ᠣᠨᠢᠰᠤᠭᠠ – ᠲᠠ ᠶᠢᠨ ᠠᠢᠮᠠᠭ - ᠴᠣ᠂ ᠳᠤᠭᠠᠷᠵᠠᠪ ᠡᠮᠬᠢᠳᠬᠡᠨ ᠨᠠᠢᠷᠠᠭᠤᠯᠪᠠ Оньсого – Тагийн аймаг - Чо ᠂ Дугаржав эмхэтгэн найруулав
3669 ᠲᠠᠢ ᠲᠠᠢ ᠳᠠᠭᠰᠢᠨᠠ
ᠲᠠᠪᠤᠨ ᠬᠤᠷᠤᠭᠤ ᠮᠤᠭᠰᠢᠨᠡ
ᠬᠥᠮᠦᠨ ᠬᠥᠮᠦᠨ ᠬᠦᠷᠢᠶᠡᠯᠡᠨᠡ
ᠬᠦᠷᠡᠩ ᠠᠵᠢᠷᠭᠠ ᠵᠢᠷᠣᠭᠠᠯᠠᠨᠠ
( ᠤᠲᠠᠰᠤ ᠡᠭᠡᠷᠡᠬᠦ )
ᠲᠠᠢᠵᠢ ᠶ᠋ᠢᠨ ᠲᠡᠮᠡᠭᠡ
ᠲᠠᠯᠠ ᠥᠭᠡᠳᠡ ᠪᠡᠨ ᠴᠤᠪᠤᠨᠠ
ᠲᠠᠪᠤᠨᠠᠩ ᠤ᠋ᠳ ᠤ᠋ᠨ ᠬᠡᠦᠬᠡᠳ
ᠨᠢᠭᠡ ᠨᠢᠭᠡ ᠪᠡᠷ ᠢ᠋ᠶ᠋ᠡᠨ ᠤᠨᠤᠨᠠ
( ᠭᠡᠷ ᠮᠣᠳᠣᠯᠠᠬᠤ )
ᠲᠠᠩᠭᠤᠳ ᠯᠠᠮᠠ ᠲᠠᠯᠪᠢᠭᠰᠠᠭᠠᠷ ᠶᠠᠪᠤᠭᠠᠳ
ᠲᠠᠮᠤ ᠳ᠋ᠤ᠌ ᠤᠨᠠᠴᠢᠬᠠᠪᠠ
( ᠬᠠᠮᠬᠤᠤᠯ )
ᠲᠠᠩᠭᠤᠳ ᠤ᠋ᠨ ᠲᠠᠪᠤᠨ ᠰᠢᠷᠠ ᠨᠣᠬᠠᠢ
ᠡᠳᠦᠷ ᠤᠶᠠᠭᠠ ᠲᠠᠢ ᠰᠥᠨᠢ ᠲᠠᠯᠪᠢᠭᠠ ᠲᠠᠢ
( ᠲᠣᠪᠴᠢ )
ᠲᠠᠪᠬᠠᠭᠠᠷ ᠤᠯᠠᠭᠠᠭᠴᠢᠨ
ᠲᠠᠪᠤᠨ ᠨᠢᠳᠦᠲᠡᠢ
( ᠢᠰᠡᠭᠡᠢ ᠳᠡᠷᠡ )
ᠲᠠᠪᠤᠨ ᠲᠡᠮᠡᠭᠡ ᠠᠯᠳᠠᠭᠰᠠᠭᠠᠷ ᠲᠦᠳᠡ
ᠲᠠᠢᠵᠢ ᠶ᠋ᠢᠨ ᠬᠣᠵᠢᠭᠢᠷ ᠨᠡᠬᠡᠭᠰᠡᠭᠡᠷ ᠲᠦᠳᠡ
