶᠤᠮ ᠠ᠋᠂ ᠡᠮᠧ ᠬᠠᠷᠬᠠ ᠶ᠋ᠢ ᠲᠡᠨᠳᠡ ᠡᠴᠡ ᠬᠥᠭᠡᠭᠡᠬᠦ ᠬᠡᠷᠡᠭᠲᠡᠢ》《ᠣᠢᠯᠠᠭᠠᠯᠠ᠂ ᠣᠳᠣ ᠤᠨᠲᠠ ᠳᠠ᠂ ᠪᠢ ᠴᠦ᠍ ᠪᠠᠰᠠ ᠡᠷᠭᠢᠭᠡᠳ ᠤᠨᠲᠠᠬᠤ ᠭᠡᠵᠦ ᠦᠵᠡᠶᠡ 》 《ᠦᠭᠡᠢ᠂ ᠲᠠ ᠠᠬᠢᠭᠠᠳ ᠮᠢᠨᠦ ᠦᠰᠦ ᠶ᠋ᠢ ᠲᠠᠰᠤᠳᠠᠬᠤ ᠶ᠋ᠢ ᠪᠢ ᠮᠡᠳᠡᠵᠦ ᠪᠠᠢᠨᠠ᠂ᠲᠡᠢᠮᠦ ᠡᠴᠡ ᠮᠠᠢ᠂ ᠢᠩᠭᠢᠭᠡᠳ ᠪᠢ ᠲᠣᠯᠣᠭᠠᠢ ᠳ᠋ᠠᠭᠠᠨ ᠨᠢᠭᠡ ᠴᠦ᠍ ᠦᠰᠦ ᠦᠭᠡᠢ ᠪᠣᠯᠤᠯᠠ ᠰᠢᠦ᠂ ᠰᠡᠳᠬᠢᠯ ᠴᠢᠨᠢ ᠬᠠᠨᠤᠪᠠ ᠤᠤ? 》 《ᠡᠩ ᠨᠠᠳᠠ ᠳ᠋ᠤ᠌ ᠠᠬᠢᠭᠠᠳ ᠨᠢᠭᠡ ᠠᠰᠠᠭᠤᠯᠲᠠ ᠪᠠᠢᠨᠠ ᠯᠠ ᠳᠠ》 《ᠶᠠᠮᠠᠷ ᠠᠰᠠᠭᠤᠯᠲᠠ ᠶᠤᠮ ᠪᠣᠢ?》《ᠵᠠᠪᠢᠴᠢᠨ ᠶᠠᠭᠠᠬᠢᠭᠠᠳ ᠬᠥᠮᠦᠰ ᠢ᠋ ᠨᠡᠰᠢ ᠴᠠᠰᠢ ᠵᠥᠭᠡᠭᠡᠬᠦ ᠡᠴᠡ ᠥᠭᠡᠷᠡ ᠵᠦᠢᠯ ᠬᠢᠵᠦ ᠴᠢᠳᠠᠬᠤ ᠦᠭᠡᠢ ᠪᠠᠢᠭᠠ ᠶᠤᠮ ᠪᠣᠢ? ᠲᠡᠷᠡ ᠡᠨᠡ ᠠᠵᠢᠯ ᠳ᠋ᠤ᠌ ᠳᠤᠷᠠ ᠦᠭᠡᠢ ᠶᠠᠭᠠᠬᠢᠵᠤ ᠪᠣᠯᠢᠬᠤ ᠪᠣᠢ?》《ᠰᠡᠯᠢᠭᠦᠷ ᠨᠢ ᠬᠠᠷᠢᠶᠠᠭᠳᠠᠭᠰᠠᠨ ᠪᠣᠯᠤᠭᠠᠳ ᠯᠠ ᠲᠡᠷᠡ ᠰᠢᠦ ᠳᠡ᠂ ᠬᠠᠷᠢᠶᠠᠯ ᠠ᠋ᠴᠠ ᠰᠠᠯᠬᠤ ᠶ᠋ᠢᠨ ᠲᠤᠯᠠᠳᠠ ᠰᠡᠯᠢᠭᠦᠷ ᠢ᠋ᠶ᠋ᠡᠨ ᠥᠭᠡᠷᠡ ᠬᠥᠮᠦᠨ ᠳ᠋ᠦ᠍ ᠥᠭᠬᠦ ᠬᠡᠷᠡᠭᠲᠡᠢ᠂ ᠪᠢ ᠣᠳᠣ ᠤᠨᠲᠠᠵᠤ ᠪᠣᠯᠤᠨᠠ ᠪᠢᠵᠡ ᠳᠡ?》 《ᠠ ᠮᠡᠳᠡᠭᠡᠵᠢ ᠰᠠᠢᠬᠠᠨ ᠠᠮᠠᠷᠠᠭᠠᠷᠠᠢ 》᠃
