ᠣᠨᠢᠰᠤᠭᠠ – ᠭᠠ ᠶᠢᠨ ᠠᠢᠮᠠᠭ - ᠴᠣ᠂ ᠳᠤᠭᠠᠷᠵᠠᠪ ᠡᠮᠬᠢᠳᠬᠡᠨ ᠨᠠᠢᠷᠠᠭᠤᠯᠪᠠ Оньсого – Гагийн аймаг - Чо ᠂ Дугаржав эмхэтгэн найруулав
2338ᠭᠠ ᠶᠢᠨ ᠠᠢᠮᠠᠭ
ᠭᠠᠩ ᠰᠠᠢᠲᠠᠢ ᠬᠠᠨᠠᠭᠤᠷ ᠢ᠋ᠶ᠋ᠠᠨ ᠡᠮᠦᠨᠡ ᠪᠡᠨ ᠪᠠᠷᠢᠵᠤ
ᠭᠠᠢ ᠲᠠᠢ ᠴᠢᠰᠤᠨ ᠲᠤᠯᠤᠮ ᠢ᠋ᠶ᠋ᠠᠨ ᠠᠷᠤ ᠳ᠋ᠠᠭᠠᠨ ᠡᠭᠦᠷᠴᠦ
ᠭᠠᠰᠠᠯᠠᠩ ᠤ᠋ᠨ ᠭᠤᠨᠢᠭᠲᠤ ᠳᠠᠭᠤᠤ ᠪᠠᠨ ᠭᠢᠩᠰᠢᠨ ᠳᠠᠭᠤᠯᠠᠵᠤ
ᠭᠠᠯᠪᠠ ᠶ᠋ᠢᠨ ᠬᠥᠮᠦᠨ ᠠᠮᠢᠲᠠᠨ ᠢ᠋ ᠠᠮᠤᠷ ᠪᠠᠢᠯᠭᠠᠳᠠᠭ ᠦᠭᠡᠢ
( ᠰᠢᠮᠠᠭᠤᠯ )
ᠭᠠᠩᠭᠠᠩ ᠪᠡᠶᠡ ᠲᠡᠢ
ᠭᠠᠵᠠᠷ ᠳᠣᠣᠭᠤᠷ ᠨᠤᠲᠤᠭ ᠲᠠᠢ
ᠴᠠᠭᠠᠨ ᠪᠦᠷᠬᠡ ᠮᠠᠯᠠᠭᠠᠢ ᠲᠠᠢ
ᠰᠠᠮᠫᠠᠨ ᠤᠯᠠᠭᠠᠨ ᠵᠠᠯᠠᠭᠠ ᠲᠠᠢ
( ᠰᠣᠩᠭᠢᠨᠠ )
ᠭᠠᠭᠴᠠ ᠮᠣᠳᠣ ᠭᠠᠨᠢᠷ ᠭᠠᠨᠢᠷ
ᠭᠠᠵᠠᠷ ᠤᠰᠤ ᠨᠢᠷ ᠨᠢᠷ
( ᠠᠢᠷᠠᠭ ᠪᠦᠯᠢᠬᠦ )
ᠭᠠᠯ ᠳ᠋ᠤ᠌ ᠣᠷᠣᠪᠠᠴᠤ ᠰᠢᠲᠠᠬᠤ ᠦᠭᠡᠢ
ᠤᠰᠤᠨ ᠳ᠋ᠤ᠌ ᠣᠷᠣᠪᠠᠴᠤ ᠨᠣᠷᠬᠤ ᠦᠭᠡᠢ
( ᠰᠡᠭᠦᠳᠡᠷ )
ᠭᠠᠯ ᠳ᠋ᠤ᠌ ᠰᠢᠲᠠᠬᠤ ᠦᠭᠡᠢ
ᠤᠰᠤᠨ ᠳ᠋ᠤ᠌ ᠵᠢᠪᠡᠷᠡᠳᠡᠭ ᠦᠭᠡᠢ
( ᠮᠥᠰᠥ )
ᠭᠠᠯᠪᠠ ᠳ᠋ᠤ᠌ ᠦᠭᠡᠢ ᠬᠤᠯᠠᠭᠠᠢᠴᠢ
ᠭᠠᠵᠠᠷ ᠲᠤ ᠨᠦᠬᠡᠨ ᠭᠡᠷ ᠲᠡᠢ
ᠭᠠᠩ ᠳᠥᠷᠪᠡᠨ ᠰᠣᠶᠣᠭᠠᠨ ᠳ᠋ᠤᠨᠢ
