ᠣᠨᠢᠰᠤᠭᠠ – ᠮᠠ᠂ ᠯᠠ ᠶᠢᠨ ᠠᠢᠮᠠᠭ - ᠴᠣ᠂ ᠳᠤᠭᠠᠷᠵᠠᠪ ᠡᠮᠬᠢᠳᠬᠡᠨ ᠨᠠᠢᠷᠠᠭᠤᠯᠪᠠ Оньсого – Ма ᠂ Лагийн аймаг - Чо ᠂ Дугаржав эмхэтгэн найруулав
2472ᠮᠠ ᠶᠢᠨ ᠠᠢᠮᠠᠭ
ᠮᠠᠩᠭᠤᠰ ᠤ᠋ᠨ ᠬᠡᠦᠬᠡᠳ ᠰᠢᠷᠣᠢ ᠳ᠋ᠤ᠌ ᠳᠤᠷᠠᠲᠠᠢ
( ᠬᠠᠨᠠ ᠶ᠋ᠢᠨ ᠲᠣᠯᠣᠭᠠᠢ᠂ ᠰᠢᠭᠢᠷᠡ)
ᠮᠠᠩᠬᠠᠨ ᠳᠡᠭᠡᠷᠡ ᠮᠠᠭ ᠮᠠᠭ
ᠮᠠᠷᠭᠠᠰᠢ ᠥᠷᠯᠥᠭᠡ ᠲᠡᠭ ᠲᠡᠭ
( ᠠᠯᠠᠭᠳᠠᠭᠠ )
ᠮᠠᠩᠬᠠᠲᠠᠢ ᠮᠢᠬᠠ ᠡᠮᠬᠦᠪᠡ
ᠰᠣᠩᠬᠤᠲᠠᠢ ᠰᠢᠷᠣᠢ ᠡᠮᠬᠦᠪᠡ
( ᠬᠠᠨᠠ ᠶ᠋ᠢᠨ ᠲᠣᠯᠣᠭᠠᠢ᠂ ᠰᠢᠭᠢᠷᠡ)
ᠮᠠᠩᠵᠠ ᠮᠠᠩᠵᠠ ᠮᠢᠬᠠᠨ ᠳ᠋ᠤ᠌ ᠳᠤᠷᠠᠲᠠᠢ
ᠮᠠᠨ ᠤ᠋ ᠬᠡᠦᠬᠡᠨ ᠪᠤᠳᠠᠭᠠᠨ ᠳ᠋ᠤ᠌ ᠳᠤᠷᠠᠲᠠᠢ
( ᠬᠢᠲᠤᠭᠠ᠂ ᠬᠠᠯᠪᠠᠭᠠ )
ᠮᠠᠯᠲᠠᠭᠠᠳ ᠪᠠᠢᠪᠠᠯ ᠤᠷᠲᠤᠳᠠᠨᠠ
ᠱᠤᠯᠤᠭᠠᠳ ᠪᠠᠢᠪᠠᠯ ᠪᠦᠳᠦᠭᠦᠷᠡᠨᠡ
( ᠬᠤᠳᠳᠤᠭ ᠮᠠᠯᠲᠠᠬᠤ )
ᠮᠡᠯᠡᠬᠡᠢ ᠪᠡᠶᠡ ᠲᠡᠢ
ᠱᠠᠭᠠᠵᠠᠭᠠᠢ ᠬᠣᠩᠰᠢᠶᠠᠷ ᠲᠠᠢ
( ᠬᠠᠢᠴᠢ )
ᠮᠡᠳᠡᠬᠦ ᠳ᠋ᠦ᠍ ᠮᠡᠷᠭᠡᠨ ᠴᠣᠬᠣᠷ
ᠮᠡᠳᠡᠬᠦ ᠦᠭᠡᠢ ᠳ᠋ᠦ᠍ ᠡᠷᠢᠶᠡᠨ ᠴᠣᠬᠣᠷ
( ᠪᠢᠴᠢᠭ )
ᠮᠢᠩᠭᠠ ᠮᠢᠩᠭᠠ ᠪᠠᠷ ᠰᠠᠭᠰᠠᠯᠵᠠᠨᠠ
ᠮᠠᠶᠢᠭ ᠨᠠᠮᠪᠠ ᠲᠠᠢ ᠰᠠᠭᠰᠠᠯᠵᠠᠨᠠ
( ᠮᠣᠷᠢᠨ ᠤ᠋ ᠰᠡᠭᠦᠯ )
ᠮᠢᠬᠠᠨ ᠠᠭᠤᠯᠠ ᠶ᠋ᠢ
ᠲᠡᠮᠦᠷ ᠱᠠᠲᠤ ᠪᠠᠷ ᠳᠠᠪᠠᠨᠠ
( ᠮᠣᠷᠢ ᠤᠨᠤᠬᠤ )
ᠮᠢᠴᠢ ᠮᠢᠴᠢ ᠵᠢᠷᠭᠤᠭᠤᠯᠠ ᠪᠠᠨ
ᠮᠡᠷᠭᠡᠨ ᠰᠤᠮᠤ ᠳᠥᠷᠪᠡᠭᠦᠯᠡ ᠪᠡᠨ
ᠠᠳᠪᠠᠩ ᠵᠤᠳᠪᠠᠩ ᠬᠣᠶᠠᠭᠤᠯᠠ ᠪᠠᠨ
ᠠᠯᠠᠭ ᠪᠣᠱᠣᠭᠣ ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ
( ᠬᠣᠨᠢᠨ ᠤ᠋ 6 ᠠᠯᠲᠠᠷᠭᠠ᠂ 4 ᠥᠨᠳᠥᠷ᠂ ᠳᠠᠯᠤ᠂ ᠠᠳᠬᠤᠭᠠᠯ ᠪᠣᠭᠲᠣᠭᠣᠰᠣ)
ᠮᠢᠶᠠᠳ ᠨᠣᠭᠣᠭᠠ ᠬᠬᠢᠷ ᠦᠭᠡᠢ
ᠮᠢᠩᠭᠠᠨ ᠠᠳᠤᠭᠤ ᠮᠥᠷ ᠦᠭᠡᠢ
( ᠵᠠᠮᠠᠭ᠂ ᠵᠢᠷᠠᠭᠠᠬᠠᠢ )
ᠮᠣᠭᠠᠢ ᠡᠷᠢᠶᠡᠨ ᠪᠡᠶᠡ ᠲᠡᠢ
ᠮᠣᠳᠣᠨ ᠭᠤᠷᠪᠠᠨ ᠬᠢᠮᠤᠰᠤ ᠲᠠᠢ
( ᠴᠢᠳᠥᠷ )
ᠮᠣᠳᠣᠨ ᠮᠠᠯᠠᠭᠠᠢ ᠲᠠᠢ
ᠲᠡᠮᠦᠷ ᠱᠠᠬᠠᠢ ᠲᠠᠢ
ᠰᠤᠷ ᠪᠦᠰᠡ ᠪᠦᠰᠡᠯᠡᠭᠡᠳ
ᠰᠦᠷᠴᠢᠭᠢᠨᠡᠨ ᠡᠷᠭᠢᠵᠦ
ᠰᠤᠷᠬᠢᠷᠠᠨ ᠨᠠᠭᠠᠳᠤᠨᠠ
( ᠦᠷᠦᠮ )
ᠮᠥᠩᠭᠥᠨ ᠴᠠᠭᠠᠨ ᠴᠡᠴᠡᠭ
ᠦᠷᠡ ᠰᠠᠴᠤᠬᠤ ᠦᠭᠡᠢ
ᠪᠠᠢᠲᠠᠯᠠ ᠪᠠᠨ
ᠡᠪᠦᠯ ᠴᠠᠭ ᠲᠤ ᠳᠡᠯᠭᠡᠷᠡᠨᠡ
( ᠴᠠᠰᠤ )
ᠮᠥᠰᠥᠨ ᠳᠡᠭᠡᠷᠡ
ᠮᠥᠩᠭᠥᠨ ᠠᠶᠠᠭᠠ
( ᠰᠠᠷᠠ )
ᠯᠠ ᠶᠢᠨ ᠠᠢᠮᠠᠭ
ᠯᠠᠮᠠ ᠶᠤᠮ ᠤᠤ ᠭᠡᠬᠦ ᠳ᠋ᠦ᠍ ᠪᠤᠢᠯᠠ ᠲᠠᠢ
ᠲᠡᠮᠡᠭᠡ ᠶᠦᠮ ᠤᠤ ᠭᠡᠬᠦ ᠳ᠋ᠦ᠍ ᠵᠠᠩᠴᠢ ᠲᠠᠢ
( ᠬᠣᠳᠣᠭᠣᠳᠣ ᠲᠠᠢ ᠴᠢᠰᠤ)
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ
2024 04 27