( ᠬᠥᠯ ᠦ᠋ᠨ ᠬᠤᠷᠤᠭᠤ᠂ ᠥᠰᠥᠭᠡᠢ)
ᠲᠠᠪᠤᠨ ᠬᠥᠮᠦᠨ ᠢ᠋ᠶ᠋ᠡᠷ ᠳᠠᠮᠵᠢᠭᠤᠯᠵᠤ
ᠲᠠᠨᠢᠬᠤ ᠦᠭᠡᠢ ᠬᠥᠮᠦᠨ ᠢ᠋ᠶ᠋ᠡᠷ ᠲᠠᠭᠠᠯᠠᠭᠤᠯᠪᠠ
( ᠬᠦᠬᠦᠷ ᠢ᠋ᠶ᠋ᠡᠷ ᠲᠠᠮᠠᠬᠢᠯᠠᠬᠤ)
ᠲᠠᠪᠤᠨ ᠲᠠᠩᠭᠤᠳ ᠤ᠋ᠨ ᠬᠣᠢᠨᠠ ᠠ᠋ᠴᠠ
ᠨᠢᠭᠡ ᠲᠠᠩᠭᠤᠳ ᠬᠥᠭᠡᠭᠡᠭᠡᠳ
ᠥᠨᠥ ᠪᠣᠯᠲᠠᠯᠠ ᠭᠦᠢᠴᠡᠭᠡ ᠦᠭᠡᠢ
( ᠬᠥᠯ ᠦ᠋ᠨ ᠬᠤᠷᠤᠭᠤ᠂ ᠥᠰᠥᠭᠡᠢ)
ᠲᠠᠭ ᠳᠡᠭᠡᠷᠡ ᠲᠠᠪᠤᠨ ᠢᠯᠠᠭᠠ
( ᠬᠢᠮᠤᠰᠤ )
ᠲᠠᠯᠠ ᠳᠡᠭᠡᠷᠡ ᠲᠠᠩᠰᠤᠭ ᠢᠳᠡᠭᠡ
ᠲᠠᠪᠤᠨ ᠬᠤᠷᠤᠭᠤ ᠪᠠᠷ ᠪᠠᠷᠢᠰᠢ ᠦᠭᠡᠢ ᠢᠳᠡᠭᠡ
( ᠬᠥᠬᠥ ᠶ᠋ᠢᠨ ᠰᠦ )
ᠲᠠᠯᠠ ᠳᠡᠭᠡᠷᠡᠬᠢ
ᠲᠠᠪᠤᠨ ᠥᠩᠭᠡ ᠶ᠋ᠢᠨ ᠲᠣᠷᠭᠠ ᠶ᠋ᠢ
ᠴᠢ ᠴᠤ᠌ ᠠᠪᠴᠤ ᠳᠡᠢᠯᠬᠦ ᠦᠭᠡᠢ
ᠪᠢ ᠴᠤ᠌ ᠠᠪᠴᠤ ᠳᠡᠢᠯᠬᠦ ᠦᠭᠡᠢ
( ᠰᠣᠯᠣᠩᠭᠠ )
ᠲᠠᠯᠠ ᠳᠡᠭᠡᠷᠡ ᠲᠠᠭᠰᠢᠨᠠ
ᠲᠠᠪᠤᠨ ᠬᠤᠷᠤᠭᠤ ᠯᠤᠭᠰᠢᠨᠠ
ᠮᠡᠨᠳᠦ ᠮᠡᠳᠡᠨᠡ
ᠮᠡᠭᠰᠢᠨ ᠲᠠᠲᠠᠨᠠ
( ᠯᠢᠮᠪᠦᠳᠡᠬᠦ )
ᠲᠠᠯᠠ ᠶ᠋ᠢᠨ ᠠᠳᠤᠭᠤ ᠶ᠋ᠢ
ᠲᠠᠬᠢᠷ ᠠᠵᠢᠷᠭᠠ ᠪᠠᠷ ᠬᠤᠷᠢᠶᠠᠪᠠ
( ᠠᠷᠭᠠᠯ ᠲᠡᠭᠦᠬᠦ )