ᠭᠠᠮᠰᠢᠭ ᠲᠠᠷᠢᠬᠤ ᠡᠷᠳᠡᠮ ᠲᠡᠢ
( ᠬᠤᠯᠤᠭᠠᠨᠠ )
ᠭᠠᠵᠠᠷ ᠤ᠋ᠨ ᠭᠠᠳᠠᠰᠤ
ᠭᠠᠭᠴᠠ ᠬᠥᠯ ᠲᠡᠢ ᠶᠤᠸᠠᠮᠪᠤᠤ
( ᠮᠥᠭᠥ )
ᠭᠠᠵᠠᠷ ᠳᠣᠣᠷᠠ
ᠨᠣᠣᠰᠣᠨ ᠲᠦᠯᠬᠢᠭᠦᠷ
( ᠬᠤᠯᠤᠭᠠᠨᠠ )
ᠭᠠᠷ ᠢ᠋ᠶ᠋ᠠᠷ ᠲᠠᠢᠯᠤᠭᠳᠠᠬᠤ ᠦᠭᠡᠢ
ᠭᠠᠢᠬᠠᠮᠰᠢᠭᠲᠤ ᠲᠣᠣᠷ
( ᠠᠭᠠᠯᠵᠢ ᠶ᠋ᠢᠨ ᠲᠣᠣᠷ )
ᠭᠠᠷᠬᠤ ᠨᠢ ᠭᠠᠵᠠᠷ ᠠ᠋ᠴᠠ
ᠭᠠᠯᠵᠠᠭᠤᠷᠠᠬᠤ ᠨᠢ ᠲᠩᠷᠢ ᠡᠴᠡ
ᠦᠭᠡᠢᠷᠡᠬᠦ ᠨᠢ ᠲᠦᠢᠮᠡᠷ ᠡᠴᠡ
ᠦᠬᠦᠯ ᠨᠢ ᠬᠤᠳᠳᠤᠭ ᠠ᠋ᠴᠠ
( ᠬᠠᠮᠬᠤᠤᠯ )
ᠭᠡᠯᠦᠩ ᠦ᠋ᠨ ᠡᠭᠦᠳᠡ ᠭᠡᠷ ᠳᠡᠭᠡᠷᠡ
ᠭᠡᠰᠡᠷ ᠦ᠋ᠨ ᠡᠭᠦᠳᠡ ᠪᠠᠭᠤᠯᠭᠠᠰᠤᠲᠠᠢ
( ᠢᠮᠠᠭᠠᠨ ᠤ᠋ ᠰᠡᠭᠦᠯ᠂ ᠬᠣᠨᠢᠨ ᠤ᠋ ᠰᠡᠭᠦᠯ)
ᠭᠡᠮ ᠦᠭᠡᠢ ᠪᠠᠶᠠᠨ
ᠬᠡᠯᠡ ᠦᠭᠡᠢ ᠰᠡᠴᠡᠨ
( ᠰᠤᠸᠠᠮᠫᠠᠨ )
ᠭᠡᠷ ᠭᠡᠷ ᠦ᠋ᠨ ᠣᠷᠣᠢ ᠳᠡᠭᠡᠷᠡ
ᠬᠥᠬᠡ ᠯᠤᠤ ᠲᠣᠭᠯᠠᠨᠠ
( ᠤᠲᠤᠭᠠ )
ᠭᠡᠷ ᠳᠦᠭᠦᠷᠡᠩ
ᠭᠡᠯᠦᠩ ᠦ᠋ᠨ ᠳᠡᠯᠪᠡᠭ
( ᠬᠠᠨᠠ ᠶ᠋ᠢᠨ ᠨᠢᠳᠦ )
ᠭᠡᠷ ᠦ᠋ᠨ ᠠᠷᠤ ᠳ᠋ᠤ᠌ ᠭᠡᠲᠡᠩ ᠭᠣᠳᠣᠩ
ᠬᠡᠳᠡᠷᠭᠡ ᠰᠥᠭᠡᠷᠭᠦ ᠬᠠᠶᠠᠨ ᠭᠣᠳᠣᠩ
( ᠡᠷᠦᠬᠡ ᠶ᠋ᠢᠨ ᠣᠭᠣᠰᠣᠷ)
ᠭᠣᠳ ᠭᠣᠳ ᠳᠠᠭᠤ ᠲᠠᠢ
ᠭᠣᠶᠣ ᠡᠷᠢᠶᠡᠨ ᠳᠠᠬᠤ ᠲᠠᠢ
ᠬᠥᠪᠴᠢ ᠣᠢ ᠳ᠋ᠤ᠌ ᠨᠤᠲᠤᠭ ᠲᠠᠢ