ᠡᠮᠧ ᠯᠢ ᠣ ᠶ᠋ᠢ ᠪᠤᠴᠠᠭᠠᠨ ᠬᠥᠮᠦᠨ ᠪᠣᠯᠭᠠᠵᠤ ᠠᠴᠢ ᠬᠦᠦ ᠶ᠋ᠢᠨ ᠢ᠋ᠶ᠋ᠡᠨ ᠭᠤᠷᠪᠠᠨ ᠰᠢᠷᠬᠡᠭ ᠠᠯᠲᠠᠨ ᠦᠰᠦ ᠶ᠋ᠢ ᠲᠡᠭᠦᠨ ᠳ᠋ᠦ᠍ ᠥᠭᠪᠡ ᠭᠡᠨᠡ᠃ ᠯᠢ ᠣ ᠲᠡᠭᠦᠨ ᠳ᠋ᠦ᠍ ᠮᠡᠬᠦᠢᠨ ᠪᠣᠳᠣᠯ ᠢ᠋ᠶ᠋ᠠᠨ ᠥᠭᠡᠷᠡᠴᠢᠯᠡᠬᠦ ᠡᠴᠡ ᠨᠢ ᠡᠮᠦᠨᠡ ᠶᠠᠭᠠᠷᠠᠨ ᠣᠳᠤᠯᠠ᠃ 《ᠴᠢ ᠬᠠᠷᠢᠭᠤᠯᠲᠠ ᠶ᠋ᠢ ᠨᠢ ᠣᠯᠤᠭᠰᠠᠨ ᠤᠤ?》 《ᠲᠡᠢᠮᠦ ᠠ᠋᠂ ᠪᠢ ᠣᠯᠤᠭᠰᠠᠨ ᠭᠡᠬᠦ ᠳ᠋ᠦ᠍ ᠪᠡᠨ ᠡᠬᠢᠯᠡᠭᠡᠳ ᠨᠠᠮᠠ ᠶ᠋ᠢ ᠭᠣᠣᠯ ᠤ᠋ᠨ ᠴᠠᠭᠠᠨᠠ ᠬᠦᠷᠭᠡᠵᠦ ᠥᠭ᠂ ᠪᠢ ᠭᠣᠣᠯ ᠤ᠋ᠨ ᠨᠥᠭᠦᠭᠡ ᠲᠠᠯᠠ ᠳ᠋ᠤ᠌ ᠣᠴᠢᠭᠠᠳ ᠬᠠᠷᠢᠭᠤᠯᠲᠠ ᠶ᠋ᠢ ᠨᠢ ᠬᠡᠯᠡᠵᠦ ᠥᠭᠭᠦᠶᠡ》᠃ ᠵᠠᠪᠢᠴᠢᠨ ᠬᠦᠰᠡᠭᠰᠡᠨ ᠢ᠋ᠶ᠋ᠡᠷ ᠨᠢ ᠬᠢᠪᠡ᠃ 《ᠰᠡᠯᠢᠭᠦᠷ ᠢ᠋ᠶ᠋ᠡᠨ ᠥᠭᠡᠷᠡ ᠬᠥᠮᠦᠨ ᠳ᠋ᠦ᠍ ᠥᠭᠪᠡᠯ ᠲᠠ ᠡᠷᠬᠡ ᠴᠢᠯᠥᠭᠡ ᠲᠡᠢ ᠪᠣᠯᠤᠨᠠ᠂ ᠪᠠᠶᠠᠷᠲᠠᠢ》᠃ ᠪᠤᠴᠠᠬᠤ ᠵᠠᠮ ᠳ᠋ᠠᠭᠠᠨ ᠯᠢ ᠣ ᠬᠣᠶᠠᠷᠳᠠᠬᠢ ᠡᠭᠦᠳᠡᠨ ᠦ᠌ ᠬᠠᠷᠠᠭᠤᠯ ᠲᠠᠢ ᠠᠭᠤᠯᠵᠠᠪᠠ᠂ 《ᠨᠠᠢᠵᠠ ᠮᠢᠨᠢ ᠮᠣᠳᠣᠨ ᠤ᠋ ᠦᠨᠳᠦᠰᠦ ᠶ᠋ᠢ ᠬᠠᠷᠬᠠ ᠮᠡᠷᠡᠵᠦ ᠪᠠᠢᠵᠠᠢ᠃ ᠲᠡᠢᠮᠦ ᠤᠴᠢᠷ ᠠ᠋ᠴᠠ ᠮᠣᠳᠣᠨ ᠠ᠋ᠴᠠ ᠠᠯᠲᠠᠨ ᠠᠯᠢᠮᠠ ᠤᠷᠭᠤᠬᠤ ᠪᠠᠨ ᠪᠣᠯᠢᠭᠰᠠᠨ ᠶᠤᠮ ᠪᠠᠢᠨᠠ᠂》 ᠪᠠᠶᠠᠷᠯᠠᠭᠰᠠᠨ ᠬᠠᠷᠠᠭᠤᠯ ᠮᠣᠳᠣ ᠤᠷᠤᠭᠤ ᠣᠴᠢᠨ ᠬᠠᠷᠬᠠ ᠶ᠋ᠢ ᠬᠥᠭᠡᠭᠡᠨ ᠭᠠᠷᠭᠠᠯᠠ᠃ ᠲᠡᠷᠡ ᠳᠠᠷᠤᠢ ᠳ᠋ᠤ᠌ ᠠᠯᠢᠮᠠ ᠶ᠋ᠢᠨ ᠮᠣᠳᠣᠨ ᠠ᠋ᠴᠠ ᠠᠯᠲᠠᠨ ᠠᠯᠢᠮᠠ ᠤᠷᠭᠤᠪᠠ ᠭᠡᠨᠡ᠃ ᠪᠠᠶᠠᠷ ᠬᠥᠷ ᠲᠦ᠍ ᠠᠪᠲᠠᠭᠰᠠᠨ ᠬᠣᠲᠠ ᠶ᠋ᠢᠨ ᠢᠷᠭᠡᠳ ᠯᠢ ᠣ ᠳ᠋ᠤ᠌ ᠬᠣᠶᠠᠷ ᠪᠣᠭᠴᠣ ᠳᠦᠭᠦᠷᠡᠩ ᠠᠯᠲᠠ ᠪᠡᠯᠡᠭᠯᠡᠪᠡ᠃ ᠬᠠᠷᠢᠨ ᠣᠳᠣ ᠠᠩᠬᠠᠯᠠᠨ ᠲᠠᠭᠠᠷᠠᠭᠰᠠᠨ ᠬᠠᠷᠠᠭᠤᠯ ᠤ᠋ᠨ ᠠᠰᠠᠭᠤᠯᠲᠠ ᠳ᠋ᠤ᠌ ᠬᠠᠷᠢᠭᠤᠯᠬᠤ ᠶᠣᠰᠣᠲᠠᠢ᠃ 《ᠤᠰᠤᠨ ᠣᠷᠭᠢᠯᠤᠭᠤᠷ ᠤ᠋ᠨ ᠳᠣᠣᠷᠠ ᠲᠣᠮᠣ ᠪᠠᠬᠠ ᠮᠡᠯᠡᠬᠡᠢ ᠠᠮᠢᠳᠤᠷᠠᠵᠤ ᠪᠠᠢᠭᠠ᠂ ᠮᠡᠯᠡᠬᠡᠢ ᠶ᠋ᠢ ᠬᠥᠭᠡᠭᠡᠵᠦ ᠭᠠᠷᠭᠠᠪᠠᠯ ᠤᠰᠤᠨ ᠣᠷᠭᠢᠯᠤᠭᠤᠷ ᠠ᠋ᠴᠠ ᠳᠠᠷᠠᠰᠤ ᠭᠠᠷᠬᠤ ᠪᠣᠯᠤᠨᠠ᠃》 ᠦᠨᠡᠬᠡᠷ ᠭᠠᠢᠬᠠᠯᠲᠠᠢ ᠤᠰᠤᠨ ᠣᠷᠭᠢᠯᠤᠭᠤᠷ ᠪᠠᠢᠯᠠ᠂ ᠲᠡᠷᠡ ᠬᠣᠲᠠ ᠶ᠋ᠢᠨ ᠢᠷᠭᠡᠳ ᠴᠦ᠍ ᠮᠥᠨ ᠯᠢ ᠣ ᠶ᠋ᠢ ᠳᠥᠷᠪᠡᠨ ᠪᠣᠭᠴᠣ ᠳᠦᠭᠦᠷᠡᠩ ᠠᠯᠲᠠ ᠪᠠᠷ ᠱᠠᠩᠨᠠᠪᠠ᠃ ᠯᠢ ᠣ ᠱᠠᠩᠨᠠᠯ ᠢ᠋ᠶ᠋ᠠᠨ ᠠᠪᠴᠤ ᠣᠷᠳᠣᠨ ᠵᠦᠭ ᠵᠢᠯᠣᠭᠣ ᠡᠷᠭᠢᠭᠦᠯᠦᠯᠡ᠂ᠯᠢ ᠣ ᠶ᠋ᠢ ᠠᠯᠲᠠ ᠪᠠᠷ ᠳᠦᠭᠦᠷᠡᠩ ᠪᠣᠭᠴᠣ ᠲᠠᠢ ᠢᠷᠡᠵᠦ ᠶᠠᠪᠤᠭᠠ ᠶ᠋ᠢ ᠬᠠᠷᠠᠭᠰᠠᠨ ᠬᠠᠭᠠᠨ ᠰᠢᠨᠤᠯ ᠳ᠋ᠤ᠌ ᠪᠠᠨ ᠠᠪᠲᠠᠵᠠᠢ᠃ 《ᠦ ᠦ ᠠᠰᠢᠭᠦᠢ ᠳᠡ ᠮᠢᠨᠦ ᠬᠦᠷᠭᠡᠨ ᠡᠷᠭᠢᠵᠦ ᠢᠷᠡᠯᠡ᠂ ᠠ ᠴᠢᠮᠠ ᠳ᠋ᠤ᠌ ᠰᠠᠨᠠᠭᠠ ᠮᠢᠨᠢ ᠶᠡᠬᠡ ᠵᠣᠪᠠᠵᠤ ᠪᠠᠢᠯᠠ ᠰᠢᠦ᠂ ᠬᠡᠯᠡᠭᠡᠴᠢ! ᠴᠢ ᠡᠨᠡ ᠶᠡᠬᠡ ᠠᠯᠲᠠ ᠶ᠋ᠢ ᠬᠠᠮᠢᠭᠠ ᠠ᠋ᠴᠠ ᠣᠯᠤᠭᠰᠠᠨ ᠪᠣᠢ?》 ᠯᠢ ᠣ ᠬᠠᠭᠠᠨ ᠢ᠋ ᠶᠠᠮᠠᠷ ᠠᠳᠬᠠᠭ ᠰᠠᠨᠠᠭᠠ ᠲᠠᠢ ᠬᠥᠮᠦᠨ ᠪᠣᠯᠬᠤ ᠶ᠋ᠢ ᠤᠬᠠᠭᠠᠷᠠᠪᠠ᠃ 《ᠪᠢ ᠴᠢᠳᠬᠥᠷ ᠤᠷᠤᠭᠤ ᠶᠠᠪᠤᠵᠤ ᠪᠠᠢᠬᠤ ᠵᠠᠮ ᠳ᠋ᠠᠭᠠᠨ ᠵᠠᠪᠢᠴᠢᠨ ᠲᠠᠢ ᠲᠠᠭᠠᠷᠠᠭᠰᠠᠨ ᠶᠤᠮ᠂ ᠵᠠᠪᠢᠨ ᠳᠡᠭᠡᠷᠡ ᠨᠢ ᠭᠠᠷᠴᠤ ᠰᠡᠯᠢᠭᠦᠷ ᠢ᠋ ᠨᠢ ᠠᠪᠤᠨ ᠭᠣᠣᠯ ᠭᠠᠲᠤᠯᠬᠤ ᠳ᠋ᠤ᠌ ᠯᠠ ᠬᠠᠩᠭᠠᠯᠲᠠ ᠲᠠᠢ᠂ ᠭᠣᠣᠯ ᠤ᠋ᠨ ᠴᠠᠭᠠᠳᠤ ᠲᠠᠯᠠ ᠳ᠋ᠤ᠌ ᠳᠦᠭᠦᠷᠡᠩ ᠠᠯᠲᠠ ᠲᠠᠢ ᠭᠠᠵᠠᠷ ᠪᠣᠢ》 ᠬᠠᠭᠠᠨ ᠶᠠᠭᠠᠷᠠᠨ ᠵᠠᠪᠢᠴᠢᠨ ᠤᠷᠤᠭᠤ ᠣᠴᠢᠪᠠ᠃ᠣᠭᠲᠣᠬᠠᠨ ᠴᠤ᠌ ᠡᠷᠡᠭᠡᠯᠵᠡᠯ ᠦᠭᠡᠢ ᠬᠠᠭᠠᠨ ᠵᠠᠪᠢᠴᠢᠨ ᠤ᠋ ᠭᠠᠷ ᠠ᠋ᠴᠠ ᠰᠡᠯᠢᠭᠦᠷ ᠢ᠋ ᠨᠢ ᠪᠤᠯᠢᠶᠠᠨ ᠠᠪᠤᠯᠠ᠃ ᠵᠠᠪᠢᠴᠢᠨ ᠪᠠᠶᠠᠷᠯᠠᠨ ᠬᠥᠭᠡᠷᠴᠦ ᠬᠠᠭᠠᠨ ᠢ᠋ ᠭᠠᠭᠴᠠᠭᠠᠷ ᠢ᠋ ᠨᠢ ᠣᠷᠬᠢᠨ ᠶᠠᠪᠤᠯᠠ᠃