ᠲᠠᠯᠠ ᠳᠡᠭᠡᠭᠦᠷ ᠳᠠᠢᠪᠠᠩ ᠳᠠᠢᠪᠠᠩ
ᠲᠠᠰᠢᠭᠤᠷ ᠦᠭᠡᠢ ᠭᠤᠢᠪᠢᠩ ᠭᠤᠢᠪᠢᠩ
( ᠬᠠᠮᠬᠤᠤᠯ )
ᠲᠠᠯᠠ ᠶ᠋ᠢᠨ ᠠᠳᠤᠭᠤ ᠳᠠᠷᠬᠢᠵᠤ ᠲᠤᠷᠭᠢᠭᠠᠳ ᠶᠠᠪᠤᠪᠠ
ᠲᠠᠷᠭᠤᠨ ᠴᠠᠭᠠᠭᠴᠢᠨ ᠪᠠᠢᠭᠠᠳ ᠬᠣᠴᠣᠷᠪᠠ
( ᠠᠭᠠᠷᠴᠠ ᠱᠦᠭᠦᠬᠦ )
ᠲᠠᠰᠢᠭᠤᠷ ᠤ᠋ᠨ ᠴᠢᠨᠡᠭᠡᠨ ᠭᠡᠷ ᠲᠤ
ᠲᠠᠪᠤᠨ ᠬᠥᠮᠦᠨ ᠪᠠᠭᠲᠠᠨᠠ
( ᠴᠠᠭᠠᠨ ᠮᠢᠬᠠ )
ᠲᠡᠨᠳᠡ ᠪᠠᠢᠬᠤ ᠳ᠋ᠤ᠌ ᠲᠡᠮᠡᠭᠡ ᠰᠢᠭ
ᠲᠩᠷᠢ ᠶ᠋ᠢᠨ ᠨᠠᠭᠠᠭᠤᠷ ᠢᠮᠠᠭᠠ ᠰᠢᠭ᠋
ᠪᠥᠵᠥᠩ ᠲᠠᠤᠯᠠᠢ ᠶ᠋ᠢᠨ ᠪᠥᠭᠡᠭᠡ ᠰᠢᠭ
ᠪᠥᠭᠲᠥᠷ ᠴᠢᠨᠣᠠ ᠶ᠋ᠢᠨ ᠴᠣᠭᠭᠢᠶᠠ ᠰᠢᠭ᠋
( ᠵᠡᠷᠭᠡᠯᠭᠡᠨ )
ᠲᠡᠭᠰᠢ ᠳᠥᠷᠪᠡᠯᠵᠢᠨ ᠪᠡᠶᠡ ᠲᠡᠢ
ᠲᠩᠷᠢ ᠶ᠋ᠢᠨ ᠴᠠᠬᠢᠯᠭᠠᠨ ᠬᠦᠯᠦᠭ ᠲᠡᠢ
ᠲᠥᠷᠥ ᠲᠦᠮᠡᠨ ᠦ᠌ ᠶᠠᠪᠤᠳᠠᠯ ᠢ᠋
ᠴᠠᠭ ᠲᠤᠬᠠᠢ ᠳ᠋ᠤᠨᠢ ᠮᠡᠳᠡᠭᠡᠯᠡᠳᠡᠭ
( ᠷᠠᠳᠢᠣ᠋ )
ᠲᠡᠮᠦᠷ ᠪᠥᠭᠰᠡ ᠮᠣᠳᠣᠨ ᠴᠡᠭᠡᠵᠢ
ᠲᠣᠯᠣᠭᠠᠢ ᠶ᠋ᠢ ᠨᠢ ᠴᠣᠬᠢᠪᠠᠯ ᠬᠥᠯ ᠨᠢ ᠮᠠᠯᠲᠠᠨᠠ
( ᠴᠦᠴᠡ )
ᠲᠡᠮᠦᠷ ᠪᠠᠭᠠᠨᠠ ᠲᠩᠷᠢ ᠳ᠋ᠦ᠍ ᠲᠤᠯᠤᠨᠠ
