ᠣᠨᠢᠰᠤᠭᠠ – ᠬᠡ ᠂ ᠬᠢ ᠂ ᠬᠣ ᠂ ᠬᠤ ᠶᠢᠨ ᠠᠢᠮᠠᠭ - ᠴᠣ᠂ ᠳᠤᠭᠠᠷᠵᠠᠪ ᠡᠮᠬᠢᠳᠬᠡᠨ ᠨᠠᠢᠷᠠᠭᠤᠯᠪᠠ Оньсого – Хэ Хи Хо Хугийн аймаг - Чо ᠂ Дугаржав эмхэтгэн найруулав
3172ᠬᠡ ᠂ ᠬᠢ ᠂ ᠬᠣ ᠂ ᠬᠤ ᠶᠢᠨ ᠠᠢᠮᠠᠭ
ᠬᠡᠭᠡᠷ ᠮᠣᠷᠢ ᠨᠢ ᠬᠥᠪᠦᠨ ᠵᠢᠷᠣᠭᠠ
ᠬᠥᠪᠦᠭᠰᠡᠨ ᠭᠥᠯᠢᠮ ᠨᠢ ᠳ᠋ᠡᠭᠡᠨ ᠵᠢᠷᠣᠭᠠ
ᠨᠠᠢ᠍ᠮᠠᠨ ᠭᠠᠨᠵᠤᠭᠠ ᠨᠢ ᠨᠠᠩᠬᠠᠨ ᠵᠢᠷᠣᠭᠠ
ᠨᠠᠷᠢᠨ ᠲᠠᠰᠢᠭᠤᠷ ᠨᠢ ᠳ᠋ᠡᠭᠡᠨ ᠵᠢᠷᠣᠭᠠ
( ᠭᠤᠷᠭᠤᠤᠯ )
ᠬᠡᠦᠬᠡᠳ ᠪᠠᠢᠬᠤ ᠠ᠋ᠴᠠ ᠵᠡᠭᠦᠭᠰᠡᠨ ᠬᠣᠩᠬᠤᠨᠡ
ᠬᠥᠮᠦᠨ ᠪᠣᠯᠭᠠᠨ ᠳ᠋ᠤ᠌ ᠮᠢᠨᠦ ᠰᠤᠷᠠᠭ ᠢ᠋ ᠭᠠᠷᠭᠠᠨᠠ
( ᠨᠡᠷᠡ )
ᠬᠡᠯᠡ ᠪᠦᠬᠦᠨ ᠢ᠋ᠶ᠋ᠡᠷ ᠶᠠᠷᠢᠳᠠᠭ
ᠬᠡᠨ ᠪᠦᠬᠦᠨ ᠢ᠋ ᠳᠠᠭᠤᠷᠢᠶᠠᠳᠠᠭ
( ᠴᠤᠤᠷᠢᠶᠠ )
ᠬᠡᠷᠡᠮ ᠳᠡᠭᠡᠷᠡ ᠬᠡᠪᠲᠡᠭᠡ ᠯᠤᠤ
( ᠬᠥᠮᠥᠰᠬᠡ )
ᠬᠡᠷᠦᠯᠦᠨ ᠭᠣᠣᠯ ᠤ᠋ᠨ ᠬᠥᠪᠡᠭᠡᠨ ᠳᠡᠭᠡᠷᠡ
ᠬᠦᠷᠡᠩ ᠰᠢᠪᠠᠭᠤ ᠥᠨᠳᠡᠭᠡᠯᠡᠪᠡ
ᠬᠥᠮᠦᠨ ᠠᠮᠢᠲᠠᠨ ᠬᠠᠪᠢᠳᠠᠬᠤ ᠦᠭᠡᠢ
ᠬᠣᠶᠠᠷ ᠬᠤᠤᠱᠠᠩ ᠯᠠ ᠬᠠᠪᠢᠳᠠᠪᠠ
