ᠣᠨᠢᠰᠤᠭᠠ – ᠳ᠋ᠠ ᠶᠢᠨ ᠠᠢᠮᠠᠭ - ᠴᠣ᠂ ᠳᠤᠭᠠᠷᠵᠠᠪ ᠡᠮᠬᠢᠳᠬᠡᠨ ᠨᠠᠢᠷᠠᠭᠤᠯᠪᠠ Оньсого – Дагийн аймаг - Чо ᠂ Дугаржав эмхэтгэн найруулав
4789ᠳ᠋ᠠ ᠶᠢᠨ ᠠᠢᠮᠠᠭ
ᠴᠠᠢ ᠦᠭᠡᠢ ᠮᠥᠷᠲᠡᠭᠡᠨ ᠬᠣᠶᠠᠷ ᠳᠣᠮᠪᠣ ᠲᠠᠢ
ᠪᠤᠷᠬᠠᠨ ᠦᠭᠡᠢ ᠮᠥᠷᠲᠡᠭᠡᠨ ᠨᠠᠢ᠍ᠮᠠᠨ ᠲᠠᠬᠢᠯ ᠲᠠᠢ
ᠮᠣᠷᠢ ᠦᠭᠡᠢ ᠮᠥᠷᠲᠡᠭᠡᠨ ᠨᠢᠭᠡ ᠲᠠᠰᠢᠭᠤᠷ ᠲᠠᠢ
( ᠦᠬᠡᠷ ᠦ᠋ᠨ ᠡᠪᠡᠷ᠂ ᠴᠢᠬᠢ᠂ ᠲᠤᠭᠤᠷᠠᠢ᠂ ᠰᠡᠭᠦᠯ)
ᠳᠠᠩ ᠳᠠᠪᠠᠭᠠ ᠳᠠᠪᠬᠤᠷ ᠳᠠᠪᠠᠭᠠ
ᠬᠥᠨᠳᠡᠢ ᠳᠠᠪᠠᠭᠠ ᠬᠦᠰᠡᠯ ᠳᠠᠪᠠᠭᠠ
ᠮᠥᠩᠭᠥᠨ ᠠᠶᠠᠭᠠ ᠮᠥᠰᠥᠨ ᠰᠢᠬᠢᠷ
( ᠠᠢᠷᠠᠭ ᠪᠦᠯᠢᠬᠦ )
ᠳᠠᠭᠠᠨ ᠴᠠᠭᠠᠨ ᠮᠣᠷᠢ
ᠳᠠᠯᠠᠨ ᠳᠠᠪᠬᠤᠷ ᠲᠣᠬᠣᠮ ᠲᠠᠢ
( ᠬᠤᠰᠤ )
ᠳᠠᠯᠠᠢ ᠯᠠᠮᠠ ᠶ᠋ᠢᠨ ᠳᠠᠪᠲᠠᠨ ᠬᠢᠭᠰᠡᠨ
ᠳᠠᠷᠬᠠᠨ ᠬᠠᠮᠪᠤ ᠶ᠋ᠢᠨ ᠰᠢᠲᠦᠨ ᠬᠢᠭᠰᠡᠨ
ᠬᠣᠶᠠᠷ ᠴᠠᠭᠠᠨ ᠳᠠᠯᠠᠪᠴᠢ
( ᠴᠠᠩ )
ᠳᠠᠯᠠᠢ ᠶ᠋ᠢᠨ ᠵᠢᠭᠠᠰᠤ ᠴᠣᠯᠭᠢᠨᠠ
ᠳᠠᠯᠠᠪᠴᠢ ᠦᠭᠡᠢ ᠭᠠᠷᠤᠳᠢ ᠰᠢᠭᠦᠷᠡᠨᠡ
( ᠪᠤᠳᠠᠭᠠ ᠱᠦᠭᠦᠬᠦ )
ᠳᠠᠯᠠᠢ ᠳ᠋ᠤ᠌ ᠳᠠᠭᠠ ᠤᠨᠠᠭᠠᠳ
ᠳᠠᠭᠠ ᠨᠢ ᠵᠣᠪᠠᠬᠤ ᠦᠭᠡᠢ
ᠳᠠᠯᠠᠢ ᠵᠣᠪᠠᠨᠠ
( ᠨᠢᠳᠦᠨ ᠳ᠋ᠦ᠍ ᠬᠣᠭ ᠣᠷᠣᠬᠤ)
ᠳᠠᠯᠤ ᠰᠢᠭ᠋ ᠶᠠᠩᠵᠤᠲᠠᠢ