( ᠤᠲᠤᠭᠠ )
ᠲᠡᠮᠦᠷ ᠱᠠᠲᠤ ᠪᠠᠷ ᠶᠠᠪᠤᠭᠠᠳ
ᠮᠣᠳᠣᠨ ᠳᠠᠪᠠᠭᠠ ᠳᠠᠪᠠᠪᠠ
( ᠮᠣᠷᠳᠠᠬᠤ )
ᠲᠡᠭᠡᠷᠡ ᠲᠠᠩᠳᠠ ᠳᠡᠭᠡᠯᠡᠢ
ᠲᠩᠷᠢ ᠭᠠᠵᠠᠷ ᠨᠠᠭᠠᠯᠢ
ᠬᠤᠯᠤᠰᠤ ᠮᠡᠳᠡᠨ ᠮᠠᠲᠠᠭᠠᠯᠢ
( ᠨᠤᠮᠤ ᠳᠡᠯᠢᠬᠦ )
ᠲᠡᠬᠡᠷᠡ ᠲᠡᠨᠳᠡ ᠲᠡᠮᠡᠭᠡ ᠰᠢᠭ
ᠲᠩᠷᠢ ᠶ᠋ᠢᠨ ᠨᠠᠭᠠᠨᠠ ᠢᠮᠠᠭᠠ ᠰᠢᠭ᠋
ᠨᠠᠷᠠᠨ ᠳᠣᠣᠭᠤᠷ ᠨᠠᠭᠠᠳᠤᠮ ᠰᠢᠭ᠋
ᠨᠠᠴᠢᠨ ᠱᠣᠩᠬᠣᠷ ᠰᠢᠪᠠᠭᠤ ᠰᠢᠭ᠋
( ᠵᠡᠷᠭᠡᠯᠭᠡᠨ )
ᠲᠡᠬᠡᠷᠡ ᠲᠡᠨᠳᠡ ᠡᠴᠡ ᠬᠠᠷᠠᠬᠤ ᠳ᠋ᠤ᠌ ᠲᠡᠮᠡᠭᠡ ᠰᠢᠭ
ᠲᠡᠷᠭᠡᠨ ᠳᠡᠭᠡᠷᠡ ᠡᠴᠡ ᠬᠠᠷᠠᠬᠤ ᠳ᠋ᠤ᠌ ᠢᠮᠠᠭᠠ ᠰᠢᠭ᠋
ᠬᠠᠭᠠᠨ ᠤ᠋ ᠬᠥᠪᠡᠭᠦᠨ ᠬᠠᠷᠪᠤᠬᠤ ᠰᠢᠭ᠋
ᠬᠠᠷᠴᠠᠭᠠᠢ ᠰᠢᠪᠠᠭᠤ ᠨᠢᠰᠬᠦ ᠰᠢᠭ
( ᠵᠡᠷᠭᠡᠯᠭᠡᠨ )
ᠲᠤᠢᠯᠠᠭᠠ ᠬᠥᠬᠡ ᠲᠡᠮᠡᠭᠡᠨ ᠡᠴᠡ
ᠲᠤᠩ ᠴᠠᠭᠠᠨ ᠨᠣᠣᠰᠣ ᠤᠨᠠᠨᠠ
( ᠴᠠᠰᠤ ᠣᠷᠣᠬᠤ )
ᠲᠣᠭᠣᠨᠣᠨ ᠳᠡᠭᠡᠷᠡ
ᠲᠣᠮᠣ ᠤᠯᠠᠭᠠᠨ ᠱᠠᠭᠠᠢ
( ᠮᠠᠯᠠᠭᠠᠢ ᠶ᠋ᠢᠨ ᠭᠠᠲᠢ )
ᠲᠣᠭᠣᠨᠣ ᠦᠭᠡᠢ ᠭᠡᠷ ᠲᠤ
ᠲᠣᠯᠣᠭᠠᠢ ᠦᠭᠡᠢ ᠬᠡᠦᠬᠡᠳ
( ᠥᠨᠳᠡᠭᠡ )