( ᠭᠠᠯ ᠤ᠋ᠨ ᠬᠠᠢᠴᠢ )
ᠬᠢ
ᠬᠢᠲᠠᠳ ᠡᠮᠴᠢ ᠬᠢᠯᠭᠠᠰᠤᠨ ᠬᠠᠨᠠᠭᠤᠷ ᠲᠠᠢ
( ᠰᠢᠮᠠᠭᠤᠯ )
ᠬᠣ 4
ᠬᠣᠢᠨᠠ ᠠ᠋ᠴᠠ ᠢᠷᠡᠭᠰᠡᠨ ᠬᠣᠢᠪᠤᠭᠡ ᠨᠣᠶᠠᠨ
ᠬᠣᠶᠠᠷ ᠬᠥᠯ ᠨᠢ ᠵᠢᠷᠣᠭᠠ ᠨᠣᠶᠠᠨ
( ᠠᠯᠠᠭᠳᠠᠭᠠ )
ᠬᠣᠢᠨᠠ ᠠ᠋ᠴᠠ ᠢᠷᠡᠭᠰᠡᠨ ᠳᠥᠷᠪᠡᠨ ᠨᠣᠶᠠᠨ ᠤ᠋
ᠬᠣᠶᠠᠷ ᠨᠢ ᠳᠠᠬᠤ ᠲᠠᠢ ᠬᠣᠶᠠᠷ ᠨᠢ ᠳᠠᠬᠤ ᠦᠭᠡᠢ
( ᠴᠢᠬᠢ᠂ ᠡᠪᠡᠷ )
ᠬᠣᠢᠨᠠ ᠠ᠋ᠴᠠ ᠢᠷᠡᠭᠰᠡᠨ ᠬᠣᠪᠴᠢ ᠨᠣᠶᠠᠨ
ᠬᠣᠶᠠᠷ ᠬᠥᠯ ᠨᠢ ᠵᠢᠷᠣᠭᠠ ᠨᠣᠶᠠᠨ
( ᠱᠠᠭᠠᠵᠠᠭᠠᠢ )
ᠬᠣᠢᠨᠠ ᠠ᠋ᠴᠠ ᠢᠷᠡᠭᠰᠡᠨ ᠬᠣᠪᠳᠣᠭ ᠲᠠᠢᠵᠢ
ᠬᠣᠶᠠᠷ ᠴᠢᠬᠢ ᠨᠢ ᠳᠡᠯᠳᠡᠩ ᠲᠠᠢᠵᠢ
ᠡᠨᠡ ᠬᠠᠭᠠᠨ ᠳ᠋ᠤ᠌ ᠪᠠᠢᠳᠠᠭ ᠦᠭᠡᠢ ᠲᠠᠢᠵᠢ
ᠡᠷᠯᠢᠭ ᠬᠠᠭᠠᠨ ᠳ᠋ᠤ᠌ ᠨᠡᠷᠡᠲᠡᠢ ᠲᠠᠢᠵᠢ
( ᠴᠢᠨᠣᠠ )
ᠬᠣᠨᠢ ᠨᠢ ᠬᠠᠷᠠ ᠬᠣᠲᠠ ᠨᠢ ᠴᠠᠭᠠᠨ
( ᠦᠰᠦᠭ᠂ ᠴᠠᠭᠠᠰᠤ )
ᠬᠣᠩ ᠬᠣᠩ ᠳᠠᠭᠤ ᠲᠠᠢ
ᠬᠣᠨᠳᠣᠯᠠᠢ ᠳᠡᠭᠡᠷᠡ ᠪᠡᠨ ᠰᠠᠭᠠᠳᠠᠭ ᠲᠠᠢ
( ᠨᠣᠬᠠᠢ )
ᠬᠣᠩᠬᠣᠷ ᠤ᠋ᠨ ᠬᠣᠨᠢ ᠶ᠋ᠢ
ᠪᠣᠩᠬᠣᠷ ᠬᠤᠴᠠ ᠪᠤᠲᠠ ᠮᠥᠷᠭᠥᠪᠡ
