ᠣᠨᠢᠰᠤᠭᠠ – ᠬᠥ᠋ ᠂ ᠬᠦ᠋ ᠶᠢᠨ ᠠᠢᠮᠠᠭ - ᠴᠣ᠂ ᠳᠤᠭᠠᠷᠵᠠᠪ ᠡᠮᠬᠢᠳᠬᠡᠨ ᠨᠠᠢᠷᠠᠭᠤᠯᠪᠠ Оньсого – Хө ᠂ Хүгийн аймаг - Чо ᠂ Дугаржав эмхэтгэн найруулав
2147ᠬᠥ᠋ ᠂ ᠬᠦ᠋ ᠶᠢᠨ ᠠᠢᠮᠠᠭ
ᠬᠥᠨᠳᠡᠢ ᠮᠣᠳᠣᠨ ᠰᠠᠬᠢᠭᠤᠯ
ᠬᠥᠮᠦᠨ ᠢᠷᠡᠬᠦ ᠳ᠋ᠦ᠍ ᠬᠥᠳᠡᠯᠬᠦ ᠦᠭᠡᠢ
ᠦᠨᠡᠨ ᠡᠵᠡᠨ ᠨᠢ ᠢᠷᠡᠪᠡᠯ
ᠥᠨᠳᠡᠰᠬᠢᠭᠡᠳ ᠪᠣᠰᠤᠨᠠ
( ᠣᠨᠢᠰᠣ )
ᠬᠥᠨᠳᠡᠢ ᠮᠣᠳᠣᠨ ᠳ᠋ᠤ᠌
ᠬᠥᠬᠡ ᠴᠢᠨᠣᠠ
( ᠬᠢᠲᠤᠭᠠ )
ᠬᠥᠬᠡ ᠦᠨᠡᠭᠡᠨ ᠮᠠᠯᠠᠭᠠᠢ ᠪᠠᠨ ᠰᠡᠬᠦᠨ ᠰᠡᠬᠦᠨ ᠢᠨᠢᠶᠡᠪᠡ
ᠬᠦᠵᠦᠭᠦᠦ ᠰᠡᠭᠡᠷ ᠬᠣᠶᠠᠷ ᠢ᠋ᠶ᠋ᠠᠨ ᠴᠣᠬᠢᠨ ᠴᠣᠬᠢᠨ ᠢᠨᠢᠶᠡᠪᠡ
ᠰᠢᠷᠠ ᠦᠨᠡᠭᠡᠨ ᠮᠠᠯᠠᠭᠠᠢ ᠪᠠᠨ ᠰᠡᠬᠦᠨ ᠰᠡᠬᠦᠨ ᠢᠨᠢᠶᠡᠪᠡ
ᠴᠢᠷᠠᠢ ᠬᠦᠵᠦᠭᠦᠦ ᠬᠣᠶᠠᠷ ᠢ᠋ᠶ᠋ᠠᠨ ᠴᠣᠬᠢᠨ ᠴᠣᠬᠢᠨ ᠢᠨᠢᠶᠡᠪᠡ
( ᠰᠢᠷᠠ ᠰᠢᠪᠠᠭᠤ )
ᠬᠥᠬᠡ ᠲᠩᠷᠢ ᠬᠦᠮᠪᠡᠯᠵᠡᠭᠡᠳ
ᠬᠥᠨᠳᠡᠢ ᠮᠣᠳᠣ ᠨᠠᠬᠢᠯᠵᠠᠪᠠ
( ᠵᠠᠪᠢ )
ᠬᠥᠬᠡ ᠢᠮᠠᠭᠠᠨ ᠳᠠᠬᠤ ᠲᠠᠢ
ᠬᠥᠬᠡ ᠪᠤᠷᠴᠠᠭ ᠨᠢᠳᠦ ᠲᠡᠢ
( ᠲᠠᠭᠲᠠᠭᠠ )
ᠬᠥᠬᠡ ᠪᠤᠬᠠᠨ ᠳᠡᠭᠡᠷᠡ
ᠲᠦᠮᠡᠨ ᠴᠡᠴᠡᠭ ᠠᠴᠢᠭᠠᠳ