ᠲᠣᠰᠣ ᠦᠭᠡᠢ ᠪᠠᠢᠭᠠᠳ ᠨᠣᠴᠣᠨᠠ
ᠭᠠᠯ ᠦᠭᠡᠢ ᠪᠠᠢᠭᠠᠳ ᠭᠡᠷᠡᠯᠲᠦᠨᠡ
ᠲᠦᠯᠬᠢᠪᠡᠯ ᠢᠷᠡᠵᠦ
ᠲᠠᠲᠠᠪᠠᠯ ᠶᠠᠪᠤᠴᠢᠬᠠᠨᠠ
( ᠴᠠᠬᠢᠯᠭᠠᠨ ᠳ᠋ᠧᠩ )
ᠲᠣᠯᠣᠭᠠᠢ ᠨᠢ ᠪᠡᠶᠡ ᠳ᠋ᠡᠭᠡᠨ ᠳᠠᠢᠰᠤᠨ
( ᠴᠦᠢᠳᠡᠩ )
ᠲᠣᠯᠣᠭᠠᠢ ᠡᠪᠡᠳᠬᠦ ᠳ᠋ᠦ᠍
ᠲᠣᠭᠣᠷᠴᠣᠭ ᠡᠮᠦᠰᠬᠦ
( ᠬᠤᠷᠤᠭᠤᠪᠴᠢ )
ᠲᠣᠯᠣᠭᠠᠢ ᠨᠢ ᠭᠠᠳᠠᠭᠠ
ᠪᠡᠶᠡ ᠨᠢ ᠨᠦᠬᠡᠨ ᠳ᠋ᠦ᠍
( ᠬᠠᠳᠠᠭᠠᠰᠤ )
ᠲᠣᠰᠣ ᠶ᠋ᠢ ᠠᠪᠴᠤ
ᠲᠣᠷᠬᠠ ᠶ᠋ᠢ ᠬᠠᠶᠠᠬᠤ
( ᠰᠠᠮᠤᠷ ᠴᠥᠮᠥᠬᠦ )
ᠲᠤᠰᠬᠤ ᠨᠢ ᠭᠠᠵᠠᠷ ᠲᠤ
ᠲᠣᠳᠣᠷᠠᠬᠤ ᠨᠢ ᠣᠭᠲᠠᠷᠭᠤᠢ ᠳ᠋ᠤ᠌
( ᠭᠠᠯ )
ᠲᠣᠷᠭᠠᠨ ᠳᠡᠭᠡᠭᠦᠷ ᠭᠦᠶᠦᠪᠡᠴᠦ
ᠲᠣᠷᠭᠠ ᠡᠮᠦᠰᠬᠦ ᠦᠭᠡᠢ ᠬᠡᠦᠬᠡᠳ
( ᠵᠡᠭᠦᠦ )
ᠲᠤᠤᠵᠤᠤ ᠲᠤᠤᠵᠤᠤ ᠬᠠᠮᠢᠭᠠ ᠠ᠋ᠴᠠ ᠢᠷᠡᠪᠡ
ᠲᠣᠰᠣᠲᠤ ᠶ᠋ᠢᠨ ᠭᠣᠣᠯ ᠠ᠋ᠴᠠ ᠢᠷᠡᠪᠡ
ᠲᠣᠰᠣ ᠥᠭᠡᠬᠦ ᠶᠠᠭᠠᠬᠢᠭᠠᠳ ᠬᠠᠯᠳᠠᠭᠠ ᠦᠭᠡᠢ ᠪᠣᠢ
ᠮᠠᠨ ᠤ᠋ ᠭᠠᠵᠠᠷ ᠤ᠋ᠨ ᠵᠠᠩᠰᠢᠯ
( ᠬᠣᠷᠭᠣᠯ )
ᠲᠤᠭᠠᠷ ᠶᠠᠪᠤᠭᠰᠠᠨ ᠪᠣᠯ
ᠲᠤᠭ ᠮᠣᠳᠣ ᠬᠦᠷᠬᠦ ᠰᠠᠨ