( ᠴᠠᠢ ᠨᠦᠳᠦᠬᠦ )
ᠬᠣᠭᠣᠯᠠᠢ ᠦᠭᠡᠢ ᠪᠠᠢᠭᠠᠳ ᠳᠠᠭᠤ ᠲᠠᠢ
ᠰᠣᠨᠣᠰᠬᠤ ᠦᠭᠡᠢ ᠪᠠᠢᠭᠠᠳ ᠴᠢᠬᠢ ᠲᠡᠢ
ᠰᠣᠬᠣᠷ ᠪᠠᠢᠭᠠᠳ ᠨᠢᠳᠦ ᠲᠡᠢ
ᠰᠤᠮᠤ ᠦᠭᠡᠢ ᠪᠠᠢᠭᠠᠳ ᠨᠤᠮᠤ ᠲᠠᠢ
( ᠮᠣᠷᠢᠨ ᠬᠤᠭᠤᠷ )
ᠬᠣᠲᠠ ᠢᠷᠡᠪᠡ ᠰᠢᠳᠦ ᠦᠭᠡᠢ
ᠬᠤᠷᠠᠭᠠ ᠠᠯᠠᠪᠠ ᠶᠠᠰᠤ ᠦᠭᠡᠢ
( ᠬᠡᠦᠬᠡᠳ᠂ ᠮᠥᠮᠥ )
ᠬᠣᠲᠠ ᠨᠢ ᠬᠣᠩᠬᠣᠷ
ᠬᠣᠨᠢ ᠨᠢ ᠢᠷᠵᠠᠭᠠᠷ
ᠬᠤᠴᠠ ᠨᠢ ᠮᠥᠷᠭᠥᠯᠳᠦᠳᠡᠭ
( ᠴᠠᠢ ᠨᠦᠳᠦᠬᠦ )
ᠬᠣᠲᠠᠨ ᠳᠣᠲᠣᠷᠠ
ᠬᠣᠶᠠᠷ ᠮᠥᠩᠭᠥᠨ ᠭᠠᠳᠠᠰᠤ
( ᠬᠣᠨᠢᠨ ᠤ᠋ ᠬᠥᠬᠥ )
ᠬᠣᠲᠠᠨ ᠳᠣᠲᠣᠷᠠ ᠬᠣᠷᠴᠢᠭᠢᠷ ᠰᠠᠭᠠᠳᠠᠭ
( ᠬᠣᠨᠢᠨ ᠤ᠋ ᠡᠪᠡᠷ )
ᠬᠣᠳᠤᠭᠤᠢᠳᠦ ᠶ᠋ᠢᠨ ᠦᠬᠡᠷ ᠬᠣᠨᠳᠣᠯᠠᠢ ᠴᠠᠭᠠᠨ
ᠡᠲᠡᠭᠡᠳ ᠦ᠋ᠨ ᠦᠬᠡᠷ ᠡᠯᠢᠭᠡ ᠴᠠᠭᠠᠨ
( ᠭᠥᠷᠥᠭᠡᠰᠦ )
ᠬᠣᠶᠠᠷ ᠠᠢᠯ ᠨᠢᠭᠡ ᠰᠢᠯᠡᠭᠡᠪᠦᠷ ᠲᠡᠢ
( ᠦᠬᠡᠷ ᠦ᠋ᠨ ᠬᠡᠯᠡ᠂ ᠬᠠᠮᠠᠷ)
ᠬᠣᠶᠠᠷ ᠬᠤᠳᠳᠤᠭ ᠠᠳᠠᠯᠢᠬᠠᠨ ᠭᠦᠨ
ᠬᠠᠷᠠᠢᠭᠠᠳ ᠣᠷᠣᠪᠠᠯ ᠪᠦᠰᠡᠯᠡᠭᠦᠷ ᠴᠢᠨᠡᠭᠡ
( ᠥᠮᠥᠳᠥ ᠡᠮᠦᠰᠬᠦ )
ᠬᠣᠶᠠᠷ ᠠᠭᠤᠯᠠ ᠶ᠋ᠢᠨ ᠬᠣᠭᠣᠷᠣᠨᠳᠣ