ᠲᠣᠪᠳᠤᠨ ᠭᠡᠷᠡᠯ ᠨᠢ ᠬᠥᠲᠥᠯᠦᠭᠡ
ᠰᠠᠩᠵᠠᠢ ᠭᠡᠷᠡᠯ ᠨᠢ ᠳᠠᠭᠠᠭᠠ
( ᠲᠩᠷᠢ᠂ ᠣᠳᠣ᠂ ᠨᠠᠷᠠ᠂ ᠰᠠᠷᠠ)
ᠬᠥᠬᠡ ᠬᠣᠨᠢ
ᠬᠡᠪᠲᠡᠭᠡ ᠪᠡᠷ ᠢ᠋ᠶ᠋ᠡᠨ ᠲᠠᠷᠭᠤᠯᠠᠨᠠ
( ᠦᠨᠡᠰᠦ )
ᠬᠥᠬᠥ ᠶ᠋ᠢ ᠨᠢ ᠮᠥᠮᠥᠭᠡᠳ
ᠬᠦᠢᠰᠦ ᠶ᠋ᠢ ᠨᠢ ᠰᠢᠷᠠᠨᠠ
( ᠭᠠᠩᠰᠠ ᠪᠠᠷ ᠲᠠᠮᠠᠬᠢ ᠲᠠᠲᠠᠬᠤ)
ᠬᠥᠭᠡᠷᠦᠬᠦᠨ ᠬᠡᠦᠬᠡᠨ
ᠬᠥᠪᠥᠩ ᠪᠣᠭᠣᠳᠠᠯ ᠲᠠᠢ
( ᠪᠥᠭᠡᠷᠡ )
ᠬᠥᠯ ᠦᠭᠡᠢ ᠪᠠᠢᠭᠠᠳ ᠶᠠᠪᠤᠳᠠᠭ
ᠨᠢᠳᠦ ᠦᠭᠡᠢ ᠪᠠᠢᠭᠠᠳ ᠤᠬᠢᠯᠠᠳᠠᠭ
( ᠡᠭᠦᠯᠡ᠂ ᠪᠣᠷᠣᠭᠠᠨ )
ᠬᠥᠯ ᠦᠭᠡᠢ ᠭᠦᠶᠦᠭᠴᠢ
ᠬᠦᠷᠵᠡ ᠦᠭᠡᠢ ᠮᠠᠯᠲᠠᠭᠴᠢ
( ᠦᠶᠡᠷ )
ᠬᠥᠯ ᠦᠭᠡᠢ ᠲᠠᠬᠢᠶᠠ
ᠬᠥᠰᠡᠷ ᠬᠡᠪᠲᠡᠨᠡ
ᠬᠦᠢᠲᠡᠨ ᠤᠰᠤ ᠤᠤᠭᠤᠭᠠᠳ
ᠪᠤᠴᠠᠯᠤᠭᠰᠠᠨ ᠤᠰᠤ ᠪᠠᠷ ᠪᠥᠭᠡᠯᠵᠢᠨᠡ
( ᠳᠡᠪᠦᠷᠡ )
ᠬᠥᠮᠦᠨ ᠪᠦᠭᠦᠳᠡ ᠶ᠋ᠢᠨ ᠭᠡᠳᠡᠰᠦ
ᠤᠷᠲᠤ ᠪᠠᠨ ᠪᠠᠢᠬᠤ ᠳ᠋ᠤ᠌
ᠵᠤᠩᠬᠤᠷ ᠵᠣᠢᠨᠠ ᠶ᠋ᠢᠨ ᠭᠡᠳᠡᠰᠦ
ᠠᠷᠤ ᠳ᠋ᠠᠭᠠᠨ
( ᠬᠥᠯ ᠦ᠋ᠨ ᠪᠤᠯᠴᠢᠩ )
ᠬᠥᠮᠦᠨ ᠬᠥᠮᠦᠨ ᠬᠦᠷᠢᠶᠡᠯᠡᠪᠡ
ᠬᠦᠷᠡᠩ ᠠᠵᠢᠷᠭᠠ ᠵᠢᠷᠣᠭᠠᠯᠠᠪᠠ
( ᠴᠠᠢ ᠪᠤᠴᠠᠯᠬᠤ )
ᠬᠥᠮᠦᠨ ᠰᠢᠭ ᠮᠢᠬᠠ ᠢᠳᠡᠭᠡᠳ