ᠥᠷᠯᠥᠭᠡᠭᠦᠷ ᠶᠠᠪᠤᠭᠰᠠᠨ ᠪᠣᠯ
ᠥᠨᠳᠥᠷ ᠮᠣᠳᠣ ᠬᠦᠷᠬᠦ ᠰᠠᠨ
ᠭᠠᠢ ᠲᠠᠢ ᠭᠤᠷᠪᠠᠨ ᠪᠣᠽᠤᠤ
ᠰᠠᠭᠠᠳ ᠬᠢᠴᠢᠬᠡᠯᠡ
( ᠴᠢᠳᠥᠷ )
ᠲᠥᠭᠡ ᠬᠦᠷᠬᠦ ᠦᠭᠡᠢ ᠪᠡᠶᠡ ᠲᠡᠢ
ᠲᠥᠷᠥᠯᠬᠢ ᠴᠠᠭᠠᠨ ᠴᠢᠷᠠᠢ ᠲᠠᠢ
ᠲᠥᠷᠥᠭᠰᠡᠨ ᠪᠡᠶᠡ ᠪᠡᠨ ᠦᠷᠡᠭᠰᠡᠨ ᠴᠤ᠌
ᠲᠦᠮᠡᠨ ᠳ᠋ᠡᠭᠡᠨ ᠬᠦᠷᠢᠶᠡᠯᠡᠯ ᠲᠡᠢ
( ᠣ ᠶ᠋ᠢᠨ ᠪᠢᠷ )
ᠲᠥᠭᠡ ᠴᠢᠨᠡᠭᠡᠨ ᠪᠡᠶᠡ ᠲᠡᠢ
ᠲᠦᠮᠡᠨ ᠳᠠᠪᠬᠤᠷ ᠬᠤᠶᠠᠭ ᠲᠠᠢ
ᠲᠦᠩ ᠭᠡᠵᠦ ᠳᠤᠤᠭᠠᠷᠤᠮᠠᠭᠴᠠ
ᠲᠥᠷᠥᠭᠰᠡᠨ ᠪᠡᠶᠡ ᠪᠡᠨ ᠰᠦᠢᠳᠬᠡᠳᠡᠭ
( ᠫᠤᠤᠵᠢᠩ )
ᠳᠦᠮᠪᠦᠭᠡ ᠨᠡᠷᠡᠲᠡᠢ ᠠᠭᠤᠯᠠᠨ ᠳ᠋ᠤ᠌
ᠳ᠋ᠡᠳᠢ ᠨᠡᠷᠡᠲᠡᠢ ᠭᠥᠷᠥᠭᠡᠰᠦ
( ᠲᠣᠯᠣᠭᠠᠢ ᠶ᠋ᠢᠨ ᠪᠥᠭᠡᠰᠦ)
ᠲᠦᠮᠡᠨ ᠬᠠᠷᠠ ᠬᠣᠨᠢ ᠪᠠᠨ
ᠲᠡᠮᠦᠷ ᠰᠢᠯᠡᠭᠡᠪᠦᠷ ᠢ᠋ᠶ᠋ᠡᠷ ᠬᠤᠷᠢᠶᠠᠨᠠ
( ᠪᠤᠳᠠᠭᠠ ᠠᠶᠠᠭᠠᠯᠠᠬᠤ )
ᠲᠦᠮᠡᠨ ᠬᠣᠨᠢᠨ ᠤ᠋ ᠳᠤᠮᠳᠠ
ᠲᠦᠨᠲᠦᠭᠡᠷ ᠴᠠᠭᠠᠨ ᠬᠤᠴᠠ
( ᠰᠠᠷᠠ )
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ
2024 04 28