ᠬᠣᠷᠭᠣᠯ ᠤ᠋ᠨ ᠫᠤᠤ ᠪᠠᠷ ᠫᠤᠤᠳᠠᠯᠴᠠᠪᠠ
ᠬᠣᠷᠴᠢᠨ ᠸᠠᠩ ᠤ᠋ᠨ ᠲᠡᠭᠡᠭᠡᠨ
ᠨᠠᠷᠪᠠᠭᠠᠨ ᠨᠠᠷᠪᠠᠭᠠᠨ ᠴᠣᠬᠢᠭᠤᠯᠪᠠ
( ᠳᠠᠮᠠᠷᠤ ᠳᠠᠮᠠᠷᠤᠳᠠᠬᠤ )
ᠬᠣᠶᠠᠷ ᠯᠠᠮᠠ ᠲᠢᠶᠠᠨ ᠳ᠋ᠤ᠌ ᠰᠠᠭᠤᠪᠠ
ᠨᠢᠭᠡ ᠯᠠᠮᠠ ᠢᠯᠠᠭᠠ ᠦᠷᠭᠦᠭᠡᠪᠡ
ᠳᠥᠷᠪᠡᠨ ᠯᠠᠮᠠ ᠰᠢᠪᠡᠷ ᠨᠤᠬᠤᠪᠠ
( ᠲᠡᠮᠡᠭᠡᠨ ᠦ᠌ ᠪᠦᠬᠦ᠂ ᠰᠡᠭᠦᠯ᠂ ᠲᠠᠪᠠᠭ)
ᠬᠣᠶᠠᠷ ᠪᠠᠢᠰᠢᠩ ᠨᠢᠭᠡ ᠲᠤᠯᠭᠠᠭᠤᠷᠢ ᠲᠠᠢ
( ᠬᠠᠮᠠᠷ )
ᠬᠣᠶᠠᠷ ᠮᠣᠭᠠᠢ ᠨᠢᠭᠡ ᠨᠦᠬᠡ ᠪᠡᠷ
ᠬᠣᠶᠠᠷ ᠲᠠᠢᠰᠢ ᠪᠠᠨ ᠭᠤᠯᠭᠤᠨᠠ
( ᠭᠤᠲᠤᠯ ᠤᠯᠠᠯᠠᠬᠤ )
ᠬᠣᠶᠠᠷ ᠤᠯᠠᠭᠠᠨ ᠪᠢᠷᠠᠭᠤ
ᠬᠣᠯᠪᠣᠭᠠ ᠲᠠᠢ ᠮᠥᠷᠲᠡᠭᠡᠨ ᠨᠡᠮᠨᠡᠭᠡ ᠲᠡᠢ
( ᠪᠥᠭᠡᠷᠡ )
ᠬᠤᠷ ᠬᠤᠷ ᠬᠤᠷᠳᠤᠨ
ᠬᠤᠪᠠᠬᠠᠢ ᠶᠠᠨᠳᠠᠨ
ᠬᠡᠭᠡᠷᠡ ᠶ᠋ᠢᠨ ᠴᠢᠳᠬᠥᠷ
ᠬᠥᠭᠡᠷᠦᠬᠦᠢ ᠪᠦᠯᠲᠡᠭᠡᠷ
( ᠲᠠᠤᠯᠠᠢ )
ᠬᠤᠷ ᠰᠢᠷ ᠴᠢᠮᠡᠭᠡ ᠲᠡᠢ
ᠬᠣᠶᠠᠷ ᠲᠠᠯᠠ ᠳ᠋ᠠᠭᠠᠨ ᠴᠢᠬᠢ ᠲᠡᠢ
ᠣᠴᠢᠵᠤ ᠢᠷᠡᠬᠦ ᠨᠢ ᠲᠦᠷᠭᠡᠨ
ᠡᠯᠢᠭᠡ ᠪᠡᠷ ᠢ᠋ᠶ᠋ᠡᠨ ᠢᠳᠡᠳᠡᠭ
ᠨᠢᠷᠤᠭᠤ ᠪᠠᠷ ᠢ᠋ᠶ᠋ᠠᠨ ᠪᠠᠭᠠᠳᠠᠭ
( ᠬᠠᠷᠤᠭᠤᠯ )