ᠬᠥᠨᠳᠡᠢ ᠵᠢᠯᠠᠭᠠ ᠳ᠋ᠤ᠌ ᠪᠠᠭᠤᠳᠠᠯ ᠲᠠᠢ
( ᠭᠤᠷᠭᠤᠤᠯ )
ᠭᠣᠶᠣ ᠨᠢ ᠨᠠᠭᠠᠨᠠ ᠪᠠᠨ
ᠭᠣᠨᠵᠣᠭᠣᠷ ᠨᠢ ᠴᠠᠭᠠᠨᠠ ᠪᠠᠨ
( ᠢᠰᠡᠭᠡᠢ ᠳᠡᠷᠡ )
ᠭᠤᠨᠠᠨ ᠪᠡᠢᠰᠡ ᠶ᠋ᠢᠨ ᠬᠡᠦᠬᠡᠨ
ᠭᠤᠷᠪᠠᠨ ᠥᠩᠭᠡ ᠶ᠋ᠢᠨ ᠳᠤᠷᠳᠤᠩ
( ᠴᠠᠭᠠᠨ ᠮᠢᠬᠠ )
ᠭᠤᠨᠠᠨ ᠦᠬᠡᠷ ᠦ᠋ᠨ ᠬᠠ ᠶ᠋ᠢ
ᠭᠤᠷᠪᠠᠨ ᠵᠢᠯ ᠢᠳᠡᠭᠡᠳ ᠪᠠᠷᠠᠭᠰᠠᠨ ᠦᠭᠡᠢ
( ᠬᠢᠲᠤᠭᠠ ᠪᠢᠯᠡᠭᠦᠳᠡᠬᠦ )
ᠭᠦᠨ ᠠᠪᠳᠠᠷᠠ
ᠶᠸᠩ ᠴᠣᠣᠵᠢ ᠲᠠᠢ
( ᠬᠥᠮᠦᠨ ᠦ᠌ ᠰᠠᠨᠠᠭᠠ )
ᠭᠦᠨ ᠬᠤᠳᠳᠤᠭ ᠲᠤ
ᠭᠦᠷᠦᠮᠡᠯ ᠮᠣᠭᠠᠢ
( ᠴᠢᠭᠲᠠᠭᠠ )
ᠭᠦᠨ ᠬᠤᠳᠳᠤᠭ ᠲᠤ
ᠬᠥᠩᠬᠥᠷ ᠤᠯᠠᠭᠠᠨ ᠰᠢᠪᠠᠭᠤ
( ᠵᠢᠷᠦᠬᠡ )
ᠭᠦᠶᠦᠨ ᠭᠦᠶᠦᠨ ᠰᠢᠷᠠᠭᠴᠢᠨ
ᠭᠦᠢᠴᠡᠭᠳᠡᠬᠦ ᠦᠭᠡᠢ ᠰᠢᠷᠠᠭᠴᠢᠨ
ᠪᠠᠷᠠ ᠶᠡᠬᠡᠲᠡᠢ ᠰᠢᠷᠠᠭᠴᠢᠨ
ᠪᠠᠷᠢᠭᠳᠠᠬᠤ ᠦᠭᠡᠢ ᠰᠢᠷᠠᠭᠴᠢᠨ
( ᠵᠡᠷᠭᠡᠯᠭᠡᠨ )
ᠭᠦᠶᠦᠬᠦ ᠦᠭᠡᠢ ᠴᠡᠯᠴᠡᠭᠡ
ᠭᠦᠵᠡᠭᠡ ᠦᠭᠡᠢ ᠴᠡᠯᠴᠡᠭᠡ
ᠶᠠᠪᠤᠬᠤ ᠦᠭᠡᠢ ᠴᠡᠯᠴᠡᠭᠡ
ᠶᠠᠰᠤ ᠦᠭᠡᠢ ᠴᠡᠯᠴᠡᠭᠡ
( ᠬᠤᠪᠢᠯᠵᠠ )
ᠭᠦᠶᠦᠮᠡᠯ ᠰᠢᠷᠡᠭᠡ ᠰᠠᠭᠤᠮᠠᠯ ᠪᠤᠷᠬᠠᠨ
( ᠮᠣᠷᠢᠲᠠᠢ ᠬᠥᠮᠦᠨ )
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ
2024 04 25