ᠳᠠᠪᠬᠤᠷ ᠬᠣᠶᠠᠷ ᠠᠮᠠ ᠲᠠᠢ
ᠲᠠᠯᠤᠨ ᠳᠡᠭᠡᠷᠡ ᠪᠡᠨ ᠴᠦ ᠲᠡᠢ
( ᠴᠢᠮᠬᠢᠭᠦᠷ )
ᠲᠠᠲᠠᠷ ᠲᠠᠲᠠᠷ ᠰᠢᠪᠠᠭᠤ
ᠲᠠᠯᠤᠨ ᠳᠡᠭᠡᠷᠡ ᠪᠡᠨ ᠪᠢᠴᠢᠭ ᠲᠡᠢ
ᠳᠠᠯᠠᠢ ᠯᠠᠮᠠ ᠶ᠋ᠢᠨ ᠪᠠᠨᠳᠢ
ᠬᠡᠯᠡᠨ ᠳᠡᠭᠡᠷᠡ ᠪᠡᠨ ᠪᠢᠴᠢᠭ ᠲᠡᠢ
( ᠳᠠᠷᠴᠤᠭ )
ᠳᠡᠭᠡᠪᠦᠷ ᠢᠰᠡᠭᠡᠢ
ᠳᠡᠯᠡᠬᠡᠢ ᠶ᠋ᠢ ᠪᠦᠲᠡᠭᠡᠨᠡ
( ᠴᠠᠰᠤ )
ᠳᠡᠭᠡᠷᠡ ᠰᠠᠭᠤᠭᠰᠠᠨ ᠲᠡᠩᠭᠡᠬᠡᠷ ᠲᠠᠢᠵᠢ
ᠳᠡᠷᠭᠡᠳᠡ ᠰᠠᠭᠤᠭᠰᠠᠨ ᠪᠦᠷᠭᠦᠳ ᠲᠠᠢᠵᠢ
ᠳᠣᠣᠷᠠ ᠰᠠᠭᠤᠭᠰᠠᠨ ᠳᠣᠩᠬᠣᠷ ᠲᠠᠢᠵᠢ
ᠳᠣᠷᠣᠭᠰᠢ ᠪᠠᠨ ᠬᠠᠷᠠᠭᠰᠠᠨ ᠰᠢᠭᠡᠷᠡᠩ ᠲᠠᠢᠵᠢ
( ᠠᠷᠢᠬᠢ ᠨᠡᠷᠡᠬᠦ᠂ ᠪᠦᠷᠬᠦᠬᠡᠷ᠂ ᠲᠣᠰᠣᠭᠤᠷ᠂ ᠲᠣᠭᠣᠭᠠ᠂ ᠵᠡᠯᠢᠪᠴᠢ)
ᠳᠡᠭᠡᠷᠡ ᠳᠡᠩᠬᠡᠩ ᠳᠣᠣᠷᠠ ᠪᠤᠩᠬᠤᠨ
( ᠣᠭᠣᠷ ᠰᠦᠬᠡ )
ᠳᠡᠭᠡᠷᠡ ᠪᠡᠨ ᠳ᠋ᠧᠩ ᠴᠠᠭᠠᠨ
ᠳᠤᠮᠳᠠ ᠪᠠᠨ ᠲᠤᠩ ᠴᠠᠭᠠᠨ
ᠳᠣᠣᠷᠠ ᠪᠠᠨ ᠠᠵᠠᠢ ᠪᠤᠭᠤᠷᠤᠯ
( ᠥᠷᠥᠮᠡ᠂ ᠰᠦ᠂ ᠬᠤᠰᠤᠮ)
ᠳᠡᠭᠦᠦᠳᠡᠢ ᠳᠡᠭᠦᠦᠳᠡᠢ ᠳᠥᠷᠪᠡᠭᠦᠯᠡ
ᠳᠥᠴᠢᠨ ᠨᠠᠴᠢᠨ ᠬᠣᠶᠠᠭᠤᠯᠠ
ᠠᠩᠭᠠᠳᠠᠢ ᠮᠡᠷᠭᠡᠨ ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ
ᠠᠳᠤᠭᠤᠴᠢᠨ ᠬᠥᠪᠡᠭᠦᠨ ᠲᠣᠰᠢᠶᠠᠯᠢ
( ᠲᠡᠮᠡᠭᠡ )
ᠳᠠᠮ ᠰᠠᠢᠲᠠᠢ ᠪᠦᠷᠭᠦᠳ