ᠬᠣᠷᠢᠨ ᠬᠣᠨᠢ ᠬᠣᠯᠪᠣᠭᠠ ᠲᠠᠢ
ᠬᠣᠲᠣᠭᠣᠷ ᠤᠯᠠᠭᠠᠭᠴᠢᠨ ᠰᠣᠢᠯᠲᠠ ᠲᠠᠢ
( ᠰᠢᠲᠦ᠂ ᠪᠤᠢᠯᠠ )
ᠬᠣᠷᠭᠣᠯ ᠤ᠋ᠨ ᠴᠢᠨᠡᠭᠡᠨ ᠲᠣᠭᠣᠭᠠᠨ ᠳ᠋ᠤ᠌
ᠬᠣᠣᠷ ᠪᠤᠴᠠᠯᠭᠠᠨᠠ
( ᠭᠠᠩᠰᠠ ᠪᠠᠷ ᠲᠠᠮᠠᠬᠢ ᠲᠠᠲᠠᠬᠤ)
ᠬᠤ 5
ᠬᠤᠯᠤᠰᠤᠨ ᠳᠤᠭᠠᠩ ᠳᠣᠲᠣᠷᠠ
ᠬᠤᠯᠤᠩᠰᠤ ᠲᠠᠢ ᠯᠠᠮᠠ ᠨᠠᠷ
ᠬᠤᠷᠠᠯ ᠬᠤᠷᠠᠨᠠ
( ᠪᠤᠤᠰᠠ ᠵᠢᠩᠨᠡᠬᠦ )
ᠬᠤᠳᠳᠤᠭ ᠳᠡᠭᠡᠷᠡ ᠬᠣᠪ ᠴᠢᠳᠬᠥᠷ
( ᠬᠣᠪᠣᠭᠣ )
ᠬᠤᠳᠳᠤᠭ ᠳᠡᠭᠡᠷᠡ ᠬᠤᠭᠳᠠᠬᠠᠢ
ᠬᠤᠷᠤᠭᠤ ᠴᠠᠭᠠᠨ ᠳᠡᠭᠳᠡᠭᠡᠬᠡᠢ
ᠨᠤᠲᠤᠭ ᠳᠡᠭᠡᠭᠦᠷ ᠨᠤᠭᠳᠠᠬᠠᠢ
ᠨᠢᠷᠤᠭᠤ ᠴᠠᠭᠠᠨ ᠳᠡᠭᠳᠡᠭᠡᠬᠡᠢ
( ᠠᠯᠠᠭᠳᠠᠭᠠ )
ᠬᠤᠶᠠᠭ ᠪᠠᠢᠭᠠᠳ ᠳᠤᠭᠤᠯᠠᠭᠠ ᠦᠭᠡᠢ
ᠨᠢᠳᠦ ᠪᠠᠢᠭᠠᠳ ᠬᠥᠮᠥᠰᠬᠡ ᠦᠭᠡᠢ
ᠵᠢᠭᠦᠷ ᠪᠠᠢᠭᠠᠳ ᠨᠢᠰᠬᠦ ᠦᠭᠡᠢ
ᠬᠥᠯ ᠦᠭᠡᠢ ᠪᠠᠢᠭᠠᠳ ᠭᠦᠶᠦᠵᠦ ᠴᠢᠳᠠᠨᠠ
( ᠵᠢᠭᠠᠰᠤ)
ᠬᠤᠸᠠᠭᠴᠢ ᠭᠡᠭᠦᠦ ᠮᠣᠳᠣᠨ ᠬᠠᠰᠢᠶᠠ ᠲᠠᠢ
( ᠬᠡᠯᠡ᠂ ᠰᠢᠳᠦ)
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ
2024 04 23