ᠬᠦᠷᠡᠯ ᠰᠢᠭ ᠨᠦᠬᠡᠨ ᠳ᠋ᠦ᠍ ᠣᠷᠣᠨᠠ
( ᠬᠢᠲᠤᠭᠠ )
ᠬᠥᠮᠦᠨ ᠭᠡᠬᠦ ᠳ᠋ᠦ᠍ ᠬᠦᠵᠦᠭᠦᠦ ᠦᠭᠡᠢ
ᠬᠦᠬᠦᠷ ᠭᠡᠬᠦ ᠳ᠋ᠦ᠍ ᠢᠷᠣᠭᠠᠯ ᠦᠭᠡᠢ
( ᠳᠡᠪᠡᠯ )
ᠬᠥᠮᠥᠰᠬᠡ ᠶ᠋ᠢ ᠨᠢ ᠲᠠᠲᠠᠵᠤ
ᠨᠢᠳᠦ ᠶ᠋ᠢ ᠨᠢ ᠣᠩᠭᠣᠢᠯᠭᠠᠬᠤ
( ᠱᠦᠭᠦᠢ ᠨᠡᠭᠡᠭᠡᠬᠦ )
ᠬᠥᠳᠡᠭᠡ ᠭᠠᠭᠴᠠ ᠭᠠᠷᠬᠢ
( ᠪᠠᠭᠤᠴᠠ )
ᠬᠥᠳᠡᠭᠡ ᠳ᠋ᠦ᠍ ᠬᠥᠬᠡ ᠲᠣᠭᠣᠷᠢᠮ
( ᠨᠠᠭᠤᠷ )
ᠬᠦ᠊ 7
ᠬᠦᠨᠡᠰᠦ ᠦᠭᠡᠢ ᠴᠡᠷᠢᠭ
ᠰᠦᠨᠡᠰᠦ ᠦᠭᠡᠢ ᠳᠠᠢᠯᠠᠯᠳᠤᠨᠠ
( ᠰᠢᠳᠡᠷᠡ ᠲᠠᠯᠪᠢᠬᠤ )
ᠬᠦᠵᠦᠭᠦᠦ ᠦᠭᠡᠢ ᠲᠡᠮᠡᠭᠡ
ᠲᠠᠯᠠ ᠶ᠋ᠢᠨ ᠡᠪᠡᠰᠦ ᠪᠠᠷᠠᠨᠠ
( ᠲᠦᠢᠮᠡᠷ )
ᠬᠦᠷᠡᠩ ᠮᠣᠷᠢ ᠬᠦᠳᠡᠷ ᠴᠢᠳᠥᠷ ᠲᠡᠢ
( ᠴᠣᠣᠵᠢ ᠲᠠᠢ ᠠᠪᠳᠠᠷᠠ )
ᠬᠦᠷᠡᠩ ᠦᠬᠡᠷ ᠬᠦᠳᠡᠰ ᠬᠢᠨᠡ
ᠬᠦᠵᠦᠭᠦᠦ ᠰᠡᠭᠡᠷ ᠢ᠋ᠶ᠋ᠡᠨ ᠠᠭᠵᠠᠰ ᠬᠢᠨᠡ
ᠠᠪᠤ ᠶ᠋ᠢᠨ ᠬᠦᠦ ᠠᠯᠴᠠᠰ ᠬᠢᠨᠡ
ᠠᠯᠠᠨ ᠳᠣᠣᠷᠠ ᠪᠠᠨ ᠴᠠᠪᠴᠢᠰ ᠬᠢᠨᠡ
(ᠲᠠᠷᠢᠶᠠ ᠲᠠᠷᠢᠬᠤ )
ᠬᠦᠷᠡᠭᠴᠢ ᠦᠨᠢᠶᠡ
ᠥᠷᠯᠥᠭᠡ ᠪᠣᠯᠭᠠᠨ ᠨᠡᠢᠯᠡᠨᠡ
( ᠲᠣᠪᠴᠢ ᠲᠣᠪᠴᠢᠯᠠᠬᠤ )
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ
2024 04 23