ᠳᠠᠯᠤ ᠰᠠᠢᠲᠠᠢ ᠬᠠᠷᠴᠠᠭᠠᠢ
ᠤᠷᠲᠤ ᠰᠠᠢᠬᠠᠨ ᠴᠠᠯᠮᠠ
ᠤᠷᠠᠨ ᠰᠠᠢᠬᠠᠨ ᠠᠷᠭᠠ
( ᠮᠣᠷᠢ ᠤᠷᠭᠠᠯᠠᠬᠤ )
ᠳᠣᠪᠣ ᠲᠣᠭᠣᠷᠢᠭᠰᠠᠨ ᠳᠣᠯᠣᠭᠠᠨ ᠨᠦᠬᠡ
( ᠨᠢᠳᠦ᠂ ᠴᠢᠬᠢ᠂ ᠬᠠᠮᠠᠷ᠂ ᠠᠮᠠ)
ᠳᠣᠭᠣᠯᠠᠩ ᠡᠮᠡᠭᠡᠨ ᠳᠣᠪᠣ ᠲᠣᠭᠣᠷᠢᠨᠠ
( ᠦᠨᠡᠰᠦ ᠬᠠᠮᠤᠬᠤ )
ᠲᠤᠯᠤᠨ ᠨᠠᠭᠤᠷ ᠤ᠋ᠨ ᠠᠳᠤᠭᠤ
ᠲᠣᠭᠰᠢᠨ ᠴᠤ᠌ ᠭᠡᠳᠡᠭ ᠨᠢ ᠠᠷᠭᠠ ᠦᠭᠡᠢ
ᠲᠣᠨᠲᠣᠭ ᠶᠣᠨᠳᠤᠭ ᠬᠣᠶᠠᠷ ᠤ᠋ᠨ
ᠤᠷᠭᠠᠯᠠᠭᠠᠴᠢ ᠭᠡᠳᠡᠭ ᠨᠢ ᠠᠷᠭᠠ ᠦᠭᠡᠢ
( ᠬᠠᠢᠴᠢ ᠪᠠᠷ ᠠᠷᠭᠠᠯ ᠬᠠᠪᠴᠢᠬᠤ)
ᠲᠤᠩ ᠭᠡᠳᠡᠭ ᠠᠭᠤᠯᠠ ᠶ᠋ᠢᠨ ᠡᠩᠭᠡᠷ ᠲᠤ
ᠲᠤᠩ ᠴᠠᠭᠠᠨ ᠥᠷᠭᠥᠭᠡ ᠪᠠᠷᠢᠭᠠᠳ
ᠳᠤᠮᠳᠠ ᠠ᠋ᠴᠠ ᠨᠢ ᠤᠯᠠᠭᠠᠨ ᠮᠢᠨᠳᠠᠰᠤ ᠤᠨᠵᠢᠭᠤᠯᠬᠤ ᠳ᠋ᠤ᠌
ᠴᠢ ᠨᠠᠮᠠᠶ᠋ᠢ ᠶᠠᠭᠠᠬᠢᠳᠠᠭ ᠶᠤᠮ
ᠳ᠋ᠧᠩ ᠢ᠋ ᠴᠢᠨᠢ ᠤᠨᠲᠠᠷᠠᠭᠠᠭᠠᠳ
ᠳᠡᠷᠭᠡᠳᠡᠬᠢ ᠶ᠋ᠢ ᠴᠢᠨᠢ ᠮᠤᠯᠲᠤ ᠴᠣᠬᠢᠬᠤ ᠳ᠋ᠤ᠌
ᠴᠢ ᠨᠠᠮᠠᠶ᠋ᠢ ᠶᠠᠭᠠᠬᠢᠳᠠᠭ ᠶᠤᠮ
( ᠬᠡᠷᠡᠯᠳᠦᠬᠦ )
ᠳᠤᠭᠤᠢ ᠴᠠᠭᠠᠨ ᠡᠷᠭᠢᠨ ᠳᠡᠭᠡᠷᠡ
ᠳᠣᠮᠪᠣ ᠴᠠᠭᠠᠨ ᠴᠡᠴᠡᠭ ᠦᠵᠡᠭᠳᠡᠨᠡ
( ᠵᠤᠯᠠ )
ᠳᠤᠷᠠᠨ ᠤ᠋ ᠮᠣᠷᠢ ᠲᠤᠭᠤᠷᠠᠢ ᠦᠭᠡᠢ
ᠳᠣᠷᠣᠨᠠᠲᠤ ᠶ᠋ᠢᠨ ᠲᠠᠯᠠ ᠨᠣᠭᠣᠭᠠ ᠦᠭᠡᠢ
( ᠰᠢᠷᠡᠭᠡ )
ᠳᠥᠰᠢ ᠳᠡᠭᠡᠷᠡ ᠳᠥᠷᠪᠡᠨ ᠭᠠᠯᠠᠭᠤ
( ᠦᠨᠢᠶᠡᠨ ᠦ᠌ ᠬᠥᠬᠥ )
ᠳᠥᠴᠢᠨ ᠪᠥᠰ ᠢ᠋ᠶ᠋ᠡᠷ ᠳᠡᠪᠡᠯ ᠬᠢᠪᠡ
ᠳᠥᠷᠪᠡᠨ ᠲᠡᠰᠢᠶᠡ ᠳᠤᠲᠠᠪᠠ
( ᠱᠡᠵᠢᠭᠡᠢ )
ᠳᠥᠷᠪᠡᠨ ᠬᠥᠮᠦᠨ ᠨᠢᠭᠡ ᠮᠠᠯᠠᠭᠠᠢ ᠲᠠᠢ
( ᠰᠢᠷᠡᠭᠡ )
ᠳᠥᠷᠪᠡᠨ ᠵᠠᠩ ᠪᠠᠢᠰᠢᠩ
ᠠᠷᠪᠠᠨ ᠬᠣᠶᠠᠷ ᠲᠤᠯᠭᠠᠭᠤᠷᠢ ᠲᠠᠢ
ᠭᠤᠷᠪᠠᠨ ᠵᠠᠭᠤᠨ ᠵᠢᠷᠠᠨ ᠲᠠᠪᠤᠨ ᠴᠣᠩᠬᠣ ᠲᠠᠢ
( ᠤᠯᠠᠷᠢᠯ᠂ ᠰᠠᠷᠠ᠂ ᠡᠳᠦᠷ)
ᠳᠥᠷᠪᠡᠨ ᠡᠮᠡᠭᠡᠨ ᠡᠯᠢᠭᠡ ᠪᠡᠨ ᠡᠭᠡᠭᠡᠪᠡ
( ᠲᠤᠯᠭᠠ ᠶ᠋ᠢᠨ ᠲᠣᠲᠣᠭᠣ )
ᠳᠥᠷᠪᠡᠨ ᠯᠠᠮᠠ ᠰᠢᠪᠠᠷ ᠨᠤᠬᠤᠪᠠ
ᠨᠢᠭᠡ ᠯᠠᠮᠠ ᠵᠢᠮᠢᠰ ᠲᠡᠭᠦᠪᠡ
ᠬᠣᠶᠠᠷ ᠯᠠᠮᠠ ᠳᠢᠶᠠᠨᠴᠢ ᠰᠠᠭᠤᠪᠠ
ᠨᠢᠭᠡ ᠯᠠᠮᠠ ᠢᠯᠠᠭᠠ ᠦᠷᠭᠦᠭᠡᠪᠡ
( ᠲᠡᠮᠡᠭᠡ )
ᠳᠥᠷᠪᠡᠨ ᠭᠠᠯᠠᠭᠤ ᠳᠦᠢᠭᠡᠭᠡᠳ ᠢᠷᠡᠪᠡ
ᠳᠥᠷᠳᠡᠢ ᠮᠠᠩᠬᠠᠨ ᠲᠣᠰᠤᠭᠠᠳ ᠣᠴᠢᠪᠠ
( ᠦᠨᠢᠶᠡ ᠰᠠᠭᠠᠬᠤ )
ᠳᠥᠷᠪᠡᠯᠵᠢᠨ ᠪᠡᠶᠡ ᠳ᠋ᠡᠭᠡᠨ
ᠲᠥᠷᠥ ᠪᠤᠯᠢᠶᠠᠯᠳᠤᠨᠠ
ᠲᠥᠷᠥᠭᠰᠡᠨ ᠪᠡᠶᠡ ᠳ᠋ᠡᠭᠡᠨ
ᠤᠬᠠᠭᠠᠨ ᠪᠤᠯᠢᠶᠠᠯᠳᠤᠨᠠ
( ᠰᠢᠲᠠᠷᠠ ᠨᠠᠭᠠᠳᠬᠤ )
ᠳᠥᠷᠪᠡᠨ ᠴᠢᠪᠠᠭᠠᠨᠴᠠ
ᠨᠢᠭᠡ ᠨᠦᠬᠡᠨ ᠳ᠋ᠦ᠍ ᠰᠢᠭᠡᠨᠡ
( ᠦᠨᠢᠶᠡ ᠰᠠᠭᠠᠬᠤ )
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠬᠢᠨᠠᠭᠴᠢ ᠄ ᠪᠠᠶᠠᠷᠴᠡᠴᠡᠭ
2024 4 28