ᠲᠡᠷᠡ ᠵᠠᠭᠤᠷᠠ ᠯᠢ ᠣ ᠲᠥᠷᠥᠭᠰᠡᠨ ᠡᠴᠢᠭᠡ ᠡᠬᠡ ᠶ᠋ᠢᠨ ᠢ᠋ᠶ᠋ᠡᠨ ᠲᠤᠬᠠᠢ ᠪᠦᠭᠦᠳᠡ ᠶ᠋ᠢ ᠣᠯᠵᠤ ᠮᠡᠳᠡᠵᠡᠢ᠃ ᠲᠠᠷᠢᠶᠠᠴᠢᠨ ᠭᠡᠷ ᠪᠦᠯᠢ ᠪᠣᠯᠤᠨ ᠯᠢ ᠣ ᠶ᠋ᠢ ᠥᠰᠬᠡᠵᠦ ᠬᠥᠮᠦᠵᠢᠭᠦᠯᠦᠭᠰᠡᠨ ᠡᠴᠢᠭᠡ ᠡᠬᠡ ᠨᠢ ᠪᠦᠭᠦᠳᠡ ᠣᠷᠳᠣᠨ ᠳ᠋ᠤ᠌ ᠤᠷᠢᠭᠳᠠᠵᠠᠢ᠃ᠵᠥᠩᠨᠡᠯ ᠪᠡᠶᠡᠯᠡᠯ ᠢ᠋ᠶ᠋ᠡᠨ ᠣᠯᠤᠯᠠ᠃ ᠯᠢ ᠣ ᠬᠣᠲᠠ ᠳ᠋ᠤ᠌ ᠠᠵᠠ᠂ᠡᠳ᠋ ᠪᠠᠶᠠᠯᠢᠭ ᠠᠪᠴᠢᠷᠠᠪᠠ᠃ ᠬᠠᠷᠢᠨ ᠰᠢᠨᠤᠯ ᠲᠠᠢ ᠬᠠᠭᠠᠨ ᠤ᠋ ᠬᠤᠪᠢ ᠳ᠋ᠤ᠌ ᠲᠡᠷᠡ ᠪᠡᠷ ᠣᠳᠣ ᠴᠤ᠌ ᠭᠣᠣᠯ ᠤ᠋ᠨ ᠬᠣᠶᠠᠷ ᠡᠷᠭᠢ ᠬᠣᠭᠣᠷᠣᠨᠳᠣ ᠤᠷᠢ ᠭᠠᠭᠴᠠᠭᠠᠷ ᠨᠠᠰᠢ ᠴᠠᠰᠢ ᠪᠠᠨ ᠬᠣᠯᠬᠢᠳᠠᠭ ᠭᠡᠵᠦ ᠭᠡᠯᠴᠡᠳᠡᠭ᠃ ᠬᠡᠨ ᠴᠦ᠍ ᠲᠡᠭᠦᠨ ᠡᠴᠡ ᠰᠡᠯᠢᠭᠦᠷ ᠢ᠋ ᠨᠢ ᠪᠤᠯᠢᠶᠠᠵᠤ ᠠᠪᠴᠤ ᠵᠢᠷᠦᠬᠡᠯᠡᠭᠡ ᠦᠭᠡᠢ ᠠᠵᠢ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠲ· ᠲᠦᠮᠡᠨᠴᠡᠴᠡᠭ
ᠦᠰᠦᠭ ᠬᠠᠳᠠᠭᠴᠢ᠄ ᠬᠢᠨᠠᠭᠴᠢ᠄ ᠤᠷᠠᠨᠳᠠᠨᠡ